Ձեր վստահելի աղբյուրը

Հյուսիսային Կորեան «անհայտ հրթիռ» է արձակել, որը, ըստ երևույթին, անհաջողության է մատնվել արձակումից անմիջապես հետո: Լուրը հայտնել են Հարավային Կորեայի զինվորականները: Ենթադրյալ հրթիռն արձակվել է մայրաքաղաք Փհենյանի մոտ գտնվող օդանավակայանից:

Աղբյուր՝ bbc.com

Լոնդոնի «Չելսին» համաձայնել է «Միդլսբրոյի» դեմ արտագնա խաղին Անգլիայի գավաթի քառորդ եզրափակչում և չեղարկել է դատարկ մարզադաշտում խաղալու իր խնդրանքը:Այս մասին ասվում է Անգլիայի ֆուտբոլային ասոցիացիայի (FA) մամուլի ծառայության հաղորդագրությունում, որը մեջբերում է Չելսիի պաշտոնական Twitter-ը: «Միդլսբրո» - «Չելսի» հանդիպումը կկայանա շաբաթ օրը՝ մարտի 19-ին, «Միդլսբրոյի» խաղադաշտում:

Աղբյուր՝ sportrbc.ru

«Կամպ Նոու» ֆուտբոլային  մարզադաշտը այսուհետ պաշտոնապես կկոչվի «Սփոթիֆայ Նոու Կամպ»: Իր փառավոր 65-ամյա պատմության մեջ առաջին անգամ մարզադաշտը կվերանվանվի: Երաժշտական հոսքային ծառայության հսկայի հետ գործարքը ուժի մեջ կմտնի հաջորդ սեզոնի համար: Spotify-ի տարբերանշանը նույնպես կհայտնվի ինչպես տղամարդկանց, այնպես էլ կանացի վերնաշապիկների առջևի մասում:

Աղբյուր՝ dailymail.co.uk

Դիետոլոգ Ելենա Սոլոմատինան խորհուրդ է տվել ուշադրություն դարձնել որոշ մթերքների վրա և ավելի շատ ջուր խմել՝ սթրեսն ու բացասական հույզերը հաղթահարելու համար: Մասնագետը փաստել է, որ սթրեսային շրջանում սովորաբար մեծանում է մագնեզիումի և B խմբի վիտամինների կարիքը: «Պակասը կարելի է լրացնել՝ սննդակարգում ներառելով հնդկաձավար, ընկուզղեն և սերմեր: Օրգանիզմին նպաստում են նաև օմեգա-3-ով հարուստ մթերքները՝ յուղոտ ձուկը, ծովամթերքը, բուսական յուղերը»,- հավելել է բժիշկը:

Աղբյուր՝ gazeta.ru/social

The Rolling Stones-ը այս ամառ եվրոպական շրջագայություն կմեկնարկի՝ հանդես գալով մարզադաշտերում և արենաներում՝ նշելու իրենց խմբի 60-ամյակը: Այս մասին բրիտանացի ռոքերները հայտնել են երկուշաբթի: «SIXTY» կոչվող շրջագայությունը, որը բաղկացած է 14 համերգներից, կմեկնարկի Մադրիդում հունիսի 1-ին և կընդգրկի ընդհանուր առմամբ 10 երկիր, ներառյալ՝ Մեծ Բրիտանիան:

Աղբյուր՝ reuters.com

ԱՄՆ-ի բնակչուհու խոսքով՝ ինքը 20 տարի սպասել է այն պահին, երբ կարող է կրել իր երազանքների հարսանյաց զգեստը, և ոչ թե այն, որի մեջ կկարողանա մտնել: Քրիստինա Ջորդանն ամուսնացել է Դերեկի հետ 2001 թվականին: 41-ամյա կնոջ խոսքով՝ այդ ժամանակ նա կշռում էր 123 կգ, ուստի երկար ժամանակ չէր կարողանում համապատասխան զգեստ գտնել: Արդյունքում նրան հաջողվել է զգեստ ընտրել, սակայն հարսնացուն կարծում է, որ դրանով սարսափելի տեսք է ունեցել:

Աղբյուր՝ gazeta.ru

Երեքշաբթի Էյֆելյան աշտարակի բարձրությունն ավելացավ վեց մետրով, երբ ինժեներները, չվախենալով գլխապտույտից, ուղղաթիռի միջոցով նոր ռադիո ալեհավաք տեղադրեցին փարիզյան կոթողի գագաթին: Փարիզի ամենաբարձր կառույցը, որը հայտնի է նաև «Երկաթե տիկին» անվանումով, նոր լրացումից հետո ունի 330 մետր բարձրություն:

Աղբյուր՝ france24.com

Ֆուտբոլի Թաիլանդի գավաթի «Բանգկոկ» և «Հյուսիսային Բանգկոկ» ակումբների միջև կայացած հանդիպման վերջնամասում «Բանգկոկի» հարձակվող Այսարեթ Նոյչայբունին դուր չի եկել, որ մրցակիցը դիպել է իր ոտքին: Զայրացած խաղացողը ամբողջ ուժով արմունկով հարվածել է իրավախախտի ծնոտին՝ հենց խաղադաշտում նրան գետնին գցելով: Նոյչայբունն անմիջապես կարմիր քարտ է ստացել և որակազրկվել: Խաղի ավարտից ընդամենը մի քանի ժամ անց ակումբը բաժանվել է խաղացողից:

Աղբյուր՝ ria.ru

Առնվազն յոթ մարդ, այդ թվում՝ չորս կամավորներ հակաջիհադիստական միլիցիայի կազմում, սպանվել են Բուրկինա Ֆասոյի հյուսիսում մեկ շաբաթվա ընթացքում հինգերորդ հարձակման ժամանակ: Այս մասին երեքշաբթի հայտնել են անվտանգության աղբյուրները: Տեղի պաշտոնյան հաստատել է հարձակումը՝ նշելով մոտ 10 տուժածների մասին, որոնցից յոթը մահացել են:

Աղբյուր՝ france24.com

Նա մեկնաբանություն է թողել նախկին ամուսնու Instagram-ի գրառման տակ։ «Խնդրում եմ դադարեցրեք սա: Դու այսօր առավոտյան եկել էիր երեխաներին դպրոց տանելու»,- գրել է հեռուստաաստղը: Երաժշտի հրապարակման մեջ ասվում է, որ նախկին կինը թույլ չի տալիս նրան տեսնել իր ընտանիքին: Նա կիսվել է իր դստեր ուսապարկի նշանների լուսանկարով, որոնց վրա Ուեսթի և Քարդաշյանի դեմքերն են պատկերված, դրանց մեջտեղում էլ՝ այլմոլորակայինի դեմքով նշանը:

Աղբյուր՝ lenta.ru

Microsoft-ը սկսել է գովազդ ցուցադրել Windows 11-ի «Դիտարկիչում», հայտնում է Bleeping Computer-ը։ Ընկերությունը նախատեսում է գովազդ տեղադրել ծրագրի վերին հատվածում՝ համակարգային ֆայլեր տանող տողից անմիջապես ներքև: Առայժմ Microsoft-ը ֆայլերի կառավարման բաժնում գովազդում է սեփական արտադրանքը, սակայն հնարավոր է, որ ապագայում այդտեղ հայտնվի երրորդ կողմի ծառայությունների գովազդ:

Աղբյուր՝ gazeta.ru

Երեքշաբթի Իսպանիան հրապարակեց օդի որակի ծայրահեղ վատ վարկանիշներ Մադրիդի և երկրի մեծ մասի համար այն բանից հետո, երբ Սահարայից տաք օդի զանգվածը, անցնելով Միջերկրական ծովը, իր հետ բերել ու փոշով էր պատել երկինքը: Իսպանիայի օդի որակի ազգային ինդեքսը որակվում է «չափազանց անբարենպաստ»՝ ամենավատ վարկանիշը մայրաքաղաքում ու հարավարևելյան ափի մեծ մասում:

Աղբյուր՝ apnews.com

«Բրենթֆորդի» կիսապաշտպան Քրիստիան Էրիկսենը հրավիրվել է Դանիայի հավաքական: Այս մասին հայտնում է ազգային հավաքականի մամուլի ծառայությունը: 30-ամյա ֆուտբոլիստը ընդգրկվել է Հոլանդիայի (մարտի 26) և Սերբիայի (մարտի 29) դեմ ընկերական խաղերին հրավիրված ֆուտբոլիստների ցուցակում: Էրիկսենը սրտի կանգ էր տարել 2021 թվականի հունիսի 12-ին Ֆինլանդիայի դեմ Եվրո-2020-ի խմբային փուլի առաջին տուրի խաղի առաջին խաղակեսում (0:1):

Աղբյուր՝ sport-express.ru

Վարչապետները Կիև են մեկնել գնացքով: Նրանք առաջին օտարերկրյա առաջնորդներն են, ովքեր այցելել են Ուկրաինայի մայրաքաղաք՝ անցած ամիս ռուս-ուկրաինական պատերազմի սկսվելուց ի վեր: Ուկրաինայի նախագահ Վլադիմիր Զելենսկիի գրասենյակից երեքշաբթի հաստատել են այցը, սակայն հանդիպման մասին այլ մանրամասներ չեն հայտնել:

Աղբյուր՝ aljazeera.com

Ինչպես հայտնում է ET Canada-ն, դերասանուհին պատրաստվում է նվիրվել երեխաներին։ «Առաջարկություն» կատակերգության 57-ամյա աստղը չի հստակեցրել, թե որքան կտևի իր կարիերայի դադարը: Նրա խոսքով՝ այժմ ինքը ցանկանում է լինել այնտեղ, որտեղ իրեն ամենաերջանիկ է զգում, այսինքն՝ տանը: Բուլոքը երկու որդեգրած երեխա ունի՝ 12-ամյա որդին՝ Լուի Բարդոն և 10-ամյա դուստրը՝ Լեյլան:

Աղբյուր՝ vesti.ru

Երեքշաբթի հայտնի դարձավ, որ Թուրքմենստանի առաջնորդ Գուրբանգուլի Բերդիմուհամեդովի որդին ջախջախիչ հաղթանակ է տարել նախագահական ընտրություններում՝ ճանապարհ հարթելով ժառանգական իրավահաջորդության համար: 40-ամյա Սերդար Բերդիմուհամեդովը հաղթել է անցած շաբաթ օրը կայացած ընտրություններում՝ հավաքելով ձայների 73%-ը, հայտնում է Կենտրոնական ընտրական հանձնաժողովի (ԿԸՀ) կայքը:

Աղբյուր՝ theguardian.com

Պաղեստինի առողջապահության նախարարությունը հայտնել է, որ երեքշաբթի իսրայելական ուժերը օկուպացված Հորդանան գետի արևմտյան ափին գնդակահարել և սպանել են երկու պաղեստինցու, ինչն իսրայելական սահմանային ոստիկանությունը նկարագրել է որպես բախումներ՝ ենթադրյալ գրոհայիններին ձերբակալելու արշավի ժամանակ:

Աղբյուր՝ reuters.com

Պետական Էրմիտաժը չեղարկել է՝ Իտալիայի թանգարաններում ցուցադրությունների համար նախատեսված նկարների անհապաղ վերադարձման մասին որոշումը: Այս մասին «Ռիա Նովոստիի»-ին հայտնել են «Skira» հրատարակչությունում, որը Միլանում կազմակերպում է Տիցիանի աշխատանքների ցուցահանդեսը: