Կարճ լուրեր
Ոստիկանությունը հայտնել է, որ պայթյունը տեղի է ունեցել երեքշաբթի, երբ ավտոբուսը շարժվում էր Մինդանաո կղզու Կոտաբատո քաղաքի մերձակայքում գտնվող մայրուղով: Կղզին հանգրվան է բազմաթիվ զինված խմբերի համար՝ սկսած կոմունիստ ապստամբներից մինչև կրոնական մարտիկներ:
Աղբյուր՝ aljazeera.com
«Պարի Սեն Ժերմենը» կարող է պայմանագիր կնքել «Մանչեսթեր Յունայթեդի» պորտուգալացի հարձակվող Կրիշտիանու Ռոնալդուի հետ: Այդ մասին հաղորդում է Le 10 Sport-ը: Այսպիսով, հարձակվողը կարող է նույն թիմում լինել արգենտինացի Լիոնել Մեսսիի հետ: Հաղորդվում է, որ ֆրանսիացի հարձակվող Կիլիան Մբապեն մոտ է ակումբից հեռանալուն, ուստի «ՊՍԺ»-ն ստիպված է մտածել ուժեղացման մասին, որը կկարողանա կոմպենսացնել հարձակվողից բաժանումը:
Աղբյուր՝ gazeta.ru
Կասիմ-Ժոմարտ Տոկաևը հրամանագիր է ստորագրել հանրապետության կառավարության նոր կազմի մասին, որով կաբինետի մի շարք անդամներ պահպանել են իրենց պաշտոնները, ոմանց պաշտոններն էլ բարձրացվել են: Այս մասին հաղորդում է նախագահի մամուլի ծառայությունը:
Աղբյուր՝ ria.ru
Երկուշաբթի Միացյալ Նահանգները հաղորդել է նոր կորոնավիրուսով վարակման 1,35 միլիոն դեպքի մասին, որը օրական ամենաբարձր ցուցանիշն է աշխարհի ցանկացած երկրի համար: Խիստ վարակիչ օմիկրոն տարբերակի տարածումը դեռ դանդաղեցման միտում չունի:
Աղբյուր՝ reuters.com
Ռուսաստանը ներկայացնող 19-ամյա թենիսիստուհին մրցել է Լիխտենշտեյնի ներկայացուցիչ Կատինկա ֆոն Դայհմանի հետ և առավելության է հասել 6:2, 5:7 (5:7), 6:3 հաշվով։
Աղբյուր՝ vesti.ru
Երեքշաբթի վաղ առավոտյան 6,6 մագնիտուդ ուժգնությամբ երկրաշարժ է տեղի ունեցել Կիպրոսի արևմտյան ափերի մոտ, հայտնում է ԱՄՆ երկրաբանական ծառայությունը: Ստորգետնյա ցնցումները զգացվել են ամբողջ Կիպրոսում և տարածաշրջանի երկրներում՝ Թուրքիայում, Իսրայելում և Լիբանանում: Երկրաշարժի հետևանքով տուժածների կամ լուրջ վնասների մասին տեղեկություններ չկան, սակայն այն արթնացրել է ողջ կղզու բնակիչներին:
Աղբյուր՝ france24.com
Fox կինոընկերությունը ցանկանում է լրացուցիչ կադրերով 1 ժամանոց մասերից բաղկացած սերիալ նկարել: Ջեսիկա Մեկլենբուրգը կգրի սցենարը և կստանձնի գործադիր պրոդյուսերի պարտականությունները: Նրան կմիանա բնօրինակի ռեժիսոր Դեյվիդ Մաքքենզին: Հայտնի չէ՝ կվերադառնան արդյոք գլխավոր դերերը մարմնավորած դերասանները՝ Քրիս Փայնը, Բեն Ֆոսթերը և Ջեֆ Բրիջեսը։
Աղբյուր՝ daily.afisha.ru
Մեգան Մարքլը և արքայազն Հարին կարող են բախվել թագավորական սկանդալի, եթե ջրեն Կալիֆորնիայի Մոնտեսիտո քաղաքում գտնվող իրենց 11 միլիոն ֆունտ արժողությամբ առանձնատան խոտը: Զույգը կարող է տուգանվել 500 դոլարի չափով, քանի որ իշխանությունները կիզիչ երաշտի պատճառով արգելել են ռետիներ խողովակների օգտագործումը: Բայց նրանց ծաղկած նարդոսի թփերը և իտալական շքեղ նոճիները կարող են շոգից չորանալ:
Աղբյուր՝ thesun.co.uk
Կատակերգու և հեռուստահաղորդավար Գարիկ Խարլամովը Instagram-ում գրառում է կատարել, որում պատմել է իր հոսպիտալացման մասին։ «Ես երբեք այստեղ 39,6 ջերմաստիճանով գրառում չեմ արել։ Սա առաջինն է»,- գրել է Խարլամովը՝ չհստակեցնելով իր ախտորոշումը։
Աղբյուր՝ gazeta.ru
Մեծ Բրիտանիայում հայտնաբերվել է իխտիոզավրի հսկա չափերի բրածո, որը հետազոտողները նկարագրել են որպես տարածաշրջանի ամենանշանակալի հայտնաբերումներից մեկը: Անգլիական Արևելյան Միդլենդս նահանգի Ռութլենդ կոմսության ջրամբարում հայտնաբերված նմուշը Մեծ Բրիտանիայում երբևէ հայտնաբերված իխտիոզավրի ամենախոշոր և ամբողջական բրածոն է՝ մոտ 33 ոտնաչափ երկարությամբ և մեկ տոննա զագվածով:
Աղբյուր՝ cnn.com
Գերմանիայի բազմաթիվ քաղաքներում հունվարի 10-ի երեկոյան մարդիկ կրկին բողոքի ցույց են անցկացրել հակաքովիդային միջոցառումների և COVID-19-ի պարտադիր պատվաստումների հնարավոր ներդրման դեմ: Ոստիկանության տվյալներով՝ ցույցերը հիմնականում խաղաղ են եղել։ Սակայն Բաուտցենում առնվազն երեք ոստիկան վիրավորվել է. նրանց վրա քարեր ու շշեր են նետել։
Աղբյուր՝ korrespondent.net
Անդրես Մանուել Լոպես Օբրադորը երկուշաբթի հայտարարել է, որ ինքը երկրորդ անգամ վարակվել է Covid-19-ով, ախտանիշները մեղմ են:
Աղբյուր՝ france24.com
Լոնդոնի թագավորական քոլեջի գիտնականները պարզել են, որ ոսովորական մրսածությունից T բջիջների (լիմֆոցիտներ, որոնք առանցքային դեր են խաղում իմունային արձագանքման համակարգում) բարձր մակարդակ ունեցող մարդիկ ավելի քիչ հավանական է՝ վարակվեն COVID-19-ով: Այս մասին ասվում է նոր հետազոտության նախնական տպագրության մեջ:
Աղբյուր՝ ria.ru
Հյուսիսային Կորեան երեքշաբթի բալիստիկ հրթիռ է արձակել երկրի արևելքում ընկած ծովի ուղղությամբ, որը երկրորդն էր մեկ շաբաթվա ընթացքում՝ առաջնորդ Կիմ Չեն Ընի կոչերից հետո՝ ընդլայնելու միջուկային ծրագիրը՝ չնայած միջազգային հակազդեցությանը:
Աղբյուր՝ apnews.com
El Nacional-ը հայտնում է, որ «Չելսին» պատրաստ է վաճառել հարձակվող Ռոմելու Լուկակուին։ Ակումբի սեփականատեր Ռոման Աբրամովիչը դժգոհ է ֆուտբոլիստի վերջին հարցազրույցից, որտեղ նա դժգոհություն էր հայտնել թիմում տիրող իրավիճակից և խոսել «Ինտեր» վերադառնալու ցանկության մասին: Բելգիացին արդեն ներողություն է խնդրել իր խոսքերի համար, սակայն Աբրամովիչը դեռ մտածում է նրան վաճառելու մասին։ Պարբերականի տեղեկություններով՝ փարիզցիները նրա համար պատրաստ են վճարել 90 մլն եվրո:
Աղբյուր՝ sport-express.ru
Netflix-ը երկարաձգել է «Էմիլին Փարիզում» սերիալը միանգամից երկու՝ երրորդ և չորրորդ սեզոններով: Այս մասին հոսքային ծառայությունը հայտնել է իր Twitter-ում։
Աղբյուր՝ daily.afisha.ru
Ամերիկացի տղամարդը դարձել է աշխարհում առաջին մարդը, ում սրտի փոխպատվաստում են արել գենետիկորեն ձևափոխված խոզից: Բժիշկների խոսքով՝ 57-ամյա Դեյվիդ Բենեթն իրեն լավ է զգում Բալթիմորում 7-ժամյա փորձնական պրոցեդուրայից երեք օր անց: Փոխպատվաստումը Բենեթի կյանքը փրկելու վերջին հույսն էր, թեև դեռ պարզ չէ, թե որքան են երկարատև ապրելու նրա շանսերը։
Աղբյուր՝ bbc.com
Երկուշաբթի «Բարսելոնան» երկարաձգեց Սամուել Ումտիտիի պայմանագիրը մինչև 2026 թվականը։ Գործարքը բավական միջոցներ է ստեղծում ակումբի բյուջեում՝ «Մանչեսթեր Սիթիի» հետ նոր գործարքի գրանցման և Ֆեռան Տոռեսին ձեռք բերելու համար: Երկու շաբաթ առաջ թիմին միացած Տոռեսը անհասանելի էր «Բարսելոնայի» խաղերին մասնակցելու համար, քանի որ հարձակվողին գրանցելը կխախտեր Լա Լիգայի ծախսերի սահմանափակումները:
Աղբյուր՝ france24.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
