Կարճ լուրեր
Ֆրանսիայի հարավում իշխանությունները ժամանակավորապես փակել են կենդանաբանական այգին այն բանից հետո, երբ այցելության ժամերին ինը գայլերի ոհմակը փախել է`անցնելով պարիսպը: Անցյալ շաբաթավերջին Թարն շրջանի «Trois Vallées» կենդանաբանական այգում գրանցված միջադեպի հետևանքով մարդիկ չեն տուժել, սակայն չորս գայլերին այգու աշխատակիցները ստիպված են եղել գնդակահարել, մյուս հինգին անզգայացել են:
Աղբյուր՝ theguardian.com
Պորտալի փորձագետները այժմ 36-ամյա պորտուգալացու տրանսֆերային արժեքը գնահատում են 35 միլիոն եվրո։ Դեռ հունիսին «Մանչեսթեր Յունայթեդի» հարձակվողի արժեքը գնահատվում էր 45 մլն եվրո։
Աղբյուր՝ lenta.ru
Սաուդյան Արաբիայի քաղաքացիական պաշտպանությունը շաբաթ օրը հայտարարել է, որ երկու մարդ՝ մեկ սաուդցի և մեկ եմենցի, զոհվել են, ևս 7-ը վիրավորվել են Եմենի հետ սահմանակից հարավային Ջազան շրջանում հրթիռակոծման հետևանքով: Եմենում բժիշկները հայտնել են, որ Աջամա քաղաքի վրա ապստամբների կոալիցիայի օդային հարվածների հետևանքով զոհվել է երեք և վիրավորվել վեց մարդ:
Աղբյուր՝ aljazeera.com
Գազի գների աճը, որն անցած շաբաթ միանգամից մի քանի ռեկորդ է սահմանել և պատմության մեջ առաջին անգամ հասել է 2220 դոլարի՝ հազար խորանարդ մետրի դիմաց, ինչպես նաև էլեկտրաէներգիայի թանկացումը Մեծ Բրիտանիայում կհանգեցնի «ազգային ճգնաժամի»։ Բրիտանական Financial Times եւ Telegraph թերթերի հաղորդմամբ՝ այսպիսի հայտարարությամբ էներգետիկ ընկերությունները դիմել են երկրի կառավարությանը:
Աղբյուր՝ vesti.ru
Ֆուտբոլիստ Դենիել Սթարիջը, ով այժմ հանդես է գալիս Ավստրալիայում, հայտարարել էր, որ Lucci անունով իր պոմերանյան շպիցին գողացել են Լոս Անջելեսի իր տնից 2019 թվականին և վերադարձնողին պարգևատրում էր խոստացել: Ռեփեր Ֆոսթեր Վաշինգտոնը, որը հայտնի է Killa Fame անունով, հայտնել էր, որ վերամիավորել է Սթարիջին և նրա ընտանի կենդանուն, բայց չի վճարվել: Լոս Անջելեսի դատարանը Սթարիջին պարտավորեցրել է 30 հազար դոլար վճարել՝ կորած շանը գտած տղամարդուն:
Աղբյուր՝ bbc.com
Խառը մենամարտերի ամերիկացի մարտիկ (MMA) Ջեսսի Հենրին զոհվել է անվադողի պայթյունի հետևանքով: 28-ամյա մարտիկն աշխատել է որպես հրշեջ: Աշխատանքային հերթափոխի ժամանակ նա զբաղվել է մեքենայի անվադողի վերանորոգմամբ, որն ընթացքում պայթել է։ Նա գլխի ծանր վնասվածք է ստացել և տեղափոխվել հիվանդանոց: Կարճ ժամանակ անց Հենրին մահացել է:
Աղբյուր՝ gazeta.ru
«Ջեյմս Ուեբ» տիեզերական աստղադիտակը կլինի հաջորդ տասնամյակի գլխավոր տիեզերական աստղադիտարանը՝ շաբաթ օրը գործարկվելուց հետո: Աստղադիտակը կարձակվի շաբաթ առավոտյան Ֆրանսիական Գվիանայից, իսկ ուղիղ հեռարձակումը հասանելի կլինի ՆԱՍԱ-ի կայքում առավոտյան ժամը 6:00-ից:
Աղբյուր՝ cnn.com
Իրանը կարող է ինքնուրույն միջուկային վառելիք արտադրել, մոտ ապագայում ծրագրվում է այն օգտագործել Բուշերի ատոմակայանում: Այդ մասին «ՌԻԱ Նովոստի»-ին տված հարցազրույցում ասել է Իրանի փոխնախագահ, Ատոմային էներգիայի կազմակերպության (ԻԱԷԿ) ղեկավար Մոհամմադ Էսլամին:
«Ինտերը» դիտարկում է «Տորինոյի» հարձակվող Անդրեա Բելոտիին ձեռք բերելու հնարավորությունը: Ինչպես հաղորդում է Il Giornale-ը, միլանյան ակումբը ցանկանում է ֆուտբոլիստի հետ պայմանագիր կնքել ամռանը, երբ նա դառնա ազատ գործակալ: Աղբյուրի տեղեկություններով՝ 27-ամյա հարձակվողը որոշել է այս մրցաշրջանի ավարտից հետո հեռանալ «Տորինոյից»:
Աղբյուր՝ sport-express.ru
Կրկնակի և գործող օլիմպիական չեմպիոն Յուզուրու Հանյուն վերադարձավ՝ վնասվածքի պատճառով երկարատև դադարից հետո՝ ուրբաթ օրը Ճապոնիայի առաջնությունում կատարելով երկու քառակի ցատկ և վաստակելով 111,31 միավոր կարճ ծրագրում: Կոճի վնասվածքի պատճառով ութամսյա բացակայությունից հետո 27-ամյա Հանյուն հիացրել է բոլորին՝ Ճապոնիայի Սայտամա քաղաքում իր ծրագիրը մաքուր ավարտելով:
Աղբյուր՝ apnews.com
Իրաքի Նաջաֆ նահանգի նահանգապետը հրաժարական տվեց ուրբաթ՝ մեկ օր անց, երբ մեկ այլ նահանգապետ նույնպես հրաժարական տվեց կենսպայմանների և կոռուպցիայի դեմ ցույցերից հետո: Լուայ ալ-Յասերին պաշտոնից հրաժարական տվեց Նաջաֆում՝ կենտրոնական Իրաքում, հարավային Նասիրիա նահանգի նահանգապետի հրաժարականից մեկ օր անց՝ ցուցարարների դաժան ճնշումից հետո:
Աղբյուր՝ france24.com
Ավստրիայի Ֆելդկիրխն քաղաքում տասնմեկ տարեկան երեխան Սուրբ ծննդի առթիվբենգալյան կրակ է վառել ինչի հետևանքով հրդեհ է բռնկվել, որը ոչնչացրել է երկու տուն: Դեպքը տեղի է ունեցել հինգշաբթի երեկոյան: Նախ կրակը բռնկել է տոնածառը, իսկ հետո՝ ամբողջ տունը, այնուհետև կրակը տարածվել է հարևան տան վրա: Բնակիչներից ոչ ոք չի տուժել, կրակը մարվել է, սակայն երկու տներն էլ ամբողջությամբ ավերվել են:
Աղբյուր՝ ria.ru
Մոսկվայի դատարանը Google-ին տուգանել է 7,2 միլիարդ ռուբլով (98 միլիոն դոլար)՝ Ռուսաստանում անօրինական համարվող բովանդակությունը չջնջելու կրկնվող դեպքերի համար:
Աղբյուր՝ bbc.com
Ըստ արմատականների ներկայացուցիչ Ալ-Հանաֆի Վարդակի, նրանց թվում եղել են նահանգների ղեկավարներ և պատերազմական հրամանատարներ:
Աղբյուր՝ tass.ru
Ռեժիսոր Քոլին Տրևորոուն հայտնել է, որ պատրաստվում է նոր ֆիլմ նկարահանել, որը նվիրված կլինի Ատլանտիդային: Այդ մասին նա խոսել է Empire-ին տված հարցազրույցում։
Աղբյուր՝ kulturomania.ru
Պաշտոնական IRNA գործակալությունը ուրբաթ հաղորդել է, Իրանի «Իսլամական հեղափոխության պահապանների կորպուսը» «երկիր-երկիր» դասի 16 բալիստիկ հրթիռ են արձակել:
Աղբյուր՝ apnews.com
Սպորտային և ակտիվ հանգստի համար նախատեսված հագուստի հավաքածուի վրա աշխատել են ավելի քան չորս տարի: Գործընթացը վերահսկել է երկրի արդյունաբերության և առևտրի նախարարությունը: «Բոլոր բաղադրիչների և հումքի 90 տոկոսը ռուսական արտադրության են»,- վստահեցնում է դիզայներ, հավաքածուի հեղինակ Դմիտրի Շիշկինը։
Աղբյուր՝ vesti.ru
Որոնողափրկարարական գործողությունները փրկել են 90 մարդու այն բանից հետո, երբ նավը խրվել է Անտիկիթերա կղզուց հյուսիս գտնվող ծանծաղուտում:
Աղբյուր՝ aljazeera.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
