Կարճ լուրեր
Երեքշաբթի Իտալիան թույլատրել է ծովում փրկված հարյուրավոր միգրանտներով բարեգործական նավին մուտք գործել սիցիլիական Ավգուստա նավահանգիստ: Մեկ այլ նավ սպասում է թույլտվությանը ևս 440 մարդու ափ հասցնելու համար:
Աղբյուր՝ reuters.com
«Կցանկանայի խաղալ բարձրագույն առաջնությունում, միգուցե Իսպանիայում. ինձ դուր է գալիս նրանց ֆուտբոլը: Բայց եկեք թիմերի անունները չնշենք»,- ասել Արսեն Զախարյանը ՏԱՍՍ-ին տված հարցազրույցում: 18-ամյա հայազգի կիսապաշտպանը Ռուսաստանի Պրեմիեր Լիգայի ընթացիկ մրցաշրջանում մասնակցել է 17 հանդիպման՝ դառնալով չորս գոլի և 6 գոլային փոխանցման հեղինակ:
Երեքշաբթի Հորդանանի խորհրդարանում սահմանադրական բարեփոխումների, այդ թվում՝ գենդերային հավասարության վերաբերյալ հեռուստաբանավեճի ուղիղ հեռարձակման ընթացքում քննարկումը վերածվել է պատգամավորների միջև ծեծկռտուքի, որի արդյունքում հանդիպումը հետաձգվել է:
Աղբյուր՝ france24.com
Ֆրանսիայում հունվարի 3-ից կսահմանափակվի մասնակցությունը զանգվածային միջոցառումներին: Գործատուներին հանձնարարված է ընդլայնել տանից աշխատելու հնարավորությունները: Բայց պարետային ժամ չի լինելու, վստահեցրել է վարչապետ Կաստեքսը:
Աղբյուր՝ dw.com
Դիեգո Մարադոնայի կրտսեր եղբայրը՝ Հյուգոն, մահացել է Նեապոլում՝ ֆուտբոլի արգենտինացի լեգենդի մահից ընդամենը մեկ տարի անց: Լուրը հաստատել է իտալական «Նապոլի» ֆուտբոլային ակումբը։ «Հյուգո Մարադոնան մահացել է»,- ասվում է «Նապոլիի» երեքշաբթի տարածած հակիրճ հայտարարության մեջ՝ հաստատելով իտալական մամուլում հայտնված տեղեկությունները, որ նախկին ֆուտբոլիստը սրտի կաթված է ստացել:
Աղբյուր՝ theguardian.com
Netflix հոսքային ծառայությունը նախատեսում է թողարկել «Կաղամարի խաղի» ոչ միայն երկրորդ, այլ նաև երրորդ սեզոնը: Սերիալի ռեժիսոր Հվան Դոն Հյուկը KBS-ին հայտնել է, որ նման բանակցություններ են ընթանում: «Ես բանակցություններ եմ վարում Netflix-ի հետ երկրորդ և երրորդ սեզոնների մասին», - ասել է ռեժիսորը: Նրա խոսքով՝ կողմերը շուտով «արդյունքի կհասնեն»:
Աղբյուր՝ kulturomania.ru
Թուրքական ոստիկանությունը երեքշաբթի ձերբակալել է 16 մարդու այն բանից հետո, երբ ցուցարարները փայտեր և քարեր են օգտագործել անվտանգության ուժերի դեմ, որոնք փորձել են փակել չարտոնված կրոնական գրախանութը: Ոստիկանությունը փորձել է գիշերը փակել հարավարևելյան Բինգյոլ քաղաքում գտնվող խանութը, որը երկրում աջակցում է «Իսլամական պետության» գործունեությանը:
Աղբյուր՝ reuters.com
Իսպանական «Բարսելոնա» ֆուտբոլային ակումբը հայտարարել է անգլիական «Մանչեսթեր Սիթիի» հարձակվող Ֆերան Տորեսի հետ պայմանագիր կնքելու մասին: Համաձայնագիրը, ինչպես հաղորդում է «Բարսելոնայի» կայքը, ուժի մեջ կլինի մինչև 2027 թվականի հունիսի 30-ը: Պայմանագրի պայմանների համաձայն՝ 21-ամյա իսպանացի ֆուտբոլիստի փոխհատուցման չափը կկազմի 1 միլիարդ եվրո:
Աղբյուր՝ interfax.ru
1881 թվականին հայտնաբերելուց ի վեր առաջին անգամ բացահայտվել են մումիայի գաղտնիքները՝ առանց նրա թաղման դիմակին դիպչելու: Շնորհիվ առաջադեմ թվային 3D պատկերավորման՝ հետազոտողները հայտնաբերել են մումիֆիկացման նոր մեթոդներ, որոնք օգտագործվել են մ.թ.ա 1525-1504 թթ.-ին կառավարող փարավոնի համար:
Աղբյուր՝ aljazeera.com
Կիև քաղաքում և Կիևի մարզում դեկտեմբերի 28-ից 31-ն ընկած ժամանակահատվածում էլեկտրաէներգիայի անջատումներ են նախատեսվում: Անջատումները կապված են ենթակայանների և օդային գծերի վերանորոգման աշխատանքների հետ: Տասնյակ բնակելի շենքեր, գրասենյակներ և այլ հանրային հաստատություններ տեղական ժամանակով ժամը 13.00-19.00-ն կմնան առանց էլեկտրականության։
Աղբյուր՝ vesti.ru
Բրովարդ շրջանի շերիֆի վարչության խոսնակը հայտնել է, որ իշխանությունները Ֆորտ Լոդերդեյլից հյուսիս գտնվող Ուիլթոն Մանորսում տեղի ունեցած վթարի վայր կանչ են ստացել մոտ 15:00-ին: Նա նշել է, որ վրաերթից հետո փախուստի դիմած կասկածյալի նկատմամբ որոնում է հայտարարվել:
Աղբյուր՝ nbcnews.com
Գիտնականները գել են ստեղծել, որը կանխում է սպիների առաջացումը: Այդ մասին հոդված է հրապարակվել Advanced Functional Materials ամսագրում: Ներարկվող հիդրոգելը կարող է փակել վերքերը՝ չկպչելով հյուսվածքին, և կանխում է կպչունության առաջացումը:
Աղբյուր՝ gazeta.ru
Բոլիվուդի «վատ տղան»՝ Սալման Խանը պատմել է, թե ինչպես է դարձել իր իրական կյանքի դրամայի հերոսը, երբ օձի խայթոցից հետո վեց ժամ անցկացրել է հիվանդանոցում: Խանը, ով մեծ սեր է վայելում աստղերով տարված Հնդկաստանում, հայտնել է, որ օձը երկու անգամ կծել է իրեն, երբ նա փորձել է սողունին դուրս բերել Մումբայի մոտ գտնվող իր գյուղական տնից երկուշաբթի՝ իր 56-ամյակի օրը:
Աղբյուր՝ france24.com
Սպասվում է վարակվածների ռեկորդային թիվ՝ օրական ավելի քան 15000 մարդ։ Այս մասին երեքշաբթի հունական ERT1 հեռուստաալիքի եթերում հայտարարել է երկրի առողջապահության նախարար Թանոս Պլեվրիսը:
Աղբյուր՝ tass.ru
Մոտ 15 միլիոն մարդու տուն հանդիսացող Բահիա նահանգում մի քանի շաբաթ տևած վարարումների հետևանքով զույգ ամբարտակների փլուզումից հետո վերջին երկու օրվա ընթացքում ջրհեղեղներ են, որոնք կաթվածահար են արել բնակչությանը: «Ցավոք, մենք ապրում ենք Բաիայի պատմության մեջ երբևէ տեղի ունեցած վատթարագույն աղետը», - երկուշաբթի Twitter-ում հայտնել է նահանգապետ Ռուի Կոստան՝ հավելելով, որ Բահիայի 72 մունիցիպալիտետներում արտակարգ դրություն է:
Աղբյուր՝ aljazeera.com
Ըստ Marca-ի՝ «Բարսելոնայի», Մադրիդի «Ռեալի» և «Մալյորկայի» նախկին հարձակվող Սամուել Էտո'Օ-ն Իսպանիայի գանձարանին պարտք է 981,598 եվրո: Պարտապանների թվում են նաև Մադրիդի «Ռեալի» գլխավոր մարզիչ Կարլո Անչելոտին (1,4 միլիոն եվրո) և «Բարսելոնայի» պաշտպան Դանի Ալվեսը (1 միլիոն եվրո):
Աղբյուր՝ sport-express.ru
Երկուշաբթի երեկոյան ինքնաթիռ է կործանվել Հարավային Կալիֆորնիայի Էլ Քաջոն կոչվող քաղաքում: Ինքնաթիռը պետք է վայրէջք կատարեր տեղական օդանավակայանում, սակայն այն վթարի է ենթարկվել երեկոյան ժամը 7-ից քիչ անց: Հրշեջները դեպքի վայրում ողջ մնացածներ չեն գտել, ասվում է իշխանությունների, սակայն նրանք չեն հստակեցրել, թե քանի զոհ է հայտնաբերվել:
Աղբյուր՝ cnn.com
Դրանց կեսից ավելին (4,67 մլրդ) գարվել է երեք երկրներում՝ Չինաստանում (2,77 մլրդ), Հնդկաստանում (1,4 մլրդ) և ԱՄՆ-ում (0,5 մլրդ)։
Աղբյուր՝ tass.ru
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
