Կարճ լուրեր
Սերդար Ազմունը կարող է կարիերան շարունակել Անգլիայի Պրեմիեր լիգայում: Իրանցի հարձակվողի ծառայություններով հետաքրքրված է «Բըրնլին»: Պրեմիեր լիգայում վերջին՝ 20-րդ տեղը զբաղեցնող ակումբը հարձակումն ուժեղացնելու ուղիներ է փնտրում:
Աղբյուր՝ vesti.ru
Ռուսաստանի արտգործնախարար Սերգեյ Լավրովը կոչ է արել ԱՄՆ պետքարտուղար Էնթոնի Բլինքենին օգտագործել իր ազդեցությունը Կիևի վրա՝ խելքի բերելու համար: «Ես նրան ևս մեկ անգամ հորդորել եմ վճռական ազդեցություն գործադրել Կիևի ռեժիմի վրա՝ ստիպելու նրան խելքի գալ և դադարեցնել այդ կարևորագույն փաստաթղթի (մինսկյան համաձայնագրերի) սաբոտաժը», - ասել է Լավրովը ԱՄՆ պետքարտուղարի հետ հանդիպումից հետո։
Աղբյուր՝ ria.ru
Հունվարի 21-ին վերահսկողական աշխատանքներ են իրականացրել Երևանի Դավթաշեն և Արաբկիր վարչական շրջանով ուղևորափոխադրում իրականացնող 37 տրանսպորտային միջոցներում: Հայտնաբերվել է 1 խախտում, որի հիմքով կազմվել է վարչական արձանագրություն: Անցած 5 օրվա ընթացքում մայրաքաղաքի քաղաքանրային տրանսպորտում ընդհանուր առմամբ հայտնաբերվել է հակահամաճարակային կանոնների խախտման 18 դեպք:
Աղբյուր՝ ՀՀ ՔՏՀԱ տեսչական մարմին
Իրաքի անվտանգության ուժերի պաշտոնյաների վկայությամբ՝ «Իսլամական պետություն» ահաբեկչական խմբավորման ենթադրյալ զինյալները հարձակվել են Դիյալա նահանգում գտնվող իրաքյան բանակի զորանոցի վրա և սպանել 11 զինվոր քնած ժամանակ: Աղբյուրները հայտնում են, որ հարձակումը տեղի է ունեցել ուրբաթ վաղ առավոտյան ալ-Ազիմ լեռնային շրջանում:
Աղբյուր՝ aljazeera.com
Մեթ Ռիվզի «Բեթմենը» պաշտոնապես կդառնա DC-ի ամենաերկարակ կոմիքսային ֆիլմը: Կինոժապավենի տևողությունը կլինի 2 ժամ 55 րոպե:
Աղբյուր՝ kulturomania.ru
Գործող չեմպիոն Նաոմի Օսական դուրս մնաց Ավստրալիայի բաց առաջնությունից՝ ամերիկուհի Ամանդա Անիսիմովային պարտվելուց հետո: Ավստրալիայի բաց առաջնության կրկնակի չեմպիոն Օսական երեք սեթում պարտվել է ամերիկուհի Անիսիմովային՝ 4:6, 6:3, 7:6 (10:5) հաշվով:
Աղբյուր՝ cnn.com
Space Entertainment Enterprise-ը, որը կարտադրի տիեզերքի մասին Թոմ Քրուզի ֆիլմը, մինչև 2024 թվականը կկառուցի ՄՏԿ-ի լրացուցիչ մոդուլ՝ սպորտային արենայով և կինոստուդիայով: SEE-1 կոչվող մոդուլը նախատեսված կլինի կինոյի, հեռուստատեսության և սպորտային իրադարձությունների, ինչպես նաև արվեստագետների, պրոդյուսերների և ստեղծագործողների համար:
Աղբյուր՝ daily.afisha.ru
«Բարսելոնայի» հարձակվող Ուսման Դեմբելեի գործակալ Մուսա Սիսոկոն հաջորդ շաբաթ կհանդիպի կատալոնական ակումբի ներկայացուցիչների հետ, հայտնում է Diario Sport-ը: Աղբյուրի տեղեկություններով՝ Սիսոկոն կփորձի կարգավորել իրավիճակը` կապված 24-ամյա ֆրանսիացու հետ, ով հեռացվել էր թիմից՝ կատալոնական ակումբի հետ պայմանագիրը երկարաձգելուց հրաժարվելու պատճառով:
Աղբյուր՝ sport-express.ru
Մեծ Բրիտանիայի գովազդի կարգավորող մարմինն արգելել է հեռուստատեսային գովազդը, որում վեց և ութ տարեկան երկու աղջիկներ են, որոնք գլխիվայր կախված են ֆուտբոլի դարպասաձողից և քննարկում էին, թե ուտելիքը ուր է գնում, երբ գլխիվայր կախված ես: Այնուհետև աղջիկներից մեկը մի կտոր Dairylea պանիր է ուտում: Ըստ կարգավորող մարմնի՝ գովազդային հոլովակը կարող է առաջացնել վարքագիծ, որը հնարավոր է հանգեցնի խեղդամահության:
Աղբյուր՝ reuters.com
«Bat Out of Hell» ալբոմով մեծ ճանաչման հասած Միթ Լոուֆը մահացել է 74 տարեկան հասակում: Նրա ֆեյսբուքյան էջում տարածված հայտարարության համաձայն՝ կյանքի վերջին 24 ժամերիի արտիստի կողքին են եղելկինը, դուստրերը՝ Փերլը և Ամանդան, և մտերիմ ընկերները: Հայտարարության մեջ մահվան պատճառ չի նշվում:
Աղբյուր՝ france24.com
Netflix-ի հոսքային ծառայությունը հաստատել է, որ հարավկորեական «Կաղամարի խաղ» (The Squid Game) սերիալը կունենա երկրորդ սեզոն: Այս մասին հերթական զեկույցում հայտնել է կոնտենտ–տնօրեն Թեդ Սարանդոսը: «Կաղմարի խաղը նոր է սկսվել»,- վստահեցրել է նա: 2021 թվականի նոյեմբերի սկզբին «Կաղամարի խաղ»-ի ստեղծող և սցենարիստ Հվան Դոնգ Հյոկը ևս հաստատել էր, որ սերիալը կշարունակվի:
Աղբյուր՝ gazeta.ru
Իլոն Մասկի Neuralink ընկերությունը, որը մշակում է ուղեղի և համակարգչի միջև տեղեկատվության փոխանակման նեյրոնային ինտերֆեյս, բացել է կլինիկական փորձարկումների տնօրենի թափուր աշխատատեղ: Մարդու ուղեղում չիպերի տեղադրման ժամանակաշրջանը մոտենում է:
Աղբյուր՝ bloomberg.com
Սփայք Լիին կպարգևատրվի մրցանակով՝ կինոռեժիսուրայի ոլորտում բացառիկ նվաճումների համար: Այս մասին հայտնում է կազմակերպության կայքը: Գիլդիայի 86-ամյա ողջ պատմության ընթացքում այս մրցանակը ստացել է ընդամենը 35 ռեժիսոր։
Աղբյուր՝ kulturomania.ru
Բացման համերգից ընդամենը 24 ժամ առաջ Ադելը հետաձգել է իր Լաս Վեգասի ողջ համերգաշարը: «Շատ եմ ցավում, բայց իմ շոուն պատրաստ չէ»,- երկրպագուներին արտասվելով ասել է աստղը Instagram-ում: «Իմ թիմի կեսը վարակված է Covid-ով, և անհնար է ավարտին հասցնել շոու ծրագիրը»,- ասել է նա՝ հավելելով, որ «առաքման հետաձգումները» նույնպես փչացրել են իր ծրագրերը: Այսօր նա Caesars Palace Colosseum-ում պետք է տար 24 համերգներից առաջինը:
Աղբյուր՝ bbc.com
Այս մասին հայտարարել է Netflix-ի հոսքային ծառայությունը: Twitter-ում ծառայությունը տեղադրել է նաև սպասվող շարունակության առաջին կադրը: Այն կկենտրոնանա Ջինջերի և Ռոքիի կյանքի վրա՝ Թվիդի ֆերմայից փախչելուց հետո: Մուլտֆիլմի ռեժիսորը Նիք Փարքն է:
Աղբյուր՝ kulturomania.ru
Հունվարի 21-ին տեղի ունեցած հանդիպման ընթացքում կողմերը անդրադարձել են հայ-ադրբեջանական սահմանի շուրջ ստեղծված իրավիճակին: Ընդգծվել է հայ-ադրբեջանական սահմանի սահմանագծման և սահմանազատման գործընթացի շուտափույթ սկսումը և այդ նպատակով համապատասխան մթնոլորտի ձևավորումը:
Աղբյուր՝ ՀՀ Անվտանգության Խորհրդի գրասենյակ
Հայտնի շոկոլադե սալիկի սահմանափակ շարքը թողարկվել էր որպես համաշխարհային «KitKat ճամփորդական ընդմիջումներ» տեսականու մի մաս, որում կոնֆետի թղթերի վրա տպագրվում են տեղացի արհեստավորների ստեղծագործությունների լուսանկարները: Սակայն հավաքածուի հնդկական տարբերակը արժանացավ առցանց քննադատության, քանի որ այնտեղ ներկայացված էին հինդու աստվածների պատկերները: Շատերը վրդովմունք են հայտնել, որ թղթերը կարող են հայտնվել աղբամաններում կամ գետնին՝ ոտքի տակ, ինչն անարգանք կլինի աստվածների և հինդու հավատքի հանդեպ:
Աղբյուր՝ theguardian.com
Եվրամիությունը վերաբացել է իր ներկայացուցչությունը Քաբուլում՝ պաշտոնապես վերսկսելով մշտական ներկայությունը Աֆղանստանում: Այս մասին հայտնում է աֆղանական 1TV հեռուստաալիքը՝ վկայակոչելով Աֆղանստանի ԱԳՆ պաշտոնական ներկայացուցիչ Աբդուլ Քահար Բալխին:
Աղբյուր՝ interfax.ru
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
