Կարճ լուրեր
Թուրքիայի ազգային պաշտպանության նախարարությունը չորեքշաբթի հաստատել է, որ հանրապետության օդուժը հարվածներ է հասցրել Քրդական Բանվորական Կուսակցության (ՔԲԿ) դիրքերին Իրաքի հյուսիսում և Սիրիայում: Պաշտպանության նախարարությունը հավելել է, որ «մարտական առաջադրանքն ավարտելուց հետո բոլոր ինքնաթիռներն ապահով վերադարձել են իրենց բազայի օդանավակայաններ»:
Աղբյուր՝ tass.ru
Չորեքշաբթի ոստիկանությունը հայտնել է, որ հինգ մարդ մահացել է այն բանից հետո, երբ թափոների կույտը թափվել է տեղի բնակիչների վրա, որոնք փորձել են ածուխ հանել պետական Coal India Ltd-ին պատկանող լքված քարհանքից արևելյան Ջարկհանդ նահանգում: Ոստիկանությունը նշել է, որ դժբախտ պատահարը տեղի է ունեցել երեքշաբթի վաղ առավոտյան Գոպինաթփուրում՝ Դանբադ շրջանում:
Աղբյուր՝ reuters.com
Էկվադորում վերջին երկու տասնամյակի ընթացքում տեղի ունեցած ամենաուժեղ ջրհեղեղը Կիտոյում առնվազն 22 մարդու կյանք է խլել՝ հեղեղելով տները, ջրով ծածկելով մեքենաները, և մարզադաշտում քշել-տարել մարզիկներին ու հանդիսատեսին: Քսան մարդ անհետ կորել է, 47-ը՝ վիրավորվել, հայտնել է Էկվադորի SNGRE շտապ օգնության ծառայությունը Twitter-ում:
Աղբյուր՝ france24.com
ԱՄՆ-ի բնակիչը պատահաբար հրդեհել է իր տունը՝ փորձելով ձյուն հալեցնել տարածքում: Այս մասին գրում է Complex պարբերականը: Ամերիկացին, հասկանալով, որ կրակը պատահաբար տարածվել է տան վրա, անձամբ ահազանգել է փրկարարներին: Հրշեջ-փրկարարները դեպքի վայր են ժամանել 10 րոպե անց և կարողացել են մարել կրակը, նախքան այն շենքին լուրջ վնաս կհասցներ:
Աղբյուր՝ gazeta.ru
Tesla-ն հետ կկանչի՝ վարորդին աջակցող «լիարժեք ինքնակառավարման» գործառույթով բոլոր մեքենաները, որոնցում անվտանգության համակարգն այնպես է ծրագրավորվել, որ դրանք որոշ իրավիճակներում դանդաղ են անցնում կանգառի նշանների մոտով: Հետկանչը կազդի Model S, X, 3 և Y տրանսպորտային միջոցների վրա, որոնք աշխատում են «ամբողջական ինքնակառավարման» բետա ծրագրակազմով:
Աղբյուր՝ cnn.com
Իսրայելը կարագացնի գերհզոր լազերների մշակումը, որպեսզի մեկ տարվա ընթացքում սկսի դրանց կիրառումը: Իսրայելի վարչապետ Նաֆթալի Բենեթը, հայտարարել է, որ «Իսրայելի վրա հարձակվողները մեծ գումարներ կծախսեն» հրթիռների և ԱԹՍ-ների վրա, մինչդեռ Իսրայելը կծախսի «միայն մի քանի դոլար»:
Աղբյուր՝ tass.ru
Բորիս Ջոնսոնը ժամանել է Կիև՝ չնայած այն հանգամանքին, որ նա ավելի վաղ շփվել է արտաքին գործերի նախարար Լիզ Թրասի հետ, ով վարակվել էր կորոնավիրուսով: Սպասվում է, որ Ջոնսոնը Ուկրաինայի նախագահ Վլադիմիր Զելենսկի հետ կքննարկի Ռուսաստանի հետ Ուկրաինայի սահմանին տիրող իրավիճակը:
Աղբյուր՝ ria.ru
Պաշտոնյաները երեքշաբթի հայտնել են, որ հնագետները հարավային Իտալիայում հայտնաբերել են հնագույն ռազմիկների սաղավարտներ և ներկված աղյուսե պատի ավերակներ, որը կարող է լինել Աթենա աստվածուհուն նվիրված տաճարի նախատիպը: Իտալիայի մշակույթի նախարար Դարիո Ֆրանչեսկինին ասել է, որ մնացորդները, պեղվել են Վելիա կոչվող հայտնի զբոսաշրջային վայրում՝ Մագնա Գրասիայի կարևորագույն քաղաքներից մեկի ակրոպոլիսում:
Աղբյուր՝ apnews.com
Արևելյան Չինաստանի Սուչժոու քաղաքի հետազոտողները հայտարարել են, որ հաջողությամբ մշակել են արհեստական ինտելեկտի (AI) համակարգ, որը կարող է հետևել արհեստական արգանդում սաղմերի աճին: Ինչպես գրում է South China Morning Post-ը, այս պահին փորձարկումներ են կատարվում կենդանիների վրա:
Աղբյուր՝ gazeta.ru
Պրեմիեր լիգայի ակումբները հունվարին ծախսել են մոտ 300 միլիոն ֆունտ ստերլինգ, ինչը երկրորդ ամենամեծ գումարն է, որը երբևէ ծախսվել է ձմեռային տրանսֆերային պատուհանի ընթացքում: Լուիս Դիասի, Բրունո Գիմարաեշի և Ռոդրիգո Բենտանկուրի տրանսֆերները ամսվա վերջին մի քանի օրերին բարձրացրել են լիգայի համախառն ծախսերը մինչև 295 ֆունտ՝ համաձայն ֆինանսական Deloitte ընկերության տվյալների:
Աղբյուր՝ france24.com
Ըստ երկրի կառավարության՝ կորոնավիրուսն այլևս չի համարվում ««հասարակության համար խիստ վտանգավոր հիվանդություն»: Սա նշանակում է, որ հանվում է փակ տարածքներում դիմակ կրելու պահանջը, «Covid pass»-ի կիրառումը բարերի, ռեստորանների և այլ փակ վայրերի համար, և ինքնամեկուսացման իրավական պարտավորությունը, եթե թեստի դրական արդյունք ունենաք, ավարտվում են:
Աղբյուր՝ cnn.com
2002 թվականի աշխարհի չեմպիոնը դաշտ կվերադառնա մեկ խաղ ցուցադրելու համար: Բրազիլիայի հավաքականի, «Ինտերի», Մադրիդի «Ռեալի» և նախկին պաշտպան Ռոբերտո Կառլոսը կարիերան ավարտել է 2012թ.: Բայց բարեգործական նպատակով աշխարհի չեմպիոնն ու Չեմպիոնների լիգայի եռակի հաղթողը փոխարինման դուրս կգա սիրողական թիմի խաղում:
Աղբյուր՝ vesti.ru
Զոմբիների մասին թրիլլերի պրեմիերան կայացել է հունվարի 29-ին: Սերիալը ավագ դպրոցի մի խումբ աշակերտների մասին է, ովքեր փակված են դպրոցում զոմբիների ապոկալիպսիսի ժամանակ: Կնոդիտողները սերիալը խորհուրդ են տալիս նրանց, ովքեր հավանել են «Կաղամարի խաղը», «Գնացք դեպի Բուսան» և «28 օր անց»: «Մենք բոլորս մեռած ենք» սերիալը բաղկացած է 12 էպիզոդից:
Աղբյուր՝ kulturomania.ru
River Cafe Table 4 փոդքաստում քննարկելով Վիկտորիայի ուտելու հատուկ սովորությունները՝ Դեյվիդը ասել է. «Ես շատ էմոցիոնալ եմ սննդի և գինու հարցում, երբ ես ուտում եմ ինչ-որ հիանալի բան, ուզում եմ, որ բոլորը փորձեն այն: «Ցավոք, ես ամուսնացած եմ մեկի հետ, ով վերջին 25 տարիների ընթացքում միշտ նույն բանն է ուտում։ Այն ժամանակից ի վեր, ինչ ես հանդիպել եմ նրան, նա ուտում է միայն խորոված ձուկ, շոգեխաշած բանջարեղեն, նա շատ հազվադեպ է շեղվում դրանից»:
Աղբյուր՝ dailymail.co.uk
Մոուսես Ջ Մոուսլին խաղացել է անթև և անծնոտ Մայքի՝ ընտանի կենդանի զոմբիի դերը հետապոկալիպտիկ հեռուստատեսային սարսափ սերիալում: Անցյալ շաբաթ դերասանի ընտանիքը հայտնել էր նրա անհետացման մասին, և որ ոստիկանությունը հետաքննում է նրա մահվան հանգամանքները:
Աղբյուր՝ bbc.com
Անգլիայում Արևմտյան Յորքշիրի ոստիկանությունը փնտրում է 37-ամյա Ջոնաթան Քեհիլին, ով բանտից ազատվել էր 2021 թվականի սեպտեմբերին, բայց խախտել էր պայմանական վաղաժամկետ ազատման կանոնները: Այդ պատճառով բրիտանացին կրկին պիտի բանտ նստի, սակայն նա անհետացել է: Ոստիկանությունը տղամարդու լուսանկարը տեղադրել է համացանցում, սակայն չի ստացել այն արձագանքը, ինչ ակնկալում էր։ Կանայք, տեսնելով Քեհիլի լուսանկարը, սիրահարվել են նրան: Բացի այդ, շատ աղջիկներ նույնիսկ իրենց օգնությունն են առաջարկել տղամարդուն:
Աղբյուր՝ gazeta.ru
«Պրիմորսկի շրջանում 46-ամյա տղամարդը 18-րդ հարկի պատշգամբից ընկել է 10-ամյա աղջկա վրա: Նա մահացել է։ Երեխան ոտքի կոտրվածքի նախնական ախտորոշմամբ տեղափոխվել է հիվանդանոց»,– «Ռիա Նովոստի»-ին հայտնել է իրավապահ մարմինների աղբյուրը:
Ամերիկացի դերասան, ռեփեր Նիք Քենոնը երկուշաբթի իր ցերեկային թոք-շոուի ժամանակ հայտարարեց, որ ինքն ու մոդել Բրեանա Թյեսին տղա են ունենալու: Նա կլինի Քենոնի ութերորդ երեխան և հինգերորդ երեխան երկու տարուց քիչ ժամանակահատվածում: «Ինչպես բոլորը գիտեն, ես շատ երեխաներ ունեմ, և ես նրանց բոլորին շատ եմ սիրում, անկեղծորեն», - հայտնել է Քենոնը իր հանդիսատեսին: «Իմ երեխաներից յուրաքանչյուրը նույնքան առանձնահատուկ է, որքան մյուսները», - հավելել է նա:
Աղբյուր՝ cnn.com
Լրահոս
Տեսանյութեր
ԱՄՆ-ում հրդեհների հետևանքով մոխրացել է Սահակ-Մեսրոպ հայ քրիստոնյա վարժարանը
