Ձեր վստահելի աղբյուրը

Հինգշաբթի Մարկ Ցուկերբերգը իր կարողությունից կորցրել է 29 միլիարդ դոլար, երբ Meta Platforms Inc-ի (FB.O) արժեթղթերը մեկօրյա ռեկորդային անկում են գրանցել: Մինչդեռ մյուս միլիարդատերը՝ Ջեֆ Բեզոսը պատրաստվում է իր հաշվին ավելացնել 20 միլիարդ դոլար Amazon-ի ռեկորդային եկամուտներից հետո:

Աղբյուր՝ reuters.com

Հայաստանի ձյուդոյի ֆեդերացիայի ներկայացուցիչները փետրվարի 3-ին կատարած այցի ժամանակ մարզադպրոցին տրամադրել են տատամիներ և կիմոնոներ, րոնք ձեռք են բերվել ամերիկահայ բարերար Արթուր Ալխասյանի օժանդակությամբ:

Աղբյուր՝ ՀՀ ԿԳՄՍ նախարարություն 

Օլաֆ Շոլցը փետրվարի 14-ին կմեկնի Կիև, իսկ մեկ օր անց կայցելի Մոսկվա: Այս մասին հինգշաբթի՝ փետրվարի 3-ին, հայտնել է դաշնային կառավարության մամուլի և տեղեկատվության գերատեսչությունը:

Աղբյուր՝ dw.com

Գերմանական Վերածննդի առանցքային դեմքերից մեկի՝ Ալբրեխտ Դյուրերի 16-րդ դարի գծանկարը գնահատվել է ավելի քան 10 միլիոն դոլար: Այն սկզբնապես գնվել է փողոցային վաճառքից ընդամենը 30 դոլարով 2017 թվականին: Վերագտնված գծանկարը վերնագրված է «Մադոննան և երեխան»:

Աղբյուր՝ cnn.com

Փարիզի Աստվածամոր տաճարի հրդեհի մասին պատմող «Նոտր Դամն այրվում է» (Notre-Dame Bru le) ֆիլմը էկրան կբարձրանա մարտի 16-ին: Այս մասին հինգշաբթի հայտնել է BFMTV հեռուստաալիքը: Կինոժապավենի ռեժիսորը կլինի Ստալինգրադի ճակատամարտի մասին «Թշնամին դարպասի մոտ» ֆիլմի հեղինակ Ժան-Ժակ Անոն: 30 միլիոն եվրո բյուջեով ֆիլմում նկարահանվել են դերասաններ Սամուել Լաբարտը և Ջերեմի Լաերտեսը:

Աղբյուր՝ kulturomania.ru

Նստի օրակարգային հարցերի թվում էին  «ՀԱԳՄ 2021թ․ ընթացքում կատարած  աշխատանքների և ֆինանսական գործունեության  հաշվետվությունն» ու «ՀԱԳՄ 2022թ․ աշխատանքային ծրագրի և բյուջեի նախահաշվի հաստատումը», ինչպես նաև «ՀՀ Էկոնոմիկայի և  ֆինանսների նախարարությունների հետ կատարած աշխատանքների մասին» հարցը: ՀԱԳՄ փոխնախագահը անդրադարձավ նաև «ՀՀ հարկային օրենսգրքում փոփոխություններ և լրացումներ կատարելու մասին» ՀՀ օրենքի նախագծի ու Հայաստանում առողջության համապարփակ ապահովագրության հայեցակարգի վերաբերյալ տարվող քննարկումներին:

Աղբյուր՝ Հայաստանի արդյունաբերողների և գործարարների միություն
 

Գիտաֆանտաստիկ  էպիկական «Դյունա» ֆիլմը, որում նկարահանվել են Թիմոտի Շալամեն և Զենդայան, առաջադրվելով 11 անվանակարգերում, դարձել է BAFTA կինոմրցանակաբաշխության այս տարվա առաջատարը: «Շան իշխանությունը» գոթական վեսթերնը, որտեղ Բենեդիկտ Քամբերբեթչը սպառնալից կովբոյի դերում է, հավակնում է 8 անվանակարգի:

Աղբյուր՝ bbc.com

Ռուսաստանի նախագահ Վլադիմիր Պուտինը հինգշաբթի իր ֆրանսիացի գործընկեր Էմանուել Մակրոնի հետ հեռախոսազրույցում քննարկել է հարցեր՝ կապված անվտանգության երաշխիքների վերաբերյալ Ռուսաստանի՝ ԱՄՆ-ի և ՆԱՏՕ-ի հետ բանակցությունների հետ: Այս մասին հայտնում է Կրեմլի մամուլի ծառայությունը: Զրույցը տեղի է ունեցել Փարիզի նախաձեռնությամբ: Նախագահները քննարկել են նաև Ուկրաինայի շուրջ ստեղծված իրավիճակը:

Աղբյուր՝ tass.ru

Իդլիբում ամերիկացի զինվորականների գործողության արդյունքում զոհվել է 13 խաղաղ բնակիչ, այդ թվում՝ վեց երեխա, ՌԻԱ Նովոստիին հայտնել է այսպես կոչված «Սիրիայի ազգային բանակի» ներկայացուցիչը: Զոհերից մի քանիսը մահացել են, երբ հրթիռը ընկել է բնակելի շենքի երկրորդ հարկը, որը, ենթադրաբար, գրոհել են ԱՄՆ զինվորականները: Մնացածները մահացել են մահապարտ-ահաբեկչի ինքնապայթեցման հետևանքով և բախման ժամանակ:

Աղբյուր՝ ria.ru

Ռոջեր Ֆեդերերն ու Ռաֆայել Նադալը հայտարարել են, որ հանդես են գալու նույն թիմում: Շվեյցարացի և իսպանացի թենիսիստները Եվրոպայի հավաքականի կազմում կմասնակցեն «Laver Cup» կոմերցիոն մրցաշարին: Այն կգլխավորի թենիսի շվեդ լեգենդ Բյորն Բորգը: Մրցաշարը կանցկացվի Լոնդոնում սեպտեմբերի 23-ից 25-ը։

Աղբյուր՝ korrespondent.net

Նովակ Ջոկովիչը շնորհակալություն է հայտնել Սերբիայի նախագահին՝ Ավստրալիայի բաց առաջնությունում հանդես գալու իրավական մարտահրավերի ժամանակ աջակցության համար: «Ես շատ շնորհակալ եմ Ձեր գործողությունների համար, որոնք նաև Ձեզ խնդրահարույց քաղաքական իրադրության մեջ են դրել միջազգային հարաբերություններում», - հինգշաբթի ասել է Ջոկովիչը նախագահ Ալեքսանդր Վուչիչին: «Ես դա երկար կհիշեմ»:

Աղբյուր՝ bbc.com

Անկարան մտադիր չէ հրապարակել Մոսկվայի և Կիևի դիրքորոշումները ռուս-ուկրաինական ճգնաժամի հարցում Թուրքիայի միջնորդության դեպքում, քանի դեռ կոնկրետ լուծում չի ստացել: Այս մասին ասել է Թուրքիայի նախագահի աշխատակազմի կապի բաժնի ղեկավար Ֆահրեթին Ալթունը:

Աղբյուր՝ ria.ru

Շվեդիան փետրվարի 9-ից կմիանա Դանիային և Նորվեգիային՝ չեղարկելու սահմանափակումները: Տարածաշրջանի երկրներում շարունակվում է դեպքերի աճը, սակայն պատվաստումների բարձր մակարդակն օգնել է խուսափել որակյալ միջոցներով ապահովված առողջապահական համակարգերի ծանրաբեռնվածությունից:

Աղբյուր՝ news.sky.com

Ֆյոդոր Միխայլովիչ Դոստոևսկու գրքերը զբաղեցնում են չորրորդ տեղը Բրիտանիայում ամենաշատ վաճառվող գրքերի ցանկում: Ինչպես հայտնում է The Daily Telegraph-ը, 2016 թվականից ի վեր նրա ստեղծագործությունների վաճառքն ընդհանուր առմամբ աճել է 177 տոկոսով:

Աղբյուր՝ rg.ru

Գործարկվել է ՀայՓոստ Մեդ դեղատնային ցանցի առաջին դեղատունը, որը գործում է 0019 փոստային բաժանմունքում, հասցե՝ Մ. Բաղրամյան 23 ¼ տարածք: ՀայՓոստը գործարկել է նաև դեղերի առաքման ծառայություն. բոլոր մարզերի բնակիչները կարող են զանգահարել 010 30 30 30 հեռախոսահամարին:

Աղբյուր՝ ՀայՓոստ ՓԲԸ  

«Էնիգմա» կորվող սև քարը համարվում է աշխարհի ամենամեծ երեսակված ադամանդը: 555,55 կարատանոց թանկարժեք քարը համարվում է չափազանց ծանր ադամանդի համար և կշռում է մոտավորապես այնքան, որքան մեկ բանանը: Ակնկալվում է, որ այն կվաճառվի 4,4 միլիոն ֆունտ ստեռլինգով (6 միլիոն դոլար) Sotheby's-ի հաջորդ շաբաթ փակվող առցանց աճուրդում: Քարը կարբոնադո է՝ բնական ադամանդի ամենակարծր տեսակներից մեկը:

Աղբյուր՝ bbc.com

Նորվեգիան արգելել է անգլիական բուլդոգների և կավալեր քինգ չարլզ սպանիելի բուծումը: Այս մասին հայտնել է People ամսագիրը: Արգելքի պատճառը կենդանիների իրավունքների պաշտպանների մտահոգությունն էր կենդանիների առողջության վերաբերյալ. ենթադրվում է, որ այս երկու ցեղատեսակների ներկայացուցիչները տառապում են բնածին առողջական խնդիրներով, որոնք փոխանցվում են սերնդեսերունդ: Բնածին առողջական խնդիրներից են՝ շնչառական խնդիրները, աչքի հիվանդությունները, մաշկային վարակները, սրտի և հոդերի հիվանդությունները։

Աղբյուր՝ gazeta.ru

Հինգշաբթի եզակի օդադեսանտային հարձակման ժամանակ Սիրիայի հյուսիս-արևմուտքում ԱՄՆ հատուկ ջոկատայինները հայտնաբերել են բարձրաստիճան ջիհադիստների. արդյունքում սպանվել է 13 մարդ Պենտագոնի կողմից «հաջողված» օպերացիայի ընթացքում: 

Աղբյուր՝ france24.com