Կարճ լուրեր
Հաղորդվում է, որ պարեկային նավը փրկել է «խորտակվող նավի մարդկանց» Հյուսիսային ծովում՝ Բելգիայի սահմանին մոտ գտնվող Լեֆրինկուկե կոմունայի մոտ, և հինգշաբթի առավոտյան նրանց տարել Դյունկերկ նավահանգիստ: Ենթադրվում է, որ փրկվածները միգրանտներ են, ովքեր փորձում էին հասնել Մեծ Բրիտանիա:
Աղբյուր՝ bbc.com
Սթինգի երաժշտական կատալոգը, որը ներառում է այնպիսի հիթեր, ինչպիսիք են «Roxanne»-ն, «Every Breath You Take»-ը, «Englishman in New York»-ը, վաճառել է Universal Music-ին, ըստ լուրերի, 300 միլիոն դոլար արժողությամբ գործարքով: 70-ամյա երաժիշտը համաշխարհային հռչակ է ձեռք բերել որպես բրիտանական The Police խմբի անդամ 1970-ականների վերջին և 80-ականների սկզբին՝ նախքան մենակատար դառնալը:
Աղբյուր՝ theguardian.com
Ուկրաինան Վրաստանին չի դիմել կալանավորված նախկին նախագահ Միխեիլ Սաակաշվիլիին արտահանձնելու համար: Նա «գլխացավանք» է Կիևի համար, ասել է իշխող «Վրացական երազանք» կուսակցության նախագահ Իրակլի Կոբախիձեն:
Աղբյուր՝ ria.ru
Սահելում իսլամիստ գրոհայինների դեմ ֆրանսիական «Բարխանե» գործողության օդային հարվածի արդյունքում Բուրկինա Ֆասոյում փետրվարի 7-ի լույս 8-ի գիշերը սպանվել է ահաբեկչական խմբավորման 10 անդամ: Այս մասին հինգշաբթի ասվել է Ֆրանսիայի շտաբի պետի հայտարարության մեջ: Ուահիգուա քաղաքի մոտ՝ Մալիի հետ սահմանին մոտ, գործողության ընթացքում զոհվել է նաև չորս խաղաղ բնակիչ:
Աղբյուր՝ reuters.com
YouTube-ը և TikTok-ն իրենց բջջային հավելվածներում օգտատերերից հավաքում են ավելի շատ անձնական տվյալներ, քան մյուս սոցիալական ցանցերը: Նման եզրակացության են եկել URL Genius ընկերության մասնագետները:
Աղբյուր՝ vesti.ru
Ֆրանսիացի վիրուսաբան Լյուկ Մոնտանյեն մահացել է 89 տարեկանում: Նա Ֆրանսուազա Բարե Սինուսիի հետ կիսել է բժշկության և ֆիզիոլոգիայի Նոբելյան մրցանակը ՁԻԱՀ-ի վերաբերյալ կենսական վաղ բացահայտումների համար, սակայն հետագայում գիտական համայնքից հեռացվել է իր «տարօրինակ» տեսությունների համար: Մոնտանյեն առաջիններից է եղել, որ պնդել է՝ նոր կորոնավիրուսը լաբորատոր ծագում ունի:
Աղբյուր՝ france24.com
Վենեսուելայի նախագահ Նիկոլաս Մադուրոն խոստացել է հանրությանը ներկայանալ դեկտեմբերից երկրում հեռարձակվող մուլտսերիալի հերոսի հագուստով: Դա կարճ, մեկուկես րոպեանոց տեսանյութերի շարք է, որի գլխավոր հերոսը ՍուպերԲիգոտե(SuperBigote) անունով կերպարն է (թարգմանաբար՝«Սուպեր բեղ», «Սուպեր բեղավոր»): Նա նման է Մադուրոյին և Սուպերմենի նման կրում է կարմիր և կապույտ կոստյում, իսկ գլխին ունի Վենեսուելայի դրոշով գլխարկ:
Աղբյուր՝ ria.ru
Ֆիլմը տիեզերանավի օդաչուի մասին է, ով 2050 թվականից հետ է ճանապարհորդում ժամանակի մեջ: Նա փնտրում է իր սիրեցյալին՝ Լաուրային, ով կորել է տարածա-ժամանակային կոնտինիումում: Հերոսի տիեզերանավը փչանում է, և նա հայտնվում է 2022 թվականում, որտեղ հանդիպում է իրեն երիտասարդության տարիներին: Ֆիլմի պրեմիերան տեղի կունենա մարտի 11-ին:
Աղբյուր՝ kulturomania.ru
Հոլանդացի 17-ամյա տղան, ով հավանաբար Մաաստրիխտից է, ֆուտբոլի ընթացքում ստացած ծնկի վնասվածքի վիրահատություն է տարել: Երբ նա արթնացել է չի կարողացել խոսել իր մայրենի լեզվով և հաղորդակցվել է միայն անգլերենով: Տղան նաև չի ճանաչել իր ծնողներին և կարծել է, որ գտնվում է Յուտայում (ԱՄՆ): 24 ժամ անց դեռահասի մոտ «հանկարծակի» վերականգնվել է մայրենի լեզվով խոսելու և հասկանալու կարողությունը այն բանից հետո, երբ ընկերները եկել են նրան այցելության: Բժիշկները կարծում էին, որ նա ունցել է օտար լեզվի սինդրոմ:
Աղբյուր՝ dailymail.co.uk
Հնդկաստանի Թամիլ Նադու նահանգից մի զույգ, որը ստիպված է եղել չեղարկել հարսանեկան ծրագրերը կորոնավիրուսային սահմանափակումների պատճառով, որոշել է միջոցառումն անցկացնել մետավերսում, հայտնում է Digit ամսագիրը: Որպես հարսանիքի վայր ընտրվել է հնդկական YUG Metaverse հարթակը: Հարսանիքին հրավիրված էին ավելի քան 500 հյուրեր, ովքեր կարող էին քայլել, պարել և մասնակցել տոնակատարությանը՝ ֆիզիկապես ներկա չլինելով:
Աղբյուր՝ gazeta.ru
Տասներկու մարդ վիրավորվել է հինգշաբթի բեկորների ընկնելու հետևանքով, երբ սաուդցի զինվորականները պայթեցրել են Եմենի ապստամբների անօդաչու թռչող սարքը, որը թիրախավորել է սահմանին մոտ գտնվող օդանավակայանը, հայտնել են պաշտոնյաները: Հութիները ստանձնել են հարձակման պատասխանատվությունը թվիթերում՝ նշելով, որ թիրախ են դարձրել օդանավակայանը, որն «օգտագործվում է Եմենի դեմ ռազմական գործողությունների համար:
Աղբյուր՝ france24.com
Դերասաններ Մեգան Ֆոքսն ու Բրայան Օսթին Գրինը պաշտոնապես ամուսնալուծվել են։ Դատարանը նրանց հարաբերություններին վերջ է դրել երեքշաբթի՝ փետրվարի 8-ին, հայտնում է TMZ-ը: Ըստ հրապարակման՝ փաստաթղթերում ալիմենտի մասին ոչինչ նշված չէ: Նախկին սիրահարները պայմանավորվածության են եկել իրենց երեք երեխաների՝ իննամյա Նոյի, յոթամյա Բոդիի և հինգամյա Ջորնիի համատեղ խնամակալության վերաբերյալ:
Աղբյուր՝ korrespondent.net
Առաջնությունը, որը պետք է անցկացվեր ապրիլին՝ Սոֆիայում, Բուլղարիայի ազգային ֆեդերացիայի ներքին խնդիրների պատճառով, տեղափոխվել է Ալբանիայի մայրաքաղաք Տիրանա։ Հայտարարվել է առաջնության մրցավայրի նոր մրցույթ և Ալբանիան միակ երկիրն է եղել, որը պատրաստակամություն է հայտնել ընդունել ստուգատեսը: Մրցաշարի անցկացման ժամկետները նույնպես փոխվել են. ստուգատեսը կանցկացվի մայիսի 25-ից հունիսի 3-ը:
Աղբյուր՝ ՀԱՕԿ
Բրիտանական գահի ժառանգորդը՝ 73-ամյա արքայազն Չարլզը, վարակվել է կորոնավիրուսով և ինքնամեկուսացել է: Այդ մասին ասվում է Ուելսի արքայազնի և Քորնուելի դքսուհու հայտարարությունում: «Այս առավոտ Ուելսի արքայազնի COVID-19-ի թեստը դրական է եղել, նա ինքնամեկուսացել է», - ասվում է Twitter-ի հաղորդագրության մեջ:
Աղբյուր՝ ria.ru
Մարինելլա Բերետտան միայնակ ապրում էր Լոմբարդիայում գտնվող Կոմո լճի մոտ: Նրա քայքայված մարմինը հայտնաբերվել է անցած ուրբաթ Կոմոյի հրշեջ բրիգադի կողմից բողոքներից հետո, որ նրա այգում ծառ է ընկել գերաճած բուսականության պատճառով: Տեղեկությունը չորեքշաբթի CNN-ի հետ զրույցում հաստատել է Կոմոյի քաղաքապետարանի մամուլի պատասխանատու Ֆրանչեսկա Մանֆրեդին: Բերետայի դին գտել են հյուրասենյակի աթոռին նստած:
Լրագրող Ֆաբրիցիո Ռոմանոյի հաղորդմամբ՝ իտալական ակումբը մոտ օրերս կհայտարարի 24-ամյա ֆրանսիացու հետ հինգ տարի ժամկետով պայմանագիր կնքելու մասին: Հաղորդվում է, որ ՊՍԺ-ն նախկինում հետաքրքրված էր ֆուտբոլիստով, սակայն խաղացողը մտադրություն չի ունեցել թիմը փոխել:
Աղբյուր՝ sport-express.ru
Չորեքշաբթի Կուրտ Զուման իր ակումբի ՝«Վեսթ Հեմի» կողմից տուգանվել է երկու շաբաթվա աշխատավարձով և կորցրել հովանավորչական պայմանագիրը Adidas-ի հետ՝ տեսանյութի տարածումից հետո, որում երևում է՝ ինչպես է նա ոտքով հարվածում և ծեծում իր կատվին: Նրա ստույգ աշխատավարձը չի հրապարակվում, սակայն բրիտանական լրատվամիջոցները հայտնում են, որ «Վեսթ Հեմը» նրան տուգանել է ավելի քան 300 հազար դոլարով:
Աղբյուր՝ nbcnews.com
Կիրակի Շվեյցարիան կքվեարկի՝ պարզելու կդառնա՞ արդյոք առաջին երկիրը, որն ամբողջությամբ կարգելի կենդանիների վրա բժշկական փորձարկումները, այն բանից հետո, երբ կենդանիների իրավունքների պաշտպանները բավականաչափ աջակցություն ստացան հանրաքվե անցկացնելու համար մի երկրում, որտեղ կա դեղագործական հսկայական ոլորտ: Կառավարության վիճակագրության համաձայն՝ 2020 թվականին Շվեյցարիայում ավելի քան 550,000 կենդանի է սատկել լաբորատոր փորձարկումների արդյունքում:
Աղբյուր՝ reuters.com
Լրահոս
Տեսանյութեր
ԱՄՆ-ում հրդեհների հետևանքով մոխրացել է Սահակ-Մեսրոպ հայ քրիստոնյա վարժարանը
