Կարճ լուրեր
Գերմանացի էքսպրեսիոնիստ Ֆրանց Մարկի կտավը, որը անցյալ տարի թանգարանից վերադարձվել է նացիստներից փախած հրեա կոլեկցիոների ժառանգներին, ակնկալվում է, որ նկարչի աշխատանքների համար նոր համաշխարհային ռեկորդ կսահմանի, երբ այն հաջորդ ամիս վաճառքի հանվի աճուրդում: «Աղվեսները» (Die Füchse), որում ներկայացված են վառ գույներով, միահյուսված երկու աղվեսներ, գնահատվում է, մոտ 35 միլիոն ֆունտ՝ մարտի 1-ին Լոնդոնի Christie's աճուրդում վաճառվելու դեպքում:
Աղբյուր՝ reuters.com
Պեկինի օլիմպիական խաղերը սկսվել են: Օլիմպիական չեմպիոնների կոչման համար պայքարի մեջ առաջինը մտան կյոռլինգիստները: Չորեքշաբթի՝ պաշտոնական բացման արարողությունից երկու օր առաջ, մեկնարկեցին խառը զուգախաղերը:
Աղբյուր՝ vesti.ru
Թուրքիայի ներքին գործերի նախարարը չորեքշաբթի հայտարարել էէ, որ 12 միգրանտների մարմինները, ովքեր մահացել են ցրտահարվելուց, հայտնաբերվել են Հունաստանի հետ սահմանի մոտ: Նա մեղադրել է հույն սահմանապահներին՝ նրանց հետ ուղարկելու մեջ: Սուլեյման Սոյլուն թվիթերյան իր էջում գրել է, որ մահացածները եղել են 22 միգրանտների թվում, որոնց հունական սահմանապահները հետ են մղել Թուրքիա:
Աղբյուր՝ apnews.com
Բաքոս աստծո հռոմեական արձանը վերադարձվել է ֆրանսիական թանգարան, որտեղ այն նախկինում ցուցադրվում էր: 1-ին դարի բրոնզե արձանը, որում պատկերված է մանկահասակ Բաքոսը, գողացել էին 1973 թվականի դեկտեմբերին 5000 հռոմեական մետաղադրամների հետ: Հետախույզ-արվեստաբան Արթուր Բրենդը արձանի հետքերով հասել էր թանգարան, երբ ավստրիացի կոլեկցիոներն այն առաջարկել է հաճախորդին: 40 սմ բարձրությամբ արձանը պեղվել է Ֆրանսիայի արևելքում գտնվող գալո-հռոմեական Վերտիլյում գյուղի տեղում 1894 թվականին:
Աղբյուր՝ bbc.com
92 տարեկանում կյանքից հեռացել է դերասանուհի Մոնիկա Վիտտին, ով մեծ ճանաչում է ձեռք բերել Միքելանջելո Անտոնիոնիի ֆիլմերում աշխատելուց հետո: Լուրը չորեքշաբթի հաղորդել է իտալական La Repubblica թերթը։ Դերասանուհու մահվան մասին հայտնել է նրա ամուսինը՝ Ռոբերտո Ռուսոն: Երկար տարիներ Վիտտին տառապում էր Ալցհեյմերի հիվանդությամբ և չէր ներկայանում հանրությանը։
Աղբյուր՝ interfax.ru
Ամերիկյան սպորտային «Տնային խաղ» կատակերգությունը գլխավորել է Netflix-ի 10 ամենադիտված նախագծերի ցանկը՝ ըստ օգտատերերի կարծիքի: Ցուցակը կազմել է Collider-ը: Երկրորդ հորիզոնականում հայտնվել է «Դու կարո՞ղ ես գաղտնիք պահել» ռոմանտիկ կատակերգությունը: Ռոմանտիկ կատակերգությունը, որը հիմնված է Սոֆի Կինսելի համանուն վեպի վրա, թողարկվել է 2019թ․-ին։ Երրորդ տեղում ռեժիսոր Ռիք Ջեյքոբսոնի «Թագավորական ոճով» մելոդրաման է։
Աղբյուր՝ kulturomania.ru
Խիստ հազվագյուտ երկու «սև» վագրեր են նկատվել Հնդկաստանի արևելքում գտնվող Նանդանկանան ազգային պարկի տարածքում զբոսնելիս: Բացառիկ արարածներին տեսել են միայն Օդիշա նահանգում, և փորձագետները վերջին մի քանի տարիների ընթացքում պնդում էին, որ նրանցից տարածաշրջանում 7-8-ն են մնացել:
Աղբյուր՝ dailymail.co.uk
«Բարսելոնան» Twitter-ում հայտնել է հարձակվող Պիեր-Էմերիկ Օբամեյանգի հետ պայմանագիր կնքելու մասին: Փետրվարի 2-ին, ֆուտբոլիստը խզեց պայմանագիրը Լոնդոնի «Արսենալի» հետ: Հաղորդվում է, որ հարձակվողի պայմանագիրը «Բարսելոնայի» հետ կհաշվարկվի մինչև 2025 թվականի ամառ:
Աղբյուր՝ sport-express.ru
Առնվազն 60 մարդ է զոհվել չորեքշաբթի առավոտյան Կոնգոյի Դեմոկրատական Հանրապետության արևելյան Իտուրի նահանգում տեղահանված սավոների վրա տեղի ունեցած հարձակման հետևանքով: Այս մասին Reuters-ին հայտնել են տեղական մարդասիրական խմբի ղեկավարը և մեկ ականատես: Երկու աղբյուրներն էլ Reuters-ին հայտնել են, որ CODECO աշխարհազորայիններն են պատասխանատու, մոտավորապես ժամը 02:00-ին (GMT) կատարված սպանությունների համար:
Մեծ Բրիտանիայի կլիմայագետները պարզել են, որ Անգլիայում և Միացյալ Թագավորության այլ շրջաններում բույսերը սկսել են ծաղկել մեկ ամիս շուտ՝ 1986 թվականի և նախորդ դարերի համեմատ: Դրա պատճառով բույսերը դառնում են չափազանց խոցելի ուշ ցրտահարությունների նկատմամբ, հայտնել է Քեմբրիջի համալսարանի պրոֆեսոր Ուլֆ Բյունթգենը:
Աղբյուր՝ tass.ru
Կայծակը, որը ձգվել է մոտ 500 մղոն ԱՄՆ երեք նահանգներում, ամենաերկար կայծակի համաշխարհային նոր ռեկորդ է դարձել: Համաշխարհային օդերևութաբանական կազմակերպությունը երկուշաբթի հայտնել է, որ 2020 թվականի ապրիլին մեկ կայծակումը տարածվել է 477,2 մղոն Տեխասում, Լուիզիանայում և Միսիսիպիում: Այն գերազանցել է 2018 թվականին Բրազիլիայում սահմանված նախորդ ռեկորդը՝ 440,6 մղոն:
Աղբյուր՝ apnews.com
Մելբուրն քաղաքում գերեզմանատան դամբարաններից մարդկային երկու գանգ են գողացել: Ոստիկանությունը չի բացառում սատանիստների պաշտամունքի արարողությունը, չորեքշաբթի հաղորդել է 7News-ը: Կասկածներն ավելի են ամրապնդվում պղծված գերեզմանների վրա խաչերի, մոմերի և «Սատանային ուղղված նամակների» հայտնաբերմամբ: Ավստրալիայի ոստիկանության տվյալներով՝ ընդհանուր առմամբ քանդել են երեք դամբարան, սակայն երրորդը դատարկ է եղել և վերցնելու ոչինչ չի եղել։
Աղբյուր՝ ria.ru
Ինքնալիցքավորվող հիբրիդային մեքենաները, որոնք աշխատում են ինչպես ներքին այրման շարժիչով, այնպես էլ մարտկոցով, 2021 թվականին Եվրոպայում առաջին անգամ գերազանցել են դիզելային մեքենաների վաճառքը, թեև ընդամենը 48 մեքենայով: Եվրոպական ավտոարտադրողների ասոցիացիայի տվյալներով՝ վաճառված ամեն 11 մեքենայից մեկը էլեկտրական մարտկոցով է. ընդհանուր առմամբ վաճառվել է 880,000-ից մի քիչ քիչ մեքենա:
Աղբյուր՝ france24.com
Ուկրաինայի նախագահը հանդես է եկել հայտարարությամբ, ըստ որի՝ Կիևը պատասխանատվույամբ է մոտենում Դոնբասի վերաբերյալ մինսկյան պայմանավորվածությունների համար, և ասել է, որ նորմանդական ձևաչափը համարում է տարածաշրջանում ճգնաժամի կարգավորման միակ աշխատանքային հարթակը: «Ես այլևս չեմ հիշում, թե ով է ստորագրել Մինսկի համաձայնագրերը, բայց հստակ գիտեմ, թե ով պետք է իրականացնի դրանք»,- ասել է Զելենսկին Մեծ Բրիտանիայի վարչապետի հետ համատեղ մամուլի ասուլիսում:
Աղբյուր՝ tass.ru
Կանաչ կապիկները համապատասխանում են կենդանու համապատասխան մոդել են ալկոհոլիղմի ուսումնասիրության համար, քանի որ նրանք հայտնի են ալկոհոլային խմիչքներից իրենց կախվածությամբ և նույնիսկ երբեմն այն գողանում են բարերի այցելուներից: Այովայի համալսարանի հետազոտողները պարզել են, որ FGF21 հորմոնի (լյարդի կողմից արտադրվող ֆիբրոբլաստների աճի գործոնի) անալոգը, ճնշում է խմելու ցանկությունը կանաչ կապիկների և մկների մոտ:
Աղբյուր՝ gazeta.ru
Հնդկաստանի ֆինանսների նախարարը հայտարարել է, որ երկիրը կգործարկի ռուփիի թվային տարբերակը արդեն այս տարի: Տարեկան բյուջեի վերաբերյալ իր ելույթում Նիրմալա Սիթարամանը նաև ընդգծել է, որ թվային ակտիվներից եկամտի 30%-ը կհարկվի: Դա շահույթ կբերի առևտրից կամ կրիպտոարժույթների և չփոխարինվող թոքենների փոխանցումից երկրի ամենաբարձր հարկային տիրույթում:
Աղբյուր՝ bbc.com
Ամերիկացի դերասանուհուն երկու շաբաթով հեռացրել են եթերից քննադատությունների տարափի պատճառով: Հունվարի 31-ին The View հաղորդման ընթացքում Գոլդբերգը առաջարկել էր հաղորդավարներին «ազնվորեն խոստովանել, որ Հոլոքոստը ռասայի կամ ռասիզմի մասին չէ»: Նրան առարկել էին՝ ասելով, որ նացիստները հալածում էին հրեաներին, միայն այն պատճառով, որ նրանց համարում էին ստորադաս ռասա: Դերասանուհին շարունակել էր ասել, որ Հոլոքոստի հետ կապված իրավիճակում որոշ մարդկանց նկատմամբ անմարդկային վերաբերմունք է եղել մյուսմների կողմից, սակայն երկու խմբերն էլ սպիտակամորթ են եղել։
Աղբյուր՝ interfax.ru
Բնական աղետից տուժած Տոնգայում այսօրվանից «լոքդաուն» է: Երկրում հայտնաբերվել են համավարակի սկզբից ի վեր COVID-19-ի փոխանցման առաջին երկու դեպքերը: Դրանք գրանցվեցին մի քանի օր անց, երբ խաղաղօվկիանոսյան կղզու երկիրը օգնություն ստացավ ավստրալիական նավից, որում էլ հայտնաբերվել էին:
Աղբյուր՝ aljazeera.com
Լրահոս
Տեսանյութեր
ԱՄՆ-ում հրդեհների հետևանքով մոխրացել է Սահակ-Մեսրոպ հայ քրիստոնյա վարժարանը
