Կարճ լուրեր
Վրաստանի աշխատանքի տեսչական ծառայությունը հաստատել է աշխատակիցներ հավաքագրող ընկերության կողմից նախապայմանագրային փուլում խտրականության կրկնվող դեպքերի փաստը: «Էնդորֆին» սննդի կետը սոցցանցերում խտրական բովանդակությամբ հայտարարություն էր տեղադրել. «Պահանջվում է հաշվապահ՝ մինչև 50 տարեկան աղջիկ, լրիվ դրույքով։ Պահանջները՝ բարձրահասակ, նիհար, Fina ծրագրի իմացություն, ձեռնարկությունում աշխտելու փորձ: Խնդրում ենք ուղարկել Ձեր CV-n սելֆիի հետ միասին, էլ. հասցե …»:
Աղբյուր՝ apsny.ge
Հինգշաբթի Լոս Անջելեսի ոստիկանությունը գնդակահարել է 14-ամյա աղջկան Burlington Coat Factory-ի հանդերձարանում, երբ նրանք կրակ են բացել խանթում հարձակման մեջ կասկածվող տղամարդու վրա: Կասկածյալը նույնպես սպանվել է:
Աղբյուր՝ insider.com
Այս մասին իր ինստագրամում պատմել է Ganga անունով դաջվածքներ անողը: Դրեյքի նախաբազկի վրա պատկերված է դիզայները, ով օդապարուկ է թռցնում՝ Փարիզի Նորաձևության շաբաթվա ընթացքում Louis Vuitton-ի տղամարդկանց հագուստի ցուցադրության ժամանակ:
Աղբյուր՝ daily.afisha.ru
Թաիլանդում ճանապարհորդության գրեթե 20 ամիս սահմանափակումներից հետո ծովային կրիայի մի քանի տեսակներ վերադարձել են ձվադրման Պհուկետի շրջակայքում, որը մինչև համավարակը ամենահայտնի ծովափնյա հանգստի վայրերից էր: Բայց երբ երկիրը սկսեց վերաբացել իր դռները լիովին պատվաստված օտարերկրյա զբոսաշրջիկների համար, գիտնականների լավատեսությունը նվազեց:
Աղբյուր՝ france24.com
Շրի Լանկայի բնակիչը փորձել է օդապարուկ թռցնել, սակայն նրա հետ երկինք է թռել: Ուժեղ քամին տղամարդուն բարձրացրել է մինչև 30 մետր: Միջադեպի հետևանքով տուժածը միայն թեթև վնասվածքներ է ստացել, հայտնում է NDTV-ն: Ըստ լրատվամիջոցների՝ տուժածի անունը Նադարաս Մանոհարան է:
Աղբյուր՝ gazeta.ru
11-ամյա երեխան դարձել է Մեծ Բրիտանիայում առաջին հիվանդը, ում երիկամի վիրահատություն է կատարվել՝ 3D մասնագիտացված սարքավորման կիրառմամբ: Սոմերսեթ նահանգի Ուոչեթ քաղաքից Լիբբին ուներ երիկամների և միզապարկի հետ կապված խնդիրներ և հաճախ ուժեղ ցավեր էր ունենում: Վիրաբույժները կարողացել են վիրահատել նրան ավելի արագ և ավելի մեծ ճշգրտությամբ՝ կատարելով 3D տեխնոլոգիայով, բանալու անցքի մեծությամբ վիրահատություն:
Աղբյուր՝ bbc.com
Այս մասին հայտնում է Lionsgate կինոընկերության մամուլի ծառայությունը: Ստուդիան ներկայացրել է ֆիլմի ոճով պատրաստված հոլովակ, որում հաղորդվում է, որ Չադ Ստահելսկու և Դեյվիդ Լեյչի մարտաֆիլմը՝ Կիանու Ռիվզի գլխավոր դերակատարմամբ, էկրաններին կհայտնվի 2023 թվականի մարտի 24-ին: Նախկինում պրեմիերան նախատեսված էր 2022 թվականի մայիսի 27-ին:
Աղբյուր՝ iz.ru
Ճապոնիան ուրբաթ հայտարարեց, որ նախարարական պատվիրակություն չի ուղարկի՝ Պեկինի խաղերում կառավարությունը ներկայացնելու, սակայն երեք օլիմպիական պաշտոնյաներ կմասնակցեն: Կաբինետի գլխավոր քարտուղար Հիրոկազու Մացունոն հերթական մամուլի ասուլիսում ասել է. «մենք կառավարական պատվիրակություն ուղարկելու պլաններ չունենք»:
Աղբյուր՝ apnews.com
Իտալիայում մեկ օրում գրանցվել է կորոնավիրուսով վարակման 44 595 դեպք: Նախորդ օրական հակառեկորդը (40 902 դեպք) երկրում գրանցվել է անցած տարվա նոյեմբերին: Վերջին 24 ժամում մահացել է 168 մարդ:
Աղբյուր՝ korrespondent.net
Չինաստանի կարգապահական մարմինը ուրբաթ հայտնել է, որ տասնյակ պաշտոնյաներ պատժվել են խստացված սահմանափակումներով Սիան քաղաքում բռնկումը չկանխելու համար: Երկրում բարձր զգոնություն է վարակման նոր դեպքերի նկատմամբ, քանի որ այն պատրաստվում է փետրվարին մայրաքաղաք Պեկինում հյուրընկալել ձմեռային օլիմպիական խաղերը:
Աղբյուր՝ france24.com
Ռուսական «Պոլե չուդես» հեռուստաշոուն նոր ձևաչափով վերաթողարկվելուց հետո չի վերանվանվի և չի ցուցադրվի այլ ալիքներով։ Այս մասին ուրբաթ հայտնել է Առաջին ալիքի մամուլի ծառայությունը: Ավելի վաղ նախատեսվում էր այն վերանվանել «Մեր հրաշքների դաշտը» («Наше Поле чудес»).
Աղբյուր՝ tass.ru
Տեղական իշխանությունների փոխանցմամբ՝ առնվազն 37 մարդ զոհվել է, մոտ 100-ը՝ վիրավորվել Բանգլադեշի հարավում գերբեռնված լաստանավի հրդեհի հետևանքով: Եռատախտակամած նավի հրդեհը սկսվել է Ջալաքաթի քաղաքի մոտ գտնվող գետի մեջտեղում, երբ այն նավարկում էր մայրաքաղաք Դաքքայից դեպի Բարգունա քաղաք: Նավի վրա եղել է մոտ 500 մարդ:
Աղբյուր՝ bbc.com
WikiLeaks-ի հիմնադիր Ջուլիան Ասանժի փաստաբանական թիմը դիմում է ներկայացրել Մեծ Բրիտանիայի Գերագույն դատարան բողոքարկելու համար ստորին դատարանի այս ամիս կայացրած որոշումը, որով նա կարող է արտահանձնվել ԱՄՆ-ին՝ լրտեսության մեղադրանքով:
Աղբյուր՝ aljazeera.com
«Ջենոան» բանակցություններ է սկսել «Ատալանտայի» ռուս խաղացող Ալեքսեյ Միրանչուկի տրանսֆերի շուրջ: Բերգամոյի ակումբը Միրանչուկի համար պահանջել է 12 միլիոն եվրո և հավելյալ բոնուսներ: Ընդհանուր առմամբ, Ջենովան կվճարի 15 մլն եվրո:
Աղբյուր՝ gazeta.ru
Կորեայի Հանրապետության իշխանությունները ներում կշնորհեն նախկին նախագահ Պակ Կըն Հեին, ով 22 տարվա ազատազրկման էր դատապարտվել կոռուպցիայի և պաշտոնեական դիրքի չարաշահման մեղադրանքով: Այս մասին ուրբաթ հայտնել է Yonhap գործակալությունը։ Նա ընդգրկվել է ամանորյա տոների կապակցությամբ համաներման ենթակա անձանց ցուցակում:
Աղբյուր՝ tass.ru
Սասեքսի դուքսն ու դքսուհին իրենց տոնական բացիկի վրա հրապարակել են իրենց դստեր՝ Լիլիբեթի առաջին լուսանկարը: Լուսանկարում երևում է, թե ինչպես է արքայազն Հարիի կողքին նստած Մեգանը օդ բարձրացրել Լիլիբեթին, իսկ Հարին ծնկին է դրել իրենց երկու տարեկան որդուն՝ Արչիին: Հունիսին ծնված Լիլիբեթի հագին սպիտակ մանկական զգեստ է:
Աղբյուր՝ bbc.com
Բրիտանացի թենիսիստ Էնդի Մարեյը հանդես կգա Ավստրալիայի բաց առաջնությունում: Մրցաշարի մամուլի ծառայությունից հայտնում են, որ մարզիկը մրցույթին մասնակցելու համար ուայլդ քարտ է ստացել: Ավստրալիայի բաց առաջնությունը նախատեսվում է անցկացնել 2022 թվականի հունվարի 17-ից 30-ը:
Աղբյուր՝ sport-express.ru
Պեպ Գվարդիոլան հաստատել է, որ Ֆերան Տորեսը «Մանչեսթեր Սիթիից» «Բարսելոնա» տեղափոխվելու շեմին է իր իսկ խնդրանքով: Չնայած ֆինանսական դժվարություններին, կատալոնական գրանդը համաձայնության է եկել 22-ամյա խաղացողի համար նախնական 55 միլիոն եվրոյի գործարքի շուրջ:
Աղբյուր՝ france24.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
