Ձեր վստահելի աղբյուրը

Ամերիկյան Joby Aviation ավիամշակող ընկերությունը ճապոնական ANA ավիաընկերության հետ միասին թռչող տաքսի կգործարկի Ճապոնիայում: Ավտոարտադրող Toyota Motor Corporation-ը կհամագործակցի վերջիններիս հետ՝ տրանսպորտի նոր եղանակը վերգետնյա տրանսպորտի հետ «համաժամանակեցնելու» հարցում, ինչպես նաև կդառնա Joby-ի ներդրողներից մեկը: Ուղևորները կտեղափոխվեն Joby Aviation-ի կողմից ստեղծված էլեկտրական ինքնաթիռով, որում կտեղավորվի մինչև չորս ուղևոր:

Աղբյուր՝ lenta.ru

Ֆորմուլա 1-ի ավտոարշավորդ Նիկոլաս Լատիֆին երեքշաբթի հայտնել է, որ թիկնապահներ է վարձել Լոնդոնում՝ վիճահարույց Աբու Դաբի Գրան պրիից հետո մահվան սպառնալիքների պատճառով: Բրիտանական Ուիլյամս թիմում հանդես եկող կանադացին համացանցում վիրավորանքների հեղեղ է ստացել այն բանից հետո, երբ վթարի հետևանքով անվտանգության մեքենան ուշացել էր, ինչը նպաստեց բրիտանացի Լյուիս Հեմիլթոնի պարտությանը աշխարհի առաջնությունում:

Աղբյուր՝ france24.com

Հոնդուրասի նախկին նախագահ Խուան Օռլանդո Էրնանդեսը երեքշաբթի հանձնվել է ոստիկանությանը այն բանից հետո, երբ դատավորը հրամայել է ձերբակալել նրան: Միացյալ Նահանգները պահանջում է նրա արտահանձնումը՝ թմրանյութերի վաճառքով զբաղվողների հետ ենթադրյալ կապերի համար:

Աղբյուր՝ france24.com

Լրագրող Վլադիմիր Պոզները «Gazeta.Ru»-ի հետ զրույցում խոստովանել է, որ անհանգստացած է Ռուսաստանի և Ուկրաինայի միջև առկա իրավիճակից: «Ես մեծ անհանգստությամբ եմ վերաբերում այս իրավիճակին և լիահույս եմ, որ ներխուժում չի լինի: Հակված եմ վստահելու մեր ղեկավարներին, ովքեր հերքում են նման ծրագրերի մասին լուրերը, սակայն վախենում եմ սադրանքներից: Վախենամ, որ և՛ այս կողմում, և՛ այն կողմում կան մարդիկ, ովքեր կցանկանային այդ բախումը: Ես 75 տոկոսով վստահ եմ, որ պատերազմ չի լինի, բայց 25 տոկոսով գուցե լինի»,- ասել է նա:

 

Ռեժիսոր Բազ Լուրմանը («Մեծն Գեթսբի») ցուցադրել է «Էլվիս» կենսագրական ֆիլմի առաջին թիզերը XX դարի ռոքնռոլի հայտնի աստղի մասին: Ամբողջական թրեյլերը կթողարկվի փետրվարի 17-ին: Ֆիլմը պատմում է Էլվիս Փրեսլիի կյանքի մասին՝ սկսած նրա զինվորական կարիերայից և ավարտվում երաժշտական մի քանի ժանրերի հաջող նվաճմամբ՝ փոփ երաժշտությունից մինչև քանթրի և ռոքնռոլ: Ֆիլմի համաշխարհային պրեմիերան նախատեսված է հունիսի 24-ին:

Աղբյուր՝ daily.afisha.ru

Մանհեթենի դատարանի կողմից երեքշաբթի ներկայացված նոր տվյալների համաձայն՝ թագուհի Եղիսաբեթ II-ի խայտառակված որդին բավարարել է Վիրջինիա Ջիուֆրի հայցը, որը նրան մեղադրել էր իրեն բռնաբարելու մեջ, երբ ինքը դարձել էր Էնդրյուի ընկերոջ՝ տխրահռչակ սեքսուալ հանցագործ Ջեֆրի Էփշտեյնի դեռահաս զոհը: 61-ամյա Էնդրյուի կողմից վճարվելիք գումարի չափը գաղտնի է: «Էնդրյուն նաև մտադիր է մեծ նվիրատվություն կատարել ի պաշտպանություն զոհերի իրավունքների»,- ասվում է հայտարարության մեջ:

Աղբյուր՝ nytimes.com

«Օսկար»-ի 94-րդ մրցանակաբաշխությունը կունենա երեք հաղորդավար: Նրանք են ստենդ-ափ կատակերգուներ Էմի Շումերն ու Վանդա Սայքսը, ինչպես նաև դերասանուհի Ռեգինա Հոլը: Այս մասին գրել է Variety-ն՝ հղում անելով սեփական աղբյուրին:

Աղբյուր՝ korrespondent.net

Երեքշաբթի վաղ առավոտյան Կանադայի հյուսիս-արևելյան ափերի մոտ իսպանական ձկնորսական նավը խորտակվել է խիստ սառած ծովում. առնվազն չորս մարդ մահացել է, 17-ը անհետ կորել են: Իսպանիայի ծովային փրկարար ծառայությունը հայտնել է, որ միջազգային օպերացիա է իրականացվում՝ գտնելու Villa de Pitanxo նավի անձնակազմին:

Աղբյուր՝ theguardian.com

BBC-ին տված հարցազրույցում աշխարհի առաջին ռակետը ասել է, որ պետք չէ իրեն ասոցացնել պատվաստման հակառակորդների հետ, բայց նա պաշտպանում է անհատի ընտրության իրավունքը: Ջոկովիչին հարցրել են, թե արդյո՞ք նա կզոհաբերի մասնակցությունն այնպիսի մրցաշարերին, ինչպիսիք են Ուիմբլդոնը և Ֆրանսիայի բաց առաջնությունը՝ պատվաստանյութի վերաբերյալ իր դիրքորոշման պատճառով: «Այո, դա այն գինն է, որը ես պատրաստ եմ վճարել»,- ասել է նա:
 

Այդ մասին Reddit-ում պատմել է նրա կինը: «Ինչպես գիտեք, Բեթմենի նոր ֆիլմը դուրս կգա մարտի սկզբին: Ամուսինս նման բաների մեծ երկրպագու է և ցանկանում է տեսնել այն պրեմիերայի օրը: Խնդիրն այն է, որ իմ ծննդաբերության հավանական օրը հենց այդ օրն է»,- գրել է կինը։ Ամուսինն իր որոշումը հիմնավորում է նրանով, որ միայն առաջին օրը ֆիլմը դիտելով՝ կկարողանա խուսափել սփոյլերներից:

Աղբյուր՝ daily.afisha.ru

Մուգ, թավշյա համով սուրճը ավելին է, քան մի բաժակ արագ պատրաստվող կոֆեինը: Իտալիայում էսպրեսսոն արժեքավոր սոցիալական և մշակութային ծես է, որը երկիրը համարում է ՅՈՒՆԵՍԿՕ-ի նյութական ժառանգություն լինելուն արժանի ազգային հարստություն: Իտալացիները Վենետիկից մինչ Սիցիլիա օրական մոտ 30 միլիոն էսպրեսսո են սպառում՝ ճենապակյա գավաթներով կամ փոքրիկ բաժակներով, կաթով կամ առանց կաթի, և յուրաքանչյուր բաժինը դիտվում է որպես ընկերասիրության, հոգատարության ժեստ:

Աղբյուր՝ france24.com

Ռեստորանների և հյուրանոցների «Shift4 Payments» վճարային ծառայության սեփականատեր, միլիարդատեր Ջարեդ Այզեքմանը, երեք նորտիեզերական թռիչք է պատվիրել SpaceX հրթիռով:  Այս մասին նա հայտնել է երկուշաբթի The Washington Post-ին տված հարցազրույցում: Այզեքմանը նշել է, որ առաջին թռիչքը կարող է իրականացվել մինչ այս տարվա վերջ:

Աղբյուր՝ tass.ru

Սադիր Ջապարովը վարորդ է աշխատել է տեղական արտադրության նոր ավտոբուսի ղեկին: Այս մասին հայտնում է 24.kg պորտալը: Նշվում է, որ երկրի ղեկավարը ղեկին նստել է Չուի մարզ կատարած աշխատանքային այցի ժամանակ, որտեղ նրան ներկայացրել են «Beles.kg» ՍՊԸ ձեռնարկության արտադրանքը:

Աղբյուր՝ gazeta.ru

Tesla-ի գործադիր տնօրեն Իլոն Մասկը էլեկտրամեքենաների ընկերության մոտ 5,7 միլիարդ դոլար արժողությամբ բաժնետոմսերը բարեգործությանն է նվիրաբերել: Նվիրատվության մասին հայտնի է դարձել երկուշաբթի օրը ԱՄՆ արժեթղթերի և բորսաների հանձնաժողով ներկայացված փաստաթղթում: Բաժնետոմսերը նվիրաբերվել են անցյալ տարի նոյեմբերի 19-ից նոյեմբերի 29-ն ընկած ժամանակահատվածում:

Աղբյուր՝ cnn.com

Փոփ երգիչ Աբրահամ Ռուսսոն «ՌԻԱ Նովոստի»-ին հայտնել է, որ ինքնաթիռի խցիկում կորցրել է ԱՄՆ քաղաքացու անձնագիրը, և դրա պատճառով չի կարողացել անմիջապես անցնել Նյու Յորքի օդանավակայանի ստուգման ընթացակարգը: Երգիչը հավելել է, որ փաստաթուղթը չգտնելով՝ ցույց է տվել վարորդական իրավունքը, իսկ որոշ ժամանակ անց անձնագիրը գտնվել է: Նրա խոսքով՝ ոստիկանները շների հետ կանգնած են եղել հենց ելքի մոտ ու հավանաբար մտածել են, որ հայտնի երգիչը ապօրինի թռչողներից է:

Աղբյուր՝ ria.ru

Առափնյա պահպանության ծառայությունը հայտնել է, որ փոքր ինքնաթիռը, որում եղել է ութ մարդ, ընկել է օվկիանոսը Հյուսիսային Կարոլինայի ափերի մոտ և բազմաթիվ բեկորների բաժանվել: Մինչ այժմ հայտնաբերվել և նույնականացվել է մեկ դի, երկուշաբթի կեսօրին լրագրողներին հայտնել է Կարտերեթ շրջանի շերիֆ Ասա Բաքը:

Աղբյուր՝ apnews.com

Ուկրաինայի նախագահ Վլադիմիր Զելենսկին հրամանագիր է ստորագրել «Ուկրաինայի հասարակության համախմբմանն ուղղված հրատապ միջոցառումների մասին», որով 2022 թվականի փետրվարի 16-ը հռչակվել է ուկրաինացիների միասնության օր: Ավելի վաղ Politico-ն հայտնել էր, որ ԱՄՆ նախագահ Ջո Բայդենը, հղում անելով ԱՄՆ հետախուզության տվյալներին, այս ամսաթիվն անվանել է այն օրը, երբ Ռուսաստանը ռազմական գործողություններ կսկսի Ուկրաինայի դեմ:

Աղբյուր՝ interfax.ru

«Մանչեսթեր Սիթիի» 27-ամյա պաշտպանը դեմքին վնասվածքներ էր ստացել այն բանից հետո, երբ դեկտեմբերին փորձել էր պայքարել իր տուն ներխուժած չորս կողոպտիչների հանցախմբի դեմ: «Իմ ընտանիքն արժանի չէր դրա միջով անցնելու»,- ասել է պորտուգալացի ֆուտբոլիստը՝ առաջին անգամ կատարվածի մասին խոսելով լրատվամիջոցների հետ: Կանսելոն կարողացել էր մասնակցել հունվարի 1-ին «Արսենալի» դեմ «Սիթիի» 2:1 հաշվով հաղթանակին, հարձակումից երկու օր անց՝ ակումբի բժշկական անձնակազմի կողմից հետազոտվելուց հետո:

Աղբյուր՝ bbc.com