Կարճ լուրեր
Ռուսաստանի և Չինաստանի կենսաբանները Ղրղըզստանում ծաղկող բույսի մեջ հայտնաբերել են մի քանի մոլեկուլներ՝ հզոր հակաօքսիդանտ և հակաուռուցքային հատկություններով: Այս մասին երկուշաբթի հայտարարել է Ռուսաստանի գիտական հիմնադրամի (RSF) մամուլի ծառայությունը՝ հղում կատարելով IJMS ամսագրի հոդվածին:
Աղբյուր՝ tass.ru
Dolce&Gabbana-ն երկուշաբթի հայտարարեց, որ այս տարվանից կդադարեցնի կենդանիների մորթի օգտագործել իր բոլոր հավաքածուներում և կանցնի էկոլոգիապես մաքուր արհեստական մորթու: Միլանի նորաձևության տունը միանում է մյուս շքեղ ապրանքանիշերին, ինչպիսիք են Armani-ն, Gucci-ն, Prada-ն և Moncler-ը, հետևելու կենդանիների իրավունքների պաշտպանության խմբերի կողմից նախաձեռնած «Fur Free Alliance» ցանցի ուղեցույցներին:
Աղբյուր՝ apnews.com
Ուրբաթ օրվանից առնվազն 18 մարդ, այդ թվում՝ յոթ երեխա է մահացել Սան Պաուլո նահանգում հորդառատ անձրևների հետևանքով, որոնք առաջացրել են ջրհեղեղներ և սողանքներ: Շուրջ 500 մարդ տեղահանվել է: Ըստ Քաղաքացիական պաշտպանության պետական ծառայության հայտարարության՝ հինգ մարդ անհայտ կորած է համարվում:
Աղբյուր՝ cnn.com
Դիսնեյը կորցրել է հեղինակային իրավունքը Սքրեթի՝ «Սառցե դարաշրջանի» սրատամ սկյուռի նկատմամբ: Իրավունքները ամցել եմ նկարչուհի Այվի Զիլբերշտեյնին, ով կերպարի համար պայքարել է 20 տարի: Զիլբերշտեյնը Սքրեթին նակրել է 1999 թվականին: «Սառցե դարաշրջանի» առաջին մասը թողարկվել է 2002 թվականին: Առաջին դատարանները վճռել էին, որ ստուդիան և նկարչուհին հավասար իրավունքներ ունեն կերպարի նկատմամբ: Սակայն Զիլբերշտեյնը կանգ չառավ և հասավ Սքրեթի իրավունքների ամբողջական փոխանցմանը իրեն:
Աղբյուր՝ kulturomania.ru
Մոսկվայի հարավում, ենթադրաբար, տաջիկստանցի միգրանտների զանգվածային ծեծկռտուք է տեղի ունեցել: 66 օրինախախտներ բերման են ենթարկվել ոստիկանության բաժիններ:
Աղբյուր՝ tass.ru
Հյուսիսային Կորեայի պետական լրատվամիջոցները երկուշաբթի հայտնել են, որ երկիրը փորձարկել է Hwasong-12 միջին հեռահարության բալիստիկ հրթիռը, որը վերջին անգամ արձակվել է 2017 թվականին: Դրա հզորությունը բավական է է ԱՄՆ-ի Գուամ կղզու տարածքի շառավիղը ներառելու համար:
Աղբյուր՝ france24.com
Ըստ MENA պետական լրատվական գործակալության՝ Եգիպտոսի դատարանը մահապատժի է դատապարտել արգելված «Մուսուլման եղբայրներ» խմբավորման 10 անդամների՝ ոստիկանության վրա հարձակումներ համակարգելու և ծրագրելու համար: Ամբաստանյալների ինքնությունը չի հրապարակվում, և հնարավոր չի եղել պարզել, թե ինչպես են նրանց մեղադրանքը առաջադրել:
Աղբյուր՝ aljazeera.com
Այս մասին հայտնում է անգլիական ակումբի մամուլի ծառայությունը։ 29-ամյա կիսապաշտպանի հետ աշխատանքային պայմանագիրն ուժի մեջ կլինի մինչև 2021/22 մրցաշրջանի ավարտը:
Աղբյուր՝ gazeta.ru
Սասեքսի դուքսն ու դքսուհին ասել են, որ անհանգստացած են Spotify-ում Covid-19 ապատեղեկատվությամբ՝ Ջո Ռոգանի շոուի նկատմամբ աճող բողոքի ֆոնին: Այնուամենայնիվ, զույգը, ով 2020 թվականին երաժշտական հոսքային ծառայության հետ ստորագրել է բազմամյա փոդքասթի համագործակցություն, մնում է հանձնառու՝ շարունակելու աշխատանքը Spotify-ի հետ: Այս շաբաթ Նիլ Յանգը և Ջոնի Միտչելը հայտնել էին, որ հեռացնում են իրենց երաժշտությունը՝ ի նշան բողոքի Ռոգանի փոդքասթերի դեմ:
Աղբյուր՝ theguardian.com
Արաբա-քրդական «Սիրիայի դեմոկրատական ուժերը» (SDF), ԱՄՆ-ի գլխավորած միջազգային կոալիցիայի աջակցությամբ, Սիրիայի հյուսիսում գտնվող Ալ-Հասաքա քաղաքում բախումների ընթացքում ոչնչացրել են «Իսլամական պետության» 246 ահաբեկիչների, քրդերի կողմից սպանվել է 79 մարտիկ: Տեղեկությունը հայտնում է սիրիական Al-Watan թերթը:
Աղբյուր՝ ria.ru
Warner Bros. կինոստուդիա ծրագրում է նկարահանել Թոդ Ֆիլիպսի «Ջոկերի» շարունակությունը 2023 թվականին: Ֆիլմում կրկին հանդես կգա Խոակին Ֆենիքսը։ Այս պահին պատրաստ է կինոկոմիքսի շարունակության սցենարը:
Աղբյուր՝ kulturomania.ru
Ջասինդա Արդերնը ինքնամեկուսացման մեջ կլինի մինչ երեքշաբթի՝ Covid-19-ի վարակակրի հետ կոնտակտային շփման բացահայտումից հետո: «Դեպքը տեղի է ունեցել հունվարի 22-ին, Քերիքերից Օքլենդ NZ8273 չվերթի ժամանակ», - ասվում է Նոր Զելանդիայի կառավարության շաբաթ օրը տարածած մամուլի հաղորդագրության մեջ:
Աղբյուր՝ cnn.com
Հունվարի 30-ին ռուսաստանցի հայազգի մարզիկը Instagram-ում գրառում էր հրապարակել, որից շատ լրատվամիջոցներ եզրակացրել էին, որ Դալալոյանը որոշել է ավարտել կարիերան: «Մի շարք լրատվամիջոցներ գրել են, որ ես ավարտել եմ կարիերաս։ Դա ճիշտ չէ. ինձ սխալ են հասկացել։ Գրել եմ, որ ընտանիքն եմ ընտրում ընտանիքի և սպորտի միջև: Դա նշանակում էր, որ այժմ մրցումներ չկան, և որոշ ուսումնամարզական հավաքներ կարող եմ բաց թողնել, բայց, իհարկե, ես մնում եմ մարզիկ, և մեզ շատ մեծ մրցաշարեր են սպասվում»,- նոր գրառման մեջ գրել է մարմնամարզիկը։
Աղբյուր՝ gazeta.ru
Մեյսոն Գրինվուդը ձերբակալվել է բռնաբարության և հարձակման կասկածանքով՝ սոցցանցերում տարածված մեղադրանքներից հետո: Մեծ Մանչեսթերի ոստիկանությունը հայտնել է, որ իրազեկվել է «սոցցանցերում մի կնոջ կողմից հրապարակված նկարների և տեսանյութերի մասին, որոնք վկայում են ֆիզիկական բռնության դեպքերի մասին»: Գրինվուդը շարունակում է մնալ կալանքի տակ՝ հարցաքննվելու համար. հետաքննությունը շարունակվում է:
Աղբյուր՝ bbc.com
Պորտուգալիայում կիրակի տեղի են ունեցել արտահերթ խորհրդարանական ընտրություններ՝ չնայած երկրում նոր կորոնավիրուսի համավարակի իրավիճակի սրմանը: Երկրի քաղաքացիներն ընտրել են Հանրապետության Համագումարի (միապալատ խորհրդարան) 230 պատգամավորի: Ընտրատեղամասերը բացվել են տեղական ժամանակով ժամը 08:00-ին և աշխատել մինչև 19:00-ն: Սպասվում է, որ քվեարկության նախնական արդյունքները կհրապարակվեն մոտակա ժամերին:
Աղբյուր՝ tass.ru
The New York Daily News-ի թղթակից Ռիչարդ Ջոնսոնը հայտնել է, որ 33-ամյա երգչուհին հրաժարվել է Caesars Palace-ի «Weekends With Adele»-ի համերգաշարից՝ անցյալ ուրբաթ նախատեսված դեբյուտային շոուից մեկ օր առաջ՝ սիրելիի՝ Ռիչ Փոլի հետ ունեցած խնդիրների պատճառով: Ադելին մոտ կանգնած աղբյուրներից պնդում են, որ նա լաց է եղել փորձերի ժամանակ և ընդհատել դրանք՝ Փոլից ստացած զանգերին պատասխանելու համար:
Աղբյուր՝ dailymail.co.uk
30-ամյա մոդել Չելսի Քրիստի մարմինը հայտնաբերվել է հունվարի 30-ի առավոտյան 60-հարկանի երկնաքերի մոտ, որտեղ գտնվում է նրա բնակարանը: Չելսի Քրիստին վերջին անգամ տեսել են 29-րդ հարկում: Ավելի ուշ գրություն է հայտնաբերվել, որ գեղեցկության մրցույթի հաղթողը ցանկանում է ամբողջ ունեցվածքը թողնել մորը: Մահից առաջ Քրիստը Instagram-ի իր էջին գրառում էր կատարել՝ «Թող այս օրը ձեզ խաղաղություն բերի»:
Աղբյուր՝ gazeta.ru
Լավագույն ռակետներ Բարբորա Կրեյչիկովան և Կատերինա Սինյակովան կիրակի հաղթեցին իրենց չորրորդ «Մեծ սաղավարտը»՝ նվաճելով Ավստրալիայի բաց առաջնության կանանց զուգախաղի տիտղոսը ղազախստանցի Աննա Դանիլինայի և բրազիլացի Բեատրիս Հադդադ Մաիայի դեմ խաղում: Չեխ զույգը «Ռոդ Լեյվեր Արենայում» հաղթանակի հասավ 6-7 (3/7), 6-4, 6-4 հաշվով:
Աղբյուր՝ france24.com
Լրահոս
Տեսանյութեր
ԱՄՆ-ում հրդեհների հետևանքով մոխրացել է Սահակ-Մեսրոպ հայ քրիստոնյա վարժարանը
