Ձեր վստահելի աղբյուրը

Ռուս երգիչ Դիմա Բիլանը Ինստագրամի ուղիղ եթերում հերքել է կորոնավիրուսով իր հոսպիտալացման մասին տեղեկությունը: Երգիչը նշել է, որ ինքը հիվանդացել է Covid-ով, բայց այն «բավականին հանգիստ» է տարել: Հինգշաբթի ավելի վաղ Mash Telegram ալիքը հայտնել էր, որ Բիլանը հոսպիտալացվել է Մոսկվայում՝ COVID-19-ով և, իբր, նրա վիճակը միջին ծանրության է:

Աղբյուր՝ tass.ru

Մեծ Բրիտանիայի արքայազն Ուիլյամն այցելել է Աբու Դաբիի մանգրոյի պարկ՝ հինգշաբթի Արաբական Միացյալ Էմիրություններ կատարած այցի սկզբում: Քեմբրիջի դուքսը կտեղեկանա նաև վայրի կենդանիների ապօրինի առևտրի դեմ պայքարի ջանքերի մասին և կայցելի Դուբայ-Էքսպո ցուցահանդեսին՝ Պարսից ծոցի հարուստ պետությունում իր առաջին պաշտոնական այցի ընթացքում:

Աղբյուր՝ france24.com

«Saul Zaentz» ընկերությունն աճուրդի կհանի բրիտանացի գրող Ջոն Ռոնալդ Ռուել Թոլքին ստեղծագործական ժառանգությունն էկրանավորելու իրավունքները: Իրավունքների արժեքը գնահատվում է 2 մլրդ դոլար։ Գործարքը կիրականացնի ACF Investment Bank-ը: Աճուրդը մեկնարկում է այս շաբաթ: «Saul Zaentz» ընկերությանն է պատկանում Թոլքինի ստեղծագործությունների իրավունքների մեծ մասը:

Աղբյուր՝ kulturomania.ru

Սնուփ Դոգը դարձել է Death Row Records-ի նոր սեփականատերը: Ռեփեր-մագնատը ձեռք է բերել Death Row Records ապրանքանիշը MNRK Music Group-ից, որը վերահսկվում է Blackstone-ի կողմից կառավարվող մասնավոր բաժնետիրական հիմնադրամի կողմից: Այս մասին չորեքշաբթի հայտնել է ներդրումային ընկերությունը: Գործարքի պայմանները չեն բացահայտվել:

Աղբյուր՝ nbcnews.com

Թեստավորման միջազգային գործակալությունը (ITA) հայտնել է XXIV ձմեռային օլիմպիական խաղերում դոպինգի առաջին պաշտոնական դեպքի մասին: Իրանի ազգային հավաքականի դահուկորդ Հուսեյն Սավեհ Շեմշակիին նկատել են արգելված միջոց ընդունելիս: Ինչպես հայտնում է ITA-ն, Իրանի օլիմպիական հավաքականի դրոշակակրի մարմնում հայտնաբերվել են դեհիդրոմեթիլ-տեստոստերոնի մետաբոլիտների հետքեր։ 36-ամյա օլիմպիականը, ում կարիերայում այս խաղերը երրորդն էին, արդեն իսկ հեռացվել է մրցակցությունից։

Աղբյուր՝ vesti.ru

արևմտյան Եվրոպայի առաջին Homo sapiens-ի մասին: Ֆրանսիայի հարավում՝ Ռոն հովտում գտնվող Մալատավեռն կոմունայի մոտ, սեղան ատամի հայտնաբերումը, ինչպես նաև հարյուրավոր քարե գործիքների, որոնք թվագրվում են մոտ 54,000 տարով, վկայում են այն մասին, որ հնագույն մարդիկ սկսել են ապրել Եվրոպայում մոտ 10,000 տարի ավելի շուտ, քան հնագետները նախկինում կարծում էին:

Աղբյուր՝ cnn.com

Forbes ամսագիրը հրապարակել է ամենաբարձր վարձատրվող հայտնիների վարկանիշային աղյուսակը: Առաջին հորիզոնականը զբաղեցրել է ռեժիսոր Փիթեր Ջեքսոնը: Վերջին մեկ տարվա ընթացքում Ջեքսոնը վաստակել է մոտ 580 միլիոն դոլար: Եկամտի մեծ մասը ստացվել է Weta Digital վիզուալ էֆեկտների ստուդիայի բաժնետոմսերի վաճառքից:

Աղբյուր՝ kulturomania.ru

Կինոաստղ Անջելինա Ջոլին չորեքշաբթի վերադարձել էր Կապիտոլիումի՝ միջնորդություն ներկայացնելու ամերիկացի օրենսդիրներին անհապաղ միջոցներ ձեռնարկել ընտանեկան բռնության դեմ պայքարելու համար: Մամուլի ճեպազրույցում Ջոլին իր աջակցությունն է հայտնել օրենսդրության թարմացմանը, որը նման բռնության զոհերին բժշկական և իրավական օգնություն կհատկացնի, ինչպես նաև աջակցություն՝ ընտանեկան բռնության ենթարկված երեխաներին:

Աղբյուր՝ france24.com

Ըստ ամերիկյան Ջոն Հոփքինսի համալսարանի տվյալների՝ հինգշաբթի առավոտվա դրությամբ աշխարհում կորոնավիրուսով վարակվածների թիվը հասել է 403,221,443-ի: Աշխարհում վիրուսի տարածման սկզբից մինչ օրս COVID-19-ից մահացել է 5,777,224 մարդ:

Աղբյուր՝ interfax.ru

Աշխարհի ամենամեծ հղկված ադամանդը վաճառվել է 3,16 միլիոն ֆունտ ստերլինգով (4,3 միլիոն դոլար): «Էնիգմա» անվանված 555,55 կարատանոց թանկարժեք քարը, որը կշռում է մոտավորապես բանանի չափ, ակնկալվում էր, որ առցանց աճուրդի ընթացքում կգնվի ավելի քան 4,4 միլիոն ֆունտ ստերլինգով: Աճուրդի կազմակերպիչ Sotheby's-ը հայտնել է, որ գնորդը գնման համար որոշել է կրիպտոարժույթ օգտագործել: Քարի ծագման վերաբերյալ տարածված տեսություններից է, որ այն Երկիր է բերել աստերոիդը:

Աղբյուր՝ bbc.com

Թրոմբի առաջացման մասին են վկայում մաշկի ցավը, թմրությունը, սառնությունը և սպիտակեցումը, նման ախտանիշներով կարևոր է շտապ օգնություն կանչել և չհասցնել այն աստիճանի, որ խանգարվի շարժողական ֆունկցիան: Այս մասին «Ռիա Նովոստի»-ին հայտնել է բժշկական գիտությունների դոկտոր, Ա.Վ. Վիշնևսկու անվան Վիրաբուժության ազգային բժշկական գիտահետազոտական կենտրոնի անոթային վիրաբուժության բաժանմունքի վարիչ Անդրեյ Չուպինը:
 

Զինված անձինք հարձակվել են Լիբիայի վարչապետ Աբդուլհամիդ Դբեյբահի ավտոշարասյան վրա մայրաքաղաք Տրիպոլիում: Հարձակումը տեղի է ունեցել հինգշաբթի վաղ առավոտյան, երբ ժամանակավոր ղեկավարը տուն էր վերադառնում, Al Jazeera-ին հայտնել են աղբյուրները: Փամփուշտներից մեկը խոցել է վարչապետի մեքենայի դիմապակին, սակայն նա ու վարորդը չեն տուժել:

 

Չենը կարճ և ազատ ծրագրերում հավաքել է 332,60 միավոր (113,97 + 218,63): Երկրորդ տեղը զբաղեցրել է ճապոնացի Յամա Կագիյաման (310.05; 108.12 + 201.93), երրորդը՝ նրա հայրենակից Շոմա Ունոն (293.00; 105.90 + 187.10):

Աղբյուր՝ tass.ru

Քենիացի Մեծ Ռիֆտ հովտի գյուղական քարե դասարանում Պրիսցիլա Սիտյենեյը, ով ուրբաթ օրը դառնում է 99 տարեկան, դաս է անում իրենից ավելի քան ութ տասնամյակ փոքր այլ աշակերտների հետ: Մոխրագույն շրջազգեստով և կանաչ սվիտերով դպրոցական համազգեստով Սիտյենեյն ասել է, որ վերադարձել է դասարան՝ իր ծոռների լավ օրինակ ծառայելու և նոր կարիերա սկսելու համար:

Աղբյուր՝ reuters.com

Ֆրանսիայի Շամալիե կոմունայում, որը գտնվում է Փարիզից 350 կմ հարավ, հրդեհվել է կենտրոնական բանկի տպարանը: Այս մասին հայտնում է le Parisien-ը՝ հղում անելով տեղական հրշեջ-փրկարարական ծառայությանը: Հրդեհը բռնկվել է ավելի քան 10 ժամ առաջ: Հրդեհի հետևանքով 24 մարդ թեթև վնասվածքներ է ստացել: Ձեռնարկությանը հարակից տների բնակիչներին խնդրել են դուրս չգալ փողոց:

Աղբյուր՝ gazeta.ru

Գլխիկավոր հացհամեմի սերմեր ուտելը կարող է զգալիորեն նվազեցնել խոլեստերինի մակարդակը, գրում է Daily Express-ը՝ հղում անելով Journal of Family Practice ամսագրում հրապարակված ուսումնասիրությանը: Լոբազգիների ընտանիքի այս միամյա բույսը հայտնի է հին ժամանակներից, այն աճեցվում է հարավային Եվրոպայում, Արևմտյան Ասիայում և Հյուսիսային Աֆրիկայում:

Աղբյուր՝ ria.ru

Սիրիական պետական լրատվամիջոցների փոխանցմամբ՝ ևս հինգ զինվորականներ վիրավորվել են: Իսրայելական բանակը հաստատել է, որ չորեքշաբթի վաղ առավոտյան հարվածներ է հասցրել սիրիական օբյեկտներին՝ օգտագործելով թիրախային ինքնաթիռներ, այդ թվում՝ «ռադարներ և հակաօդային մարտկոցներ»:

Աղբյուր՝ aljazeera.com

Մոնիկա Բելուչին կժամանի Ռուսաստան: Համաշխարհային կինոյի աստղը պատրաստվում է Մոսկվայում և Սանկտ Պետերբուրգում ներկայացնել Թոմ Վոլֆի «Մարիա Կալաս. Նամակներ և հուշեր» մոնոներկայացումը: Ցուցադրությունները տեղի կունենան մայիսի 27-ին և 28-ին Ռուսաստանի հյուսիսային մայրաքաղաքի Ալեքսանդրինսկի թատրոնում, իսկ մայիսի 30-ին և 31-ին՝ Մոսկվայի Վախթանգովի անվան թատրոնում:

Աղբյուր՝ vesti.ru