Կարճ լուրեր
Նասու քաղաքի (Տոչիգի պրեֆեկտուրա) սաֆարի այգում վագրը հարձակվել է երեք հսկիչների վրա, հայտնում է NHK հեռուստաընկերությունը: Նրանք ծանր վնասվածքներ են ստացել։ Մեկի վիճակը ծանր է: Տուժածներին անհրաժեշտ է եղել ուղղաթիռով տեղափոխել հիվանդանոց:
Աղբյուր՝ gazeta.ru
Դաջվածքի մասնագետները հայտնում են, որ ներկի թանաքի մեջ օգտագործվող հազարավոր քիմիական նյութերի նոր համաեվրոպական արգելքը կարող է կործանում հասցնել իրենց ոլորտը: Սահմանափակումները, որոնք ուժի մեջ են մտել երեքշաբթի, վերաբերում են այն նյութերին, որոնք կարող են քաղցկեղ կամ առողջական այլ խնդիրներ առաջացնել և հիմնականում վերաբերում են գունավոր թանաքի վրա:
Աղբյուր՝ bbc.com
Կիանու Ռիվզը բանակցություններ է վարում «Հուլու»-ի հետ «Սատանան Սպիտակ քաղաքում» ֆիլմի նկարահանման շուրջ: Էրիկ Լարսոնի բեսթսելլերը լույս է տեսել 2003 թվականին: ԴիԿապրիոն և Սկորսեզեն կլինեն «Հուլու»-ի սերիալի պրոդյուսերը: Առաջին երկու մասերի ռեժիսորը Թոդ Ֆիլդն է։
Աղբյուր՝ kulturomania.ru
Նոյեմբերին ռեկորդային 4,5 միլիոն ամերիկացի ինքնակամ ազատվել է աշխատանքից. թափուր աշխատատեղերը մնում են ամենաբարձր մակարդակում:
Աղբյուր՝ aljazeera.com
Ըստ Bloomberg-ի՝ 2022 թվականին Եվրոպան կարող է գործնականորեն առանց գազի մնալ: Գազի և ջրածնի պահեստավորման համակարգերի գերմանական օպերատորների ասոցիացիայի (INES) ղեկավար Սեբաստիան Բլեշկեի հաղորդմամբ՝ Եվրոպայում պահեստային օբյեկտները միջինում լցված են ընդամենը 56%-ով:
Աղբյուր՝ gazeta.ru
Ջոնս Հոփքինսի համալսարանի տվյալներով՝ Միացյալ Նահանգները մեկ օրում գրանցել է COVID-19-ի ավելի քան մեկ միլիոն նոր դեպք՝ սահմանելով համաշխարհային նոր հակառեկորդ: Երկուշաբթի ԱՄՆ-ում գրանցվել է 1,082,549 նոր դեպք, որոնք գրանցվել են ամանորյա երկարատև հանգստյան օրերին:
Աղբյուր՝ aljazeera.com
Ղազախստանում ավելի քան երեք օր է՝ չեն դադարում հեղուկ գազի թանկացման հետ կապված հանրահավաքները: Ամեն ինչ սկսվեց երկրի արևմուտքում գտնվող Ժանաօզենում և Ակտաուում, որտեղ տեղի բնակիչները հունվարի 2-ին ցույցեր էին կազմակերպել: Երեքշաբթի օրվա դրությամբ ավելի քան մեկ տասնյակ քաղաքներում բողոքի ցույցեր են ընթանում:
Աղբյուր՝ tass.ru
Առնվազն ութ մարդ է զոհվել Իրանի հարավում հորդառատ անձրևների հետևանքով, որոնք կարող են տևել մինչև այս շաբաթվա վերջ, երեքշաբթի հայտնել են երկրի պետական լրատվամիջոցները:
Աղբյուր՝ gulfnews.com
«30» անվանումը ստացած ալբոմը 2021 թվականի ամենավաճառվողն է դարձել՝ վաճառքի մեկնարկից ընդամենը վեց շաբաթ հետո: Աստղը վաճառել է իր, այսպես կոչված, «ամուսնալուծության ալբոմի» ավելի քան 600,000 օրինակ, որոնց 80%-ը վաճառվել է CD-ով և վինիլային տարբերակով, ինչը հակասում է հոսքային տարբերակով վաճառքի միտմանը:
Աղբյուր՝ bbc.com
Կինոկոմիքսը ներկայում զբաղեցնում է 11-րդ տեղը Հոլիվուդի ամենաշատ եկամուտ ունեցող բոլոր ֆիլմերի շարքում: Սպասվում է, որ մինչև հունվարի վերջ, երբ ավարտվի բլոկբաստերի վարձույթը, Թոմ Հոլանդի մասնակցությամբ Սարդ-մարդու եռերգության վերջին մասը կկարողանա մի քանի հորիզոնական բարձրանալ՝ պատմության ամենաբարձր եկամուտ ունեցող ֆիլմերի վարկանիշում:
Աղբյուր՝ kulturomania.ru
Հյուսիսկորեական Rodong Sinmun թերթը երկրի նախկին ղեկավար Կիմ Չեն Իրին անվանել է շաուրմայի գյուտարար: Թերթի հաղորդմամբ՝ 2011 թվականին Կիմ Չեն Իրը երկրում կարգադրել է մարդկանց կերակրել «տաքացրած, լցոնած ցորենի հացաբլիթներով»:
Աղբյուր՝ vesti.ru
Աշխարհի առաջին ռակետ Նովակ Ջոկովիչը կպաշտպանի Ավստրալիայի բաց առաջնության իր տիտղոսը այս ամսվա երկրորդ կեսին՝ Covid-19-ի դեմ պատվաստումից բժշկական ազատում ստանալուց հետո: Մրցաշարի բոլոր խաղացողները և անձնակազմը պետք է պատվաստված լինեն կամ ունենան փորձագիտական անկախ հանձնաժողովի կողմից տրված բացառություն:
Աղբյուր՝ bbc.com
Բրազիլիայի նախագահ Ժաիր Բոլսոնարուն վիրահատության կարիք չի ունենա, բայց նրա դուրս գրման օրը դեռևս որոշված չէ: Այս մասին երեքշաբթի ասացին բժիշկները այն բանից հետո, երբ երկրի առաջնորդը հիվանդանոց էր ընդունվել աղիքների մասնակի խցանմամբ:
Աղբյուր՝ france24.com
Դերասանուհի և հեռուստահաղորդավարուհի Վուպի Գոլդբերգը ստիպված է հրաժարվել իր The View շոուի նկարահանումներից՝ կորոնավիրուսի դրական թեստի պատճառով: 66-ամյա Գոլդբերգը բաց է թողել շոուի 2022 թվականի առաջին էպիզոդը: «Նա պատվաստվել է և ստացել խթանիչ պատվաստանյութ, ուստի ունի շատ թույլ ախտանիշներ»,- բացատրել է Գոլդբերգի գործընկեր 79-ամյա հեռուստահաղորդավարուհի Ջոյ Բեհարը սոցիալական ցանցերում:
Աղբյուր՝ gazeta.ru
«Մանչեսթեր Յունայթեդի» ֆուտբոլիստներն Անգլիայի առաջնության 21-րդ տուրում պարտվեցին «Վուլվերհեմփթոնին»: «Կարմիր սատանաները» սեփական հարկի տակ զիջեցին մրցակիցներին 0:1 հաշվով:
Աղբյուր՝ vesti.ru
Նաոմի Օսական վերադարձել է այնտեղ, որտեղ նվաճել է «Մեծ սաղավարտի» մենախաղի իր չորս տիտղոսներից երկուսը: Ննախկին առաջին ռակետը լավ տրամադրությամբ է սկսել և փորձում է վերագտնել իր սերը խաղի հանդեպ: Ավստրալիայի բաց առաջնության չեմպիոնուհին բացեց 2022 մրցաշրջանը՝ երեքշաբթի Մելբուրնի ամառային մրցաշարերից մեկում 6-4, 3-6, 6-3 հաշվով հաղթանակ տանելով Ալիզե Կորնետի նկատմամբ:
Աղբյուր՝ apnews.com
Մարսելի ինֆեկցիոն հիվանդությունների ինստիտուտի (IHU) փորձագետները քաղաքի բնակիչների մոտ հայտնաբերել են կորոնավիրուսի նոր շտամ: Ըստ հետազոտողների՝ 12 մարդու մոտ կորոնավիրուսի տարբերակների հետ կապված մուտացիաները հայտնաբերելու թեստերը ցույց են տվել «ոչ տիպիկ միացություն»:
Աղբյուր՝ ria.ru
Ղազախստանի նախագահ Կասիմ-Ժոմարտ Տոկաևը հայտնել է, որ Ակտաուում, որտեղ կիրակի օրվանից չարտոնված ցույցեր են անցկացվում հեղուկ գազի թանկացման դեմ, կառավարական հանձնաժողովը սկսել է աշխատանքներ տանել։
Աղբյուր՝ interfax.ru
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
