Ձեր վստահելի աղբյուրը

Հյուսիսային Կորեան կիբերհարձակումներով միլիոնավոր դոլարների արժողությամբ կրիպտոարժույթ է գողացել: Այս մասին ասվում է ԶԼՄ-ներին տրամադրված ՄԱԿ-ի զեկույցում: Քննիչները պարզել են, որ 2020 թվականից մինչև 2021 թվականի կեսերը կիբերհարձակվողները գողացել են ավելի քան 50 միլիոն դոլար թվային ակտիվներ: Նրանք նշել են, որ նման հարձակումները «եկամտի կարևոր աղբյուր» են Փհենյանի միջուկային և բալիստիկ հրթիռների ծրագրի համար:

Աղբյուր՝ bbc.com

Գերծանրքաշային կարգում գրեթե հինգկական կիլոգրամների տարբերությամբ եռյակը դասավորվեց հետևյալ հաջորդականությամբ. Վարազդատ Լալայան, Գոռ Մինասյան և Սիմոն Մարտիրոսյան: Երկրի չեմպիոնի պատվին արժանացան նաև  55 կգ՝ Մացիկ Հակոբյանը, 61 կգ՝ Անդրանիկ Պապեյանը, 67 կգ՝ Գոռ Սահակյանը, 73 կգ՝  Արմեն Գրիգորյանը, 81 կգ՝ Ռաֆիկ Հարությունյանը, 89 կգ՝ Հակոբ Մկրտչյանը, 92 կգ՝  Դավիթ Հովհաննիսյանը, 102 կգ՝  Արսեն Մարտիրոսյանը և 109 կգ՝ Սամվել  Գասպարյանը:

Աղբյուր՝ ՀԱՕԿ 

Քայլի Ջեները և Թրևիս Սքոթը կրկին ծնողներ են դարձել. Այս մասին մոդելը գրել է Instagram-ի իր էջում: Աստղը հրապարակել է նորածին երեխայի ձեռքի լուսանկարը և գրել. «2.02.22»՝ կողքին դնելով կապույտ սրտի էմոջի: Որից էլ հետևորդները եզրակացրել են, որ զույգը որդի է ունեցել:

Աղբյուր՝ gazeta.ru

Մադագասկարի հարավ-արևելքում հասած ցիկլոնն ընդամենը երկու շաբաթվա ընթացքում արդեն երկրորդն է, որ հարվածում է Հնդկական օվկիանոսի կղզուն առաջացնելով ջրհեղեղներ, էլեկտրաէներգիայի անջատումներ և փլուզելով շենքեր: Ամենաշատ տուժած քաղաքներից մեկը արևելյան ափին գտնվող Նոսի Վարիկան է, որտեղ ավերվել է շենքերի գրեթե 95%-ը:

Աղբյուր՝ reuters.com

Amazon Studios-ը թողարկել է «Մատանիների տիրակալը. մատանիների իշխանությունը» հեռուստասերիալի կերպարների պաստառների շարքը՝ հիմնված Ջոն Թոլքինի «Մատանիների տիրակալը» ստեղծագործությունների շարքի վրա: Թեև առանցքային դերակատարներն արդեն հայտնի են, սակայն ստուդիան որոշել է հրապարակված պաստառների վրա ինտրիգը մինչև վերջ պահել: Նկարներում պարզ չէ, թե դերասաններից ով որ կերպարն է խաղում:

Աղբյուր՝ ria.ru

Դորտմունդի «Բորուսիայի» Բունդեսլիգայի չեմպիոնական տիտղոսի հույսերը կիրակի փլուզվեցին, երբ նրանք 5-2 հաշվով սեփական հարկի տակ պարտվեցին Լևերկուզենի «Բայերին», իսկ վնասվածք ստացած աստղը՝ հարձակվող Էրլինգ Հալանդը, ստիպված էր խաղին հետևել կողքից: Դորտմունդը այժմ առաջատարից հետ է մնում ինը միավորով, իսկ երրորդ տեղում գտնվող Լևերկուզենի նկատմամբ նրա առավելությունը կրճատվել է՝ դառնալով ընդամենը հինգ միավոր:

Աղբյուր՝ france24.com

Մյունխենի տեխնիկական համալսարանի Կանխարգելման և սպորտային բժշկության կենտրոնի բժշկական գծով տնօրեն Մարտին Հալլեն նշել է չորս գործոն, որոնք բացասաբար են ազդում անոթների առողջության վրա: Բժիշկը ցուցակում առաջինը նշել է ծխելը: Երկրորդ գործոնը արյան մեջ շաքարի բարձր մակարդակն է: Արյան շրջանառության համակարգին վնասում է նաև խոլեստերինը: Չորրորդ գործոնը բժիշկը համարում է արյան բարձր ճնշումը, որի պատճառով անոթները կարող են պայթել:

Աղբյուր՝ ria.ru

Շաբաթ օրը արևմտյան Ավստրիայում ձնահյուսի հետևանքով մեկ մարդ զոհվել է, ևս չորսը վիրավորվել են, հայտնում է ոստիկանությունը, մեկ օր անց ևս երկու ձնահյուսի հետևանքով յոթ դահուկորդ է մահացել՝ ձյան առատ տեղումների հետևանքով տաք եղանակին անսովոր վտանգավոր պայմանների պատճառով:

Աղբյուր՝ cnn.com

Reuters-ի հաղորդմամբ Sony-ն ձեռք կբերի վիդեոխաղեր մշակող Bungie Inc-ը: Bungie-ն կմիանա Sony PlayStation ընտանիքին, իր բլոգում հայտարարել է ամերիկյան ընկերությունը: Ճապոնական կոնգլոմերատը մրցակցության համար ուժեղացնում է իր ներքին խաղային ստուդիաների ցանցը:

Աղբյուր՝ korrespondent.net

Կիրակի թագուհին հիշել է անցյալը և փորձել ամրապնդել միապետության ապագան: Մեծ Բրիտանիա միապետը «անկեղծ ցանկություն» է հայտնել, որ արքայազն Չարլզի կինը՝ Կամիլան, ճանաչվի «կոնսորտ թագուհի», երբ իր որդին, սպասվածի համաձայն, փոխարինի իրեն:  Այս խոսքերով Էլիզաբեթը փորձել էր մեկընդմիշտ պատասխանել Կամիլայի կարգավիճակի վերաբերյալ հարցերին, ում ի սկզբանե չէին ընդունում խուսափում էին հանգուցյալ արքայադուստր Դիանայի՝ Չարլզի առաջին կնոջ երկրպագուները:

Աղբյուր՝ apnews.com

Ռուս ուղղափառ եկեղեցին վրդովված է, որ թուրքական իշխանությունները թույլատրել են Պանագիա Սումելա հնագույն վանքում դիսկոտեկ անցկացնել, և բողոքել է Թուրքիայում ուղղափառ սրբավայրերի պղծման դեմ:

Աղբյուր՝ interfax.ru

Կիրակի տեղի ունեցած հուղարկավորության ընթացքում Հնդկաստանում հարգանքի տուրք են մատուցել Լատա Մանգեշկարին՝ «Հնդկաստանի սոխակին», ում ձայնը ավելի քան 70 տարի հնչել է հնդկական ֆիլմերում: Լատա Դին մահացել է մի շարք օրգանների անբավարարության պատճառով՝ Covid-19-ի ախտորոշումից ավելի քան 28 օր անց: Հնդկաստանի վարչապետ Նարենդրա Մոդին ևս հուղարկավորության ժամանակ հարգանքի տուրք է մատուցել Մանգեշկարին:

Աղբյուր՝ cnn.com

CBC-ի փոխանցմամբ՝ Օտտավայի ոստիկանապետ Փիթեր Սլոլին ասել է, որ չունի ռեսուրսներ՝ դադարեցնելու COVID-19 սահմանափակումների դեմ բողոքի ցույցերը: Օտտավայի ոստիկանությունում հետաքննվում է ավելի քան 50 քրեական հանցագործություն՝ կապված կորոնավիրուսային սահմանափակումների դեմ բողոքի ցույցերի հետ։

Աղբյուր՝ ria.ru

Առնվազն հինգ պակիստանցի զինվոր է սպանվել սահմանային դիրքում՝ հարևան Աֆղանստանի կրակոցներից, կիրակի հայտարարել է Իսլամաբադը: Դա երկրորդ նման հարձակումն է՝ անցյալ օգոստոսին թալիբների իշխանության գալուց հետո: «Թեհրիկ-է-Թալիբան»-ը (TTP) մեծացրել է հարձակումները այն բանից հետո, երբ խմբավորումը միակողմանիորեն դուրս եկավ դեկտեմբերի սկզբին Աֆղանստանի թալիբների միջնորդությամբ հաստատված ամիսներ տևած զինադադարից՝ մեղադրելով Իսլամաբադին իր խոստումները չկատարելու մեջ:

Աղբյուր՝ aljazeera.com

Երեքշաբթի չոր ջրհորի մեջ ընկած հինգամյա մարոկկացուն օգնելու փրկարարական ջանքերը գրավել էին աշխարհի ուշադրությունը. մարդիկ հետևում էին նրան հասնելու հնգօրյա տքնաջան գործողություններին: Շաբաթ երեկոյան Ռայան Օրամին վերջապես փրկելու լուրից ապրած ուրախությունը շուտով վերածվեց տխրության, երբ տեղական ժամանակով 22:00-ին տեղի իշխանությունները հաստատեցին նրա մահը:

Աղբյուր՝ aljazeera.com

Իսրայելի վարչապետ Նաֆթալի Բենեթը և ԱՄՆ նախագահ Ջո Բայդենը կիրակի երեկոյան հեռախոսազրույց են ունեցել, որի ընթացքում քննարկվել են Ռուսաստանին և Ուկրաինային, ինչպես նաև Թեհրանի միջուկային ծրագիրը: Այս մասին հայտնել են վարչապետի գրասենյակից:

Աղբյուր՝ ria.ru

Հոգևոր հովիվ և դավադրության տեսության կողմնակից Գրեգ Լոքը Թենեսի նահանգի Նեշվիկ քաղաքում կազմակերպել է գրքերի այրում, որոնց թվում են եղել  «Հարի Փոթեր»-ի և «Մթնշաղ»-ի գրքերը: Այրելուց առաջ տղամարդը քարոզ է կարդացել. Նա հավաքված ծխականներին կոչ է արել գրքերը նետել կրակի մեջ՝ պայքարելու սատանայի և դևերի պաշտամունքի, ինչպես նաև կախարդության դեմ, ինչն իբր քարոզում են հրատարակումները:

Աղբուր՝ theguardian.com

Բրիտանացի դերասանուհի Ռոզամունդ Փայքը, ով առավել հայտնի է «Կորածը» և «Խաբեբան» ֆիլմերում իր դերերով, կնկարահանվի «Հարուստ գրիպ» (Rick flue) թրիլլերում: Ֆիլմի պրոդյուսերն է Պաբլո Լառաինը։ Ֆիլմը պատմում է առեղծվածային վիրուսի մասին, որը սկսում է վարակել մոլորակի ամենահարուստ ու ազդեցիկ մարդկանց: Սարսափեցնող հիվանդությունը ստիպում է մարդկանց ամբողջ աշխարհում ազատվել իրենց ֆինանսական ակտիվներից և խուճապահար պայքարել իրենց առողջության երաշխավոր աղքատության համար:

Աղբյուր՝ daily.afisha.ru