Կարճ լուրեր
ԱՄՆ-ում Covid-19-ի համավարակի հետևանքով զոհերի թիվը ուրբաթ գերազանցել է 900,000-ը՝ ըստ Ջոնս Հոփկինսի համալսարանի կորոնավիրուսային կենտրոնի: Օմիկրոն տարբերակով նոր դեպքերը նվազում են, սակայն ամենօրյա մահացությունների թիվը դեռ աճում է, և այժմ միջինը 2,400 է, համաձայն կառավարության տվյալների:
Աղբյուր՝ france24.com
Թեհրանը Վաշինգտոնից ակնկալում է բոլոր պատժամիջոցների չեղարկում, քանի որ ԱՄՆ-ի կողմից խաղաղ ատոմի հարցով բացառությունները բավարար չեն։ Այս մասին հայտարարել է Իրանի ԱԳՆ պաշտոնական ներկայացուցիչ Սայիդ Հաթիբզադեն, փոխանցում է ՏԱՍՍ-ը: Պետքարտուղարությունն ավելի վաղ հայտնել էր, որ ԱՄՆ վարչակազմը որոշել է վերականգնել նախկինում գործող՝ պատժամիջոցների բացառությունները, որոնք թույլ են տվել Իրանին օգնություն ստանալ այլ երկրներից ատոմի խաղաղ զարգացման ոլորտում։
Աղբյուր՝ tass.ru
Անգլիայի հավաքականի նախկին աստղ Ուեյն Ռունիին արգելվել է մենակ դուրս գալ այն բանից հետո, երբ նրա կինը՝ Քոլինը, «կշտացել և հոգնել է» նրա խելացնոր արարքներից: Ընկերների խոսքով՝ իրենց 13-ամյա ամուսնությունը փրկելու համար նա որոշել է, որ 36-ամյա Ուեյնը «պետք է միշտ ուղեկցող ունենա»: Չորս երեխաների մայրը ընկերներին ասել է, որ չի վստահում ամուսնու ընկերներին և ցանկանում է, որ իր եղբայր Ջոն կամ մեկ ուրիշը, ում ինքը վստահում է, աչքը նրա վրա պահի: Նրանց ամուսնությունում լինում են խնդիրներ, որոնք հիմնականում կապված են Ռունիի հարբեցողության և կնամոլության հետ:
Աղբյուր՝ thesun.co.uk
Ամերիկացի ռեժիսոր, դերասան Քևին Սմիթի խոսքով՝ մսից հրաժարվելու որոշումը նա կայացրել է դստեր ազդեցությամբ: Այն բանից հետո, երբ դերասանը սրտի կաթված է ստացել, դուստրը սկսել է զբաղվել հոր սննդակարգով և լինելով վեգան՝ հորը համոզել է որոշել ուտել միայն բուսական մթերքներ: Սմիթը խոստովանել է, որ իր համար հեշտ չէր սննդացանկն այդքան արմատապես փոխել: Սակայն նա երախտագիտություն է հայտնել դստերը, ում խորհուրդը նախկինում չէր լսում:
Աղբյուր՝ kulturomania.ru
Գիտնականները պարզել են, որ «օմիկրոնը», ի տարբերություն այլ շտամների, սովորել է ավելի հեշտորեն ճնշել երեխայի օրգանիզմում ինտերֆերոնների արտադրությունը: Հենց դրանով է բացատրվում անչափահասների շրջանում հիվանդացության կտրուկ աճը:
Աղբյուր՝ vesti.ru
Ոստիկանությունը հայտնել է, որ Կոլորադոյի Ավրորա քաղաքի եկեղեցում ուրբաթ երեկոյան տեղի ունեցած հրաձգության հետևանքով մի կին է զոհվել, և երկու տղամարդ վիրավորվել: Երկու չափահաս տղամարդ հրազենային վնասվածքներով տեղափոխվել են հիվանդանոց, ակնկալվում է, որ նրանք ողջ կմնան: Կասկածյալը փախել է մինչ ոստիկանների ժամանելը, և ոստիկանությունը հայտնել է, որ աշխատում է կրակողի ինքնությունը պարզելու ուղղությամբ:
Աբյուր՝ cnn.com
Պահպանողական ևս մեկ պատգամավոր Բորիս Ջոնսոնին կոչ է արել հրաժարական տալ. Դաունինգ Սթրիթի առաջացրած իրարանցումը շարունակվում է: Նախկին նախարար Նիք Գիբը հերթական թորին է, ով վարչապետին անվստահություն է հայտնել: Միևնույն ժամանակ, Daily Mirror-ը հայտնում է, որ լուսանկարը, որտեղ ծննդյան օրվա հավաքույթի ժամանակ Ջոնսոնի ձեռքին գարեջուր կա, հանձնվել է ոստիկանությանը, որը հետաքննում է Covid-ի խախտումները:
Աղբյուր՝ bbc.com
Ստամբուլի բնակիչ Մուզաֆեր Քայասանն ավելի քան մեկ տարի կարանտինում է գտնվում կորոնավիրուսի պատճառով, քանի որ նրա հանձնած բոլոր թեստերը դրական պատասխան են ցույց տալիս, հաղորդել է A Haber հեռուստաալիքը: 56-ամյա տղամարդը, ով 14 ամսվա ընթացքում 78 թեստ է հանձնել, ամեն անգամ դրական արդյունք է ստացել: Քայասանը, ով չի կարողանում կարանտինից դուրս գալ, տեսնել թոռներին ու ստիպված է միայնակ ապրել, դիմել է իշխանություններին օգնության խնդրանքով:
Աղբյուր՝ ria.ru
Ամերիկացի դերասան, ռեփեր Նիք Քենոնը ներողություն է խնդրել «ցանկացած հավելյալ ցավի կամ շփոթմունքի» համար, որը նա կարող էր պատճառել իր վերջին հայտարարությամբ, որում հայտնել էր, որ սպասում է իր ութերորդ երեխայի ծնունդին: Հինգշաբթի օրվա շոուի ժամանակ Քենոնը ներողություն խնդրեց և ասաց, որ չի կարողացել «պաշտպանել և հարգել իր բոլոր երեխաների մայրերի անձնական տիրույթը»: Քենոնի կրտսեր որդին՝ Զենը, մահացել էր դեկտեմբերին՝ հինգ ամսականում, գլխուղեղի քաղցկեղից:
Աղբյուր՝ cnn.com
Աֆղանստանի հյուսիս-արևելքում՝ Տաջիկստանի հետ սահմանի մոտ, 5,7 մագնիտուդ ուժգնությամբ երկրաշարժ է տեղի ունեցել, հայտնում է Եվրոպա-միջերկրածովյան սեյսմոլոգիական կենտրոնը (EMSC): Ստորգետնյա ցնցումներ գրանցվել են ժամը 04.16-ին (ՀԿԺ): Երկրաշարժի էպիկենտրոնը գտնվել է Կունդուզ քաղաքից 205 կիլոմետր դեպի արեւելք։ գտնվել է 209 կիլոմետր խորության վրա:
Աղբյուր՝ ria.ru
Գերմանիայի հարավում գտնվող նախկին պետական ֆերմայում հետազոտողները խոզեր են բուծում՝ հուսալով, որ կարող են օգնել փրկել հազարավոր կյանքեր ամբողջ աշխարհում: Կենդանիները ծրագրի մի մասն են, որի նպատակն է գենետիկորեն ձևափոխել, կլոնավորել և այնուհետև բուծել խոզեր, որպեսզի նրանց սրտերը փոխպատվաստեն մարդկանց՝ որպես օրգանների դոնորների մշտական պակասի լուծում:
Աղբյուր՝ france24.com
Նիգերիայի Ներկայացուցիչների պալատի անդամ Մագաջի Դաուին ուղեկցող ավտոշարասյունը հարձակման է ենթարկվել Ջիգավա նահանգում, որտեղից նա ընտրվել է: Ըստ Sahara Report-ի՝ հարձակման պատճառը եղել են տարածաշրջանի վատ ներկայացվածության մասին պնդումները: Հարձակվողները փակել են ճանապարհը, որով շարժվում էր պատգամավորի ավտոշարասյունը՝ շտապելով հանդիպել տեղի բնակչության հետ: Նրան մեղադրել են, որ երկար ժամանակ չի հայտնվել իր մարզում՝ հիշելով ընտրողներին միայն 2023 թվականի ընտրությունների նախօրեին:
Աղբյուր՝ gazeta.ru
Կիրակի Եղիսաբեթ թագուհին նշում է բրիտանական գահին լինելու 70-ամյակը, մի նշաձող, որին վերջին 1000 տարվա ընթացքում իր նախորդներից ոչ մեկը չի հասել, և որին ամբողջ աշխարհում միայն մի քանի միապետեր են հասել: 95-ամյա Էլիզաբեթը 1952 թվականի փետրվարի 6-ին իր հոր՝ թագավոր Ջորջ VI-ի մահից հետո դարձել է Բրիտանիայի և ավելի քան մեկ տասնյակ այլ երկրների թագուհի, ներառյալ Կանադան, Ավստրալիան և Նոր Զելանդիան:
Աղբյուր՝ reuters.com
Յոթ մարդ է զոհվել ուրբաթ, երբ Պերուի Նազկա սարահարթի տարածքում գեոգլիֆների վրայով թռչելիս փոքր ինքնաթիռ է կործանվել: Այս մասին հայտնում է El Comercio թերթը: Թերթի փոխանցմամբ՝ ինքնաթիռում եղել է հինգ զբոսաշրջիկ և երկու օդաչու։ Ըստ նախնական տեղեկությունների՝ ուղևորները եղել են ԱՄՆ-ից, Չիլիից և Նիդեռլանդներից:
Աղբյուր՝ tass.ru
«Միլանի» հարձակվող Զլատան Իբրահիմովիչը դուրս է մնացել շաբաթ օրը կայանալիք «Ինտերի» դեմ կայանալիք կարևոր դերբիում Աքիլես ջիլի պատռվածք պատճառով: Այս մասին հայտնել է մարզիչ Ստեֆանո Պիոլին: 40-ամյա շվեդը դեռ չի ապաքինվել աջ ոտքի վնասվածքից, որը ստացել էր հունվարի 23-ին «Յուվենտուսի» հետ գոլազուրկ ոչ-ոքիի ժամանակ:
Աղբյուր՝ france24.com
«Չավին գիտի, թե ինչ եմ ես մտածում այդ մասին: Ես կենտրոնացած եմ հնարավորինս շատ օգնելու վրա։ Մենք ակումբի աշխատակիցներն ենք, ակումբն է որոշում։ Ես եկել եմ այստեղ օգնելու, մրցակցության տարր, հաղթական ոգի բերելու: Եթե օգնությունն արտահայտվում է մի կողմում կանգնելու մեջ, լավ: Ես կցանկանայի լինել հայտացուցակում, բայց մենք չորսն ենք, և ընդամենը երեք տեղ կա։ Սակայն ես չեմ ցանկանում փչացնել մթնոլորտը թիմում»,- «Բարսելոնայի» պաշտպանի խոսքերը մեջբերում է Diario Sport-ը:
Աղբյուր՝ sport-express.ru
Դիմահարդար Քսենյա Աբաշևան անցյալ տարվա նոյեմբերին 69900 ռուբլով գնել է Ավետիսյանի առցանց դասընթացները և չի ստացել խոստացված տեսադասերը: «Նա վճարել է «Beauty Special» 2.0 դասընթացի համար դեռ նոյեմբեր ամսին, սակայն նրան տրամադրվել միայն մուտք «Անձնական հաշիվ», իսկ Ավետիսյանի վիդեո դասերը կայքում չեն հայտնվել։ Այդ ժամանակվանից դասերի մեկնարկը անընդհատ հետաձգվում է, և աղջիկն այլևս մտադիր չէ սպասել»,- ասվում է Super.ru Telegram ալիքում:
Աղբյուր՝ gazeta.ru
Մադրիդի «Ռեալի» կիսապաշտպան Էդեն Ազարը դժգոհ է Կարլո Անչելոտիի վերաբերմունքից: Կիսապաշտպանը չի հասկանում, թե ինչու է մարզիչը ամբողջ մրցաշրջանում խոսում թիմի համար իր կարևորության մասին, բայց դրա հետ մեկտեղ իրեն ժամանակ չի տալիս խաղադաշտում: 31-ամյա խաղացողը կարծում է, որ Անչելոտին անարդար է իր հանդեպ: Այնուամենայնիվ, նա չի ցուցադրում իր հիասթափությունը հանդերձարանում, քանի որ ցանկանում է պահպանել ընկերական մթնոլորտ:
Աղբյուր՝ sport-express.ru
Լրահոս
Տեսանյութեր
ԱՄՆ-ում հրդեհների հետևանքով մոխրացել է Սահակ-Մեսրոպ հայ քրիստոնյա վարժարանը
