Ձեր վստահելի աղբյուրը

Իսրայելական ուժերը երեքշաբթի Հորդանան գետի արևմտյան ափ օկուպացված տարածքում սպանել են դեռահաս պաղեստինցու, հայտնում է Պաղեստինի առողջապահության նախարարությունը: Մուհամեդ Շեհադեն սպանվել է իսրայելական զորքերի կրակոցներից Բեթղեհեմի մոտ գտնվող Ալ-Խադեր շրջանում:

Աղբյուր՝ aljazeera.com

ԱՄՆ-ը նոր պատժամիջոցներ է սահմանում Ռուսաստանի դեմ: Դրանք կազդեն սուվերեն պարտքի վրա, ինչը Մոսկվային կտրելու է «արևմտյան ֆինանսավորումից»: Այս մասին հատուկ ուղերձում հայտարարել է նախագահ Ջո Բայդենը: Սահմանափակող միջոցները ուժի մեջ են մտնում չորեքշաբթի օրվանից:

Աղբյուր՝ ria.ru

Ռուսաստանը ներկայացնող հայազգի թենիսիստ Կարեն Խաչանովը Քաթարում ընթացող Dubai Duty Free Championships մրցաշարի առաջին տուրում խաղացել է Ավստրալիայի ներկայացուցիչ Ալեքս դե Մինաուրի հետ: Հանդիպման երեք սեթերի արդյունքում ռուսաստանցին հաջողության հասավ 6:3, 6:7, 7:5 հաշվով:

Աղբյուր՝ vesti.ru

Ամերիկացի երգչուհի Բրիթնի Սփիրսը ծրագրում է հուշերի գիրք թողարկել: Այս մասին հայտնում է Page Six-ը: Գրքի տպագրությամբ կզբաղվի Simon & Shuster հրատարակչությունը: Սփիրսն իր գրքում կխոսի երաժշտական կարիերայի սկզբի մասին, կկիսվի անձնական կյանքի մանրամասներով, մտերիմների հետ հարաբերությունների առանձնահատկություններով: Հուշերի հրապարակման իրավունքների համար երգչուհին կարող է ստանալ մոտ 15 մլն դոլար:

Աղբյուր՝ kulturomania.ru

Ֆրանսիայի նախագահի թեկնածու, աջակողմյան «Ազգային ճակատ» կուսակցության ներկայացուցիչ Մարին Լը Պենը հայտարարել է իր ակտիվ նախընտրական արշավը դադարեցնելու մասին: Այս մասին հայտնում է BFMTV-ն: Լը Պենն ասել է, որ նախագահական ընտրություններում առաջադրվելու համար իրեն պակասում է ֆրանսիացի պատգամավորների «քառասունից քիչ ստորագրություն»: Նշվում է, որ դրա պատճառով նա խնդիրներ է ունենում քարոզարշավի կարիքների համար հովանավորների օգնության հարցում:

Աղբյուր՝ gazeta.ru

Բրազիլիայի 81-ամյա լեգենդը փետրվարի 13-ին ընդունվել էր հիվանդանոց՝ ուռուցքի բուժման նպատակով և միզուղիների բորբոքման պատճառով մնացել էր հիվանդանոցում: Նա թուլացել է անցյալ չորեքշաբթի էնդոսկոպիայից հետո, որը բժշկության մեջ օգտագործվում է մարմինը ներսից հետազոտելու համար: Պելեն ունի երեք ուռուցք, որոնք գտնվում են աղիներում, լյարդում և թոքում:

Աղբյուր՝ thesun.co.uk

Մադրիդի «Ռեալի» նախկին հարձակվող Ռոնալդոն իր Instagram-ում լուսանկար է հրապարակել Մադրիդի «Ռեալի» գլխավոր մարզիչ Կարլո Անչելոտիի հետ: «Իմ կարիերայի մեծագույն մարզիչներից մեկը և մեծ մարդ: Ուրախ եմ Ձեզ տեսնել, պարոն»,- մակագրել է լուսանկարը Ռոնալդոն:

Աղբյուր՝ sport-express.ru

Մոտ 60 մարդ է զոհվել Բուրկինա Ֆասոյի հարավ-արևմուտքում գտնվող ոսկու ժամանակավոր հանքում տեղի ունեցած պայթյունի հետևանքով: Տեղեկությունը հայտնում են տեղական իշխանությունները: Ականատեսները պատմել են, որ պայթյունը տեղի է ունեցել ոսկու արդյունահանման տարածքի շուկայում, երբ պահեստավորված դինամիտը բռնկվել է: Դեպքի վայրում արված նկարներում երևում են հսկայական խառնարան, ավերված տներ և գետնին ընկած մարմիններ:

Աղբյուր՝ bbc.com

Գերմանիայի կանցլեր Օլաֆ Շոլցը երեքշաբթի հայտարարել է, որ դադարեցնում է «Հյուսիսային հոսք 2» գազատարի նախագիծը Ռուսաստանի հետ՝ ի պատասխան Մոսկվայի կողմից Ուկրաինայի երկու անջատված շրջանների ճանաչման: Շոլցն ասել է, որ կարգադրել է գերմանական կարգավորող մարմնին դադարեցնել գազատարի փորձարկման գործընթացը, որը արևմտյան գործընկերները և Կիևը համարում են սակարկության առարկա Ռուսաստանի հետ գնալով թեժացող հակամարտությունում:

Աղբյուր՝ france24.com

Ռուսաստանը կարող է ապահովել Դոնբասի Հանրապետության անվտանգությունը, այդ թվում՝ օդային տարածքինը՝ առանց այնտեղ զորամիավորումներ մտցնելու: Այս մասին ասել է ԴԺՀ-ի ժողովրդական միլիցիայի վարչության պետի տեղակալ Էդուարդ Բասուրինը:

Աղբյուր՝ vesti.ru

Պատվաստանյութի 820,000 դեղաչափերը վերադարձվել են, քանի որ դրանք արտադրվել են Միացյալ Նահանգներում: Պետական հեռուստատեսությունը երկուշաբթի, մեջբերելով Առողջապահության նախարարության խոսնակ Մոհամմադ Հաշեմիին, հայտնել էր, որ Լեհաստանը բրիտանա-շվեդական AstraZeneca պատվաստանյութի մոտ մեկ միլիոն դոզա է նվիրաբերել Իրանին:

Աղբյուր՝ aljazeera.com

Ուկրաինայում Հնդկաստանի դեսպանատունը երեքշաբթի նոր հայտարարություն է տարածել Ուկրաինայի բուհերում սովորող հնդիկ ուսանողների համար՝ խորհուրդ տալով նրանց լքել երկիրը՝ չսպասելով հեռավար ուսուցման անցնելու հաստատմանը: Լարված իրավիճակի պատճառով քաղաքացիների համար կազմակերպվել են լրացուցիչ թռիչքներ դեպի Հնդկաստան:

Աղբյուր՝ tass.ru

Երեք տարում կառուցված նավը վերջապես պատրաստ է ուղևորներ ընդունելու: Royal Caribbean-ի 1,188 ոտնաչափ բարձրությամբ «Ծովերի հրաշքը» (Wonder of the Seas) իր առաջին ճանապարհորդությունը կսկսի Ֆլորիդայի Ֆորտ Լոդերդեյլ քաղաքից դեպի Կարիբյան կղզիներ մարտի 4-ին: 18 տախտակամած ունեցող զբոսանավը կառուցվել է Ֆրանսիայի Սեն-Նազեր քաղաքում գտնվող Chantiers de l'Atlantique նավաշինարանում և տեղավորում է 6988 հյուր և անձնակազմի 2300 անդամ:

Աղբյուր՝ cnn.com

Ֆրանսիայի հարավ-արևմուտքում նկարի հայտնաբերման մասին հաղորդել է BFMTV հեռուստաալիքը: Գնահատող-աճուրդավար Ջենիֆեր Պրեմփիեր-Ռոլլանդի խոսքով՝ նա նկարը հայտնաբերել է Վար դեպարտամենտի տներից մեկում՝ խնամատարություն ձևակերպելու ընթացքում գույքը զննելիս: Նկարում կանացի դիմանկար է պատկերված: Այն պահվել էր ստվարաթղթե տուփի մեջ՝ աղբակույտի տակ: Այժմ նկարը արվեստաբանության քննություն է անցնում:

Աղբյուր՝ gazeta.ru

«Բարսելոնայի» և Արգենտինայի հավաքականի հարձակվողը դեկտեմբերին հայտարարեց կարիերան ավարտելու մասին: Sport 24-ի հետ զրույցում ֆուտբոլիստն ասել է. «Ես ցանկանում էի ֆուտբոլ խաղալ «Բարսելոնայում», երազում էի Լիոնել Մեսսիի հետ խաղալ աշխարհի առաջնությունում: Պլանավորում էի խաղալ ևս երկու տարի: Բայց այն, ինչ տեղի ունեցավ սրտիս հետ, ամեն ինչի վրա խաչ քաշեց: Ես ուզում եմ ֆուտբոլ խաղալ, բայց վախենում եմ»: «Ուզում եմ իմանալ, թե ինչ է կատարվել ինձ հետ: Արդյո՞ք դա կորոնավիրուսի հետևանք է, թե՞ պատվաստման բարդություն», - հավելել է 33-ամյա Ագուերոն:

Աղբյուր՝ vesti.ru

Շախմատի դեռահաս հնդիկ գրոսմայստեր Ռամեշբաբու Պրագնանանդհան երեքշաբթի գովասանքի է արժանացել՝ առցանց առաջնությունում աշխարհի թիվ գրոսմայստեր Մագնուս Կարլսենի նկատմամբ իր ցնցող հաղթանակի համար: Պրագնանանդհաան, ով 2016 թվականին՝ 10 տարեկանում, դարձել է պատմության մեջ ամենաերիտասարդ միջազգային վարպետը, երկուշաբթի ուշ երեկոյան հաղթեց Կարլսենին արագ շախմատի The Airthings Masters օնլայն մրցաշարում:

Աղբյուր՝ france24.com

Կորոնելը կտեղափոխվի Տեխաս նահանգի Ֆորտ Ուորթ քաղաք՝ թմրամիջոցների ապօրինի շրջանառության և փողերի լվացման համար պատժի մնացած ժամկետն անցկացնելու: Գեղեցկության մրցույթի թագուհին անցած նոյեմբերին դատապարտվել է երեք տարվա ազատազրկման և համաձայնվել է կորցնել մոտ 1,5 միլիոն դոլար:

Աղբյուր՝ thesun.co.uk

Apple-ը, «Նկարահանված է iPhone-ով» (Shot on iPhone) մարքեթինգային արշավի շրջանակներում, թողարկել է Life Is But a Dream («Կյանքն ընդամենը երազ է» կարճամետրաժ ֆիլմը, որն ամբողջությամբ նկարահանվել է iPhone 13 Pro և iPhone 13 Pro Max սմարթֆոններով: Կինոնկարի ռեժիսորը հարավկորեացի ռեժիսոր և «Օլդբոյ» ֆիլմի հեղինակ Պարկ Չան Ուկն է: Ֆիլմի տևողությունը 20 րոպեից փոքր-ինչ ավել է:

Աղբյուր՝ kulturomania.ru