Կարճ լուրեր
Հինգշաբթի դատարանը հայտարարեց, որ փոփ աստղ Քեթի Փերին և նրա թիմը պատասխանատվություն չեն կրում հիփ-հոփ կատարողի հանդեպ, ով պնդում էր, որ նրանք պատճենել են No. 1 հիթ դարձած «Dark Horse» նրա քրիստոնեական ռեփ երգից: 3-0 որոշմամբ՝ ԱՄՆ 9-րդ շրջանային վերաքննիչ դատարանը հայտարարեց, որ Ֆլեյմը, ում իսկական անունը Մարկուս Գրեյ է, չէ արժանանում փոխհատուցման հեղինակային իրավունքի խախտման համար՝ երաժշտության ձևի մեջ, որը, ըստ նրա, 37-ամյա Փերին վերցրել է իր «Joyful Noise» երգից:
Աղբյուր՝ reuters.com
Մարտի 17-ից Շանհայի բոլոր միջազգային չվերթները կտեղափոխվեն Չինաստանի այլ քաղաքների օդանավակայաններ՝ մեգապոլիսում կորոնավիրուսի հետ կապված իրավիճակի վատթարացման պատճառով: Այս մասին ուրբաթ օրը գրել է CARNOC ինտերնետային պորտալը, որը մասնագիտացած է քաղաքացիական ավիացիայի նորությունների ոլորտում:
Աղբյուր՝ tass.ru
Կյանքից հեռացել դերասան և երգիչ Էմիլիո Դելգադոն, որը 45 տարի երեխաների կյանքում ջերմ ու հարազատ ներկայություն է ունեցել՝ որպես Լուիս՝ «Սեզամի փողոցը» ամերիկյան մանկական հաղորդման վերանորոգման խանութի սեփականատեր: Նրա կինը՝ Քերոլ Դելգադոն, հայտնել է, որ դերասանը մահացել է արյան քաղցկեղից՝ Նյու Յորքի իրենց տանը: Նա 81 տարեկան էր:
Աղբյուր՝ theguardian.com
Բրիտանացի միլիարդատեր Նիկ Քենդին հայտարարել է, որ շարունակում է դիտարկել Լոնդոնի «Չելսին» գնելու հնարավորությունը՝ չնայած ակումբի ներկայիս սեփականատեր Ռոման Աբրամովիչի դեմ պատժամիջոցներին: Ինչպես հայտնում են բրիտանական լրատվամիջոցները, չնայած սահմանափակումներին, ֆուտբոլային ակումբը վաճառելու գործարք դեռ կարող է կայանալ, սակայն որոշակի պայմաններով:
Աղբյուր՝ gazeta.ru
Facebook-ի և Instagram-ի սեփականատերը որոշ երկրների օգտատերերին թույլ կտա բռնության կոչ անել Վլադիմիր Պուտինի և ռուս զինվորների նկատմամբ։ Meta-ն հայտնում է, որ ժամանակավորապես թույլ է տվել որոշ բռնության կոչեր, օրինակ՝ «մահ ռուս զավթիչներին», որը սովորաբար խախտում է իր կանոնները: Սակայն նշվում է, որ Ռուսաստանի քաղաքացիների նկատմամբ բռնության կոչերն արգելված են:
Աղբյուր՝ bbc.com
Երկրների միջև հարաբերությունների ճգնաժամը սրվել է, մասնավորապես, այն բանից հետո, երբ Իսպանիայի ԱԳՆ ղեկավար Խոսե Մանուել Ալբարեսը ֆարս է անվանել հանրապետությունում անցկացված նախագահական ընտրությունները, որոնցում հաղթել է երկրի առաջնորդ Դանիել Օրտեգան:
Աղբյուր՝ tass.ru
Միլիարդատեր ձեռնարկատեր Իլոն Մասկը և երաժիշտ Գրայմսը երկրորդ երեխան են ունեցել՝ աղջիկ, որին անվանել են Exa Dark Sideræl Musk, թեև ծնողները նրան հիմնականում անվանելու են Ուայ (Y): 33-ամյա Գրայմսը բացահայտել է դեկտեմբերին ծնված երեխայի գոյությունը՝ հինգշաբթի Vanity Fair-ի կողմից հրապարակված հարցազրույցում: Մտավախության պատճառով, որ նա բարդություններ կունենա, որոնք Գրայմսի մոտ եղել են առաջին հղիության ժամանակ, ծնողները որոշել են այս անգամ փոխնակ դիմել մոր օգնությանը:
Աղբյուր՝ france24.com
«ՊՍԺ»-ի հարձակվող Կիլիան Մբապեն Instagram-ում նոր գրառում է կատարել, որում մեկնաբանել է Չեմպիոնների լիգայում Մադրիդի «Ռեալից» կրած պարտությունը (1:3):
Աղբյուր՝ sport-express.ru
«Իսլամական պետություն» (ԻՊ) խմբավորումը նոր առաջնորդ է նշանակել Աբու Իբրահիմ ալ-Հաշիմի ալ-Քուրաշիի մահը հաստատելուց հետո: Համացանցում տեղադրված ձայնային հաղորդագրության մեջ ասվում է, որ Աբու ալ-Հասան ալ-Հաշեմի ալ-Քուրայշին այժմ «խալիֆ է»՝ առանց նրա ինքնության մասին այլ մանրամասներ տրամադրելու: Հաղորդագրության մեջ չի նշվում, թե ինչպես, որտեղ և երբ է մահացել Աբու Իբրահիմ ալ Քուրայշին:
Աղբյուր՝ bbc.com
Ամերիկյան Mars ընկերությունը դադարեցնում է Ռուսաստանի տարածքում բիզնես ներդրումներ կատարել և ապրանքներ ներկրել կամ արտահանել: Այս մասին ասվում է ընկերության կայքում: Ընկերությունը նաև նշում է, որ ռուսական բիզնեսից ցանկացած շահույթ ուղղվելու է մարդասիրական օգնությանը:
Աղբյուր՝ ria.ru
Դանիական Pandora ոսկերչական ընկերությունը դադարեցնում է բոլոր գործարար հարաբերությունները Ռուսաստանի և Բելառուսի հետ Ուկրաինայի շուրջ ստեղծված իրավիճակի պատճառով: Համապատասխան որոշումն ընդունվել է դեռ փետրվարի 24-ին:
Աղբյուր՝ tass.ru
Folha de S.Paulo թերթի փոխանցմամբ՝ բրազիլական Globo հեռահաղորդակցության հոլդինգը դադարեցնում է համագործակցությունը ռուսաստանյան գործընկերների հետ՝ կապված Ուկրաինայում տիրող իրավիճակի հետ:
Աղբյուր՝ kulturomania.ru
Այս մասին հոդված է հրապարակվել Biology Letters-ում: Երկար ժամանակ տարածված է եղել համոզմունքը, որ շնաձկները երբեք չեն քնում: Այն փաստը, որ շնաձկների մեծ մասը երբեք կանգ չի առնում և միշտ պետք է լողա՝ շնչառությունը պահպանելու համար, նույնպես հաստատում էր այս կարծրատիպը: Այնուամենայնիվ, շատ գիտնականներ կասկածում էին, որ նման բան հնարավոր է, և պարբերաբար տեղեկություններ էին ստացվում, որ սուզորդներին հաջողվել է քնած շնաձկների տեսնել:
Աղբյուր՝ gazeta.ru
Համույթն իր հոբելյանական համերգաշրջանի մեկնարկը կտա մարտի 12-ին՝ ժամը 19:00-ին, ‹‹Արամ Խաչատրյան›› համերգասրահում:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Լեոնարդո Դի Կապրիոն նվիրատվություններ է արել Ուկրաինային աջակցող մարդասիրական կազմակերպություններին, թեև ավելի վաղ տարածված տեղեկությունները այն մասին, թե Դի Կապրիոն 10 միլիոն դոլար է նվիրաբերել ինչ-որ կազմակերպությանը հօգուտ Ուկրաինայի, որը, ըստ այդ լուրերի, իր տատիկի հայրենիքն է, կեղծ են եղել: Ոչ նվիրատվությունը, ոչ էլ Դի Կապրիոյի ժառանգությունը ճիշտ չեն, հայտնել է դերասանի մերձավորներից մեկը՝ անանուն մնալու պայմանով:
Աղբյուր՝ apnews.com
Պետական Էրմիտաժը խնդրել է Միլանի երկու թանգարաններին վերադարձնել 25 կտավները, որոնք նվիրաբերել էր նրանց ցուցահանդեսների համար: Այս մասին «ՌԻԱ Նովոստի»-ին հայտնել են իտալական թանգարանների ներկայացուցիչները: Նրանց խոսքով՝ աշխատանքները պետք է վերադարձվեն մինչև մարտի վերջ:
Հունգարիայի նոր նախագահ է ընտրվել Կատալին Նովակը:Նա այդ պաշտոնում կփոխարինի Յանոշ Ադերին: Հինգշաբթի նրա թեկնածությանը կողմ է քվեարկել երկրի Ազգային ժողովի (միապալատ պառլամենտի) պատգամավորների երկու երրորդը: Նիստը հեռարձակել է պառլամենտի կայքում:
Աղբյուր՝ tass.ru
Ռոման Աբրամովիչի՝ «Չելսին» վաճառելու հույսերը կասեցվել են այն բանից հետո, երբ Մեծ Բրիտանիայի կառավարությունը պատժամիջոցներ սահմանեց ռուս օլիգարխի նկատմամբ: Ակումբին տրվել է ֆուտբոլային գործունեություն ծավալելու արտոնագիր:
Աղբյուր՝ theguardian.com
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
