Ձեր վստահելի աղբյուրը

Թալիբանը «մեծ բանակ» Աֆղանստանի համար կառուցում է «մեծ բանակ», որում կներգրավվեն սպաներ և զորքեր, որոնք ծառայել են հին ռեժիմին: Տեղեկությունը հայտնել է պաշտոնյան, ում հանձնարարված է վերահսկել բանակի վերափոխումը: Թալիբների՝ ուժերի բաշխման հանձնաժողովի ղեկավար Լաթիֆուլլահ Հաքիմին երկուշաբթի կայացած մամուլի ասուլիսում հայտնել է նաև, որ իրենք վերանորոգել են 81 ուղղաթիռների և ինքնաթիռների կեսը, որոնք, իբր, շարքից հանվել էին Միացյալ Նահանգների գլխավորած ուժերի կողմից անցյալ տարվա քաոսային դուրսբերման ժամանակ:

Աղբյուր՝ aljazeera.com

Անգլիական «Էվերթոնի» հենակետային կիսապաշտպան Ժան Ֆիլիպ Գբամենը կարիերան կշարունակի Ռուսաստանի Պրեմիեր լիգայում: 26-ամյա կոտդիվուարցին վարձավճարով տեղափոխվել է Մոսկվայի «ԲԿՄԱ»: Վարձակալության պայմանագիրն ուժի մեջ է մինչև 2021/22 մրցաշրջանի ավարտը: Գործարքի ֆինանսական մանրամասները չեն հրապարակվել:

Աղբյուր՝ vesti.ru

Ամերիկացի բժիշկ-մարդաբան, Փոլ Ֆարմերը, որը հայտնի է աղքատ երկրներում բժշկական օգնություն ցուցաբերելու իր գործունեությամբ, մահացել է երկուշաբթի 62 տարեկան հասակում: Այս մասին հայտնել է նրա «Առողջապահական գործընկերներ» (PIH) խումբը: Բոստոնում գործող կազմակերպությունը հայտնել է, որ նա «անսպասելի մահացել է քնած վիճակում, երբ գտնվում էր Ռուանդայում»: Պատճառ չի նշվում:

Աղբյուր՝ france24.com

Սերբ կինոռեժիսոր Էմիր Կուստուրիցան ընդունել է ՌԴ պաշտպանության նախարար Սերգեյ Շոյգուի առաջարկը՝ ստանձնել ռուսական բանակի Կենտրոնական ակադեմիական թատրոնի գլխավոր ռեժիսորի պաշտոնը: Տեղեկությունը լրագրողներին հայտնել է ՌԴ ՊՆ ղեկավարի մամուլի քարտուղար Ռոսիյանա Մարկովսկայան: Սերբ կինոռեժիսորի խոսքով՝ իր նոր պաշտոնում նա նախատեսում է «Թռչում են կռունկները», «Կյանքը հրաշք է» և այլ ֆիլմերի սյուժեները ներկայացումներ դարձնել:

Աղբյուր՝ tass.ru

Արգենտինայում մարդիկ հուսով են, որ հանգստյան օրերին սկսված թույլ անձրևները կօգնեն հրշեջներին զսպել մոլեգնող անտառային հրդեհները, որոնք վերջին շաբաթներին ավերել են երկրի հյուսիսում գտնվող ֆերմաները, արոտավայրերը և վայրի բնությունը: Պաշտոնյաները հայտնում են, որ Կորրիենտես նահանգում տեղի ունեցած ութ առանձին հրդեհները ավերել են մոտ 800,000 հեկտար տարածք:

Աղբյուր՝ aljazeera.com

Սերբ թենիսիստ Նովակ Ջոկովիչը Դուբայում ընթացող ATP մրցաշարի առաջին շրջանի խաղում հաղթել է իտալացի Լորենցո Մուսետիին (6:3, 6:3):

Աղբյուր՝ sport-express.ru

Covid-ի բոլոր սահմանափակումները Անգլիայում կհանվեն հինգշաբթի, իսկ անվճար զանգվածային թեստավորումը կդադարեցվի ապրիլի 1-ից: Վարչապետը պատգամավորներին հայտնել է, որ դրական թեստ հանձնածների մեկուսացնելու իրավական պարտավորությունը կվերացվի. նա ներկայացրել է «Քովիդով ապրելու» իր ծրագիրը:

Աղբյուր՝ bbc.com

ԱՄՆ նախագահ Ջո Բայդենի վարչակազմի ներկայացուցիչները ուկրաինական իշխանությունների հետ քննարկել են Կիևից Ուկրաինայի առաջնորդ Վլադիմիր Զելենսկիի հեռանալու պլանները՝ իբր մոտալուտ ռուսական ագրեսիայի դեպքում: Այս մասին երկուշաբթի Twitter-ում գրել է NBC-ի լրագրող Ռիչարդ Էնջելը: Նա հաղորդել է, որ նման տվյալներ են իրեն տրամադրել երկու իրազեկ աղբյուրներ:

Աղբյուր՝ tass.ru

ԱՄՆ-ի առցանց աճուրդում մեծ գումարով վաճառվել է Առնոլդ Շվարցենեգերի գլխավոր դերակատարմամբ «Տերմինատորը» գիտաֆանտաստիկ մարտաֆիլմի տեսաերիզը, հայտնում է TMZ-ը: Ջեյմս Քեմերոնի 1984 թվականին թողարկված ֆիլմի պրեմիերայից հետո թողարկված ձայներիզը վաճառվել է 32,5 հազար դոլարով: Աճուրդային ընկերության ներկայացուցիչ Վինսենթ Ցուրցոլոյի խոսքով՝ VHS ձայներիզը գրեթե կատարյալ վիճակում է եղել:

Աղբյուր՝ gazeta.ru

Ռուսաստանի արտգործնախարար Սերգեյ Լավրովը հայտնել է, որ փետրվարի 24-ին Ժնևում նախատեսված է իր հանդիպումը ԱՄՆ պետքարտուղար Էնթոնի Բլինքենի հետ: «Ձեր համաձայնությամբ նման է հանդիպում նախատեսված այս շաբաթ՝ փետրվարի 24-ին, Ժնևում», - ասել է նա երկուշաբթի՝ ՌԴ նախագահ Վլադիմիր Պուտինի նախագահությամբ անցկացվող Անվտանգության խորհրդի նիստում:

Աղբյուր՝ tass.ru

Այս մասին հայտնել է Ֆրանսիայի նախագահի աշխատակազմի ներկայացուցիչը: «Մենք կամաց-կամաց փոխում ենք իրերի ընթացքը: Մենք ստեղծում ենք դիվանագիտական հեռանկար, որն ընդունում է Կրեմլը», - նշել է Ֆրանսիայի նախագահի խորհրդականը: Կրեմլը հայտարարել է, որ Պուտինն ու Բայդենը ցանկացած պահի կարող են հեռախոսազրույց կամ հանդիպում կազմակերպել, սակայն գագաթնաժողովի կոնկրետ պլաններ դեռ չկան:

Աղբյուր՝ reuters.com

«Արսենալի» գլխավոր մարզիչ Միկել Արտետան ասել է, որ կիսապաշտպան Մարտին Էդեգորը ապագայում կարող է դառնալ լոնդոնյան ակումբի ավագը: «Մարտինն ունի բոլոր որակները թիմի ավագ լինելու համար: Ես խոսել եմ Նորվեգիայի հավաքականի մարզիչ Ստոլե Սոլբակենի հետ, և նա գովասանքով է արտահայտբել Էդեգորի մասին: Բոլորը սիրում են նրան, նա շատ կարևոր է թիմի համար։ Էդեգորը հաճելի, համեստ տղա է, նա այնպիսին է, ինչպիսին կա: Նրա համար ավագի թևկապ ստանալը բնական է, և դա տեղի կունենա»,- Արտետայի խոսքերը մեջբերում է Goal.com-ը։

Աղբյուր՝ sport-express.ru

Սիամական երկվորյակները արևային ակնոցներ են կրել, որպեսզի չտեսնեն, թե ում օգտին է քվեարկել մյուսը, երբ կիրակի նրանք առաջին անգամ ընտրության են մասնակցել Հնդկաստանի Փենջաբ նահանգում: 19-ամյա Սոհան և Մոհան Սինգհերը միմյանց կպած են ազդրի հատվածում և կիսում են մի քանի օրգաններ, այդ թվում՝ ոտքերը:

Աղբյուր՝ france24.com

Դատախազները նրա դեմ քրեական մեղադրանք են ներկայացրել՝ անցյալ ամիս տեղի ունեցած անկարգությունների ժամանակ իր պարտականությունները չկատարելու համար: Այս մասին ասվում է գլխավոր դատախազության տարածած հայտարարության մեջ։ Անցյալ ամիս նախագահ Կասիմ-Ժոմարտ Տոկաևի կողմից պաշտոնանկ արված Մուրատ Բեկտանովին, մեղավոր ճանաչվելու դեպքում, սպառնում է չորսից ութ տարվա ազատազրկում:

Աղբյուր՝ aljazeera.com

Վրաստանի նախկին նախագահ Միխեիլ Սաակաշվիլին հերթական անգամ հացադուլ է հայտարարել: Այդ մասին հայտնել է «Ռուսթավի-2» հեռուստաալիքը: «Ես անժամկետ հացադուլ եմ հայտարարում. հացադուլը արձագանք է նրան, թե ինչպես է ռեժիմը վերաբերվում իմ և մեր ժողովրդի նկատմամբ»,- ասել է նա դատարանի դահլիճում՝ իր գործով դատական նիստի ժամանակ:

Աղբյուր՝ rbc.ru

Բրազիլիայի Պետրոպոլիս քաղաքում որոնողական ու մաքրման աշխատանքները շարունակվում են՝ հինգ օր անց ջրհեղեղներից և սողանքներից, որոնք խլել են առնվազն 171 մարդու կյանք: Զոհերի թվում են առնվազն 27 երեխաներ և դեռահասներ. ավելի քան 120 մարդ դեռևս անհայտ կորած է համարվում:

Աղբյուր՝ bbc.com

Բուսաբանական այգուց հայտնել են, որ ծառը «ցավալի կորուստ» էր, բայց դրա կլոնը կտնկվի այլ հայտվածում: Այգու համադրող դոկտոր Սեմուել Բրոքինգթոնը հավելել է, որ ծառը տնկվել է 1954 թվականին և 68 տարի ողջունել է այցելուներին Բրոքսայդ բուսաբանական այգու մուտքի մոտ: Նա նաև հայտնել է, որ այն կլոնավորվել էր հենց այն ծառից, որը, ըստ լեգենդի, ստիպել է Իսահակ Նյուտոնին բացահայտել ձգողության օրենքները:

Աղբյուր՝ gazeta.ru

Կիրակի Ալյասկայում տեղի ունեցած աճուրդում 143,750 դոլարով վաճառվել է թանկարժեք քարը, որը համարվում է երբևէ հայտնաբերված ամենամեծ թանկարժեք օպալներից մեկը: Ըստ Alaska Premier Auctions & Appraisals աճուրդի տան, օպալը, որը ստացել է «Americus Australis» անվանումը, կշռում է ավելի քան 11 800 կարատ: Քարը բաժանված է երկու մասի. այդ եղանակով էին տասնամյակներ առաջ ստուգում թանկարժեք քարերի որակը:

Աղբյուր՝ apnews.com