Ձեր վստահելի աղբյուրը

Հայ հիմնադիրների կողմից ստեղծված CodeSignal ստարտափը, որի գործիքներից և տեխնոլոգիական լուծումներից այսօր օգտվում են աշխարհահռչակ շատ ընկերություններ, ինչպիսիք են՝ Netflix, Facebook, Uber, Zoom, Dropbox, Quora, և մի շարք այլ ճանաչում ունեցող ընկերություններ, դարձել է Առաջատար տեխնոլոգիաների ձեռնարկությունների միության (ԱՏՁՄ) լիիրավ անդամ: CodeSignal-ն առաջին կազմակերպությունն է, որ ստեղծեց գիտելիքների գնահատման ավտոմատացված հարթակ եւ այժմ օգտագործվում է որպես ստանդարտ չափանիշ տեխնիկական աշխատանքի ընդունելության համար:

Աղբյուր՝ CodeSignal ընկերության մարկետինգի բաժին

Ռուս Դանիիլ Մեդվեդևը պաշտոնապես գլխավորել է Պրոֆեսիոնալ թենիսիստների ասոցիացիայի վարկանիշային աղյուսակը: Երկուշաբթի կազմակերպության կայքում հրապարակվել է ATP վարկանիշի թարմացված տարբերակը։

Աղբյուր՝ interfax.ru

Ուկրաինական պատվիրակությունը ժամանել է Ռուսաստանի հետ բանակցությունների վայր, հայտնում են բելառուսական պետական լրատվամիջոցները: Ըստ Ուկրաինայի նախագահ Վլադիմիր Զելենսկիի գրասենյակի հրապարակած տեղեկությունների՝ բանակցություններում ուկրաինական պատվիրակության կազմում են պաշտպանության նախարարը, «Ժողովրդի ծառա» խմբակցության ղեկավարը և փոխարտգործնախարարը: Ավելի վաղ հաղորդվել էր, որ բանակցությունները կանցկացվեն Ուկրաինայի և Բելառուսի սահմանին:

Աղբյուր՝ vesti.ru

«CODA» հուզիչ դրաման, որը պատմում է խուլ ու համր ընտանիքի պայքարի ու դժվարությունների մասին, կիրակի ստացավ ԱՄՆ կինոդերասանների գիլդիայի գլխավոր մրցանակը՝ ամրապնդելով հույսերը հաջորդ ամիս Օսկար մրցանակաբաշխության ժամանակ անսպասելի հաջողություն գրանցելու համար:

Աղբյուր՝ france24.com

Վերջին երկուսուկես ամսվա ընթացքում ութերորդ անգամ Թոմ Հոլանդի մասնակցությամբ ֆիլմը առաջին տեղն է զբաղեցրել կինովարձույթում: Sony Pictures-ի «Uncharted» (Չուսումնասիրված) վիդեոխաղի ադապտացիան՝ Հոլանդի և Մարկ Ուոլբերգի մասնակցությամբ, թողարկման երկրորդ շաբաթավերջին, ըստ ստուդիայի կիրակի օրվա գնահատումների, գլխավորել է տոմսերի վաճառքը՝ 23,3 միլիոն դոլարով:

Աղբյուր՝ apnews.com

Ավարտվել են «Ինդիանա Ջոնսի» կինոֆրանշիզայի հինգերորդ մասի նկարահանումները՝ Հարիսոն Ֆորդի գլխավոր դերակատարմամբ: Այս մասին իր Twitter-ում հայտնել է ամերիկացի պրոդյուսեր Ֆրենկ Մարշալը։ Ինդիանա Ջոնսի արկածների մասին նոր ֆիլմի համաշխարհային պրեմիերան նախատեսված է 2023 թվականի հունիսին:

Աղբյուր՝ gazeta.ru

Ալեքսանդր Զվերևը փոխել է Դևիսի գավաթում չխաղալու իր որոշումը, և այժմ աշխարհի 3-րդ ռակետը Գերմանիայի հավաքականի կազմում պետք է խաղա Բրազիլիայի դեմ, որպեսզի փրկի իրեն Ակապուլկոյում որակազրկվելուց հետո: Նա որոշել է Գերմանիայի հավաքականի հետ հանդես գալ մարտի 4/5-ին Ռիո դե Ժանեյրոյում կայանալիք Բրազիլիայի դեմ խաղերին: «Մենք ուրախ ենք, որ Ալեքսանդրը ներգրավված է լինելու», - ասել է Գերմանիայի հավաքականի ավագ Միքայել Քոլմանը:

Աղբյուր՝ france24.com

Ֆինլանդիայի  մենաշնորհային խանութների ցանցը՝ «Alko»-ն դադարեցնում է ռուսական արտադրանքի վաճառքը՝ Ուկրաինայում Ռուսաստանի գործողությունների պատճառով: Տեղեկությունը երկուշաբթի հայտնել է մենաշնորհային ցանցը: Փետրվարի 28-ից վաճառքները դադարեցվել են:

Աղբյուր՝ ria.ru

Շախմատի միջազգային ֆեդերացիան (ՖԻԴԵ) որոշել է ռուս և բելառուս շախմատիստներին զրկել մրցաշարերում իրենց երկրների դրոշի և օրհներգի ներքո հանդես գալու իրավունքից: ՖԻԴԵ-ի հայտարարության մեջ ասվում է, որ շախմատիստները կարող են մրցումներին մասնակցել ՌՇՖ/ԲՇՖ կամ ՖԻԴԵ-ի դրոշների ներքո:

Աղբյուր՝ gazeta.ru

Այս մասին հայտարարել է ՄԱԿ-ում ԱՄՆ ներկայացուցիչը: Լինդա Թոմաս-Գրինֆիլդը կիրակի օրը CNN-ի թղթակցին հայտնել է, որ Բայդենի վարչակազմը «հստակ հասկացրել է»՝ ԱՄՆ-ը «զինվորական ներկայություն չի ունենա»: «Մենք չենք պատրաստվում վտանգի ենթարկել ամերիկյան զորքերը: Դա նշանակում է, որ մենք չենք պատրաստվում նաև օդ բարձրացնել ամերիկյան զորքերը, բայց մենք կաշխատենք ուկրաինացիների հետ՝ նրանց պաշտպանվելու հնարավորություն տալու համար», - ասել է նա:
 

Համացանցում է հայտնվել «Վրեժի չափը» (Measure of Revenge) թրիլլերի թրեյլերը: Տեսանյութը հրապարակվել է Vertical Entertainment US YouTube ալիքում: Նախագծում նկարահանվել են Մելիսա Լեոն, Ջեյք Ուիրին, Բելլա Թորնը և այլք: Ֆիլմը մի կնոջ մասին է, ում որդին մահանում է առեղծվածային հանգամանքներում: Այժմ նա սովորական բնակչուհուց վերածվում է վրիժառու մարդասպանի: Ֆիլմըը կինոթատրոններում կհայտնվի մարտի 18-ին:

Աղբյուր՝ kulturomania.ru

Մեծ Բրիտանիայում Իրանի դեսպանին հրամայվել է վերադառնալ Թեհրան, և նա կհեռացվի պաշտոնից այն բանից հետո, երբ տարածվեց տեսանյութ, որում ցուցադրվում էր ընդունելություն դեսպանատանը, որտեղ որոշ կանանց գլուխները բաց էին: Մոհսեն Բահարվանդի Թեհրան վերադառնալու մասին լուրը հայտնել է Իրանի ԻԼՆԱ լրատվական գործակալությունը: Իսլամական հեղափոխության հաղթանակի 43-րդ տարեդարձին նվիրված միջոցառման ժամանակ ջութակահարի հետ դաշնամուր նվագող կինը հիջաբ չէր կրել:

Աղբյուր՝ theguardian.com

Ֆուտբոլի միջազգային ֆեդերացիայի խորհրդի՝ ՖԻՖԱ-ի բյուրոն միաձայն արգելել է Ռուսաստանում միջազգային խաղերի անցկացումը: Ինչպես ասվում է կազմակերպության մամուլի հաղորդագրության մեջ, նման որոշում է կայացվել՝ ՈՒԵՖԱ-ի հետ համաձայնեցված և Միջազգային օլիմպիական կոմիտեի առաջարկությունների համաձայն՝ կապված Ուկրաինայում ռուսական զինված ուժերի ռազմական գործողությունների հետ:

Աղբյուր՝ ria.ru

«Լիվերպուլը» հաղթեց իր առաջին ներքին եզրափակիչը վերջին տասնամյակում այն բանից հետո, երբ կիրակի 11-մետրանոցներով առավելության հասավ «Չելսիի» նկատմամբ 11-10 հաշվով և նվաճեց Լիգայի գավաթը: Բոլոր 11 մետրանոցները հաջողությամբ էին իրականացվել մինչև դարպասապահների հերթը հասնելը, իսկ Կեպա Արիսաբալագան վրիպեց Կաոիմհին Քելլեհերի գոլից հետո:

Աղբյուր՝ apnews.com

Մոսկվայում ԱՄՆ դեսպանատունն իր քաղաքացիներին հորդորում է մտածել Ռուսաստանից անհապաղ հեռանալու մասին, քանի դեռ առկա են կոմերցիոն ելքի տարբերակները: Այս մասին ասվում է Ռուսաստանում ԱՄՆ դեսպանատան կայքում կիրակի հրապարակված հաղորդագրության մեջ։ Դեսպանատունը հիշեցրել է, որ ԱՄՆ Պետդեպարտամենտը խորհուրդ է տվել իր քաղաքացիներին չմեկնել Ռուսաստան:

Աղբյուր՝ tass.ru

«1988 թ.-ի փետրվարի 27-29-ին Սմուգայիթում տեղի ունեցած հայկական ջարդը հայ բնակչության դեմ ռասիզմի և էթնիկական զտումների, հայ քաղաքացիների սպանությունների և տեղահանության վերաբերյալ Ադրբեջանի իշխանությունների վարած անհասկանալի քաղաքականության շարունակությունն էր, որը, սակայն, չդադարեց: Պաշտոնական վիճակագրության համաձայն՝ զոհվել է 32, վիրավորվել հարյուրավոր հայ։ Սմուգայիթի 14000 հայեր ստիպված են եղել օրերի ընթացքում լքել քաղաքը։ Սակայն վայրագությունների իրական չափերը դեռևս անհայտ են»,- ասվում է դեսպանատան տարածած հայտարարության մեջ:

Աղբյուր՝ Ճապոնիայում Հայաստանի դեսպանություն

Աբրամովիչը, ով կմնա ակումբի սեփականատերը, այդ քայլին է գնացել Ուկրաինայում ստեղծված ճգնաժամի ֆոնին: «Ես միշտ որոշումներ եմ կայացրել՝ ելնելով ակումբի շահերից»,- ասվում է Աբրամովիչի հայտարարության մեջ: Աբրամովիչի հայտարարությունից հետո, որումչի հիշատակվում Ուկրաինա ներխուժման մասին, Չելսին կիրակի մեկ այլ հայտարարություն է տարածել, որում ասվում է, որ իրավիճակը «սարսափելի և ավերիչ է»: «Չելսիի» մտքերը Ուկրաինայում բոլորի հետ են: Ակումբում բոլորն աղոթում են խաղաղության համար»,- հայտարարել է արեւմտյան Լոնդոնի ակումբը:

Աղբյուր՝ bbc.com

Ռուսաստանի Դաշնությունում անվտանգության իրավիճակի հնարավոր վատթարացման կապակցությամբ (առաջին հերթին ԵՄ-ի և ՆԱՏՕ-ի երկրների քաղաքացիների համար) Չեխիայի ԱԳՆ-ն կոչ է արել հանրապետության քաղաքացիներին հրաժարվել ՌԴ այցելելուց, և նրանց, ովքեր արդեն գտնվում են այնտեղ, լքել է նրա տարածքը: Այս մասին ասվում է գերատեսչության կայքի հաղորդագրությունում: Նման կոչով Չեխիայի ԱԳՆ-ն դիմել է նաև այն համաքաղաքացիներին, ովքեր գտնվում են Բելառուսում կամ պատրաստվում են մեկնել այդ երկիր:

Աղբյուր՝ ria.ru