Կարճ լուրեր
2016 թվականին 69 տարեկանում կյանքից հեռացած բրիտանացի հայտնի ռոք երաժիշտ և կոմպոզիտոր Դեյվիդ Բոուիի գրեթե բոլոր երգերի իրավունքները (երաժշտի կենդանության օրոք թողարկված 26 ստուդիական ալբոմի, ինչպես նաև հետմահու թողարկված «Toy» ալբոմի, որը կներկայացվի հունվարի 7-ին), գնվել են ամերիկյան Warner Music ընկերության կողմից: Գործարքի արժեքը կազմել է 250 մլն դոլար:
Աղբյուր՝ reuters.com
ԱՄՆ Cedars-Sinai բժշկական կենտրոնի գիտնականները հայտնել են, որ չպատվաստվածների մոտ COVID-19-ի մեղմ կամ ասիմպտոմատիկ ընթացքը օրգանիզմի համար չի երաշխավորում փոխանցված վարակի հետևանքների բացակայությունը: Մասնագետները պարզել են, որ մի խումբ հիվանդների մոտ, ովքեր կորոնավիրուսային վարակ են տարել, ավելացել է աուտոհակամարմինների մակարդակը, որոնք բնորոշ են համակարգային աուտոիմուն հիվանդություններին, օրինակ՝ կարմիր գայլախտին։
Աղբյուր՝ ria.ru
Երկրի հյուսիսային Արաուկա շրջանում հակառակորդ պարտիզանական «Ազգային ազատագրական բանակ» և «Հեղափոխական զինված ուժեր» կոչվող խմբավորումների միջև բախումները սկսվելեն հունվարի 2-ի վաղ առավոտյան: Կոլումբիայի օմբուդսմեն Կառլոս Կամարգոն հայտնել է, որ բախումների հետևանքով առնվազն 12 ընտանիք է տարհանվել:
Աղբյուր՝ cnn.com
Երկրի հյուսիսում հնագետները գտել են Հյուսիսային Վեյ դինաստիայի (386-534) գերեզմանոց՝ զարդարված քարե հարթաքանդակով և որմնանկարով: Դատուն քաղաքային շրջանում գտնվող հուղարկավորության խցի սյունակում պահհպանված դամբարանները վկայում են, որ գերեզմանատունը ստեղծվել է 456 թվականին, և այնտեղ հանգչում է Լու Սյույ անունով մարդ: հուղարկավորության խուցն ունի 1,8 մ երկարություն, 3,3 մ լայնություն և հասնում է 1,9 մ բարձրության:
Աղբյուր՝ korrespondent.net
Այս մասին են վկայում Նյու Յորքի ֆոնդային բորսայի սակարկությունների երկուշաբթի օրվա տվյալները: Երեկ կայացած աճուրդում բաժնետոմսերի արժեքը ժամը 13.30-ից հետո գերազանցել է 182,85 դոլարը՝ թանկանալով մոտ 3%-ով, ինչի արդյունքում ընկերության կապիտալիզացումը գերազանցել է 3 տրիլիոն դոլարը։
Աղբյուր՝ tass.ru
Իրանի նախագահ Էբրահիմ Ռաիսին ասել է, որ ԱՄՆ նախկին նախագահ Դոնալդ Թրամփը պետք է կանգնի արդարադատության առաջ՝ երկու տարի առաջ գեներալ Ղասեմ Սոլեյմանիի սպանության մեջ իր դերի համար, այլապես Իրանը վրեժխնդիր կլինի: Ռաիսին կոչ է արել ստեղծել «արդար դատարան», որտեղ Թրամփը, նախկին պետքարտուղար Մայք Պոմպեոն և այլ ամերիկացի պաշտոնյաներ կդատապարտվեն և կպատժվեն։
Աղբյուր՝ aljazeera.com
«Չելսիի» կենտրոնական պաշտպան Տիագո Սիլվան մեկ տարով երկարաձգել է պայմանագիրը Եվրոպայի չեմպիոնների հետ՝ մինչև 2022/23 մրցաշրջանի ավարտը: Այս մասին երկուշաբթի հայտարարեց ակումբը: 37-ամյա ֆուտբոլիստը «կապույտներին» միացել էր 2020 թվականին «Պարի Սեն Ժերմենից»՝ սկզբում ընդամենը մեկ մրցաշրջանի պայմանագրով:
Աղբյուր՝ france24.com
ԱՄՆ ամենաբնակեցված քաղաքում անորոշ ժամանակով դադարեցվել է մետրոյի չորս երթուղիների աշխատանք՝ կորոնավիրուսի տարածման հետևանքով անձնակազմի պակասի պատճառով:
Աղբյուր՝ tass.ru
Դերասանն իր առաջին ֆիլմի համար ստացած հոնորարը նվիրաբերել է Լեյկեմիայի հիմնադրամին: Այդ ժամանակ (1999 թ.) նրա կրտսեր քույրը՝ Քիմը, ութ տարի պայքարում էր լեյկեմիայի դեմ, և քրոջ խնամքն ու բուժումն ընկած էր նրա ուսերին։ Ախտորոշումից 10 տարի անց հիվանդությունը լիովին բուժվեց, այժմ Քիմը 55 տարեկան է:
Աղբյուր՝ dailymail.co.uk
Ձայներիզը լույս կտեսնի հունվարի 7-ին: Ալբոմի ձայնագրմանը մասնակցել են Ջիմ Քերին, Քուինսի Ջոնսը, Tyler, The Creator-ը, Լիլ Ուեյնը և Oneohtrix Point Never-ը:
Աղբյուր՝ daily.afisha.ru
Թուրքիայի տարեկան գնաճի մակարդակը հասել է 19 տարվա առավելագույնին, ինչը արտացոլում է երկրի ֆինանսական ցնցումն ու անհանգստությունը՝ կապված նախագահի վարած քաղաքականության հետ: Դեկտեմբերին գները աճել են ավելի քան 36%-ով. տրանսպորտի, սննդի և այլ առաջին անհրաժեշտության այլ ապրանքների գները խժռել են տնային տնտեսությունների բյուջեն:
Աղբյուր՝ bbc.com
Tesla-ն 2021 թվականին հաճախորդներին մատակարարել է 936,172 էլեկտրական մեքենա, ինչը ընկերության համար ռեկորդային ցուցանիշ է: Բացի այդ, ինչպես նշվում է, 2021 թվականին ընկերությանը հաջողվել է վաճառել ավելի շատ մեքենա, քան արտադրել է. շուկա է թողարկվել 930 422 մեքենա:
Աղբուր՝ korrespondent.net
Ժաիր Բոլսոնարոն երկուշաբթի վաղ առավոտյան ընդունվել է հիվանդանոց որովայնի ցավով և հետազոտվել՝ պարզելու արդյո՞ք վիրահատության անհրաժեշտություն կա: Լուրը հայտնել է Բոլսոնարոյի բժիշկ Անտոնիո Լուիս Մակեդոն: Նա նշել է,որ վիրահատությունը չի բացառվում:
Աղբյուր՝ reuters.com
«Ֆիորենտինան» ձեռք է բերել «Լիլի» կիսապաշտպան Ժոնատնե Իկոնեին: 23-ամյա ֆրանսիացու հետ պայմանագիրը նախատեսված է մինչև 2026 թվականի ամառ: Ինչպես հայտնում է Championship.com-ը, «Ֆիորենտինան» Իկոնեի համար վճարել է 14 միլիոն եվրո:
Աղբյուր՝ vesti.ru
Հարձակումը տեղի է ունեցել կիրակի՝ մոտավորապես ժամը 19:00-ին: Այս մասին երկուշաբթի հաղորդել են սիրիական պետական լրատվամիջոցները՝ հավելելով, որ երկրի արևելքում՝ Բադիայի շրջանում, ռազմական մեքենան հրթիռակոծության է ենթարկվել, որին հաջորդել են ԻՊ-ի զինյալների կողմից հրետանային գնդակոծությունը:
Աղբյուր՝ aljazeera.com
Վրաստանում ուժի մեջ է մտել անչափահասների ներկայությամբ տաքսիներում, ջրային տրանսպորտում, ինչպես նաև մասնավոր մեքենաներում ծխելն արգելող օրենք: Տաքսիներում և ջրային տրանսպորտում ծխելու համար նախատեսված է 64 դոլարից ավելի տուգանք, անչափահասների ներկայությամբ անձնական մեքենայում ծխելու համար՝ 16 դոլարից ավելի:
Աղբյուր՝ tass.ru
Ուրբաթ Փարիզի Հաղթական կամարին ամրացված Եվրամիության մեծ դրոշը՝ ի նշանավորումն դաշինքում Ֆրանսիայի վեցամսյա նախագահության մեկնարկի, հանվել է կիրակի՝ ծայրահեղ աջ և աջակողմյան առաջնորդների վրդովմունք առաջացնելուց հետո: Թեև Եվրոպական հարցերի կրտսեր նախարար Կլեման Բոնը հայտնել է, որ այն հանվել է, ինչպես նախատեսված էր:
Աղբյուր՝ cnn.com
Հոլիվուդյան դերասանուհի Հոլի Բերին ամուսնացել է երգիչ Վան Հանթի հետ։ Այս մասին դերասանուհին անձամբ է հայտնել իր Instagram-ում: Նրանք հանդիպում են 2020 թվականի աշնանից։ Հայտնիները միասին Նոր տարին դիմավորել են արևադարձային կղզում:
Աղբյուր՝ gazeta.ru
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
