Ձեր վստահելի աղբյուրը

Ռուսաստանին այլևս չի թույլատրվի մասնակցել այս տարվա Եվրատեսիլ երգի մրցույթին, հայտարարել է Եվրոպական հեռարձակողների միությունը (ԵՀՄ): Միջոցառումը կազմակերպող ԵՀՄ-ն հայնռել է, որ Ռուսաստանի ընդգրկումը կարող է վնասել մրցույթի հեղինակությունը «Ուկրաինայում աննախադեպ ճգնաժամի լույսի ներքո»:

Աղբյուր՝ bbc.com

Դուբայում ընթացող ATP-500 մրցաշարի կիսաեզրափակիչ խաղում Անդրեյ Ռուբլյովը ուժեղ է գտնվել լեհաստանցի մրցակից Հուբերտ Հուրկաչից: Հանդիպումը տևել է 2 ժամ 23 րոպե և ավարտվել երեք սեթում՝ 3:6, 7:5, 7:6: Եզրափակիչ խաղում Ռուբլյովը կհանդիպի Իրժի Վեսելի-Դենիս Շապովալով զույգի հաղթողի հետ: Դուբայի մրցաշարի եզրափակիչ հանդիպումը նախատեսված է փետրվարի 26-ին:

Աղբյուր՝ gazeta.ru

FX հեռուստաալիքը և Sony Pictures-ը բանակցություններ են վարում Քվենտին Տարանտինոյի հետ «Արդարադատություն» սերիալի վերածննդի շուրջ: Ռեժիսորը կարող է նկարահանել «Justified: City Primeval»-ի մի քանի դրվագներ: Նոր սերիալում գլխավոր դերը կխաղա Թիմոթի Օլիֆանտը: Նա կվերադառնա ԱՄՆ մարշալ Ռեյլան Գիվենսի դերին: Նոր էպիզոդների սյուժեն հիմնված է Էլմոր Լեոնարդի վեպի վրա։ Տարանտինոն գրողի ստեղծագործության երկրպագուն է:

Աղբյուր՝ kulturomania.ru

Հաղորդավար, երգիչ և հեռուստատեսային դեմք Րաֆֆի Ահմադը անսովոր նվերով զարմացրել է իր կնոջը՝ դերասանուհիՆագիտային։ Կնոջ խոսքով, ինքը կարծել է, որ դա կատակ է, սակայն երբ սարքն իրեն կանխիկ գումար է տվել, հավատացել է կատարվածին։ Բացի այդ, բանկոմատի գործունակությունը հաստատվել է բանկի կողմից: Րաֆֆիի խոսքով, բանկոմատից հնարավորություն կունենա օգտվել ոչ միայն իր կինը, այլև բոլորը. նա և իր կինը որոշել են սարքը տեղադրել ոչ թե տանը, այլ իրենց բնակարանից մի թաղամաս հեռու գտնվող գրասենյակում:

Աղբյուր՝ worldofbuzz.com

Անգլիական «Մանչեսթեր Յունայթեդ» ֆուտբոլային ակումբը դադարեցրել է ռուսական «Աերոֆլոտ» ավիաընկերության հետ հովանավորչական պայմանագիրը: Տեղեկությունը հայտնում է ակումբի պաշտոնական կայքը: Ավելի վաղ «Մանչեսթեր Յունայթեդը» հրաժարվել էր օգտվել «Աերոֆլոտ»-ի ծառայություններից՝ Մադրիդ թռչելիս՝ Չեմպիոնների լիգայի 1/8 եզրափակչի՝ իսպանական «Ատլետիկոյի» դեմ խաղի համար (1:1):

Աղբյուր՝ ria.ru

Չեխիայի կառավարությունը ուրբաթ օրը որոշել է 300 միլիոն կրոնա (մոտ 14 միլիոն դոլար) հատկացնել Ուկրաինային մարդասիրական օգնության համար: Այս մասին մամուլի ասուլիսի ժամանակ հայտնել է վարչապետ Պետր Ֆիալան: Ուկրաինային կտրամադրվեն նաև արյան և վառելիքի պաշարներ, ասել է Ֆիալան:

Աղբյուր՝ ria.ru

28-ամյա Տարազագա-Օրերոն ներխուժել է աստղի տուն, հարձակվել նրա տան աշխատակցի վրա և ոկոտրել թանկարժեք ծաղկամանը: Նա այժմ գտնվում է ոստիկանությունում և հայտնել է, որ «բռնություն է կիրառել»՝ ներխուժելու համար Լոնդոնի հյուսիսում գտնվող տուն: Ծագումով իսպանացի Տարազագա-Օրերոյին արգելվել էր մոտենալ Սթայլսից 250 մետր հեռավորությունից ավել այն բանից հետո, երբ նա մեղավոր էր ճանաչվեց 2019 թվականին հետապնդման մեջ: 2021 թվականին նա ազատվել էր մեղադրանքներից՝ Սթայլսի հետ կապ հաստատելուց հետո:

Աղբյուր՝ dailymail.co.uk

Ռուսաստանի նախագահ Վլադիմիր Պուտինը հեռախոսազրույց է ունեցել իր սիրիացի գործընկեր Բաշար ալ-Ասադի հետ: Ինչպես հաղորդում է Կրեմլի մամուլի ծառայությունը, պետությունների ղեկավարները մտքեր են փոխանակել Ուկրաինայի շուրջ ստեղծված իրավիճակի մասին: «Սիրիայի նախագահը վճռական աջակցություն է հայտնել Ռուսաստանի կողմից Դոնբասի հանրապետությունների խաղաղ բնակչության պաշտպանությանն ուղղված հատուկ ռազմական գործողությանը», - ասվում է Կրեմլի տարածած հայտարարությունում:

Աղբյուր՝ vesti.ru

Ունենալով ռուսական ուժեր հարևան Սիրիայում, Վաշինգտոնի պես անդրդվելի դաշնակից և մոտ մեկ միլիոն քաղաքացիներ, ովքեր կապեր ունեն նախկին Խորհրդային Միության հետ, Իսրայելը ձգտում է նուրբ հավասարակշռություն պահպանել ուկրաինական ճգնաժամում:

Աղբյուր՝ france24.com

«Ֆորտ Բոյարդ» շոուն այսուհետ կթողարկվի առանց վագրերի: Կենդանիները ցուցադրվել են  հաղորդման գոյության 30 տարիների ընթացքում: Վագրերին շոուից հեռացնելու որոշումը կայացվել է կենդանիների իրավունքների պաշտպանների քննադատության ֆոնին: «Ես զգում եմ խորը սոցիալական շարժում, որին պետք է հաշվի առնել խոշոր գիշատիչների պաշտպանության հարցում», - ասել է շոուի պրոդյուսեր Ալեքսիա Լարոշ-Ժուբերը:

Աղբյուր՝ kulturomania.ru

Ավտոարշավորդ Ֆերնանդո Ալոնսոն ստիպված է եղել լքել իր մեքենան Բարսելոնայում Ֆորմուլա 1-ի նախամրցաշրջանային թեստավորման վերջին օրը, երբ մեքենան ծխով է պատվել: 2005 և 2006 թվականների աշխարհի չեմպիոն իսպանացին, այսօր շրջանն ավելի արագ անցել, քան գործող չեմպիոն Մաքս Ֆերստապենը: Բայց նրա Ալպյան թիմի համար խոստումնալից առավոտը տհաճ դարձավ, Բարսելոնա-Կատալունիա շրջանի 13 շրջադարձին մեքենայից ծուխ դուրս եկավ:

Աղբյուր՝ dailymail.co.uk

Բրիտանական ավիաընկերություններին արգելվել է վայրէջք կատարել Ռուսաստանի օդանավակայաններում և հատել նրա օդային տարածքը: Այս մասին հայտնել է Ռուսաստանի քաղաքացիական ավիացիայի կարգավորիչը: Ռուսաստանը հայտարարել է, որ այդ քայլը պատասխան է «Մեծ Բրիտանիայի ավիացիոն իշխանությունների ոչ բարեկամական որոշումներին»: Հինգշաբթի Մեծ Բրիտանիան արգելել էր ռուսական «Աերոֆլոտ» ազգային ավիաընկերության վայրէջքները Մեծ Բրիտանիայում:

Աղբյուր՝ bbc.com

Այս մասին հայտնում է ՈւԵՖԱ-ի մամուլի ծառայությունը: Չեմպիոնների լիգայի եզրափակիչը կկայանա Փարիզի «Ստադ դը Ֆրանս» մարզադաշտում: Հետաձգման որոշումը կայացվել է ՈՒԵՖԱ-ի գործադիր կոմիտեի արտահերթ նիստում:

Աղբյուր՝ tass.ru

ԱՄՆ Հիվանդությունների վերահսկման և կանխարգելման կենտրոնը պարզել է, որ դեռահասների մոտ կարող է զարգանալ բազմահամակարգային բորբոքային համախտանիշ (MIS-C)՝ COVID-19-ի դեմ պատվաստումից հետո: Մանրամասները հրապարակվել են Lancet ամսագրի հոդվածում: MIS-C-ը բորբոքային պրոցես է, որը միաժամանակ ազդում է մարմնի մի քանի համակարգերի վրա:

Աղբյուր՝ gazeta.ru

Քիմ Քարդաշյանը դատարանին խնդրել է անտեսել Յեի փորձերը՝ դանդաղեցնելու իրենց ամուսնալուծությունը և որքան հնարավոր է շուտ դադարեցնել ամուսնությունը: Չորեքշաբթի ուշ երեկոյան նա համապատասխան փաստաթղթեր է ներկայացրել Լոս Անջելեսի շրջանի գերագույն դատարան:

Աղբյուր՝ apnews.com

Ամերիկացի դերասան և ռեժիսոր Շոն Փենը գտնվում է Կիևում՝ նկարահանելու Ռուսաստանի հարձակման մասին վավերագրական ֆիլմ: Այս մասին հայտնում է Ուկրաինայի նախագահի գրասենյակը: Դերասան-ռեժիսորին լուսանկարել են Կիևում կայացած կառավարության մամուլի ասուլիսում, ինչպես նաև տեսանյութ է հրապարակվել նախագահ Զելենսկիի հետ հանդիպումից:

Աղբյուր՝ aljazeera.com

Ֆրանսիան կկարողանա օգնել Վլադիմիր Զելենսկիին՝ նրա անվտանգությանը սպառնացող վտանգի դեպքում: Այս մասին հայտարարել է Ֆրանսիայի արտգործնախարար Ժան-Իվ Լը Դրիանը: «Զելենսկիի անվտանգությունը առանցքային տարր է տեղի ունեցող իրավիճակում, և մենք ի վիճակի ենք նրան օգնելու անհրաժեշտության դեպքում», - ասել է Լե Դրիանը France Inter ռադիոկայանին: «Մենք կձեռնարկենք այն միջոցները, որոնք անհրաժեշտ կլինեն»,- ասել է նախարարը՝ պատասխանելով հարցին, թե արդյոք այդ օգնությունը ենթադրում է Զելենսկիին Ուկրաինայից դուրս բերելը:

Աղբյուր՝ ria.ru

Իսլամաբադի դատարանը մահապատժի է դատապարտել մագնատի որդուն, ով բռնաբարել և սպանել էր Նուր Մուկադամին. դեպք, որն առաջացրել էր հասարակության վրդովմունքը: Պակիստանի նախկին դեսպանի դուստրը՝ 27-ամյա Մուկադամը, անցյալ տարվա հուլիսին գերի էր պահվել, խոշտանգվել և գլխատվել հայտնի արդյունաբերողների ընտանիքի անդամ Զահիր Ջաֆերի կողմից: Ենթադրվում է, որ Պակիստանի և ԱՄՆ-ի քաղաքացի 30-ամյա Ջաֆերը հարձակվել է Մուկադամի վրա այն բանից հետո, երբ վերջինս մերժել է ամուսնության առաջարկը:

Աղբյուր՝ theguardian.com