Կարճ լուրեր
Սասեքսի դքսուհին 1 ֆունտ ստեռլինգ փոխհատուցում կստանա Associated Newspapers-ից այն բանից հետո, երբ պարզվեց, որ Mail on Sunday-ը ներխուժել է նրա անձնական տիրույթ: Անվանական գումարը նշված է դատական փաստաթղթերում, որոնք պաշտոնապես հաստատում են, որ թերթն ընդունել է պարտությունը։ The Mail on Sunday-ը հրապարակել էր ձեռագիր նամակը, որը դքսուհին ուղարկել է իր հորը՝ Թոմաս Մարքլին 2018 թվականին:
Աղբյուր՝ bbc.com
Ավստրալիայի Ադելաիդա քաղաքում ընթացող Պրոֆեսիոնալ թենիսիստների ասոցիացիայի (ATP) մրցաշարի երկրորդ շրջանում Ռուսաստանը ներկայացնող հայազգի թենիսիստ Կարեն Խաչանովը հաղթել է ամերիկացի Սթիվ Ջոնսոնին: Հանդիպումն ավարտվել է 6:4, 4:6, 6:2 հաշվով՝ հօգուտ 25-ամյա հայ թենիսիստի:
Աղբյուր՝ tass.ru
Ղազախստանի Ալմա Աթա քաղաքի Հանրապետության հրապարակում փոխհրաձգություն է սկսվել, Telegram-ում հայտնել է «Sputnik Ղազախստանը»: Նշվում է, որ շուրջ 50 միավոր տեխնիկա, այդ թվում՝ զրահափոխադրիչներ, զրահամեքենաներ և ռազմական բեռնատարներ՝ զինված ուժայիններով, հավաքվել են տարածքի պարագծի շուրջ:
Աղբյուր՝ ria.ru
79 տարեկանում կյանքից հեռացել է «Կարիբյան ծովի ծովահենները» ֆիլմի սցենարիստ Ջեյ Վոլփերտը: Նա մահացել է երկուշաբթի Լոս Անջելեսում՝ Ալցհեյմերի հիվանդության դեմ երկարատև պայքարից հետո: The Hollywood Reporter-ին այդ մասին հայտնել է նրա ընտանիքը:
Աղբյուր՝ hollywoodreporter.com
Արգենտինայի և ֆրանսիական «ՊՍԺ»-ի հարձակվող Լիոնել Մեսսին ապաքինվել է կորոնավիրուսից։ Ֆուտբոլիստը երեքշաբթի բացասական թեստ է անցել, որից հետո անմիջապես Արգենտինայից մեկնել է Ֆրանսիա: Սպասվում է, որ մոտ ժամանակներս ֆուտբոլիստը կվերսկսի մարզումները թիմի հետ:
Աղբյուր՝ korrespondent.net
Լեհաստանի նախագահի ինքնազգացողությունը լավ է և գտնվում է բժիշկների հսկողության տակ։
Աղբյուր՝ tass.ru
Հռոմի պապ Ֆրանցիսկոսը շների և կատուների անզավակ տերերի զայրույթն է առաջացրել՝ ասելով, թե երեխաներին ընտանի կենդանիներով փոխարինող մարդիկ «որոշակի եսասիրություն» են ցուցաբերում: Վատիկանում հանրային հանդիպման ժամանակ խոսելով ծնողական իրավունքների մասին՝ պոնտիֆիկոսը դժգոհել է, որ ընտանի կենդանիները «երբեմն երեխաների տեղն են զբաղեցնում» հասարակության մեջ։
Աղբյուր՝ theguardian.com
Երգչուհի Շերը People-ին տված հարցազրույցում խոստացել է, որ երբեք հանրության առաջ չի հայտնվի ճերմակած մազերով։ Հարցազրույցում, որը կապված էր Շերի և ռեփեր Saweetie-ի կոսմետիկայի շարքի թողարկման հետ, 75-ամյա արտիստը ասել է, որ միշտ սև է ներկելու իր մազերը:
Աղբյուր՝ gazeta.ru
չնայած նրան, որ ֆուտբոլիստը կարող է անվճար միանալ հաջորդ ամառ. պայմանագրի ավարտին մնացել է ընդամենը վեց ամիս: Այս կերպ Մադրիդի արքայական ակումբը փորձում է խուսափել Պրեմիեր լիգայի հետագա հայտերի պատերազմից:
Աղբյուր՝ dailymail.co.uk
Netflix-ի հոսքային ծառայությունը փոդքաստ է պատրաստել Ադամ Մաքքեյի ֆիլմի մասին։ Շոուի պրեմիերան տեղի կունենա հունվարի 7-ին: Փոդքաստում կցուցադրվեն ֆիլմի նկարահանման բոլոր փուլերը: Հեղինակները հարցազրույցներ են անցկացրել դերասաններ Լեոնարդո Դի Կապրիոյի, Ջենիֆեր Լոուրենսի, Մերիլ Սթրիփի, Արիանա Գրանդեի և Տիմոտի Շալամեի հետ:
Աղբյուր՝ kulturomania.ru
Յուրաքանչյուր անդամ երկիր կարող է ՅՈՒՆԵՍԿՕ-ին ներկայացնել մինչև յոթ ծրագրային առաջարկ՝ ամբողջական կամ մասնակի ֆինանսական աջակցություն ստանալու համար։ Ծրագրին մասնակցելու համար անհրաժեշտ է մինչև 2022 թ. հունվարի 27-ը ՀՀ ԿԳՄՍ նախարարություն ներկայացնել ծրագրային առաջարկներ՝ կցված ձևաչափով (Annex I), իսկ հայտի էլեկտրոնային տարբերակներն ուղարկել [email protected] էլեկտրոնային հասցեին։
Աղբյուր՝ ՀՀ ԿԳՄՍ նախարարության հասարակայնության հետ կապերի եվ տեղեկատվության վարչություն
ՀՀ քաղաքացիները փաստաթղթերը կարող են ներկայացնել մինչև 2022 թվականի հունվարի 25-ը ներառյալ, երկուշաբթիից ուրբաթ՝ ժամը 10:00-17:00-ը, ՀՀ ԿԳՄՍՆ արտաքին կապերի բաժին:
Աղբյուր՝ ՀՀ ԿԳՄՍ նախարարության հասարակայնության հետ կապերի եվ տեղեկատվության վարչություն
Նա մահացել է երեքշաբթի օրը Նյու Յորքի իր տանը: Կոուպլենդը նաև հայտնի թատերագիր Արթուր Միլլերի քույրն է: Մահվան մասին լուրը առաջինը հայտնել է Broadway World կայքը:
Աղբյուր՝ dailymail.co.uk
Ամերիկացի թենիսիստուհի Սլոուն Սթիվենսը հայտարարել է, որ ամուսնացել է։ 2022 թվականի հունվարի 1-ին նրա ամուսինն է դարձել «Տորոնտոյի» ֆուտբոլիստ Ջոսի Ալտիդորը: Սթիվենսը հարսանեկան շոուն տեղադրել է Instagram-ի իր էջում՝ մակագրելով «1.1.2022»։
Աղբյուր՝ sport-express.ru
Դատարանում քննվել է Մայքլ Թոմասի գործը, ով փորձել է ոչնչացնել որմնանկարը՝ լսելով, որ այն Ուելսից տեղափոխվելու է Անգլիա: Անցյալ տարվա նոյեմբերի 26-ին 42-ամյա տղամարդը փորձել էր ներխուժել Պորտ Թալբոտում գտնվող շենք՝ «Season's Greetings» (Ամանորյա շնորհավորանք) կոչվող արվեստի գործը սպիտակ ներկով ցողելու համար: Թոմասը դատապարտվել է 14 ամսվա պայմանական ազատազրկման:
Աղբյուր՝ bbc.com
«Apple TV+»-ը սկսել է Ֆորմուլա 1-ի մրցարշավորդի մասին լիամետրաժ ֆիլմի նկարահանման աշխատանքները: Գլխավոր հերոսը՝ թոշակի անցած մրցարշավորդը, որոշում է երիտասարդ մրցարշավորդին սովորեցնել հաղթել: Ֆիլմի ռեժիսորն է Ջոզեֆ Կոսինսկին: Կինոնկարի բյուջեն ներկայում կազմում է 130 մլն դոլար:
Աղբյուր՝ kulturomania.ru
Կինոստուդիան հետաձգում է Marvel-ի սուպերհերոսների մասին «Մորբիուս» ֆիլմի հունվար ամսին նախատեսված թողարկումը մինչև ապրիլի 1-ը: Այդ մասին ասվում է ստուդիայի երկուշաբթի օրը տարածած հաղորդագրության մեջ: Ջարեդ Լետոյի գլխավոր դերակատարմամբ նկարահանված ֆիլմը մի քանի անգամ հետաձգվել է COVID-19 համավարակի ընթացքում:
Աղբյուր՝ reuters.com
Հյուսիսային Կորեան, ենթադրաբար, մեկ բալիստիկ հրթիռ է արձակել երկրի ներքին տարածքից դեպի Ճապոնական ծով: Այս մասին հայտնել են Հարավային Կորեայի շտաբների պետերի միացյալ կոմիտեից:
Աղբյուր՝ ria.ru
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
