Կարճ լուրեր
«Բարսելոնան» հետաքրքրված է Մադրիդի «Ատլետիկոյի» կիսապաշտպան Սաուլ Նիգեսով, ով վարձավճարով հանդես է գալիս «Չելսիում»: Տեղեկությունը փետրվարի 24-ին հայտնել է Diario Sport-ը: Աղբյուրի համաձայն՝ «Բարսելոնայի» գլխավոր մարզիչ Չավին հավանում է 27-ամյա իսպանացուն։ Կիսապաշտպանի թեկնածությունը կատալոնական ակումբը քննարկել է ձմեռային տրանսֆերային պատուհանի ժամանակ:
Աղբյուր՝ sport-express.ru
Բրիթնի Սփիրսը հերթական անգամ ստիպել է իր երկրպագուներին անհանգստանալ: Իր նոր գրառման մեջ երգչուհին հայտարարել է, որ պատրաստվում է դատի տալ Tri Star Sports & Entertainment Group-ի իր նախկին մենեջերներին: Իբրև նրանք ցանկացել են տեսնել իր դատաստանը, և նրա հայրը՝ Ջեյմս Սփիրսը, նրանց հետ դավադիր պայմանավորվածության մեջ է եղել: Ներկայում Սփիրսի գրառումն արդեն ջնջված է, սակայն արևմտյան և ռուսական լրատվամիջոցները վկայակոչում են այն և տեղադրում սքրինշոթերը:
Աղբյուր՝ vesti.ru
Եղիսաբեթ II թագուհին հետաձգել է երկու վիրտուալ հանդիպում, քանի որ նա շարունակում է COVID-19-ից մրսածության նման ախտանիշներ ունենալ, հինգշաբթի: Այս մասին հինգշաբթի հայնտել է Բուքինգհեմյան պալատը: Այս շաբաթ արդեն երկրորդ անգամն է, որ 95-ամյա Էլիզաբեթը չեղյալ է հայտարարել վիրտուալ նիստերը: Այնուամենայնիվ, չորեքշաբթի նա հեռախոսով խոսել է Մեծ Բրիտանիայի վարչապետ Բորիս Ջոնսոնի հետ, ինչը նրա ապաքինման հուսադրող նշան է:
Աղբյուր՝ apnews.com
Միլանի «Լա Սկալա» թատրոնը սպառնում է դադարեցնել համագործակցությունը ռուս դիրիժոր Վալերի Գերգիևի հետ, եթե վերջինս հրաժարվի՝ Ուկրաինայի շուրջ ստեղծված իրավիճակի խաղաղ կարգավորման կոչ անել: Ինչպես հաղորդում է ANSA գործակալությունը, հինգշաբթի Գերգիևը համապատասխան հաղորդագրություն է ստացել թատրոնի ղեկավարությունից, որի կազմում է նաև Միլանի քաղաքապետ Ջուզեպպե Սալան:
Աղբյուր՝ kulturomania.ru
Ինդոնեզիայի Սումատրա կղզու արևմտյան ափերի մոտ ուրբաթ 6,2 մագնիտուդ ուժգնությամբ երկրաշարժ է տեղի ունեցել, ինչի հետևանքով առնվազն երկու մարդ է զոհվել: Հաղորդվում է, որ ևս մի քանիսը վիրավորվել են: Երկրաշարժից նաև վնասվել են մի քանի տներ և այլ շինություններ:
Աղբյուր՝ dw.com
Աշխարհի առաջին ռակետ, սերբ Նովակ Ջոկովիչը Դուբայի մրցաշարի քառորդ եզրափակիչում 4:6, 6:7 (4:7) հաշվով անսպասելի պարտություն կրեց համաշխարհային դասակարգման 123-րդ համար Իրժի Վեսելիից (Չեխիա) և հաջորդ շաբաթ կկորցնի առաջին ռակետի կարգավիճակը: Մեդվեդևը երկուշաբթի կդառնա պատմության մեջ 27-րդ առաջին ռակետը:
Աղբյուր՝ independent.co.uk
«Փետրվարի 24-ին Վորոնեժի մարզում ռազմական տեխնիկա տեղափոխելու համար պլանային թռիչք կատարելիս կործանվել է Ռուսաստանի օդատիեզերական ուժերի Ան-26 ինքնաթիռը, անձնակազմը զոհվել է»,- ասվում է Արևմտյան ռազմական օկրուգի մամուլի ծառայության հաղորդագրության մեջ: Ըստ նախնական տեղեկությունների՝ վթարի պատճառ է դարձել տեխնիկայի խափանումը, տեղում ավերածություններ չկան:
Աղբյուր՝ ria.ru
Ռուսական պետական էներգետիկ հսկայի՝ «Գազպրոմի» տարբերանշանը հանվում է գերմանական «Շալկեի» մարզաշապիկներից՝ հինգշաբթի Ուկրաինայի վրա Ռուսաստանի լայնածավալ հարձակումից հետո: «Շալկեն» հայտարարել է, որ տարբերանշանը կփոխարինվի «Շալկե 04» բառով՝ ելնելով «վերջին զարգացումներից»:
Աղբյուր՝ apnews.com
Այս մասին փետրվարի 24-ին հայտնել է Marca-ն: Ըստ աղբյուրի՝ փարիզյան ակումբը 2021 թվականի ամռանը 23-ամյա ֆրանսիացուն երկարաժամկետ պայմանագիր էր առաջարկել, որով նա կարող էր վաստակել ավելի քան 90 միլիոն եվրո՝ առանց հարկերի: Նշվում է, որ նախորդ շաբաթ կողմերը համաձայնության շուրջ առնվազն մեկ հանդիպում են անցկացրել, և փարիզեցիները դեռ փորձում են համոզել հարձակվողին նոր պայմանագիր կնքել։ Ակումբը Մբապեին երկու տարվա պայմանագիր է առաջարկում:
Աղբյուր՝ sport-express.ru
Ամբողջ աշխարհում Youtube ծառայության օգտատերերը հայտնում են աշխատանքի խափանումների մասին. հետևում է Downdetector կայքի տվյալներից: Այն վերահսկում է հանրահայտ ինտերնետային ռեսուրսների խափանումներն ու անջատումները: Մոսկվայի ժամանակով ժամը 16:12-ի դրությամբ գրանցվել է 291 բողոք. օգտատերերի մոտ 44%-ը բողոքում է հավելվածի աշխատանքի հետ կապված խնդիրներից, մոտ 35%-ը՝ վիդեո հեռարձակման հետ կապված խնդիրներից, ևս 21%-ը՝ կայքի գործարկումից:
Աղբյուր՝ ria.ru
ՈՒԵՖԱ-ն այս տարվա Չեմպիոնների լիգայի եզրափակիչը կտեղափոխի Սանկտ Պետերբուրգից՝ Ռուսաստանի Ուկրաինա ներխուժումից հետո: Այս մասին հինգշաբթի Reuters-ին հայտնել է իրավիճակին ծանոթ աղբյուրը: ՈւԵՖԱ-ի նախագահ Ալեքսանդր Չեֆերինը ուրբաթ առավոտյան Գործադիր կոմիտեի արտահերթ նիստ է հրավիրել, և ակնկալվում է, որ համաձայնության կորոշվի եզրափակիչի տեղափոխման հարցը:
Աղբյուր՝ reuters.com
Լինդսի Լոհանը, ով այս ամսվա սկզբին է միացել TikTok-ին, տեսանյութ է հրապարակել՝ ներկայացնելով, թե ինչպես է պետք իրականում արտասանել իր ազգանունը: «Ողջույն բոլորին, սա Լինդսի Լոհանն է, և կգուշակե՞ք… Ես TikTok-ում եմ»,- ասել է Լոհանն իր առաջին տեսանյութում, որը տեղադրվել է փետրվարի 7-ին և լայնորեն տարածվել չորեքշաբթի: Նա շեշտը դրել իր ազգանվան առաջին վանկի վրա՝ շեշտելով «o»-ն, ոչ թե «ա»-ն: Շատ երկրպագուներ այդպիսով հասկացել են, որ տարիներ շարունակ սխալ էին արտասանում նրա անունը:
Աղբյուր՝ nbcnews.com
Վավերագրական ֆիլմի թրեյլերի տեսանյութը հրապարակվել է Hero Collector YouTube ալիքում: Ֆիլմը «Հարի Փոթեր» և «Ֆանտաստիկ գազաններ» ֆրանշիզների ստեղծողների, Բրիտանիայի Բնագիտական թանգարան և BBC-ի համատեղ նախագիծն է: Նախագծի հեղինակն ու վարողը դերասան Սթիվեն Ֆրայն է: Ֆիլմի պրեմիերան տեղի կունենա 2022 թվականի փետրվարի 27-ին BBC One-ով և iPlayer-ով, իսկ ապրիլի 1-ին՝ HBO Max-ով:
Աղբյուր՝ kulturomania.ru
Ղրղզստանում արգելք է դրվել հիշատակի և այլ ավանդական ու կրոնական արարողությունների ժամանակ անասունների սպանդի վրա: Համապատասխան հրամանագիրը հինգշաբթի ստորագրել է հանրապետության նախագահ Սադիր Ջապարովը: Տեղեկությունը հաղորդում է Ղրղզստանի ղեկավարի մամուլի ծառայությունը: Արգելքի նպատակը քաղաքացիների սոցիալ-տնտեսական կենսամակարդակի բարելավումն է:
Աղբյուր՝ tass.ru
Ռաֆայել Նադալը չորեքշաբթի Ակապուլկոյում 6-0 6-3 հաշվով պայքարից դուրս թողեց ամերիկացի Ստեֆան Կոզլովին: Այսպիսով, Նադալը մրցաշրջանը սկսել է 12 խաղում 12 հաղթանակով՝ սահմանելով անձնական լավագույն ցուցանիշը և հասնելով ATP 500 մրցաշարի քառորդ եզրափակիչ:
Աղբյուր՝ cnn.com
Ամերիկացի դերասանուհի Ջենիֆեր Լոուրենսը վերջերս լույս աշխարհ է բերել իր առաջնեկին։ Այդ մասին հայտնել է TMZ-ը: «Նա ծննդաբերել է Լոս Անջելեսի շրջանում, սակայն մենք դեռ չգիտենք երեխայի սեռը կամ ծնվելու ճշգրիտ ամսաթիվը... Մենք բազմիցս զանգել ենք Ջենիֆերի ներկայացուցչին, սակայն նա չի պատասխանել», - հաղորդում է պարբերականը: Լոուրենսը և երեխայի հայրը՝ արտ-դիլեր Քուք Մարոնին, ամուսնացել են 2019 թվականի աշնանը:
Աղբյուր՝ gazeta.ru
«Անկախ նրանից, թե որքան մոտ ենք վերջնագծին, երաշխիք չկա, որ մենք այն կանցնենք», - թվիթերում գրել է Իրանի գլխավոր բանակցող Ալի Բաղերին՝ բանակցությունների շուրջ խորհրդակցությունների համար Թեհրան վերադառնալուց հետո, որոնք, ըստ Իրանի, հասել են «կրիտիկական» փուլ: «Գործն ավարտելու համար կան որոշակի որոշումներ, որոնք պետք է կայացնեն արևմտյան կողմերը», - ասել է Բաղերին՝ չնշելով, թե որոնք են դրանք:
Աղբյուր՝ france24.com
Նախագծի նոր թրեյլերը հրապարակվել է Netflix Russia YouTube ալիքում: Սերիալում նկարահանվել են Ջեյսոն Բեյթմանը, Սոֆյա Հուբլիցը, Սքայլար Գերտները, Լորա Լինին, Ջուլիա Գարները, Չարլի Թահանը և այլք:
Աղբյուր՝ kulturomania.ru
Լրահոս
Տեսանյութեր
Թշնամnւ հրահանգները մեր կյանք տեղափոխողները Հայաստանի թշնամիներն են. Բագրատ Սրբազան
