Ձեր վստահելի աղբյուրը

Կիևում Ֆրանսիայի դեսպան Էտիեն դե Պոնսինը ուկրաինացի հայրենակիցներին կոչ է արել սնունդ, ջուր և տաք հագուստ մթերել լարված իրավիճակի պատճառով, սակայն երկիրը լքելու խորհուրդ չի տվել: Նա ֆրանսիացիներին հորդորել է լինել չափազանց զգոն և խորհուրդ տվել պատրաստ պահել բոլոր անձնական փաստաթղթերը:

Աղբյուր՝ ria.ru

ՌԴ ԱԳ նախարար Սերգեյ Լավրովը շաբաթ օրը ԱՄՆ պետքարտուղար Էնթոնի Բլինքենի հետ հեռախոսազրույցի ժամանակ ասել է, որ Ուկրաինայի դեմ «ռուսական ագրեսիայի» վերաբերյալ ԱՄՆ-ի և նրա դաշնակիցների քարոզչական արշավը սադրիչ նպատակներ է հետապնդում: Զրույցի վերաբերյալ ՌԴ ԱԳՆ-ի զեկույցում նշվում է, որ այն տեղի է ունեցել ամերիկյան նախաձեռնությամբ:

Աղբյուր՝ ria.ru

Բրազիլական Ամազոնում հունվարին հատված ծառերի թիվը զգալիորեն գերազանցել է նախորդ տարվա նույն ամսվա անտառահատումները՝ համաձայն կառավարության արբանյակային տվյալների: Ոչնչացված տարածքը հինգ անգամ ավելի մեծ է, քան 2021-ին, ինչը հունվարի ամենաբարձրն է՝ 2015 թվականին սկսված գրանցումների ցուցանիշներով: Բնապահպանները մեղադրում են Բրազիլիայի նախագահ Ժաիր Բոլսոնարոյին անտառահատումների արագացումը չկանխելու մեջ:

Աղբյուր՝ bbc.com

շարունակելով փակ պահել ԱՄՆ մուտքի կարևորագույն ճանապարհը: Նրանք շաբաթ օրը շարունակել են արգելափակել Հյուսիսային Ամերիկայի ամենածանրաբեռնված միջպետական անցումը՝ ի հեճուկս դատարանի ուբաթ օրվա որոշման: Այդպիսով, պոտենցիալ բախում է ստեղծվում ոստիկանության հետ Covid-19-ի բողոքի ակցիաների պատճառով, որոնք խաթարել են մատակարարման շղթաները և մտահոգություն առաջացրել քաղաքական առաջնորդների շրջանում:

Աղբյուր՝ cnn.com

Ռուս երգիչ Դիմա Բիլանը պատմել է, որ կորոնավիրուսով հիվանդանալուց հետո իր մոտ ցրվածություն է նկատվում: Արտիստը Instagram-ի իր էջում հայտնել է օմիկրոն շտամի տարօրինակ կողմնակի ազդեցության մասին: Նրա խոսքով՝ մեկ այլ անսովոր ախտանիշ է համեմատաբար ցածր ջերմությունը, որը հիվանդության ողջ ընթացքում իր մոռ եղել է 36,9-37 աստիճանի մակարդակում:

Աղբյուր՝ lenta.ru

Բոբ Մարլիի դերը Paramount-ի կենսագրական ֆիլմում կխաղա բրիտանացի դերասան Քինգսլի Բեն-Ադիրը, ով առավել հայտնի է «Կլոր սեղանի ասպետները։ Արքա Արթուր» և «Մի գիշեր Մայամիում» ֆիլմերից: Նախագծի ռեժիսորն է Ռեյնալդո Մարկուս Գրինը, ով աշխատել է «Ռիչարդ արքա»-ի վրա: Սցենարի վրա աշխատում է Զաք Բեյլինը:

Աղբյուր՝ kulturomania.ru

Գաո Տինյուն ոգևորել է Պեկինցի երկրպագուներին՝ դառնալով առաջին չինացին, ով մշկավազքում օլիմպիական ոսկե մեդալ է նվաճել՝ հաղթելով 500 մ վազքում: 2018թ.-ի Փհենչհանի խաղերում Գաոն նվաճել էր օլիմպիական բրոնզը:

Աղբյուր՝ apnews.com

ՌՍՖՍՀ ժողովրդական արտիստուհի Զինաիդա Կիրիենկոն, ով նկարահանվել է Միխայիլ Շոլոխովի «Խաղաղ Դոնը» և «Մարդու ճակատագիրը» ստեղծագործությունների էկրանավորումներում, մահացել է 88 տարեկանում: Այս մասին ՏԱՍՍ-ին հայտնել է Ռուսաստանի Դաշնության կինեմատոգրաֆիստների միության ներկայացուցիչը:
 

Էդ Շիրանն ու Թեյլոր Սվիֆթը շարունակում են իրենց առաջին համատեղ՝ «Everything Has Changed» երգի սիրո պատմությունը՝ նոր դուետի՝ «The Joker and The Queen»-ի թողարկմամբ:  Շիրանն ի սկզբանե թողարկեց «The Joker and The Queen» երգի սոլո տարբերակը 2021 թվականի հոկտեմբերին՝ որպես իր հինգերորդ ստուդիական ալբոմի՝ «=»-ի (Equals) մաս:

Աղբյուր՝ cnn.com

Թուրքմենստանում այս տարվա մարտի 12-ին կանցկացվեն արտահերթ նախագահական ընտրությունները: Այս մասին «ՌԻԱ Նովոստի»-ին հայտնել է Թուրքմենստանի Կենտրոնական ընտրական հանձնաժողովի նախագահի օգնական Բեզիրգեն Կարաևը: Նախօրեին Թուրքմենստանի նախագահ Գուրբանգուլի Բերդիմուհամեդովը խորհրդարանի վերին պալատի՝ Ժողովրդական խորհրդի արտահերթ նիստում ասել էր, որ անհրաժեշտ է կառավարումը զիջել երիտասարդ առաջնորդներին:
 

Արևմտյան հետախուզողնները զգուշացնում են, որ ռուսական ներխուժումն Ուկրաինա գնալով ավելի մոտ է դառնում: Պետդեպարտամենտը նախատեսում է ԱՄՆ ժամանակով շաբաթ օրը վաղ առավոտյան հայտարարել, որ Կիևում ԱՄՆ դեսպանատան գրեթե բոլոր աշխատակիցներից կպահանջվի երկիրը: Քիչ թվով պաշտոնյաներ կարող են մնալ Կիևում, սակայն դեսպանատան մոտ 200 ամերիկացիների ճնշող մեծամասնությունը դուրս կբերվի կամ կտեղափոխվի Ուկրաինայի ծայր արևմուտք՝ Լեհաստանի սահմանի մոտ:

Աղբյուր՝ apnews.com

Amazon Studios-ն աշխատում է «Շեղբի վրայով վազողը» ֆրանշիզայի շրջանակներում սերիալի վրա: Այդ մասին գրում է The Hollywood Reporter-ը: Պարբերականի հաղորդմամբ՝ նախագիծը կոչվում է «Շեղբի վրայով վազողը - 2099» (Blade Runner 2099): Սերիալի գործադիր պրոդյուսերն է Ռիդլի Սքոթը՝ ֆրանշիզայի առաջին մասի ռեժիսորը:

Աղբյուր՝ gazeta.ru

24-ամյա Ջենները հայտնել է իր որդու անունը Instagram-ի «Story» բաժնում՝ Վոլֆ Վեբսթեր: Գեղեցկության մագնատն ավելի վաղ հայտնել էր 30-ամյա Սքոթի հետ իր երկրորդ երեխայի ծննդյան մասին՝ կիրակի սոցցանցերում արված գրառման մեջ կապույտ սրտի էմոջիով:

Աղբյուր՝ foxnews.com

Վիրջինիա նահանգի Արլինգթոն քաղաքում գտնվող իր տանը 75 տարեկան հասակում մահացել է Fox News-ի հաղորդավար Ջիմ Էնգլը: Երկար տարիներ ամերիկյան լրատվական հեռուստաընկերությունում աշխատած հաղորդավարի մահվան պատճառը դեռևս չի հրապարակվել:

Աղբյուր՝ independent.co.uk

Ուկրաինայի շուրջ ստեղծված իրավիճակի կապակցությամբ Էստոնիայի ԱԳՆ-ն քաղաքացիներին խորհուրդ է տվել վերադառնալ երկիր: Ուկրաինայում գտնվող Էստոնիայի քաղաքացիներին հորդորվում է պարտադիր գրանցել իրենց գտնվելու վայրը արտաքին գործերի նախարարության կայքում:

Աղբյուր՝ interfax.ru

Կողքի վրա քնելը դրական է ազդում ուղեղի կոգնիտիվ կապերի վրա: Այս մասին հայտնել է բրիտանացի քնաբան Նարվան Ամինին՝ Daily Express թերթի մեկնաբանությունում: Պարզվել է, որ կողքի վրա քնելը ամենաօգտակարն է ուղեղի համար. այս դիրքն օգնում է ուղեղին ավելի արագ հեռացնել ինտերստիցիալ մնացորդները, քան մյուս դիրքերում»,- բացատրել է նա։ Նման մաքրումը նպաստում է նյարդաբանական հիվանդությունների զարգացման ռիսկի պոտենցիալ նվազեցմանը, ինչպիսիք են Պարկինսոնը և Ալցհեյմերը, հավելել է մասնագետը:

Աղբյուր՝ ria.ru

ՄԱԿ-ի Փախստականների հարցերով գերագույն հանձնակատարի գրասենյակը ուրբաթ հայտնել է, որ ՄԱԿ-ի հետ աշխատող երկու լրագրողներ մի քանի աֆղան աշխատողների հետ միասին կլանքի տակ են պահվում: Թալիբանի վարչակազմի անվտանգության և հետախուզական գործակալությունը՝ Անվտանգության ազգային վարչությունը, հայտարարել է, որ այդ մասին տեղեկություն չունի:

Աղբյուր՝ reuters.com

Հյուսիսային Մակեդոնիայի նախագահը Դաունի համախտանիշով 11-ամյա աղջկա հետ գնացել է դպրոց այն բանից հետո, երբ լսել է, որ նրան բռնության են ենթարկել: Երկուշաբթի Նախագահ Սթևո Պենդարովսկին, Էմբլա Ադեմիի ձեռքը բռնած, քայլելով տարել է Գոստիվար քաղաքի իր տարրական դպրոց: Պենդարովսկին «խոսել է Էմբլայի ծնողների հետ այն մարտահրավերների մասին, որոնց նա ու նրա ընտանիքը բախվում են ամեն օր», և քննարկել լուծումները, ասվում է նախագահի գրասենյակի մամուլի հաղորդագրության մեջ:

Աղբյուր՝ cnn.com