Կարճ լուրեր
Առողջապահության համաշխարհային կազմակերպությունը նախազգուշացնում է օմիկրոն տարբերակը որպես մեղմ չնկարագրել, քանի որ այն ևս սպանում է մարդկանց ամբողջ աշխարհում:
Աղբյուր՝ bbc.com
Կանադացի բժիշկներն ահազանգում են՝ երկրի արևելքում գտնվող Նյու Բրանսուիկ նահանգիում անհայտ հիվանդություն է հայտնաբերվել, որն ազդում է միայն երիտասարդների վրա: Հիվանդների մոտ կոգնիտիվ ֆունկցիաները կտրուկ նվազում են, առաջանում են մկանային սպազմ և հալյուցինացիաներ: Հիվանդների համար ավելի դժվար է դառնում մտքերը ձևակերպել: Թե ինչի հետ է կապված խախտումը, մասնագետները դեռ չեն կարողանում պատասխանել:
Աղբյուր՝ vesti.ru
Իշխանությունները հինգշաբթի հայտնել են, որ Ֆրանսիական կարգավորիչները տուգանել են Google-ին և Facebook-ին՝ «քուքիների» օգտագործման պատճառով, որոնցով առցանց հետևել են օգտատերերի գործունեությանը:
Աղբյուր՝ france24.com
Սերբ թենիսիստ Նովակ Ջոկովիչին տեղավորել են Մելբուրնում գտնվող փախստականների հյուրանոցում: Այդ մասին Twitter-ում գրել է լրագրող Քեյթ Քելլին: Նշվում է, որ շենքի ճակատին գրաֆիտիներ են նկարված, որոնցում նշվում է, որ հյուրանոցում մարդիկ պահվում են անմարդկային պայմաններում:
Աղբյուր՝ gazeta.ru
Իտալիայից չարտերային չվերթով Հնդկաստանի հյուսիսային Ամրիտսար քաղաք ժամանած 179 ուղևորներից 125-ի Covid-19-ի դրական թեստ են հանձնել: Առողջապահության ոլորտի պատասխանատուների հաղորդմամբ՝ Միլանից չորեքշաբթի ժամանած բոլոր վարակակիրները մեկուսացված են:
Աղբյուր՝ bbc.com
Թենիսիստ Նովակ Ջոկովիչի հայրը՝ Սրջան Ջոկովիչը, մեկնաբանել է իր որդու շուրջ պատմությունը, որին թույլ չեն տալիս մուտք գործել Ավստրալիա: «Հիսուսին խաչին գամեցին և ամեն հնարավոր բան արեցին նրա հետ: Նա ողջ մնաց, և նրա հոգին դեռ կենդանի է։ Նույն կերպ փորձում են խաչել Նովակին, թերագնահատել նրան, ծնկի բերել, անել նրա հետ ամենը ինչ հնարավոր է»,- ասել է հայր Ջոկովիչը:
Աղբյուր՝ gazeta.ru
Լոնդոնի Թագավորական բուսաբանական այգին հինգշաբթի հայտարարել է, որ նոր ծառատեսակն անվանել են դերասան Լեոնարդո Դի Կապրիոյի պատվին՝ որպես հարգանքի տուրք հոլիվուդյան աստղի անտառահատումների դեմ պայքարին: Կամերունի Էբո անտառում հայտնաբերված, մեծ դեղնականաչավուն ծաղիկներով, մշտադալար բույսի գիտական անվանումն է Uvariopsis dicaprio:
Աղբյուր՝ france24.com
BMW iX էլեկտրական քրոսովերը կարող է կոճակի մեկ հպումով ակնթարթորեն փոխել իր թափքի գույնը:
Աղբյուր՝ korrespondent.net
Կազմակերպիչները հայտնել են, որ «Գրեմմի»-ի 64-րդ ամենամյա մրցանակաբաշխությունը, որը պետք է կայանար ԱՄՆ-ում այս ամսվա վերջին, հետաձգվել է կորոնավիրուսի պատճառով: Միջոցառումը, որը համարվում է երաժշտական ամենամեծ իրադարձությունը, նախատեսվում էր անցկացնել հունվարի 31-ին Լոս Անջելեսում: Կազմակերպիչները նշել են, որ նոր ամսաթիվը կհայտարարվի շուտով:
Աղբյուր՝ bbc.com
Բրիտանացի հայտնի գրող, Հարի Փոթերի մասին շարքի հեղինակ Ջոան Ռոուլինգը մեղադրվել է իր վիպաշարում հրեաներին վիրավորելու մեջ: Նրան հրեատյացություն են վերագրել, քանի որ, հրաշագործի մասին գրքի բանկիր գոբլիններին նմանեցնում են հրեաներին:
Աղբյուր՝ korrespondent.net
Ալյասկյան մալամուտը 13 ժամ պառկել է վնասվածք ստացած լեռնագնացի վրա, նախքան նրան կգտնեին և կփրկեին: Նորթ անունով 8 ամսական շունը տաքացրել է Գրգա Բրկիչին այն բանից հետո, երբ նա ընկել է արշավի ժամանակ և չի կարողացել շարժվել: Նրա հետ երկու այլ արշավորդները չեն կարողացել հասնել նրանց մոտ, ուստի ահազանգել են փրկարարներին:
Աղբյուր՝ theguardian.com
Ավստրալիայի իշխանությունները սերբ թենիսիստ Նովակ Ջոկովիչի գործով որոշումը հետաձգել են մինչև հունվարի 10-ը, հայտնում է «Championship.com»-ը՝ հղում անելով լրագրող Կալում Գոդդեին: Ակնկալվում է, որ մարզիկը կարտաքսվի Ավստրալիայից:
Աղբյուր՝ gazeta.ru
Ֆրանսիան թույլատրում է բուժաշխատողներին, ովքեր վարակված են կորոնավիրուսով, բայց ունեն թույլ ախտանիշներ կամ ընդհանրապես չունեն, շարունակել բուժել հիվանդներին՝ ինքնամեկուսանալու փոխարեն: Ձեռնարկված Ժամանակավոր արտակարգ միջոցառումն ուղղված է դեպքերի աննախադեպ աճի հետևանքով հիվանդանոցներում և այլ հաստատություններում աշխատողների պակասի կրճատմանը:
Աղբյուր՝ apnews.com
Մայրաքաղաքի օդանավակայանն աշխատում է կանոնավոր ռեժիմով:
Աղբյուր՝ interfax.ru
Առնվազն 11 մարդ է զոհվել, 23-ը՝ վիրավորվել Աֆղանստանում ջրհեղեղների և ձյան տեղումների հետևանքով: Վերջին մի քանի օրերին ձյան առատ տեղումները հաճախ ջրհեղեղների են հանգեցնում: Նման իրավիճակ, մասնավորապես, նկատվում է Հիլմենդ, Նիմրոզ, Ֆարահ, Նանգարհար, Բադախշան, Ջովզջան, Թախար, Ղանդահար և Քաբուլ նահանգներում։
Աղբյուր՝ ria.ru
Հյուսիսային Կորեան հայտարարել է, որ չորեքշաբթի տեղի ունեցած հրթիռային փորձարկումը գերձայնային զենք է եղել, և այն հաջողությամբ խոցել է իր թիրախը: Ճապոնիայի և Հարավային Կորեայի կողմից բացահայտված արձակումը հոկտեմբերից ի վեր առաջին գերձայնային հրթիռի երկրորդ արձակումն էր՝ չնայած ՄԱԿ-ի կողմից նման գործունեության արգելքին:
Աղբյուր՝ aljazeera.com
Աշխարհի առաջին ռակետը չորեքշաբթի ժամանել է Մելբուրն, որտեղ իշխանությունները նկատել են, որ նրա թիմը սխալ է թույլ տվել իր դիմումում: Ջոկովիչը պետք է հանդես գա Ավստրալիայի բաց առաջնությունում՝ պատվաստումների կանոններից ազատվելուց հետո: Սակայն նրա թիմը չէր դիմել այնպիսի վիզայի համար, որը թույլ կտա բժշկական արտոնություններ չպատվաստվածների համար:
Աղբյուր՝ bbc.com
Ամերիկացի կինոռեժիսոր Քվենտին Տարանտինոն հայտարարել է, որ ևս մեկ գիրք է ավարտել: Ռեժիսորի խոսքով՝ ինքը գրել է Ռիկ Դալթոնի ամբողջական կենսագրությունը, ում մարմնավորում է Լեոնարդո ԴիԿապրիոն «Մի անգամ Հոլիվուդում» ֆիլմում: Նախկինում Տարանտինոն արդեն թողարկել էր «Մի անգամ Հոլիվուդում» գիրքը՝ կինոժապավենի հիման վրա: Գիրքն արդեն վերնագրված է «Ռիկ Դալթոն. Մարդ, ով կարող էր դառնալ ՄաքՔուին»:
Աղբյուր՝ kulturomania.ru
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
