Ձեր վստահելի աղբյուրը

Նախորդ շաբաթվա ընթացքում ՍԱՏՄ տեսուչները կատարել են covid19-ի կանխարգելմանն ուղղված 600 ստուգայց՝ արձանագրելով խախտումներ 8 տնտեսավարողի մոտ:

Աղբյուր՝ ՀՀ սննդամթերքի անվտանգության տեսչական մարմին  

The Verge-ի փոխանցմամբ՝ Paramount+ հոսքային հարթակը լիամետրաժ ֆիլմ կնկարահանի՝ հիմնված «Baby Shark» հայտնի երգի վրա: «Պետք է ենթադրել, որ դրանում կլինեն երգեր, որոնք ամենայն հավանականությամբ ընդմիշտ կմնան ձեր (կամ ձեր երեխայի) ուղեղում», - նշել են նախագծի հեղինակները: Ֆիլմի վրա աշխատելու են նաև Nickelodeon անիմացիոն ստուդիան և հարավկորեական Pinkfong ընկերությունը: Պրեմիերան նախատեսվում է 2023 թվականին:

Աղբյուր՝ kulturomania.ru

Ամեն օր քնելուց առաջ թեյի սունկ կամ կոմբուչա խմելու սովորությունը կօգնի բարելավել աղիների աշխատանքը, ինչը դրականորեն կանդրադառնա գիշերային քնի որակի վրա: Այս մասին Daily Express-ին հայտնել է բժիշկ Եվա Կալինիկը:

Աղբյուր՝ ria.ru

Կալիֆոռնիայում 12 տարի անհետ կորած շանը վերամիավորվել է իր տերերի հետ: Զոյին դուրս էր ընկել մեքենայից Սթոքթոնի մերձակայքում գտնվող գյուղական շրջանում: Նրան գտած մարդը ոստիկանություն է զանգահարել՝ ասելով, որ շունը ծեր ու հիվանդ տեսք ունի: Կենդանիների պաշտպանության աշխատակիցը սկանավորել է շան միկրոչիպը և պարզել, որ այն անհետ կորած է եղել 2010 թվականից:

Աղբյուր՝ bbc.com

Ամերիկացի դերասան Չենինգ Թաթումը գլխավոր դեր կխաղա «System Crasher» ֆիլմում, հայտնում է Deadline-ը: Այն համանուն գերմանական ֆիլմի ռիմեյքն է: Կինոժապավենի իրավունքները ձեռք է բերել MGM կինոընկերությունը: Թաթումը իր Free Association ընկերության հետ նախագծում կհամագործակցի նաև պրոդյուսերական աշխատանքներում:

Աղբյուր՝ kulturomania.ru

Այս տարի ևս երեք մասսայական միջոցառում է նախատեսվում արդեն դպրոցականների համար. «1-3-րդ և 4-6-րդ դասարանցիների համար կկազմակերպվի սպորտլանդիա, իսկ 7-12-րդ դասարանցիների համար՝ սպարտակիադա: Կանցկացվեն նաև ռազմամարզական խաղերը:

Աղբյուր՝ ՀՀ ԿԳՄՍՆ 

Կանադայի մայրաքաղաքում շաբաթներ շարունակված շրջափակումը հանգեցրել է մոտ 200 մարդու ձերբակալության և տևական վնասների՝ բիզնեսներին, որոնք հայտնվել են Covid-19-ի սահմանափակումների դեմ բողոքի ցույցերի կենտրոնում: Այժմ քննիչները քննում են շաբաթ օրը Օտտավայում տեղի ունեցած բողոքի ցույցերի ժամանակ ոստիկանության մասնակցությամբ երկու միջադեպ: Այս մասին կիրակի հայտնել են Օնտարիոյի իշխանությունները:

Աղբյուր՝ cnn.com

Փետրվարի 19-ին Ինժեներական քաղաքում տեղի ունեցավ ավագ դպրոցի աշակերտների համար կազմակերպվող «Ինժեներական դպրոց» ծրագրի հերթական փուլի ամփոփիչ միջոցառումն ու հավաստագրերի հանձնման արարողությունը: Երեք ամիս տևողությամբ անվճար դասընթացների ընթացքում մասնակից 34 աշակերտները ստեղծել են  ուսումնամարզական ինքնաթիռների մոդելներ, ռոբոտներ, 7-սեգմենտային դիսփլեյ, օսցիլոգրաֆ, լաբորատոր սնուցման աղբյուր և հաճախաչափ, որոնք ցուցադրվեցին միջոցառման շրջանակում:

Աղբյուր՝ «Ձեռնարկությունների ինկուբատոր» հիմնադրամ

Շաբաթ օրը «Տոտենհեմ Հոսթփուրի» դեմ խաղից հետո Ֆիլ Ֆոդենը և նրա մտերիմները գնացել են Քել Բրուքի և Ամիր Խանի բռնցքամարտի հանդիպմանը և Մանչեսթեր Արենայի տրիբունաների տակ՝ փակ հատվածում, հանդիպել երկրպագուներին, որոնց հետ նրանք կոնֆլիկտ է սկսվել: Ծեծկռտուքի տեսանյութը տարածվել է սոցցանցերում: Անհայտ տղամարդիկ վիրավորել են Ֆոդենին, որից հետո նրա մայրը որդուն պաշտպան է կանգնել և ի պատասխան սկսել վիրավորել նրանց: Որից հետո կինը հրել է խուլիգաններից մեկին, իսկ վերջինս ի պատասխան հարվածել նրա դեմքին: Ծեծկռտուքին միջամտել են նաև մարզադաշտի անվտանգության աշխատակիցները։

Աղբյուր՝ sportrbc.ru

Հունաստանի մերձակայքում ուրբաթ հրդեհված լաստանավում անհետ կորած ուղևորներից մեկին ողջ են գտել, հայտնում են իշխանությունները։ Բեռնատարի 21-ամյա բելառուս վարորդը լաստանավից աստիճաններով իջել է քարշակ նավ: Նրա առաջին խոսքերն են եղել. «Ասեք ինձ, որ ողջ եմ»: Ժամեր անց հրշեջները նավի վրա այրված բեռնատարում հայտնաբերել են անհետացած ուղևորի առաջին մարմինը: Տասը մարդիկ, որոնք բոլորը համարվում են բեռնատարի վարորդներ, դեռևս անհայտ կորած են:

Աղբյուր՝ bbc.com

Ավստրալիայում Իտալիայի դեսպանը մահացել է Ումբրիա շրջանի հայրենի քաղաք Ֆոլինյոյում՝ պատշգամբից ընկնելու հետևանքով: Ըստ տեղեկությունների՝ 56-ամյա դեսպան Ֆրանչեսկա Տարդիոլին մահացած է հայտնաբերվել իր տան մոտ այն բանից հետո, երբ, ըստ երևույթին, ընկել է երրորդ հարկից: Դեպքը հետաքննում է Իտալիայի ոստիկանությունը:

Աղբյուր՝ theguardian.com

ԱՄՆ նախագահ Ջո Բայդենը կիրակի հեռախոսազրույց է ունեցել Ֆրանսիայի առաջնորդ Էմանուել Մակրոնի հետ: Այս մասին լրագրողներին հայտնել է Սպիտակ տան ներկայացուցիչը: «Նրանք քննարկել են ընթացիկ դիվանագիտական փոխգործակցությունը և զսպման միջոցները՝ ի պատասխան Ուկրաինայի սահմաններին ռուսական ուժերի կուտակմանը», - ասվում է մամուլի ծառայության տարածած հայտարարության մեջ: Զրույցը տեւել է 15 րոպե:

Աղբյուր՝ tass.ru

Կանադացի երգիչը վարակվել է կորոնավիրուսով և հետաձգել իր համերգը Լաս Վեգասում: Երգչի ներկայացուցչի խոսքով՝ Բիբերն իրեն լավ է զգում։ Համերգը հետաձգվել է հունիսի 28-ին: Բիբերի հաջորդ համերգը նախատեսված է երեքշաբթի օրը Արիզոնա նահանգի Գլենդել քաղաքում, սակայն այն նույնպես հավանաբար կչեղարկվի:

Աղբյուր՝ gazeta.ru

Կիրակի ընթերցված հայտարարության մեջ 290 անդամ ունեցող խորհրդարանի 250 օրենսդիրները նախագահ Էբրահիմ Ռաիսիին կոչ են արել հավատարիմ մնալ Գործողությունների համատեղ համապարփակ ծրագրի (ԳՀՀԾ) վերականգնելու իրենց պայմաններին: Նրանք նշել են, որ ամերիկյան «դաժան և ահաբեկչական» կառավարությունը և նրա «թույլ ու արհամարհելի» հետևորդները՝ Ֆրանսիան, Գերմանիան և Միացյալ Թագավորությունը, վերջին մի քանի տարիների ընթացքում ցույց են տվել, որ իրենք պարտավորված չեն որևէ համաձայնագրով, ուստի Իրանը պետք է դասեր քաղի այդ փորձից և հստակ կարմիր գծեր սահմանի:

Աղբյուր՝ aljazeera.com

Այս մասին կիրակի հայտարարել է Բուքինգհեմյան պալատը: 95-ամյա միապետը, ով նշում է իր գահակալության 70-ամյակը, թեթև մրսածության ախտանիշներ ունի, սակայն ակնկալում է, որ առաջիկա շաբաթվա ընթացքում կշարունակի թեթև պարտականությունները Վինձորում: «Նա կշարունակի բժշկական օգնություն ստանալ և կհետևի բոլոր համապատասխան ուղեցույցներին», - ասվում է պալատի տարածած հայտարարությունում: Բրիտանական լրատվամիջոցները հայտնում են, որ թագուհին լիովին պատվաստված է:

Աղբյուր՝ cnn.com

Ռուսաստանում ԱՄՆ դեսպանատունը Ռուսաստանում բնակվող իր քաղաքացիների համար նախազգուշացում է տարածել՝ հորդորելով մտածել երկիրը լքելում՝ հասարակական վայրերում ահաբեկչությունների հնարավորության պատճառով: Այս մասին հայտնում է ԱՄՆ դիվանագիտական ներկայացուցչության պաշտոնական կայքը:

Աղբյուր՝ interfax.ru

Ford Mustang Mach-E-ն, որը վաճառվում է ԱՄՆ-ում 43,895-61,995 դոլարով, առաջինն է «Լավագույն էլեկտրական մեքենա» անվանակարգում Consumer Reports-ի ամենամյա «Տարվա լավագույն ավտոմեքենա» վարկանիշում: Նրա հետ մրցակցում են Tesla-ի երկու մոդելները՝ Model Y-ը և Model 3-ը, սակայն Tesla Model 3-ը գրավել է միայն երրորդ տեղը: Էլեկտրական մեքենաների շարքում երկրորդ տեղում հարավկորեական Kia Niro-ն է։

Աղբյուր՝ vesti.ru

Արդեն ամիսներ շարունակ 500 ֆունտ կշռող սև արջը շրջում է Սակրամենտոյից մոտ 100 մղոն դեպի արևելք գտնվող Հարավային Թահո լճի մոտակայքում: Ըստ Կալիֆորնիայի ձկան և վայրի բնության վարչության (CDFW) բլուգի փետրվարի 17-ի գրառման՝ յոթ ամսվա ընթացքում կենդանին մեծ վնաս է հասցրել 33 սեփականության և ներխուժել մտել 28 տուն: CDFW-ն հայտարարել է, որ, բարեբախտաբար, տարածքում մարդկանց կամ ընտանի կենդանիների վրա ուղղակի հարձակումներ չեն եղել:

Աղբյուր՝ cnn.com