Կարճ լուրեր
Պեկինը կոչ է անում Վաշինգտոնին դադարեցնել Չինաստանի նկատմամբ իր թշնամական քաղաքականությունը՝ ԱՄՆ-ում 2022 թվականի պաշտպանության բյուջեի մասին օրենքի ընդունումից հետո: Այդ մասին հինգշաբթի ճեպազրույցի ժամանակ ասել է պաշտպանության նախարարության ներկայացուցիչ Տան Կեֆեյը: Նա նշել է, որ համապատասխան փաստաթուղթը Չինաստանի հետ առևտրային, տնտեսական և տեխնոլոգիական մրցակցություն է հրահրում:
Աղբյուր՝ ria.ru
Իրանը հինգշաբթի հայտարարել է, որ տիեզերք է արձակել երեք սարք ունեցող արբանյակ կրող հրթիռ, թեև պարզ չէ, թե արդյոք օբյեկտներից որևէ մեկը մտել է Երկրի ուղեծիր: Պաշտպանության նախարարության խոսնակ Ահմադ Հոսեյնին նշել է, որ օգտագործվել է «Սիմորղ» հրթիռը: Նա հայտնել է, որ երեք սարքերն արձակվել են 470 կիլոմետր հեռավորության վրա:
Աղբյուր՝ apnews.com
Վերջին 24 ժամվա ընթացքում Սաուդյան Արաբիայի գլխավորած արաբական կոալիցիան հարվածներ է հասցրել Եմենի Դալա և Դամար նահանգների բնակելի թաղամասերին, դեկտեմբերի 30-ին հաղորդել է Mehr լրատվականը: Սաուդյան կոալիցիայի կործանիչները հարվածել են նաև Սաադա նահանգում գտնվող ալ-Շեյխ շրջանի վրա:
Աղբյուր՝ eadaily.com
«Բարսելոնայի» բանակցությունները հարձակվող Ուսման Դեմբելեի հետ նոր պայմանագրի շուրջ ձախողվում են, հայտնում է լրագրող Ժերար Ռոմերոն Twitter-ում։ Տեղյակ լինելով իրավիճակին՝ գործակալները կատալոնական ակումբին առաջարկել են որպես 24-ամյա ֆրանսիացուն փոխարինող ձեռք բերել «Չելսիի» հարձակվող Հաքիմ Զիեշին, «Մանչեսթեր Յունայթեդի» հարձակվող Անտոնի Մարսիալին և «Տոտենհեմի» կիսապաշտպան Բրայան Խիլին։
Աղբյուր՝ sport-express.ru
Հնդկաստանի վագրերի պահպանության ազգային մարմինը հայտնել է, որ անհետացման վտանգի տակ գտնվող մեծ կատվազգիներից 126-ը սատկել են 2021 թվականին, ինչը ամենաբարձր ցուցանիշն է այն պահից ի վեր, ինչ սկսել է տվյալների հավաքագրումը մեկ տասնամյակ առաջ:
Աղբյուր՝ france24.com
Չինաստանի օդատիեզերական գիտության և տեխնոլոգիաների կորպորացիան (CASC) չորեքշաբթի հայտնել է, որ կապի փորձնական Շիյան-9 արբանյակը հաջողությամբ արձակվել է դեպի երկրամերձ ուղեծիր: Արձակումն իրականացվել է «Չանչժեն 5-B» հրթիռով, որն արձակվել է Չինաստանի Սիչուան նահանգում գտնվող Սիչան տիեզերակայանից:
Աղբյուր՝ interfax.com
Հազվագյուտ ալբինոս ձագն իր տեսակի մեջ առաջինն է, որ հայտնաբերվել է Կոլումբիայում: Պաշտոնյաները նկատել են էգ ձագին Աբուրա Վելի մետրոպոլիայի տարածքում և տեղափոխել մոտակա արգելոց՝ բուժօգնություն ցուցաբերելու համար: Ձագուկը ամբողջովին սպիտակ է՝ կարմիր աչքերով։ Կենդանին կապրի արգելոցում, քանի որ սպիտակ մորթին սահմանափակում է վայրի բնության մեջ գոյատևելու նրա կարողությունը:
Աղբյուր՝ dailymail.co.uk
Հույն հնագետները հայտնաբերել են կնոջ արձան՝ հագին տունիկա: Նախնական հաշվարկներով այն ստեղծվել է Հռոմեական կայսրության օրոք։ Այս մասին հայտնում է Հունաստանի մշակույթի և սպորտի նախարարությունը։ Նման կերպարը բնորոշ է հին ժամանակների ամուսնացած կանանց քանդակներին։ Արձան գտել են հնագույն Էպիդավրոս քաղաքում:
Աղբյուր՝ ria.ru
ԱՀԿ-ն երեքշաբթի նախազգուշացրեց, որ կորոնավիրուսի օմիկրոն տեսակը կարող է հանգեցնել առողջապահական համակարգերի ծանրաբեռնվածության, թեև վաղ հետազոտությունները ցույց են տալիս, որ այն ավելի մեղմ խնդիրներ է առաջացնում, մինչդեռ երկրները կրկին խիստ սահմանափակումներ են մտցրել՝ ճնշելու Covid-19-ի բռնկումները: Իսկ Ֆրանսիան հաղորդել է նոր՝ ռեկորդային 180,000 դեպք:
Աղբյուր՝ france24.com
Չորեքշաբթի Լիբանանի իշխանությունները հայտնաբերել են կապտագոն տեսակի ամֆետամինների 9 միլիոն հաբ արտահանվող կիտրոնի խմբաքանակի մեջ՝ կանխելով դրանք մաքսանենգ ճանապարհով Պարսից ծոց տեղափոխելու փորձը: Կապտագոնը ամֆետամինների խառնուրդ է, որը նաև հայտնի է որպես «աղքատ մարդու կոկաին», այն Մերձավոր Արևելքի հարուստ երիտասարդների շրջանում ամենատարածված թմրամիջոցներից մեկն է:
Աղբյուր՝ reuters.com
Ալթայի երկրամասի Ռուբցովսկ շրջանի բնակիչները կոյուղու բաց դիտահորը զարդարել են փայլազարդով. այս կերպ նրանք փորձում են գրավել կոմունալ ծառայությունների ուշադրությունը:
Աղբյուր՝ gazeta.ru
Մետաղորսիչով փոքրիկ ոսկե Աստվածաշունչ է հայտնաբերվել, որը պատկանել է միջնադարյան արիստոկրատի կամ թագավորի: Լանքասթերցի բուժքույր Բաֆֆի Բեյլինգտել է գիրքը՝ ամուսնու՝ Յանի հետ Յորքի մերձակայքում գտնվող գյուղատնտեսական հողատարածքում որոնումներ կատարելիս: Բեյլին հայնտել է, 600-ամյա գանձը, որն ունի ընդամենը 1,5 սմ երկարություն, կարող է արժենալ ավելի քան 100,000 ֆունտ:
Աղբյուր՝ bbc.com
Արգենտինացի բժիշկները երկրում հայտնաբերել են կորոնավիրուսային վարակի օրական 42032 դեպք, ինչը ամենաբարձր ցուցանիշն է համավարակի սկզբից ի վեր։ Այս մասին չորեքշաբթի հայտնել է հանրապետության առողջապահության նախարարությունը:
Աղբյուր՝ tass.ru
Պատվաստանյութը հասանելի կլինի 2022 թվականի առաջին եռամսյակում: Այդ մասին հաղորդվում է պատվաստանյութի Twitter-ի պաշտոնական էջում:
Աղբյուր՝ gazeta.ru
Ֆուտբոլային ակումբը հայտնում է, Միկել Արտետան երկրորդ անգամ «Կովիդ-19»-ի դրական թեստ է հանձնել և բաց կթողնի Պրեմիեր լիգայի առաջատար «Մանչեսթեր Սիթիի» հետ շաբաթ օրը կայանալիք հանդիպումը: 39-ամյա իսպանացու առաջին դրական թեստը եղել է 2020 թվականի մարտին:
Աղբյուր՝ france24.com
Իլոն Մասկի SpaceX ընկերությունը 2021 թվականին իրականացրել է Falcon 9 հրթիռի 31 արձակում: Ընդ որում օգտագործվել է ընդամենը 10 հրթիռ, նախօրեին հայտնել է NASASpaceFlight.com պորտալը: Falcon 9 հրթիռի յուրաքանչյուր առաջին հարթակ միջինում օգտագործվել է 3,1 անգամ: Նոր թռիչքի նախապատրաստման ժամանակը կրճատվել է մինչև 27,2 օր։
Աղբյուր՝ korrespondent.net
Փերիս Հիլթոնը մեկ գիշերում վաստակում է մինչև 1 միլիոն դոլար՝ աշխատելով որպես հայտնի դիջեյ և զվարճացնելով երեկույթների այցելուներին Չինաստանի, Դուբայի և իսպանական Իբիցա հանգստյան կղզու ակումբներում:
Աղբյուր՝ reuters.com
Սանկտ Պետերբուրգում հանդիպման և բանակցությունների մեկնարկից առաջ ՌԴ նախագահ Վլադիմիր Պուտինը մեքենայով գնացել է իր բելառուս գործընկեր Ալեքսանդր Լուկաշենկոյին վերցնելու: Պուտինն ինքնէ Mercedes GLE-ի ղեկին: Հանդիպմանը Ռուսաստանի և Բելառուսի ղեկավարները կքննարկեն ռուս-բելառուսական համագործակցությունը:
Աղբյուր՝ vesti.ru
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
