Ձեր վստահելի աղբյուրը

համայնքի միջոցներով ու ծրագրերով: Փուլ առ փուլ նախատեսված ծրագրի մրցույթներն արդեն կայացել են:

Աղբյուր՝ Երևանի քաղաքապետարանի աշխատակազմի լրատվության վարչություն

Եթե ռուս գեղասահորդուհի Կամիլա Վալիևան Պեկինի Օլիմպիական խաղերի կանանց մենասահքում պատվոհարթակ բարձրանա, ապա խաղերի ժամանակ մրցանակաբաշխության և ծաղիկների հանձման արարողությունները չեն կայանա, ասվում է Միջազգային օլիմպիական կոմիտեի (ՄՕԿ) պաշտոնական կայքում տեղադրված հաղորդագրության մեջ: Պեկինի օլիմպիական խաղերում գեղասահքի կանանց անհատական կարճ ծրագիրը կկայանա փետրվարի 15-ին:

Աղբյուր՝ ria.ru

Մահացել է նշանավոր ռեժիսոր և պրոդյուսեր Այվան Ռեյթմանը, ով ստեղծել է 20-րդ դարավերջի ամենասիրված կատակերգություններից շատերը՝ «Կենդանիների տնից» մինչև «Ուրվականների որսորդները»: Նա 75 տարեկան էր: Ռեյթմանը մահացեել է շաբաթ գիշերը Կալիֆորնիայի Մոնտեսիտո քաղաքում գտնվող իր տանը՝ քնի մեջ: Այս մասին Associated Press-ին հայտնել է նրա ընտանիքը:

 

Իտալիայի Առողջապահության բարձրագույն ինստիտուտի գիտնականները մշակել են կորոնավիրուսի դեմ պատվաստանյութի նոր նախատիպ, որը հիմնված է բոլոր շտամների համար ընդհանուր սպիտակուցի վրա: Ինչպես կիրակի հաղորդվել է գիտական հաստատության կայքում, մկների վրա նախակլինիկական թեստերի արդյունքները ցույց են տալիս «պատվաստանյութերի նոր տեսակի կանխարգելիչ ներուժը»:

Աղբյուր՝ tass.ru

Կիրակի կայացած հանրաքվեի արդյունքում Շվեյցարացի ընտրողները մերժել են կենդանիների իրավունքների պաշտպանների առաջարկը՝ Շվեյցարիան դարձնել առաջին երկիրը, որն արգելում է կենդանիների վրա բժշկական և գիտական փորձարկումները, սակայն հաստատել են ծխախոտի գովազդի ավելի խիստ սահմանափակումները:

Աղբյուր՝ reuters.com

Գովազդային տեսահոլովակում նկարահանվել է նաև դերասանուհի Սալմա Հայեկը: Նա խաղացել է նրա կնոջ՝ Հերայի դերը: «Օլիմպոս լեռից Փալմ Սփրինգս տեղափոխվելով՝ Զևսն բացրձակ հիացած չէ բոլոր երկրային էլեկտրական բաներով, քանի դեռ չի հանդիպել ամբողջովին էլեկտրական BMW iX M60-ին», - ասվում է BMW ընկերության կայքում:

Աղբյուր՝ kulturomania.ru

«Համայնքի ղեկավարները հանուն տնտեսական զարգացման» (ՀՀՏԶ) ծրագիրը կյանքի կկոչի պորտֆելային մոտեցումը Հայաստանում։ Գործընթացը կներառի Միավորված ազգերի կազմակերպության Զարգացման ծրագրի (ՄԱԶԾ) եւ Chora հիմնադրամի հետ համատեղ 2-ից 3 տարի տեւողությամբ ուսուցողական «ուղեւորություն», որի ընթացքում կսովորեն նախագծել եւ կառավարել համայնքային փոխակերպման պորտֆելը:

Աղբյուր՝ ՄԱԶԾ հայաստանյան գրասենյակ

Ֆրանսիացի ոստիկանները երկուշաբթի առավոտյան կրակել և սպանել են դանակով զինված տղամարդուն, ով Փարիզի Gare du Nord-ում սպառնացել է իրավապահներին: Դանակով տղամարդը մոտեցել է մի խումբ ոստիկանների, ովքեր հերթապահում էին երկաթուղու գծերի մոտ: Այն բանից հետո, երբ նա հրաժարվել է կատարել ոստիկանության աշխատակիցների հրամանը՝ հեռացնել մոտ 30 սմ երկարությամբ սայրով դանակը, նրանք կրակ են բացել: Դեպքի վայր հասած շտապօգնության բժիշկները չեն կարողացել փրկել տղամարդու կյանքը: Ոստիկաններից ոչ ոք չի տուժել:

Աղբյուր՝ interfax.ru

Այն տեղի կունենա 2022 թվականի ապրիլի 16-ին՝ «Հայ կինոյի օրը»: Մրցանակներ կհանձնվեն ինչպես խաղարկային լիամետրաժ կինոնկարների համար, այնպես էլ՝ այլ անվանակարգերում: Մրցանակաբաշխության անվանակարգերը 12-ն են: Հայտերի ընդունման փուլը մինչ փետրվարի 25-ն է: ընդունվում են 2019 -2021 թթ. արտադրված ֆիլմերի հայտեր:

Աղբյուր՝ Հայկական ազգային կինոակադեմիա. «Անահիտ» մրցանակաբաշխություն

Մայրաքաղաքի 90 բազմաբնակարան շենքի տանիքներին տեղադրվում են արևային ֆոտովոլտային համակարգեր՝ ապահովելով շենքի վերելակների, շքամուտքերի, աստիճանավանդակների, ինչպես նաև բակային տարածքների լուսավորության համար անհրաժեշտ էլեկտրաէներգիան: Ծրագրով շենքերում ու բակերում տեղադրվում են նաև նոր Էներգախնայող LED լուսատուներ: Երևանի քաղաքապետարանի հավաստմամբ՝ այդպես, բնակիչները կտնտեսեն իրենց միջոցները՝ 50 %-ով:

Աղբյուր՝ Երևանի քաղաքապետարան 

Իսրայելական զինվորները կրակել և սպանել են 17-ամյա պաղեստինցի տղայի՝ օկուպացված Արևմտյան ափի Ջենին քաղաքի մոտակայքում տեղի ունեցած բախումների ժամանակ: Այս մասին երկուշաբթի հայտնել են Պաղեստինի առողջապահության նախարարությունը և պաշտոնական Wafa լրատվական գործակալությունը: Մոհամմեդ Աբու Սալահը սպանվել է Սիլաթ ալ-Հարիթիյա գյուղում, երբ զորքերը կիրակի ուշ երեկոյան ժամանել են՝ քանդելու Մուհամմադ Ջարադաթի տունը, ով մեղադրվում է անցյալ տարվա վերջին իսրայելցու սպանության մեջ:

Աղբյուր՝ aljazeera.com

Փետրվարի 14-ին՝ ժամը 13:30-ին,  ԱԺ 334 դահլիճում տեղի կունենա քննարկում բազային ապահովագրավճարի չափի ավելացման վերաբերյալ:

Աղբյուր՝ ՀՀ Ազգային ժողով 

Քրիստինա Օրբակայտեն դստեր՝ Կլաուդիա Զեմցովայի հետ ձայնագրել է «Փոքրիկ իշխանը» թրեքը: Աշխատանքը ներկայացվել է թվային հարթակներում: Այն Նիկոլայ Դոբրոնրավովի բանաստեղծության վրա Միքայել Թարիվերդիևի կողմից գրված երգի քավեր տարբերակն, որն առաջին անգամ հնչել է 1968 թվականին «Ուղևոր հասարակածից» ֆիլմում Ելենա Կամբուրովայի և Տատյանա Պոկրասի կատարմամբ:

Աղբյուր՝ ria.ru

Բրիտանական Harley Street Clinic-ի ուռուցքաբան-խորհրդատու Ամեն Սիբթեյնի խոսքով՝ մարմնի ցանկացած հատվածում անբացատրելի ցավերը կարող են խոսել ուռուցքաբանական խնդրի մասին, եթե դրանք տևեն ավելի քան երեք շաբաթ: Նման դեպքում պետք է անհապաղ խորհրդակցել բժշկի հետ: Բժիշկը քաղցկեղի ախտանիշներին է վերագրել նաև առանց հստակ պատճառի արյունահոսությունը և քաշի կորուստը: Սիբթեյնը նաև խորհուրդ է տվել ուշադրություն դարձնել հոգնածության, գիշերային առատ քրտնարտադրության, այտուցների առաջացման, մշտական հազի և կուլ տալու հետ կապված խնդիրների, ինչպես նաև փքվածության դեպքում:

Աղբյուր՝ gazeta.ru

Շաբաթ վաղ առավոտյան (տեղական ժամանակով 2:45-ի սահմաններում) Վեսթ Հոլիվուդում տեղի ունեցած ծեծկռտուքից հետո 4 մարդու հրազենային վնասվածք են հասցրել: Դեպքը տեղի է ունեցել «The Nice Guy» ռեստորանի մոտակայքում, որտեղ Ջասթին Բիբերը հետխնջույք էր կազմակերպել իր համերգից հետո: CNN-ի աղբյուրի փոխանցմամբ՝ երաժիշտը եղել է հաստատության ներսում, երբ կրակոցները տեղի են ունեցել, և դեպքի մասին իմանալուց հետո որոշել է լքել տարածքը:
 

Պեկինում առատ ձյունը խաթարել է լեռնադահուկային և ազատ ոճի դահուկավազքը. ջերմաստիճանը իջել է -22°C-ից ցածր: Դահուկային սպորտաձևերի մի քանի միջոցառումներ ստիպված են եղել հետաձգել մեկ օրով:

Աղբյուր՝ bbc.com

ԱՄՆ-ի և Ուկրաինայի նախագահները հեռախոսազրույց են ունեցել։ Այս մասին հայտնել են Սպիտակ տանը: Վլադիմիր Զելենսկիի և Ջո Բայդենի զրույցը տևել է մեկ ժամից մի փոքր պակաս: Ընթացիկ տարվա սկզբից դա երկու պետությունների ղեկավարների երրորդ հեռախոսազրույցն է:

Աղբյուր՝ vesti.ru

Լոնդոնից արևելք գտնվող գինետանը միջնահարկի փլուզման հետևանքով տուժել է 13 մարդ: Շաբաթ՝ ժամը 16:50-ին, Հեքնի Ուիքում շտապօգնության ծառայության մեքենաներ են կանչվել «Two More Years» բար: Հրշեջները փրկել են փլուզումից հետո արգելափակված յոթ մարդու: Լոնդոնի շտապօգնության ծառայությունը հայտնել է, որ երեք մարդ լուրջ վնասվածքներ է ստացել, ևս 10-ի մոտ եղել են թեթև վնասվածքներ:

Աղբյուր՝ bbc.com