Կարճ լուրեր
Պեպ Գվարդիոլան ասել է, որ «Մանչեսթեր Սիթիի» ֆուտբոլիստներ Ջեք Գրիլիշը, Ռիյադ Մահրեզը և Քայլ Ուոքերը չեն տուգանվի նրանց գիշերային հանգստի տեսագրությունից հետո՝ կատակելով, որ պետք է տուգանի իր խաղացողներին, քանի որ իրեն չեն հրավիրել: Տեսանյութում, որը, ըստ տեղեկությունների, արվել է կիրակի օրը, երևում է, թե ինչպես են Գրիլիշին արգելում մուտք գործել Մանչեսթերի մի հաստատություն, նախքան նրան կտանեին:
Աղբյուր՝ france24.com
Գիտնականներն ուսումնասիրել են Գաբոնի Loango ազգային պարկի շիմպանզեներին: Հասուն էգ Սյուզիին տեսել են որդու ոտքի բաց վերքը զննելիս: Այնուհետև նա ինչ-որ միջատ է բռնել և այն երեք անգամ դրել կտրվածքի վրա: Հետազոտությունն անցկացրծ թիմը կարծում է, որ բզեզները կարող են ստերիլիզացնող կամ ցավազրկող հատկություն ունենալ:
Աղբյուր՝ dailymail.co.uk
«Մանչեսթեր Յունայթեդը» առաջարկ է արել «Բարսելոնայի» 22-ամյա պաշտպան Ռոնալդ Արաուխոյին: Ավելի վաղ հաղորդվում էր, որ Արաուխոյի նկատմամբ հետաքրքրություն են ցուցաբերում նաև «Չելսին» և «Մանչեսթեր Սիթին»: Ուրուգվայցի ֆուտբոլիստի պայմանագիրը «Բարսելոնայի» հետ ուժի մեջ է մինչև 2023 թվականի ամառ:
Աղբյուր՝ sport-express.ru
«Վեսթ Հեմի» պաշտպան Կուրտ Զուման ներողություն է խնդրել սոցցանցերում հրապարակված տեսանյութի համար, որում նա վայր է գցում և ոտքով հարվածում է իր կատվին: Այդ ընթացքում տեսանյութի հետին պլանում ծիծաղ է լսվում: Այնուհետև 27-ամյա կենտրոնական պաշտպանը հետապնդում է կատվին, որից հետո զույգ կոշիկներ է նետում նրա վրա և հարվածում գլխին: Ֆուտբոլիստի ակումբը ևս քննադատել էր տեսանյութը և խոստացել զբաղվել այդ հարցով:
Աղբյուր՝ independent.co.uk
Կոլումբիայի արևմտյան Պերեյրա քաղաքում հորդառատ անձրևներից առաջացած սողանքի հետևանքով յոթ մարդ է զոհվել, 29-ը վիրավորվել են, հայտնել է Ռիսկերի կառավարման ազգային վարչությունը (SNGRD): Դոսկեբրադաս մունիցիպալիտետում սողանքը ծածկել է մի քանի բնակելի շենքեր և փակել Օտուն գետի հունը: Տեղական լրատվամիջոցների փոխանցմամբ՝ ևս երկու մարդ անհետ կորած է համարվում:
Աղբյուր՝ ria.ru
«Բարսելոնայի» լխավոր տնօրեն Ֆերան Ռեվերտերը երեքշաբթի հրաժարական է տվել Spotify-ի հետ նոր հովանավորչական պայմանագրի շուրջ ակումբի բանակցությունների ֆոնին: «Բարսելոնան» հայտնել է, որ Ռեվերտեր հայտնել է ակումբի նախագահ Ժոան Լապորտային, որ ստիպված է հեռանալ «անձնական և ընտանեկան պատճառներով»: Ռեվերտերը հեռանում է 2021 թվականի հուլիսին պաշտոնը ստանձնելուց մեկ տարի էլ չանցած:
Աղբյուր՝ apnews.com
Քաղաքային բնակիչների մեծամասնությունը սենյակային բույսերի համար մի քանի պահանջներ ունի՝ ոչ պահանջկոտություն, դեկորատիվ տեսք, օգտակար հատկություններ: Խլորոֆիտումն այս դեպքում առաջատարն է՝ պատուհանագոգի մյուս բնակիչների շարքում, հայտնել է Ռուսաստանի ֆլորիստների ասոցիացիայի նախագահ Վալենտինա Սաֆրոնովան: Ֆլորիստի խոսքով՝խլորոֆիտումը գերազանցում է այլ սենյակային բույսերին, ինչպիսիք են ֆիկուսները և կակտուսները՝ արտադրած մեծ քանակությամբ թթվածնի շնորհիվ:
Աղբյուր՝ radiosputnik.ria.ru
Էրիկ Ադամսը մամուլի ասուլիսի ընթացքում, որի ժամանակ, մասնավորապես, քննարկվել են քաղաքի առողջապահական համակարգի փոփոխությունները, պանրի նկատմամբ սերը համեմատել է հերոինից կախվածության հետ: Բուսակերությամբ հայտնի քաղաքապետը երկուշաբթի հայտարարել է քաղաքի որոշ հիվանդանոցներում նոր առողջապահական ծառայությունների մասին, որոնք կօգնեն քրոնիկական հիվանդություններով հիվանդներին անցնել առողջ ապրելակերպի: Նյու Յորքի հիվանդանոցներում կլինի մրգերի և բանջարեղենի ավելացում:
Աղբյուր՝ newsweek.com
Շանհայի Ֆուդանի համալսարանի գիտնականների խումբը ստեղշել է սարք, որը կարող է հայտնաբերել COVID-19-ը չորս րոպեից պակաս ժամանակում՝ ՊՇՌ թեստի ճշգրտությամբ: Այս մասին ասվում է Nature Biomedical Engineering գիտական ամսագրում հրապարակված հոդվածում: Սարքը կարելի է միացնել համակարգչին կամ սմարթֆոնին:
Աղբյուր՝ ria.ru
Մայքլ Ջեքսոնի մահից 13 տարի անց Lionsgate-ը և պրոդյուսեր Գրեհեմ Քինգը, ով առավել հայտնի է «Բոհեմական ռապսոդիա», «Հանգուցյալները» և «Ռոմե օրագիրը» կինոնկարներով, ֆիլմ կնկարահանեն փոփ արքայի կյանքի և ստեղծագործական աշխարհի մասին: Այս հարցում նրանց կօգնի արտիստի ընտանիքը: Ինչպես նշում է Deadline-ը, ֆիլմի սցենարը գրել է Օսկարի եռակի հավակնորդ Ջոն Լոգանը:
Աղբյուր՝ vesti.ru
Իսրայելի անվտանգության ուժերը օկուպացված Հորդանան գետի արևմտյան ափին երեքշաբթի սպանել են երեք պաղեստինցի զինյալների, հաղորդում է Իսրայելի ներքին անվտանգության ծառայությունը: Պաղեստինի առողջապահության նախարարությունը հաստատել է, որ միջադեպի հետևանքով երեք պաղեստինցի է մահացել: Պաղեստինյան աղբյուրմերից մեկը հայտնել է, որ տղամարդիկ պատկանել են «Պաղեստինի իսլամական ջիհադ» զինյալ խմբավորմանը:
Աղբյուր՝ reuters.com
Երեքշաբթի բնակիչներն ու իշխաությունները հայտնել են, որ ավելի քան հինգ տարի անվադողի մեջ թակարդում հայտնված վայրի կոկորդիլոսին փրկել են՝ ազատելով ռետինե կապանքից, և բաց թողել վայրի բնություն: Բնապահպանության աշխատակիցները 2016 թվականից փորձում են գետից դուրս հանել տուժած կոկորդիլոսին այն բանից հետո, երբ Սուլավեսի կղզու Պալու քաղաքի բնակիչները նկատել են կենդանուն՝ վզին փաթաթված մոտոցիկլետի անվադողով:
Աղբյուր՝ france24.com
Ամերիկացի դերասանուհի Քեթրին Զետա-Ջոնսը Լիզետ Ալեքսիսի հետ կխաղա «Ազգի գանձերը» հեռուստասերիալում: Այն կնկարահանի ABC Signature-ը Disney+ հոսքային ծառայության համար: Սերիալը լինելու է համանուն կինոֆրանշիզայի շարունակությունը, որում գլխավոր դերը խաղում էր Նիկոլաս Քեյջը: Սյուժեի կենտրոնում կլինի Ջես անունով երիտասարդ հերոսուհին. նրան կմարմնավորի Ալեքսիսը:
Աղբյուր՝ daily.afisha.ru
«Մանչեսթեր Յունայթեդի» և Պորտուգալիայի հավաքականի հարձակվող Կրիշտիանու Ռոնալդուն կարող է հայտնվել «Պարի Սեն Ժերմենում»: Այդպիսի պայման է դրել ֆրանսիացի մարզիչ Զինեդին Զիդանը, ում համարում են փարիզեցիների հաջորդ գլխավոր մարզիչը: Ինչպես տեղեկացնում է Marca-ն, մրցաշրջանի ավարտին թիմի ներկայիս մարզիչ Մաուրիսիո Պոչետինոն կարող է հեռանալ «ՊՍԺ»-ից: Նրա տեղը կզբաղեցնի Զիդանը, և նրա պայմաններից մեկը Ռոնալդուին գնելն է:
Աղբյուր՝ vesti.ru
Հնդիկ միլիարդատեր Գաուտամ Ադանին, ում հաջողվել է ապրանքների առևտրային փոքր բիզնեսը վերածել նավահանգիստների, հանքերի և կանաչ էներգիայի կոնգլոմերատի, այժմ Ասիայի ամենահարուստ մարդն է: 59-ամյա մագնատի կարողությունը երկուշաբթի հասել է 88,5 միլիարդ դոլարի, ըստ Bloomberg Billionaires Index-ի՝ գերազանցելով հայրենակից Մուկեշ Ամբանիին (87,9 միլիարդ դոլար): Իր անձնական կարողության գրեթե 12 միլիարդ դոլար աճով Ադանին այս տարի աշխարհի ամենաշատ հարստացածն է:
Աղբյուր՝ aljazeera.com
Այս մասին Twitter-ում հայտնել է Universal Studios-ը։ Ստուդիայի օգտահաշվում տեղադրվել է ռեժիսորական տախտակի լուսանկար՝ ֆիլմի, ռեժիսոր Քրիս Մաքքեյի և օպերատոր Միթչել Ամունդսենի անուններով: Սպասվում է, որ «Ռենֆիլդ» ֆիլմը կներկայացնի Բրեմ Սթոքերի «Դրակուլա» վեպի նոր մոտեցումը:
Աղբյուր՝ kulturomania.ru
Հետազոտությունը ցույց է տալիս, որ արյան բարձր ճնշում ունեցող մարդիկ, ովքեր դեղատոմսով երկարատև պարացետամոլ են ընդունում, կարող են մեծացնել սրտի կաթվածի և ինսուլտի ռիսկը:
Աղբյուր՝ bbc.com
Լոնդոնից հյուսիս ընկած Սենթ Ալբանս քաղաքում գտնվող «Ye Olde Fighting Cocks» փաբը, իր կայքի համաձայն, գործում է 793 թվականից: Այն այժմ փակել է իր դռները «չափազանց բարդ առևտրային պայմանների տևական տևական հետո», ասվում է սեփականատիրոջ՝ Քրիստո Տոֆալիի հայտարարության մեջ:
Աղբյուր՝ cnn.com
Լրահոս
Տեսանյութեր
ԱՄՆ-ում հրդեհների հետևանքով մոխրացել է Սահակ-Մեսրոպ հայ քրիստոնյա վարժարանը
