Ձեր վստահելի աղբյուրը

Ռուսաստանի և Միացյալ Նահանգների նախագահներ Վլադիմիր Պուտինը և Ջո Բայդենը ամերիկյան կողմի նախաձեռնությամբ ծրագրում են հեռախոսազրույց ունենալ այսօր՝ փետրվարի 12-ին: Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։

Աղբյուր՝ tass.ru

Ցիկլոնը հարվածել է Հնդկական օվկիանոսի կղզու հարավարևելյան ափամերձ գիծին շաբաթ ուշ երեկոյան և մինչ կիրակի ուշ երեկոյան նահանջել: Ցիկլոնը վնասել կամ ավերել էավելի քան 124,000 մարդկանց տներ:

Աղբյուր՝ reuters.com

«Վեսթ Հեմի» ֆրանսիացի պաշտպան Կուրտ Զուման կարող է բանտարկվել տեսանյութի հրապարակումից հետո, որում նա բազմիցս հարվածում իր կատվին: Այդ կապակցությամբ կենդանիների իրավունքների պաշտպանները հայց են ներկայացրել նրա դեմ: 2021 թվականին ընդունված կենդանիների իրավունքների մասին օրենքներից մեկի համաձայն՝ կատվի նկատմամբ դաժանությունը կարող է հանգեցնել մինչև 4 տարվա ազատազրկման և 60 հազար եվրո տուգանքի:

Աղբյուր՝ vesti.ru

Մեծ Բրիտանիայի թագուհու մոտ կորոնավիրուսային վարակի ախտանիշներ չկան: Այս մասին հայտնում է Daily Mail-ը՝ հղում անելով Բուքինգհեմյան պալատի աղբյուրներին: Ավելի վաղ The Sun թերթը գրել էր, որ արքայազն Չարլզը, ով հիվանդ էր COVID-19-ով, շփվել է թագուհու հետ:

Աղբյուր՝ gazeta.ru

Ճապոնիայի արտաքին գործերի նախարարությունը ուրբաթ հայտնել է, որ կոչ է արել Ճապոնիայի՝ Ուկրաինայում գտնվող քաղաքացիներին անհապաղ լքել երկիրը: Ուկրաինայում Ճապոնիայի մոտ 150 քաղաքացի կա, նշել է ԱԳ նախարարության ներկայացուցիչը:

Աղբյուր՝ reuters.com

Հնագետները հայտնաբերել են ավելի քան 18,000 խեցեղեն, որոնց վրա գրված են եղել Հին Եգիպտոսի կյանքի մանրամասները, այդ թվում՝ տողեր, որոնք գրվել են որպես պատիժ՝ վատ վարք ունեցող աշակերտների կողմից: 2000 տարվա վաղեմության ֆրագմենտները ներառում են նաև անդորրագրեր, դպրոցական տեքստեր, առևտրային տեղեկություններ և անվանացակեր, ըստ Գերմանիայի Տյուբինգենի համալսարանի հետազոտողների, որն իրականացրել է պեղումները:

Աղբյուր՝ cnn.com

Universal Pictures ընկերությունը թողարկել է «Jurassic World: Domination» ֆիլմի նոր թրեյլերը: Կինոնկարի գործողությունները տեղի են ունենում նախորդ մասի իրադարձություններից չորս տարի անց, որոնցում դինոզավրերն ազատվել են: Ռուսաստանում ֆիլմի պրեմիերան նախատեսված է հունիսի 9-ին:

Աղբյուր՝ tass.ru

Ուկրաինայի Պաշտպանության նախարար Ալեքսեյ Ռեզնիկովը հայտնել է, որ հինգշաբթի երեկոյան ԱՄՆ-ից Ուկրաինա է ժամանել ևս 130 տոննա պաշտպանական զենք: Նա թվիթերում գրել է ևս երկու «թռչունների» ժամանման մասին:

Աղբյուր՝ interfax.ru

դասախոսի կողմից սեռական ոտնձգությունների, վիրավորանքի և վրեժի սպառնալիքների պատճառով: Հայցվորները՝ Մարգարետ Չերվիենսկին, Լիլիա Քիլբուրնը և Ամուլյա Մանդավան, պնդում են, որ աֆրիկյան և աֆրոամերիկյան հետազոտությունների և մարդաբանության պրոֆեսոր Ջոն Կոմարոֆը «համբուրել և գրկել է ուսանողներին առանց նրանց համաձայնության, կատարել է անցանկալի սեռական առաջարկություններ և սպառնացել սաբոտաժի ենթարկել ուսանողների կարիերան, եթե նրանք բողոքեին»:

Աղբյուր՝ cnn.com

Թուրքիայի ռադիոյի և հեռուստատեսության բարձրագույն խորհուրդը (RTÜK) հայտարարել է, որ «Ամերիկայի ձայնը», «Deutsche Welle»-ն և «Euronews»-ը կարգելափակվեն` երկրում հեռարձակման լիցենզիայի բացակայության պատճառով: RTÜK-ի խոսնակ Իլհան Թաշչիի խոսքով՝ արգելափակումը կանխելու համար հեռուստաալիքները պետք է 72 ժամվա ընթացքում դիմեն լիցենզիա ստանալու համար:

Աղբյուր՝ gazeta.ru

Կրիշտիանու Ռոնալդու կրտսերը գնում է հոր հետքերով ընդունվելով  «Մանչեսթեր Յունայթեդ»: Instagram-ում հաստատվել է, որ 11-ամյա տղան պաշտոնապես պայմանագիր է կնքել: Ռոնալդուն կրտսերը լքել է Յուվենտուսի ակադեմիան և հետևել գերաստղ հորը՝ տեղափոխվելով «Օլդ Թրաֆորդ»:

Աղբյուր՝ dailymail.co.uk

Կորոնավիրուսից ապաքինված գեր հիվանդներն ավելի լավ են պաշտպանված հետագա վարակներից, քան նորմալ և ավելորդ քաշով հիվանդացած և ապաքինվածները: Այս մասին ասվում է Իսրայելի «Շիբա» բժշկական կենտրոնի մամուլի հաղորդագրության մեջ:

Աղբյուր՝ ria.ru

Հարավկորեացի աստղեր Սոն Յե Ջինը և Հյուն Բինը հինգշաբթի օրը Instagram-ում հայտարարել են իրենց նշանադրության մասին: Զույգը նկարահանվել է «Սիրո արտակարգ վայրէջք» (Crash Landing on You) համաշխարհային հիթ դարձած շոուում, որը դարձել է երկրի ամենադիտված դրամատիկական սերիալներից մեկը՝ 2019 թվականին կորեական հեռուստատեսությամբ և Netflix-ով հեռարձակվելուց հետո:

Աղբյուր՝ cnn.com

Մոսկվայի խինկալիանոցների ցանցը հայտարարել է մեջ Մոսկվայում խինկալի ուտելու առաջին առաջնության անցկացման մասին: Այս մասին հայտնի է դարձել Telegram-ի գրառումից: Մրցույթը կմեկնարկի փետրվարի 15-ին: Հաղթանակի պայմանները պարզ են՝ որակավորման փուլում ամենաշատ խինկալիները պետք է ուտել մեկ րոպեում, եզրափակչում՝ երկու րոպեում: Կազմակերպիչները հաղթողին խոստանում են 500 000 ռուբլի:

Աղբյուր՝ moya-planeta.ru

Հայ հանճարեղ մարմնամարզիկը ծնվել է 1929 թ. փետրվարի 11-ին: 1949 թ. նրա ընտանիքը Վանաձորից տեղափոխվել է Երևան: ԽՍՀՄ վաստակավոր մարզիչ Սեմյոն Ղարագյոզյանի ղեկավարությամբ Ալբերտ Ազարյանը  ավելի քան 15 տարի  մնաց անպարտելի: Նա հայաստանցի միակ մարդն է, ով 11 անգամ հռչակվել է ԽՍՀՄ չեմպիոն /օղակներ, զուգափայտ, պտտաձող մրցաձևերում/: Եվրոպայի կրկնակի, աշխարհի քառակի ոսկե դափնեկիր է, և աշխարհի միակ հայ  մարզիկն է, ով կրում է օլիմպիական խաղերի եռակի չեմպիոնի պատվավոր կոչումը:

Աղբյուր՝ ՀԱՕԿ 

Բելգիայի արվեստի թանգարանը հրեա զույգի ծոռներին է վերադարձրել կտավը, որ եղել է նացիստների կողմից նրանցից թալանված ունեցվածքի մեջ, երբ նրանք փախել են Երկրորդ համաշխարհային պատերազմի նախաշեմին: Ընտանիքի Բեռլինում գտնվող իրավաբանական ընկերությունը հինգ տարի առաջ դիմել է Musees royaux des Beaux-Arts-ին (Գեղարվեստի թագավորական թանգարաններ) և հինգշաբթի՝ ստորագրման կարճ արարողությունից հետո, նկարը փաթեթավորվել է ուղարկվելու համար:

Աղբյուր՝ reuters.com

Լոնդոնի ոստիկանապետ Կրեսիդա Դիքը հինգշաբթի հրաժարական է տվել՝ կապված Սքոթլանդ Յարդի կողմից կորոնավիրուսի համավարակի առաջին ալիքների ընթացքում Բրիտանիայի վարչապետ Բորիս Ջոնսոնի գրասենյակում սահմանափակումների ենթադրյալ խախտումների հետաքննության ընթացքի հետ: Դիքը նշել է, որ ինքը «կարճ ժամանակահատվածում» կշարունակի աշխատել որպես Լոնդոնի ոստիկանապետ՝ ապահովելու իշխանության սահուն անցումը նոր ղեկավարին:

Աղբյուր՝ tass.ru

Անգլիական «Դագենհեմի» պաշտպան Յոան Զուման՝ «Վեսթ Հեմի» պաշտպան Կուրտ Զումայի եղբայրը, պատժամիջոցների է ենթարկվել իր ակումբի կողմից, հայտնում է The Athletic-ը փետրվարի 10-ին: Անգլիայի հինգերորդ դիվիզիոնում հանդես եկող  «Դագենհեմը» որոշել է Յոանին հեռացնել խաղերից, մինչ Կենդանիների նկատմամբ դաժանության կանխարգելման թագավորական ընկերությունը հետաքննություն է վարում (RSPCA): Փետրվարի 7-ին համացանցում տեսանյութ էր հայտնվել, թե ինչպես է Կուրտը ծեծում իր կատուներին։ Տեսանյութը նկարահանել էր նրա եղբայրը:

Աղբյուր՝ sport-express.ru