Կարճ լուրեր
Իսպանիայի Սուպերգավաթի կիսաեզրափակչում Մադրիդի «Ռեալը» 3:2 հաշվով հաղթեց «Բարսելոնային»: Առաջին խաղակեսում թիմերը փոխանակվեցին մեկական գոլերով: Ընդմիջումից հետո Կարիմ Բենզեման առաջ մղեց մադրիդցիներին։ Հիմնական ժամանակի վերջում Անսու Ֆաթին հավասարեցրեց հաշիվը: Լրացուցիչ ժամանակում միակ գոլը խփեց կիսապաշտպան Ֆեդերիկո Վալվերդեն։
Աղբյուր՝ sport-express.ru
Չորեքշաբթի ԱՄՆ ֆինանսների նախարարությունը պատժամիջոցներ է սահմանել հինգ հյուսիսկորեացիների նկատմամբ, որոնք, ըստ նրա, ներգրավված են եղել ԿԺԴՀ-ի զանգվածային ոչնչացման զենքերի և բալիստիկ հրթիռների ծրագրերի համար ապրանքներ գնելու մեջ:
Աղբյուր՝ aljazeera.com
Ամերիկացի դերասան Քեյլեբ Լենդրի Ջոնսը կնկարահանվի Լյուկ Բեսոնի նոր՝ «DogMan» ֆիլմում, հայտնում է Variety-ն։ Թերթի տեղեկություններով՝ նոր կինոնկարի սյուժեի հերոսը կլինի բարդ ճակատագրով երեխան։ Մեծանալով նա մխիթարություն է գտնում շների հանդեպ ունեցած իր սիրո մեջ: Նկարահանումները նախատեսում են սկսել 2022 թվականի մայիսին։
Աղբյուր՝ kulturomania.ru
Մեծ Բրիտանիայի վարչապետ Բորիս Ջոնսոնը չորեքշաբթի ներողություն է խնդրել Դաունինգ սթրիթի իր այգում սահմանափակումների ընթացքում անցկացված խնջույքին մասնակցելու համար, սակայն մերժել է հրաժարական տալու կոչերը: Իսկ ընդդիմության առաջնորդը նրան անվանել է «առանց ամոթի մարդ»:
Աղբյուր՝ france24.com
Պետր Ֆիալան պատահաբար կոշտ հայտարարություն է արել խորհրդարանի նիստի ժամանակ: «Ո՜նց եմ էս ամենից զզվել»,- ասել է նա՝ օգտագործելով անպարկեշտ արտահայտություններ: Հայհոյանքի պահին քաղաքական գործչի խոսափողը դեռ աշխատում էր, և Ֆիալայի գործընկերները լսել են նրա ասածները: Վարչապետի արձագանքը, ամենայն հավանականությամբ, պայմանավորված է եղել ձգձգվող միջոցառումով:
Աղբյուր՝ ria.ru
Ճապոնիայի հյուսիսում և հյուսիս-արևելքում ցիկլոնները ձնաբքի պատճառ են դարձել. թռիչքները չեղարկվել են: Հոկայդո նահանգի Օտոյնեպու բնակավայրում երեք ժամում 31 սանտիմետր ձյուն է տեղացել։ Հոկայդո նահանգի Հոնբեցու քաղաքում գրեթե 130 կմ/ժ արագությամբ քամու ուժեղացում է գրանցվել:
Աղբյուր՝ korrespondent.net
Նոր սերիալում դերասանուհին հանդես է գալիս գլխավոր դերում: Տեսանյութը հրապարակվել է Apple TV+ հոսքային ծառայության YouTube ալիքում։ Պրեմիերան նախատեսված է փետրվարի 4-ին և կկայանա Apple TV+ հոսքային հարթակում:
Աղբյուր՝ kulturomania.ru
Լուրը չորեքշաբթի հաստատել են Բունդեսլիգայի ղեկավարները: «Ես շատ ուրախ եմ, որովհետև «Բավարիան» աշխարհի լավագույն ակումբներից մեկն է, և ես գիտեմ, որ մենք դեռ շատ հնարավորություններ և մեծ նպատակներ ունենք», - ասվում է ֆրանսիացի եզրային հարձակվողի հայտարարության մեջ: 25-ամյա ֆուտբոլիստը «Բավարիա» է տեղափոխվել 2015 թվականին «Յուվենտուսից»:
Աղբյուր՝ france24.com
Պանամական գորտերի նոր տեսակն անվանվել է էկոակտիվիստ Գրետա Թունբերգի պատվին։ Այս մասին հոդված է հրապարակվել ZooKeys ամսագրում: Pristimantis gretathunbergae անունն ստացած տեսակը հայտնաբերվել է Կոնրադ Մեբերտի գլխավորած հետազոտական խմբի կողմից:
Աղբյուր՝ gazeta.ru
Երկրի հարավում եկեղեցու փլուզման զոհերից երկուսը երեխաներ են: Դեպքը տեղի է ունեցել երեքշաբթի երեկոյան Դելտա նահանգի մայրաքաղաք Ասաբայի Օկպանամ արվարձանում: 18 փրկվածներից 11-ը հոսպիտալացվել են։
Աղբյուր՝ aljazeera.com
Հունվարի 7-ի երեկոյան Ռուսաստանում գտնվող Սոսնովկա և Կուբովայա գյուղերի միջև ընկած ճանապարհին դեռահասները արկղի մեջ հայտնաբերել են նորածին աղջկա: Դեռահասներից մեկի հայրը՝ Դմիտրի Լիտվինովը, NGS-ի լրագրողին պատմել է, որ տղաները զբոսնելիս են եղել, և ժամը 18:20-ին որդին զանգահարել է իրեն և հայտնել երեխա հայտնաբերելու մասին: Երեխային անմիջապես տեղափոխել են հիվանդանոց: Դմիտրին և կինը պատրաստ են որդեգրել նորածնին:
Բեռլուսկոնին սպառնացել է դուրս բերել իր «Առա´ջ, Իտալիա» ( Forza Italia) կուսակցությունը Իտալիայի կառավարող մեծամասնությունից, եթե ներկայիս վարչապետ Մարիո Դրագին այս ամսվա վերջին նախագահ ընտրվի: Բեռլուսկոնին երեքշաբթի օրվանից Հռոմում է՝ ձայներ փնտրելու. նա ակտիվացնում է իր սեփական նախագահական քարոզարշավը: Ավելի քան 1000 խորհրդարանականների և տարածաշրջանային ներկայացուցիչների գաղտնի քվեարկությունը կսկսվի հունվարի 24-ին:
Աղբյուր՝ theguardian.com
Իրանի Մեջլիսը հավանություն է տվել Օմանի ծոցից Սիստան և Բելուջիստան ջուր տեղափոխելու ծրագրին: Այս մասին չորեքշաբթի հայտնել է Mehr գործակալությունը: Վերջին տարիներին Իրանի հսկայական տարածքներն ավելի ու ավելի շատ են տուժում քաղցրահամ ջրի պակասից, ինչը բազմիցս հանգեցրել է բողոքին բնակչության կողմից:
Աղբյուր՝ tass.ru
ԱԻՆ ՓԾ փրկարարական ուժերի վարչությունը հանդես է եկել տարեկան հաշվետվությամբ: ՀՀ ավտոճանապարհներին ձնաբքի ժամանակ մարդկանց և տրանսպորտային միջոցներն անվտանգ տարածք տեղափոխելու և առաջին օգնություն ցուցաբերելու նպատակով հանրապետության 5 մարզերում ծավալված 7 առաջնային օգնության կետերը 2021 թ.-ին արձագանքել են 47 դեպքի: Տարվա ընթացքում շնորհվել է 722 որակավորման դաս, որոնցից 8-ը՝ միջազգային կարգի:
Աղբյուր՝ ԱԻՆ
Netflix-ը նկարահանել է ֆիլմ «ՊՍԺ»-ի և Բրազիլիայի հավաքականի հարձակվող Նեյմարի մասին: Երեք մասից բաղկացած վավերագրական ֆիլմը ամբողջությամբ երկրպագուներին հասանելի կլինի հունվարի 25-ից: Ռեժիսոր՝ Դեյվիդ Չարլզ Ռոդրիգեսի «Նեյմար. Կատարյալ քաոս»-ը ներառում է հարցազրույցներ Դեյվիդ Բեքհեմի, Լիոնել Մեսսիի, Կիլիան Մբապեի և շատ այլ լեգենդների հետ:
Աղբյուր՝ korrespondent.net
Հունվարի 12-ին Գարեգին Երկրորդ Ծայրագույն Պատրիարքը Մայր Աթոռ Սուրբ Էջմիածնի Գևորգյան հոգևոր ճեմարանի հանդիսությունների դահլիճում Ամանորի և Սուրբ Ծննդյան տոների առիթով հանդիպեց Մայր Աթոռի տարբեր կառույցներում պաշտոնավարող աշխարհական աշխատակիցների հետ, շնորհավորեց և իր հայրապետական օրհնությունն ու բարեմաղթանքները փոխանցեց ներկաներին:
Աղբյուր՝ Մայր Աթոռի տեղեկատվական համակագ
Չորեքշաբթի Սոմալիի մայրաքաղաք Մոգադիշոյի օդանավակայան տանող ճանապարհին ականապատ մեքենա է պայթել, ինչի հետևանքով զոհվել է առնվազն ութ մարդ, հայտնել է քաղաքի շտապօգնության ծառայության ղեկավարը: Մոգադիշոյի բնակիչ Մուհամեդ Օսմանը պատմել է, որ պայթյունի ալիքը հարվածել է մոտակայքում գտնվող մզկիթի պատերին և տանիքին, որտեղ նա աղոթելիս է եղել:
Աղբյուր՝ reuters.com
Ինչպես հայտնում է As-ը, թուրինցիների մարզիչ Մասիմիլիանո Ալեգրին հավանություն չի տա ֆուտբոլիստի տեղափոխությանը կատալոնական ակումբ։ Նա բարձր է գնահատում հարձակվողին և չի մտածում նրան փոխարինելու մասին։ Ավելի վաղ հաղորդվում էր, որ Մորատան տխրել է Ալեգրիի՝ իրեն բաց չթողնելու որոշումից, քանի որ ցանկանում է տեղափոխվել «Բարսելոնա»։ Գործող պայմանագիրը հաշվարկված է մինչև 2022 թվականի հունիսի 30-ը։
Աղբյուր՝ sport-express.ru
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
