Ձեր վստահելի աղբյուրը

Վաստակավոր մարզչի անունը հավերժացնող երիտասարդական հուշամրցաշարը անցկացվել է Երևանի նախկին «Արաքս» -  «Միկա» մարզադահլիճում: Հայտավորված էին 61 մարզիկներ: Տանտերերից բացի, մրցագորգ ելան նաև Վրաստանի պատվիրակները: Կազմակերպիչները նպատակ ունեն Լյովա հուշամրցաշարը դարձնել ավանդական:

Աղբյուր՝ ՀԱՕԿ

Հետազոտությունը ցույց է տվել, որ 5300 տարի առաջ Իսպանիայում ապրած կնոջ գանգի մեջ անցքեր են արել՝ ականջի վարակը բուժելու համար, և նա փրկվել է ահարկու միջամտությունից հետո: Գանգը հայտնաբերվել է Իսպանիայի Բուրգոս քաղաքի Էլ Պենդոնի Դոլմենի հնագույն դամբարանում: Վերլուծությունը ցույց է տալիս, որ այն եղել է 35-ից 50 տարեկան կնոջ գանգ: Նա ենթարկվել է մաստոիդէկտոմիայի (վարակը վերացնելու վիրահատություն) երկու միջամտության:

Աղբյուր՝ dailymail.co.uk

Այս մասին հայտարարել է Ուկրաինայի առաջնորդ Վլադիմիր Զելենսկին:

Աղբյուր՝ ria.ru

Ամբողջ աշխարհում Telegram մեսենջերի օգտատերերը հայտնել են նրա աշխատանքում խափանումների մասին: Այդ մասին են վկայում Downdetector կայքի տվյալները: Փետրվարի 24-ին՝ Մոսկվայի ժամանակով ժամը 10:59-ի դրությամբ, գրանցվել է 1266 բողոք: Բողոքների 44%-ը կապված է սերվերին միանալու հետ, 29%-ը՝ հաղորդագրություններ ստանալու հետ, ևս 28%-ը՝ հավելվածի հետ կապված խնդիրների հետ:

Աղբյուր՝ gazeta.ru

Երեք սիրիացի զինվորներ են սպանվել հինգշաբթի՝ մայրաքաղաք Դամասկոսի մերձակայքում իսրայելական ավիահարվածի հետևանքով: Տեղեկությունը հայտնել են սիրիական պետական լրատվամիջոցները: Այն այս ամսվա ընթացքում Իսրայելի կողմից չորրորդ հարվածն է Սիրիային՝ իրանամետ ուժերի դեմ պայքարում, որոնք աջակցում են Դամասկոսի կառավարությանը ավելի քան տասնամյա քաղաքացիական պատերազմում:

Աղբյուր՝  france24.com

«Մետրոպոլիտենն անցել է ուղևորների համար անվճար աշխատանքի ռեժիմի: Աշխատում ենք հիմնական գրաֆիկով»,- ասված է մետրոպոլիտենի հաղորդագրության մեջ: Ուկրաինայի մայրաքաղաքի օպերատիվ շտաբը որոշել է փետրվարի 24-ից դադարեցնել դպրոցների և մանկապարտեզների աշխատանքը, հիվանդանոցներն ու կլինիկաներն անցել են ուժեղացված ռեժիմի: Այս մասին հայտնել է Կիևի քաղաքային խորհուրդը:

Աղբյուր՝ rbc.ru

Հունաստանի իշխանությունները հայտնել են, որ չորեքշաբթի փրկարարական բրիգադները երկրորդ մարմինն են հայտնաբերել լաստանավից, որը բռնկվել էր անցյալ շաբաթ Հունաստանից Իտալիա նավարկելիս: Տղամարդը, ում ինքնությունը չի հաջողվել անմիջապես հաստատել, եղել է Բուլղարիայի, Թուրքիայի և Հունաստանի քաղաքացի 10 ուղևորների թվում, որոնք դեռևս համարվում էին անհետ կորած:

Աղբյուր՝ reuters.com

Դերասանուհի Սքարլեթ Յոհանսոնը մաշկի խնամքի միջոցների արտադրություն է սկսում: Ապրանքանիշը ստեղծվել է Քեյթ Ֆոսթերի հետ համագործակցությամբ և ստացել Outset անվանումը: Նոր ապրանքանիշն արդեն ներկայացված է Instagram-ի պաշտոնական էջում: Բաժանորդներն արդեն կարողացել են ծանոթանալ կարճ տեսանյութին, որում դերասանուհին ասել է, որ Outset-ը կլինի «իսկապես ունիվերսալ և հասանելի»:

Աղբյուր՝ kulturomania.ru

18-րդ դարի սրբապատկերը, որը բրիտանացի սպան դուրս էր բերել՝ պատերազմից ավերված Կիպրոսից 1974 թվականին, չորեքշաբթի սպայի որդին վերադարձրել է կղզու ուղղափառ եկեղեցուն՝ այն վերամիավորելու նրանց հետ, ովքեր «իրոք գնահատում են դրա արժեքը»: Կիպրոսի Արքեպիսկոպոս  Խրիզոստոմոս II-ի ներկայացուցիչը սրբապատկերն ընդունեց Ժնևի Վիլլա Մոյնյերում, որտեղ գտնվում է Միջազգային մարդասիրական իրավունքի և մարդու իրավունքների ակադեմիան:

Աղբյուր՝ apnews.com

ինչպես նաև մինչև ութ F-35 ինքնաթիռ՝ Գերմանիայից ՆԱՏՕ-ի արևելյան թև: Այս մասին չորեքշաբթի լրագրողների համար հերթական ճեպազրույցում հայտարարել է ԱՄՆ պաշտպանության նախարարության խոսնակ Ջոն Քիրբին:

Աղբյուր՝ tass.ru

«Սփըրզը» չորրորդ պարտությունը կրեց Պրեմիեր լիգայի հինգ խաղում, երբ 71-րդ րոպեին Բեն Միի գլխի հարվածը ուժեղացրեց «Բըրնլիի» պայքարը: Եզրափակիչ սուլիչից հետո հիասթափված 52-ամյա Անտոնիո Կոնտեն միայնակ ուղղվեց ուղիղ դեպի հանդերձարան: Եվ նա ասաց. «Ես եկել եմ այստեղ ակումբին օգնելու համար, և եթե խնդիրը կարող է մարզիչը լինել, ես պատրաստ եմ գնալ, խնդիր չկա»:

Աղբյուր՝ bbc.com

Դոնեցկի Ժողովրդական Հանրապետությունում մարտեր են ընթանում շփման գծի ողջ երկայնքով: Տեղեկությունը հայտնել է Ժողովրդական միլիցիայի պաշտոնական ներկայացուցիչ Էդուարդ Բասուրինը: Նա ուկրաինացի զինծառայողներին կոչ է արել վայր դնել զենքերը:

Աղբյուր՝ ria.ru

Գազայի հյուսիսում գտնվող քաղաքներից մեկում հայտնաբերվել է 2000 տարվա հնությամբ հռոմեական գերեզմանատուն, որն իր մեջ ներառում է առնվազն 34 դամբարան:

Աղբյուր՝ aljazeera.com

Ռուսական 12 օդանավակայաններ, այդ թվում՝ Դոնի Ռոստովը, Կրասնոդարը և Սիմֆերոպոլը, դադարեցրել են աշխատանքը Ուկրաինայում ռազմական հատուկ գործողության մեկնարկի պատճառով, որի մասին հայտարարել էր Վլադիմիր Պուտինը: Սահմանափակումը գործում է մինչև մարտի 2-ը:

Աղբյուր՝ rbc.ru

Իրանցի տղամարդը մահացու սրտի կաթված է ստացել այն բանից հետո, երբ իմացել է, որ իրեն այլևս մահապատիժ չի սպառնում 18 տարի առաջ կատարած սպանության համար: Տեղեկությունը հայտնել է պետական «Համշահրի» թերթը: Պարբերականը նշում է, որ 55-ամյա Աքբարը, ով ծագումով հարավային Իրանից է, ձերբակալվել է 18 տարի առաջ՝ կանխամտածված սպանության մեղադրանքով: Տեղեկանալով, որ սպանվածի ընտանիքը ներում է շնորհել իրեն, և ինքն այլևս մահապատժի չի ենթարկվի, Աքբարը «չափազանց ուրախանալու» հետևանքով սրտի կաթված է ստացել և մահացել:

Աղբյուր՝ middleeastmonitor.com

Ford-ը ԱՄՆ-ից հետ է կանչում ավելի քան 330,000 Mustang պահեստային տեսախցիկների էկրանները շտկելու համար, որոնք անջատվում են կամ աղավաղում պատկերը: Հետկանչը վերաբերում է 2015-ից 2017 թվականների մոդելների մեքենաներին:

Աղբյուր՝ apnews.com

Եվրամիությունը նախատեսում է սեփական պատժամիջոցները կիրառել ռուսների դեմ: Ընդհանուր առմամբ, ԵՄ-ում քննարկվող նախնական պատժամիջոցների ցուցակում կա 24 մարդ: Նրանց թվում են ՌԴ պաշտպանության նախարար Սերգեյ Շոյգուն, Կրեմլի վարչակազմի ղեկավար Անտոն Վայնոն, ՌԴ ԱԳՆ պաշտոնական ներկայացուցիչ Մարիա Զախարովան և ՎԷԲ․ՌՖ-ի նախագահ Իգոր Շուվալովը:

Աղբյուր՝ vesti.ru

Դերասան Ռոբերտ Դաունի կրտսերը կնկարահանվի Շեյն Բլեքի «Փարկեր» նախնական անվանումով ֆիլմում, որը պատվիրել է Amazon-ը: The Wrap-ի տվյալներով կինոնկարը հիմնված կլինի գրող Դոնալդ Ուեսթլեյքի (աշխատել է Ռիչարդ Սթարք կեղծանունով) վիպաշարում ընդգրկված գործերից մեկի վրա՝ Փարքեր անունով պրոֆեսիոնալ գողի մասին: Հենց նրան է մարմնավորելու Ռոբերտ Դաունի կրտսերը:

Աղբյուր՝ ria.ru