Ձեր վստահելի աղբյուրը

Ամերիկացի դերասան և ռեժիսոր Շիա Լաբաֆը և բրիտանացի դերասանուհի Միա Գոթը պատրաստվում են ծնողներ դառնալ։ Հունվարի 28-ին Գոթին նկարել են Կալիֆորնիայի Փասադենա քաղաքում. նկարում երևում է նրա կլորիկ փորը: Գոթն ու Լաբաֆն ամուսնացել էին 2016 թվականին, սակայն 2018 թվականին դերասանի ներկայացուցիչը հաստատել էր, որ զույգը որոշել է պաշտոնապես բաժանվել: Բազմիցս բաժանված և վերամիավորված զույգն այժմ կրկին միասին է:

Աղբյուր՝ people.com

Որակավորումների ոլորտային շրջանակի (ՈՈՇ) բնութագրերի մշակման ժամկետ է սահմանվել առաջիկա 2 ամիսը: Գերատեսչության կողմից հաստատվելուց հետո մշակված տարբերակը կտրվի բժշկության ոլորտում կրթական ծրագրեր իրականացնող բարձրագույն ուսումնական հաստատություններին:

Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն

Այսօր 92 տարեկանում մահացել է Հունաստանի նախկին նախագահ Քրիստոս Սարդետակիսը: Այս մասին հաղորդում է Աթենքի AMNA լրատվական գործակալությունը: Սարդետակիսը Հունաստանի նախագահն է եղել 1985-1990 թվականներին: Նշվում է, որ նախորդ տարվա դեկտեմբերի սկզբից նախկին նախագահը գտնվել է հիվանդանոցում սուր շնչառական անբավարարության պատճառով:

Աղբյուր՝ ria.ru

«Շախտյորի» պաշտպան Սերգեյ Կրիվցովը շարունակում է ապաքինվել վնասվածքից: Ինչպես պարզվում է, պաշտպանը սիրում է իր ազատ ժամանակն անցկացնել առանց ֆուտբոլ դիտելու կամ համակարգչով խաղալու, ինչպես դա անում են խաղացողների մեծ մասը։ Կրիվցովը սիրում է լեգո կոնստրուկտորներ հավաքել: Պաշտպանի վերջին ստեղծագործությունը Բարսելոնայի «Կամպ Նոու» ստադիոնի ճշգրիտ պատճենն է։

Աղբյուր՝ korrespondent.net

ՀՀ քննչական կոմիտեի հատկապես կարևոր գործերի քննության գլխավոր վարչությունում  քննված քրեական գործով ավարտվել է ներկայումս Երևանի համայնքապետարանի ենթակայության տակ գործող ընկերություններից մեկում թույլ տրված չարաշահումների դեպքի առթիվ հարուցված քրեական գործով նախաքննությունը: Առերևույթ հանցանք կատարած անձի նկատմամբ որոշում է կայացվել հետապնդում չիրականացնելու և գործով վարույթը կարճելու մասին: 

Աղբյուր՝ ՀՀ Քննչական կոմիտե

Բարձրաստիճան քահանայի մամուլի խոսնակը նկատել է, որ նա 2019 թվականին Twitter-ում հավանել է մերկ տղամարդու չորս նկարներ: 59-ամյա քահանա Մայքլ Թոդը առարկել է՝ ասելով, որ կապ կա նատուրիզմի և քրիստոնեության միջև: Մայքլ Թոդը պնդել է, որ AR անունով հայտնի տղամարդու լուսանկարները նատուրիզմի օրինակներ են: Այնուամենայնիվ, տրիբունալը որոշել է պաշտոնական նկատողություն տալ:

Աղբյուր՝ dailymail.co.uk

Բժիշկ և հեռուստահաղորդավար Սերգեյ Ագապկինը և սննդաբան Միխայիլ Գինցբուրգը «Ռոսիա 1» ալիքի «Ամենակարևորի մասին» («О самом главном») հաղորդման ժամանակ հայտնել են, որ յուղոտ կաթնաշոռը նվազեցնում է սրտանոթային հիվանդությունների զարգացման ռիսկը: Բժիշկները հեռուստադիտողներին խորհուրդ են տվել ընտրել 5-ից 18 տոկոս յուղայնությամբ կաթնաշոռ:

Աղբյուր՝ lenta.ru

Սոցիալական մեդիայի հսկա Facebook-ը 18-ամյա պատմության մեջ առաջին անգամ գրանցել է ամենօրյա ակտիվ օգտատերերի (DAU) անկում: Facebook-ի մայր ընկերություն Meta Networks-ը հայտնել է, որ ամենօրյա ակտիվ օգտատերերը դեկտեմբերի վերջին երեք ամսում նվազել են մինչև 1,929 միլիարդ՝ նախորդ եռամսյակի 1,930 միլիարդի համեմատ:

Աղբյուր՝ bbc.com

Մահացել է բրազիլացի դերասան Իսաակ Բարդավիդը, ով մարմնավորել է Ֆրանցիսկոսի դերը «Ստրկուհի Իզաուրա» հեռուստասերիալում: Դերասանի հարազատների խոսքով՝ վերջին տարիներին նա տառապում էր շնչառական համակարգի խրոնիկ հիվանդությամբ: Նա դժվարությամբ էր շնչում:

Աղբյուր՝ kulturomania.ru

Քեմբրիջի դքսուհին դարձել է անգլիական ռեգբիի պաշտոնական հովանավորը: Այդ պաշտոնը նախկինում զբաղեցնում էր նրա տեգրը՝ արքայազն Հարին: Չորեքշաբթի օրվանից նա Ռեգբի Ֆուտբոլի լիգայի (RFL) և Ռեգբի ֆուտբոլի միության (RFU) դեմքն է:

Աղբյուր՝ cnn.com

Էստոնիայի վարչապետ Կայա Կալլասը հայտարարել է, որ Բրիտանիան կկրկնապատկի իր ռազմական ներկայությունը երկրում՝ ռուսական սպառնալիքը զսպելու համար: Ներկայում Մեծ Բրիտանիան գլխավորում է Էստոնիայում տեղակայված՝ ՆԱՏՕ-ի 1200-հոգանոց միջազգային մարտական խումբը, որից մոտ 900-ը բրիտանացիներ են:

Աղբյուր՝ interfax.ru

Միացյալ Նահանգները կառավարվող հրթիռներ և գերժամանակակից կործանիչներ կտեղակայի՝ օգնելու պաշտպանել Արաբական Միացյալ Էմիրությունները՝ Եմենի ապստամբների կողմից մի շարք հրթիռային հարձակումներից հետո: Այս մասին ասվում է չորեքշաբթի տարածած ԱՄՆ հայտարարության մեջ:

Աղբյուր՝ france24.com

Իրաքի ռազմաօդային ուժերը և բանակի ստորաբաժանումները Բաղդադից հյուսիս ընկած հատվածում ոչնչացրել են «Իսլամական պետություն» ահաբեկչական խմբավորման յոթ զինյալների: Այս մասին չորեքշաբթի հայտնել է Արաբական Հանրապետության զինված ուժերի հրամանատարի մամուլի քարտուղար Յահյա Ռասուլը:

Աղբյուր՝ tass.ru

Առնվազն 17 մարդ մահացել է, ևս 56-ը հոսպիտալացվել են Բուենոս Այրեսի հյուսիս-արևմտյան արվարձաններից մեկում՝ թունավոր, հնարավոր է, ափիոնատիպ նյութերով, կոկաին օգտագործելուց հետո: Այս մասին չորեքշաբթի հայտնել են իշխանությունները: Իրավապահները նշել են, որ իրենք արագ են աշխատում՝ պարզելու, թե ինչի հետ է խառնված կոկաինը, սակայն զգուշացրել են վերջին 24 ժամվա ընթացքում թմրանյութը գնողներին՝ ազատվել դրանից:

Աղբյուր՝ france24.com

Հունվարի 23-ից ի վեր Չինաստանի իշխանությունները Պեկինի Օլիմպիական խաղերին ժամանած մարդկանց շրջանում հայտնաբերել են կորոնավիրուսային վարակի 287 դեպք։ Խաղերը կմեկնարկեն փետրվարի 4-ին:

Աղբյուր՝ tass.ru

Օլաֆ Շոլցն ասել է, որ «մոտ ապագայում» կայցելի Մոսկվա և կհանդիպի Ռուսաստանի նախագահ Վլադիմիր Պուտինի հետ: Նա նշել է, որ ԵՄ-ն և ՆԱՏՕ-ն համակարգված քաղաքականություն են վարում և աշխատում են իրենց ապագա որոշումները լավ նախապատրաստելու ուղղությամբ: Հարցին, թե արդյոք խոսք գնում է Պուտինի հետ հանդիպման մասին է, Շոլցն ասել է, որ «դա ծրագրված է և շուտով տեղի կունենա»։

Աղբյուր՝ ria.ru

Չորեքշաբթի խոշորամասշտաբ ձմեռային փոթորիկը հարվածել է Միացյալ Նահանգների կենտրոնական հատվածին՝ առատ ձյունով, սառցե անձրևով և մրրկալից քամիներով, որոնք սպառնում են վտանգավոր դարձնել ճանապարհորդությունը, հնարավոր է նաև էլեկտրաէներգիայի անջատում միլիոնավոր ամերիկացիների համար:

Աղբյուր՝ aljazeera.com

Անգլիայի 20-ամյա բնակիչը, ով փորձել է թաքնվել ոստիկանությունից, պատահաբար դիպչել է էլեկտրական մալուխին և հոսանքահարվել, հայտնում է Daily Mail-ը: Էլեկտրահարումից կասկածյալն ընկել է գետնին: Ոստիկանության աշխատակիցները դեպքի վայր են կանչել բժիշկների, ովքեր տուժածին անհրաժեշտ օգնություն են ցուցաբերել: Ըստ բժիշկների՝ հիվանդի վիճակը ծանր է, բայց կայուն:

Աղբյուր՝ gazeta.ru