Կարճ լուրեր
«Դոկտոր Սթրենջի» աստղը կնկարահանվի «Առավոտ» (Morning) գիտաֆանտաստիկ դրամայում: Ֆիլմի կնկարահանի ավստրալիացի ռեժիսոր Ջասթին Կուրզելը: Ֆիլմի գործողությունները կծավալվեն հեռավոր ապագայում։ Երկիրը լուսավորված է արհեստական արևով: Մարդկությունը մի միջոց է հորինել, որով կարելի է ընդհանրապես չքնել, բայց մարդկանց նոր սերունդը մտածում է այս միջոցից հրաժարվելու մասին:
Աղբյուր՝ kulturomania.ru
Պիեր-Էմերիկ Օբամեյանգը «Արսենալից» հեռանալուց հետո միացել է «Բարսելոնային» անվճար տրանսֆերային իրավունքով: 32-ամյա գաբոնցի հարձակվողը պայմանագիրը ստորագրել է երկուշաբթի ուշ երեկոյան:
Աղբյուր՝ bbc.com
Իտալացի դերասանուհի Օռնելլա Մուտին երեքշաբթի ՏԱՍՍ-ին տված հարցազրույցում ասել է, որ կցանկանար դառնալ Ռուսաստանի քաղաքացի և ռուսական մշակույթն իր մշակույթի մասն է համարում: «Հաճելի կլինի քաղաքացիություն ստանալը, քանի որ դա իմ մշակույթի մի մասն է՝ մայրական կողմից, նա այս տարի մահացավ, և դա նվեր կլիներ նրա համար»,- ասել է դերասանուհին: Մուտիի մայրը՝ Իլզե Ռենատա Կրաուզեն, կիսով չափ ռուս է, կիսով չափ ՝ բալթյան գերմանուհի:
Բանտում գտնվող անանուն բլոգերը ցույց է տվել, թե ինչպես թեյնիկով պաստա, շոգեխաշած հավի կարրի և բլիթներ պատրաստել: Տղամարդը TikTok-ում հրապարակել է պատրաստման գործընթացի մասին տեսանյութ, սակայն, ըստ երևույթին, չի մտածել, որ դա իրեն հայտնի կդարձնի: Երբ բանտարկյալի տեսանյութերը սկսել են տարածվել համացանցում, բանտի ղեկավարությունն իմացել է այդ մասին: Պարզվել է, որ տղամարդն ապօրինի է օգտագործել հեռախոսը: Ղեկավարությունը կապ է հաստատել TikTok-ի մոդերատորների հետ, որոնք ջնջել են խոհարարական օգտահաշիվը:
Աղբյուր՝ gazeta.ru
ԱՄՆ-ում ահաբեկչության մեջ մեղադրվող նախկին ուսուցչուհի և Կանզասի բնակչուհի Էլիսոն Ֆլյուկ-Էկրենին սպառնում է մինչև 20 տարվա ազատազրկում:
Աղբյուր՝ aljazeera.com
2006 թվականի աշխարհի փոխչեմպիոն Ֆրանկ Ռիբերին կարող է ավարտել կարիերան: 38-ամյա ֆրանսիացին ներկայումս հանդես է գալիս իտալական «Սալերնիտանայում»: Ռիբերիի պայմանագիրը «Սալերնիտանայի» հետ հաշվարկված է մինչև հունիսի վերջ, սակայն Ֆրանկը պատրաստվում է խզել պայմանագիրը: Ֆրանսիացի ֆուտբոլիստն առաջարկ ունի Թուրքիայից, սակայն ինքը՝ Ռիբերին, հակված է կարիերան ավարտելու որոշմանը, հայտնում է Championship.com-ը։
Աղբյուր՝ vesti.ru
«Յուվենտուսը» պայմանագիր է կնքել Մյոնխենգլադբախի «Բորուսիայի» շվեյցարացի կիսապաշտպան Դենիս Զաքարիայի հետ: Այս մասին երկուշաբթի հայտնել է Ա Սերիայի ակումբը: «Յուվեի» հայտարարության մեջ ասվում է, որ Զաքարիան տեղափոխվել է Թուրին 4,5 միլիոն եվրոյի դիմաց: 25-ամյա խաղացողի պայմանագիրը կգործի մինչև 2026 թվականի հունիսի վերջը: Նա կվաստակի տարեկան երեք միլիոն եվրո:
Աղբյուր՝ france24.com
ԱՄՆ-ից դուրս ֆիլմի եկամուտը հատել է 1 միլիարդ դոլարի նշագիծ: Այս մասին հաղորդում է Deadline-ը: Պարբերականի տվյալներով՝ Ջոն Ուոթսի ժապավենն արդեն վաստակել է 1,003 միլիարդ դոլար՝ ԱՄՆ-ի դրամարկղերը չհաշված: Ընդհանուր եկամուտը կազմել է 1,74 մլրդ դոլար:
Աղբյուր՝ kulturomania.ru
Մալիի ռազմական ղեկավարները վտարել են Ֆրանսիայի դեսպանին անցումային կառավարության վերաբերյալ Ֆրանսիայի արտգործնախարարի «վրդովիչ» մեկնաբանությունների պատճառով: Ֆրանսիան հայտնել է, որ հետ է կանչում Ժոել Մեյերին, որին 72 ժամ է տրվել հեռանալու համար: Արտաքին գործերի նախարար Ժան-Իվ Լը Դրիանը անցյալ շաբաթ հայտարարել էր, որ Մալիի խունտան «ոչ լեգիտիմ» է և «անվերահսկելի»:
Աղբյուր՝ bbc.com
Արկտիկայում մեծանում է ռազմական և քաղաքական էսկալացիայի ռիսկը: Այս մասին ասված է երկուշաբթի Դանիայի կառավարության կողմից արտաքին քաղաքականության և անվտանգության ոլորտում հրապարակված ռազմավարության մեջ: Դրանում ասվում է, որ Դանիան կպնդի, որպեսզի Արկտիկայի բոլոր երկրները կատարեն իրենց պարտավորությունները և լուծեն տարաձայնությունները համագործակցության միջոցով՝ հիմնված Իլուլիսատի հռչակագրի վրա:
Աղբյուր՝ tass.ru
Կանադայի վարչապետ Ջասթին Թրյուդոյի քովիդ թեստը դրական է եղել: Այս մասին նա հայտարարեց երկուշաբթի, մինչ երկրում շարունակում են աճել օմիկրոն շտամմով վարակման դեպքերը, իսկ մայրաքաղաքում աղմկահարույց բողոքի ակցիաները՝ կապված համավարակի սահմանափակումների հետ: Twitter-ում Թրյուդոն գրել է, որ իրեն լավ է զգում և շարունակելու է հեռավար աշխատել՝ պահպանելով հանրային առողջության ուղեցույցները: Կանադայի վարչապետ երեք երեխաներից երկուսը ևս վարակվել են:
Աղբյուր՝ cnn.com
Մեծ Բրիտանիան պատրաստել է «ամենախիստ պատժամիջոցների ռեժիմը» Ռուսաստանի դեմ: Այս մասին Twitter-ում գրել է արտգործնախարար Լիզ Թրասը: «Մենք խստացնում և ընդլայնում ենք մեր պատժամիջոցների ռեժիմը՝ ի պատասխան Ուկրաինայի դեմ Ռուսաստանի ագրեսիայի»,- ասել է նա:
Աղբյուր՝ ria.ru
Լուսանկարներում, որոնք հավանաբար արվել են անցած հանգստյան օրերին Նյու Յորքում և հրապարակվել են մի քանի լրատվամիջոցների կողմից, երևում է որ երգչուհին և նորաձևության մագնատը ուրախությամբ ցուցադրում է իր մեծ, կլոր, մերկ փորը՝ ընկերոջ՝ ռեփեր A$AP Rocky-ի հետ քայլելիս: 33-ամյա Ռիհաննան և իր հասակակից A$AP Rocky-ն տարիներ շարունակ ընկերներ են եղել և 2021 թվականի մայիսին հրապարակել են իրենց ռոմանտիկ հարաբերությունների մասին: Զույգի համար սա կլինի առաջին երեխան:
Աղբյուր՝ cnn.com
Պորտուգալիայի իշխող Սոցիալիստական կուսակցությունը կիրակի կայացած արտահերթ ընտրություններում պատմության մեջ միայն երկրորդ անգամ ստացել էմեծամասնության քվեն: Ընտրությունները նշանակվեցին այն ժամանակ, երբ վարչապետ Անտոնիո Կոստան չկարողացավ ընդունել բյուջեն՝ կորցնելով երկու փոքր կուսակցությունների աջակցությունը:
Աղբյուր՝ bbc.com
Եղիսաբեթ 2-րդ թագուհու գահակալության 70-ամյակի կապակցությամբ Մեծ Բրիտանիայում կայանալիք տոնակատարություններին կմասնակցի ավելի քան 10 միլիոն մարդ։ Ինչպես հայտնում է The Daily Telegraph-ը, հունիսի 5-ին ողջ երկրում տեղի կունենա հոբելյանական մեծ ճաշկերույթ:
Աղբյուր՝ tass.ru
Նիդեռլանդների առափնյա պահպանությունը փրկել է նավի անձնակազմի բոլոր 18 անդամներին: Այն երկուշաբթի Հյուսիսային ծովում բախվել էր մեկ այլ նավի՝ Նիդեռլանդների ափերի մոտ տեղի ունեցած փոթորկի ժամանակ: Մալթայում գրանցված Julietta D. բեռնատար նավը, որը Գերմանիայից մեկնում էր Ամստերդամ, բախվել էր նավթի և քիմիական նյութերի տանկերին, ասվում է առափնյա պահպանության հայտարարության մեջ:
Աղբյուր՝ reuters.com
ՈՒԵՖԱ-ն դատի է տվել Գիսսենում գտնվող Pizza Wolke գերմանական պիցցերիային՝ «Champignons league» (Շամպինիոնների լիգա) կոչվող մենյուի համար: Պիցցերիան այս մասին հայտնել է Instagram-ում: ՈւԵՖԱ-ն կարծում է, որ գերմանական Pizza Wolke ընկերությունը խախտում է օրենքը՝ օգտագործելով Չեմպիոնների լիգային համահունչ պիցցայի անվանում: Պիցցերիան հայտարարել է, որ դատաքննությունը միայն կավելացնի իրենց հայտնիությունը:
Աղբյուր՝ sportrbc.ru
Արսեն Գասպարյանը:
Աղբյուր՝ ՀՀ ԳԱԱ տեղեկատվական-վերլուծական ծառայություն
Լրահոս
Տեսանյութեր
ԱՄՆ-ում հրդեհների հետևանքով մոխրացել է Սահակ-Մեսրոպ հայ քրիստոնյա վարժարանը
