Կարճ լուրեր
Օսկարակիր դերասան Մայքլ Քեյնը երկրպագուներին հնարավորություն է ընձեռում ունենալ իր փառահեղ կինոկարիերայի հուշաիրերից: Անձնական իրերը, ներառյալ 88-ամյա աստղի ոսկե Rolex ժամացույցը, որը գնահատվում է մինչև 12,000 ֆունտ (16,300 դոլար), և նրա անձնական հավաքածուի նկարները Լոնդոնում աճուրդի կհանվեն մարտի 2-ին:
Աղբյուր՝ cnn.com
HS2 արագընթաց երկաթուղու ուղեգծի վրա աշխատող հնագետները հայտնաբերել են «չափազանց հազվագյուտ» փայտե քանդակ՝ պատրաստված հռոմեական ժամանակաշրջանում: Այն հայտնաբերվել է Բաքինգհեմշիր նահանգի Թվիֆորդ քաղաքում գտնվող դաշտում ճահճացած առվի մեջ: Սկզբում նրանք կարծել են, թե 67 սմ երկարությամբ և 18 սմ լայնությամբ քանդակը քայքայված փայտի կտոր է, սակայն ուսումնասիրություների ժամանակ հայտնաբերվել է մարդանման կառուցվածք:
Աղբյուր՝ bbc.com
Ժնևում հյուպատոսության առնվազն երեք աշխատակցի մոտ «Հավանայի համախտանիշի» ախտանիշներ են կասկածվել, իսկ դիվանագետներից մեկին տեղափոխել են ԱՄՆ՝ բուժման: Փարիզում ևս ԱՄՆ դեսպանատան աշխատակիցները զեկուցել են «սինդրոմի» կասկածելի դեպքի մասին և հորդորել մյուսներին հայտնել այդ երևույթի հետ կապված ցանկացած արտասովոր ախտանիշի մասին: «Առեղծվածային նյարդաբանական հիվանդությունը» մինչ օրս ախտահարել է առնվազն 200 ամերիկացի դիվանագետների ամբողջ աշխարհում:
Աղբյուր՝ gazeta.ru
քանի որ ըստ Վրաստանի նախկին նախագահի՝ նախկին վարչապետ Բիձինա Իվանիշվիլին որոշել է սպանել իրեն: Եվ ընդհանրապես, Վրաստանում անհնար է լիարժեք բուժում ստանալ։ Աշխարհահռչակ բժիշկները ցանկանում են հետազոտել իրեն, սակայն նրանց թույլ չեն տալիս երկիր մտնել։ Այս մասին Միխեիլ Սաակաշվիլին ասել է Թբիլիսիի քաղաքային դատարանում տեղի ունեցած դատավարության ժամանակ։
Աղբյուր՝ vesti.ru
Ծովափնյա Օնսլոու քաղաքում գրանցվել է 50,7 °C (123,26 °F) ջերմաստիճան: Հինգժաբթի Արևմտյան Ավստրալիայում գտնվող քաղաքում կրկնվել է 1962 թվականին Հարավային Ավստրալիայում գրանցված ռեկորդը:
Աղբյուր՝ bbc.com
Հինգշաբթի «Աստոն Վիլան» հայտարարեց «Էվերթոնի» ֆուտբոլիստ Լյուկա Դինի հետ պայմանագիր կնքելու մասին: Ֆրանսիացի պաշտպանը դարձավ Սթիվ Ջերարդի երկրորդ ձեռքբերումը հունվարյան տրանսֆերային պատուհանի ընթացքում:
Աղբյուր՝ france24.com
Տյումենում դպրոցների տարհանում է սկսվել՝ անանուն հաղորդագրությունների ստացման պատճառով: Այս մասին հինգշաբթի ՏԱՍՍ-ին հայտնել է Տյումենի մարզի փոխնահանգապետ, մարզի կրթության եւ գիտության դեպարտամենտի տնօրեն Ալեքսեյ Ռայդերը։ Երկրորդ հերթափոխի աշակերտների պարապմունքները չեղարկվել են:
Հունվարի 13-ին կայացած նիստին Արայիկ Հարությունյանը ընդգծել է, որ ինչպես բանակաշինության, այնպես էլ զինվորական անձնակազմի սոցիալական խնդիրները գտնվում են ԱՀ Կառավարության ուշադրության կենտրոնում, և արվելու է ամեն ինչ, որպեսզի Հանրապետությունում ապահովվի անվտանգության բարձր մակարդակ:
Աղբյուր՝ Արցախի Հանրապետության նախագահի աշխատակազմ
Կիբերանվտանգության մասնագետ Դեյվիդ Կոլոմբոն հայտնել է, որ ինքը հեռահար հասանելիություն է ձեռք բերել ավելի քան 25 Tesla էլեկտրական մեքենաների: Այս մասին 19-ամյա հաքերը հայտնել է Twitter-ում: Կոլոմբոն չի ցանկանում բացահայտել, թե կոնկրետ ինչպես է հայտնաբերել խոցելիությունը, քանի դեռ դրա մասին չի հայտնել Mitre ՏՏ ընկերությանը:
Աղբյուր՝ gazeta.ru
Ձմեռային կիսամյակի մեկնարկից երկու շաբաթ էլ չանցած՝ ֆրանսիացի ուսուցիչներն արդեն գերհոգնել են COVID-19-ի դեպքերի աճող թվի պատճառով: Հինգշաբթի ուսուցիչները համազգային գործադուլ են սկսել, որը կազմակերպվել է ուսուցիչների արհմիությունների կողմից՝ ի նշան բողոքի վիրուսի հետ կապված դասի խանգարումների և անընդհատ փոփոխվող մեկուսացման կանոնների դեմ:
Աղբյուր՝ apnews.com
Ամերիկացի դերասան, ռեժիսոր, սցենարիստ Բեն Աֆլեքը խոսել է աշխարհում կինոարտադրության հնարավոր զարգացման մասին։«Կարծում եմ, որ կինոթատրոններում ֆիլմերը կդառնան ավելի թանկ և իրադարձություններով լի», - ասել է Բեն Աֆլեքը՝ հավելելով, որ կինոթատրոններում ֆիլմերը ուղղված կլինեն հիմնականում ավելի երիտասարդ հանդիսատեսին, ովքեր տարված են կինոաշխարհով: Դերասանի կարծիքով՝ ապագայում կինոթատրոններում տարեկան մոտ 40 ֆիլմ կթողարկվի:
Աղբյուր՝ kulturomania.ru
Շրի Լանկայի բանտի բարձրաստիճան պաշտոնյան մահապատժի է դատապարտվել 27 բանտարկյալների ձևով կոտորածի համար, որն արժանացել էր միջազգային դատապարտման: Չորեքշաբթի Կոլոմբոյի Գերագույն դատարանը դատապարտեց բանտի կոմիսար Էմիլ Լամահյուջին, սակայն ազատ արձակեց նրա համախոհին՝ ոստիկանության հարամանատար Մոզես Ռանգաջիվային:
Աղբյուր՝ aljazeera.com
«Տրանսֆորմերների» աստղը պատրաստվում է ամուսնանալ Քոլսոն Բեյքերի հետ, ում հետ հանդիպում էվերջին մեկուկես տարում: Երեքշաբթի՝ հունվարի 11-ին, 31-ամյա Բեյքերը ծնկի է իջել 35-ամյա Ֆոքսի առջև և նրա մատին զմրուխտով և ադամանդներով մատանի է դրել սիրահարների համար նախատեսված խորհրդանշական վայրում՝ բենգալական թզենու տակ:
Աղբյուր՝ korrespondent.net
«Մանչեսթեր Յունայթեդի» հետ Պոլ Պոգբայի պայմանագրին մնացել են վերջին վեց ամիսները։ Այս ամսից նա կարող է ազատորեն բանակցել արտասահմանյան թիմերի հետ ամառային տրանսֆերի շուրջ: L'Equipe-ը հայտնում է, որ կիսապաշտպանին ձեռք բերելու ֆավորիտը «Պարի Սեն Ժերմենն» է: Մյուս հնարավոր, բայց քիչ հավանական ուղղություններն են «Ռեալը» և «Յուվենտուսը»:
Աղբյուր՝ dailymail.co.uk
Նոր Զելանդիայի բնակիչն արթնացել է խցանված ականջով, գնացել է բժշկի և իմացել, որ քնած ժամանակ այնտեղ խավարասեր է մտել։ Զեյն Վեդդինի խոսքով՝ մեկ օր առաջ ինքը լողացել էր լողավազանում, ուստի մտածել է, որ խցանումն առաջացել է ականջի մեջ մնացած ջրի պատճառով։ Սակայն շուտով տղամարդը ականջի ներսում շարժում է զգացել և որոշել դիմել բժշկի։ Ուտիճին ականջից հեռացնելու համար ընդամենը մի քանի րոպե է պահանջվել։
Աղբյուր՝ gazeta.ru
Ղազախստանի մայրաքաղաքում և 13 այլ շրջաններում հանվել է ահաբեկչական սպառնալիքի կարմիր մակարդակը: Այդ մասին հայտնել է Ազգային անվտանգության կոմիտեի (ԱԱԿ) մամուլի ծառայությունը:
Աղբյուր՝ ria.ru
Հոլիվուդյան ամենառոմանտիկ զույգերից մեկը չորեքշաբթի համատեղ հայտարարություն է տարածել Մոմոայի Instagram-ի էջում՝ հայտնելով, որ ամուսնալուծվում են:
Աղբյուր՝ cnn.com
Հինգշաբթի Նովակ Ջոկովիչը մասնակցեց Ավստրալիայի բաց առաջնության առաջին շրջանի վիճակահանություն, և նրա մրցակիցը դարձավ համերկրացի Միոմիր Կեցմանովիչը՝ չնայած շարունակվող անորոշությանը, թե արդյոք նա դեռ կմնա երկրում: Ծրագրվում է, որ 34-ամյա Ջոկովիչը կսկսի իր տիտղոսի պաշտպանությունը երկուշաբթի կամ երեքշաբթի:
Աղբյուր՝ france24.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
