Ձեր վստահելի աղբյուրը

Universal Pictures-ը և Illumination Entertainment-ը հայտարարել են «Անճոռնի ես 4»-ի թողարկման օրը: Այն Միացյալ Նահանգների կինոթատրոններում կհայտնվի 2024 թվականին՝ Անկախության օրվա հանգստյան օրերին, այսինքն՝ հուլիսի սկզբին: «Անճոռնի ես» ֆրանշիզան պատմություն է անհաջողակ չարագործի և նրա օգնականների՝ կենսուրախ մինիոնների մասին: Չորրորդ մասի սյուժեի մանրամասները դեռ չեն բացահայտվել:

Աղբյուր՝ kulturomania.ru

Փրկարարները վերսկսել են 12 անհետ կորածների որոնումները շաբաթ լուսադեմին, երբ Իտալիայի դրոշով լաստանավը դեռևս այրվում էր Հոնիական ծովում՝ Կորֆուի ափին:

Աղբյուր՝ france24.com

Ճապոնացի դեղագործ Մասատոշի Կատոն առաջարկել է նվազեցնել արյան ճնշումը հակահիպերտոնիկ վարժություններով: «Ձեռքերի ափերը միացրեք կրծքավանդակի դիմաց և ուժեղ սեղմեք դրանք: Տասը վայրկյանից հետո թուլացրեք ձեռքերը: Այս վարժությունը խորհուրդ է տրվում հատկապես նրա համար, որ այն խթանում է կրծքավանդակի մկանները, որոնք գտնվում են սրտին մոտ», - հայտնել է մասնագետը: Նրա խոսքով՝ նման վարժություններ կան մկանային տարբեր խմբերի համար, և դրանք կարելի է անել օրական մի քանի անգամ:

Աղբյուր՝ ria.ru

115,000 դոլար արժողությամբ Fresco XL-ի արտադրությունը նախատեսող նորվեգական ընկերությունը ներկայացրել է իր մեքենայի միայն 3D մոդելը, սակայն խոստանում է, որ այն մեկ լիցքավորմամբ կկարողանա անցնել արտասովոր 620 մղոն (1000 կմ) հեռավորություն:

Աղբյուր՝ dailymail.co.uk

Ավելի քան 10 000 մարդ Դոնբասից Ռոստովի մարզ է ժամանել ԴԺՀ-ից և ԼԺՀ-ից խաղաղ բնակչության տարհանման մեկնարկից հետո: Փետրվարի 18-ին ԴԺՀ-ի և ԼԺՀ-ի ղեկավարներ Լեոնիդ Պասեչնիկը և Դենիս Պուշիլինը հայտարարեցին հանրապետությունների բնակիչների տարհանման մասին Ռուսաստան, մասնավորապես՝ Ռոստովի մարզ՝ ռազմական գործողությունների աճող սպառնալիքի պատճառով: ՌԴ նախագահ Վլադիմիր Պուտինի հանձնարարությամբ Ռուսաստանի տարածաշրջան ժամանող փախստականներին կվճարվի 10 000-ական ռուբլի:

Աղբյուր՝ tass.ru

Սըր Փոլ Մաքքարթնին ծրագրում է 14 ամսաթվով համերգային շրջագայություն սկսել այս գարնանը Միացյալ Նահանգների արևմուտքում՝ սկիզբ դնելով իր կենդանի ելույթների առաջին շարքին 2019 թվականին համաշխարհային շրջագայության ավարտից հետո: Այս մասին ուրբաթ հայտարարել է նախկին բիթլը: «Got Back» շրջագայությունը կմեկնարկի ապրիլի 28-ին Վաշինգտոն նահանգի Սպոքեն քաղաքում:

Աղբյուր՝ reuters.com

Ամերիկացի ռեփեր Քանյե Ուեսթի «Donda 2» նոր ալբոմը կթողարկվի միայն նրա Stem Player հոսքային հարթակում և չի տեղադրվի Apple Music-ում, Spotify-ում և Youtube Music-ում: Այս մասին հայտնում է Pitchfork-ը: Երաժիշտի խոսքով, նա այս կերպ արձագանքում է հոսքային հարթակների բացասական ազդեցությանը, որոնցից կախված են կատարողները։ «Donda 2»-ի թողարկումը նախատեսված է փետրվարի 22-ին։

Աղբյուր՝ kulturomania.ru

Տոնգան հայտնել է, որ գործարար, Tesla-ի հիմնադիր Իլոն Մասկը նվիրաբերել է 50 արբանյակային տերմինալներ՝ օգնելու հրաբխից տուժած խաղաղօվկիանոսյան կղզուն կապն աշխարհի հետ վերականգնելու համար: Տոնգայի հեռահաղորդակցության համակարգը խիստ սահմանափակվել է հունվարի 15-ից, երբ հրաբխի ուժգին ժայթքումը և ցունամին կտրեցին դրա ստորջրյա օպտիկամանրաթելային մալուխը:

Աղբյուր՝ france24.com

«Նյուքասլի» գլխավոր մարզիչ Էդդի Հաուն հայտնել է, որ «կաչաղակների» պաշտպան Կիրան Թրիպերը կարող է բաց թողնել 2021/22 մրցաշրջանի մնացած հատվածը նախագարշապարային հինգերորդ ոսկրի կոտրվածքի պատճառով: «Հուսով ենք, որ Կիրանը կվերադառնա մինչև մրցաշրջանի ավարտը, սակայն ակնհայտ է, որ նա լուրջ վնասվածք ունի։ Սա լուրջ հարված է, քանի որ նա լավ է խաղացել: Տեսնենք, թե ինչպես կանցնի Թրիպերի վերականգնումը»,- Հաուին մեջբերում է Goal-ը: Թրիպերը «Նյուքասլ» է տեղափոխվել «Ատլետիկո Մադրիդից» հունվարին:

Աղբյուր՝ sport-express.ru

Օսկարակիր դերասանուհի Վիոլա Դևիսի կերպարը Միշել Օբամայի դերում ցուցադրվել է հեռուստադրամայի առաջին թրեյլերում: «Առաջին տիկինը», որը եթեր դուրս կգա այս տարի, կուսումնասիրի ԱՄՆ երեք նախագահների հետ ամուսնացած կանանց կյանքը: 10 մասից բաղկացած սերիալում կխաղան նաև Միշել Պֆայֆերը՝ Բեթի Ֆորդի դերում և Ջիլիան Անդերսոնը՝ Էլեոնոր Ռուզվելտի դերում:

Աղբյուր՝ bbc.com

Պետրոպոլիս քաղաքում հորդառատ անձրեւների հետևանքով առաջացած սողանքների ու ջրհեղեղների զոհերի թիվը հասել է 136-ի, 213-ը անհետ կորած է համարվում: Այս մասին հայտնում է բրազիլական Globo հեռուստաալիքը: Փրկարարներին հաջողվել է փլատակների տակից դուրս բերել ողջ մնացած 24 մարդու: 136 մահացածներից 81-ը կանայք են, 50-ը՝ տղամարդիկ, որոնցից 22-ը՝ անչափահաս:

Աղբյուր՝ gazeta.ru

Օտտավայի ոստիկանությունը սկսել է ձերբակալել ցուցարարներին և տարհանել մեքենաները՝ փորձելով ցրել այսպես կոչված «ազատության շարասյունը», որը շաբաթներ շարունակ կաթվածահար է արել Կանադայի մայրաքաղաքը և ստիպել վարչապետ Ջասթին Թրյուդոյին երկրում արտակարգ դրություն հայտարարել: Ուրբաթ երեկոյի դրությամբ առնվազն 100 մարդ էր ձերբակալվել և առնվազն 21 մեքենա՝ քարշակվել, ներառյալ բոլոր նրանք, որոնք փակել էին քաղաքի գլխավոր փողոցներից մեկը:

Աղբյուր՝ theguardian.com

Ատլանտյան օվկիանոսում գոյացած փոթորիկը հարվածել է Հյուսիսարևմտյան Եվրոպաին՝ ժամում մինչև 196 կմ ռեկորդային արագության քամիներով, որի հետևանքով զոհվել է առնվազն ութ մարդ, տասնյակ հազարավոր մարդիկ հոսանքազրկվել են, կոտրվել Լոնդոնի O2 Arena-ի տանիքը: «Յունիս» փոթորիկը ուրբաթ հարվածել է արևմտյան Անգլիային և հասել Քորնոուլ:

Աղբյուր՝ aljazeera.com

Դոնեցկի ինքնահռչակ հանրապետությունից դուրս է բերվել 6,6 հազար մարդ: Այդ մասին հաղորդում է տեղի ԱԻՆ-ը: Գերատեսչությունում ընդգծել են, որ իրենք արդեն ավարտել են Ուսպենկա, Մարինովկա, Ուլյանովսկ և Նովոազովսկ անցակետերում կենսաապահովման կետերի տեղակայումը:

Աղբյուր՝ ria.ru

«Մոնակոյի» կիսապաշտպան Ֆրանսեսկ Ֆաբրեգասը խոսել է «ՊՍԺ»-ի հարձակվող Լիոնել Մեսսիի խաղի մասին: «Մեսսին երջանիկ է «ՊՍԺ»-ում. Նա երջանիկ է, երբ հաղթում է, գոլ է խփում և որոշում հանդիպումների ելքը։ Ահա, թե ինչու է 15 տարի նա եղել այնպիսին, ինչպիսին կա: Մեսսիին ամենաշատը նման է Կրիշտիանուն  Ռոնալդուն, բայց այնպիսի մեկին,ինչպիսին նա է, ես երբեք չեմ տեսել»,- ասել է Ֆաբրեգասը Mundo Deportivo-ին տված հարցազրույցում:

Աղբյուր՝ sport-express.ru

Ջոլին վաճառել է իր մասնաբաժինը ֆրանսիական խաղողի այգում, որը նրանք միասին են գնել: Զույգը 2008 թվականին գնել է Chateau Miraval-ի վերահսկիչ բաժնեմասը և վեց տարի անց ամուսնացել այնտեղ: Փիթը նշում է, որ ինքը և իր նախկին կինը պայմանավորվել են չվաճառել իրենց բաժնետոմսերը առանց մյուսի թույլտվության: Սակայն, ըստ հայցի, Ջոլին իր բաժնեմասը վաճառել է ռուս օլիգարխին պատկանող ոգելից խմիչքների արտադրողին: Ջոլին դեռ չի մեկնաբանել:

Աղբյուր՝ bbc.com

Ֆրանսիայի նախագահ Էմանուել Մակրոնի կինը՝ Բրիջիթը, դատական հայց է ներկայացրել երկու կանանց դեմ, որոնք լուրեր են տարածել իր սեռափոխության մասին: Այս մասին գրում է պարբերականը: Փարիզի դատարանում լսումները կսկսվեն հունիսի 15-ին: Ֆրանսիայի առաջնորդի կինը անանուն աղջիկներին մեղադրել է անձնական կյանք ներխուժելու և անձի իրավունքները ոտնահարելու մեջ:

Աղբյուր՝ lenta.ru

Սասեքսի դուքսի փաստաբանները ուրբաթ կայացած դատական նիստում հայտնել են, որ նա չի ցանկանում իր երեխաներին հայրենիք բերել, քանի որ դա անվտանգ չէ։ Հարին դատի է տվել Միացյալ Թագավորության կառավարությանը՝ Մեծ Բրիտանիա ժամանելիս ոստիկանության պաշտպանության համար իրեն անձամբ վճարել թուլ չտալու համար: Նրա իրավաբանական թիմն ասում է, որ Հարին ցանկանում է իր երեխաներին՝ մոտ 3 տարեկան Արչիին և 8 ամսական Լիլիբեթին, բերել իր հայրենիք, սակայն դա չափազանց ռիսկային է առանց ոստիկանության պաշտպանության:

Աղբյուր՝ apnews.com