Կարճ լուրեր
Քլիվլենդի կլինիկայի մասնագետները պարզել են, որ կարմիր մսի հանդեպ սերը հղի է ինֆարկտի և ինսուլտի ռիսկի մեծացմամբ՝ մարսողության ընթացքում սիրտ-անոթային համակարգին վնասող նյութի արտադրության պատճառով: Այս մասին հաղորդվում է Nature Microbiology ամսագրում հրապարակված հոդվածում։
Աղբյուր՝ gazeta.ru
Դեկտեմբերի 27-ից բացասական ՊՇՌ թեստ է անհրաժեշտ նույնիսկ կորոնավիրուսի դեմ պատվաստվածներին: Չեխիայի Հանրապետություն առանց թեստի մուտքը թույլատրվում է նրանց, ովքեր ստացել են երեք պատվաստում COVID-ի դեմ, ինչպես նաև 12-18 տարեկան երեխաներին, ովքեր պատվաստվել են կորոնավիրուսի պատվաստանյութի երկու դեղաչափով:
Աղբյուր՝ korrespondent.net
Սուր աչք ունեցող և ազդեցիկ լրագրող և գրող Ջոան Դիդիոնը, ում վեպերն ու ակնարկները ներկայացնում են 1960-ականների սոցիալական ցնցումները, ամերիկյան բարոյականության անկումն ու մշակութային քաոսը, մահացել է հինգշաբթի՝ 87 տարեկան հասակում: Մահվան պատճառը Պարկինսոնի հիվանդության հետ կապված բարդություններն էին, ասվում է Penguin Random House-ի հայտարարության մեջ:
Աղբյուր՝ nbcnews.com
Բրիտանացի երաժիշտ Էդ Շիրանը բոլոր ժամանակների ռեկորդ է սահմանել Spotify երաժշտական ծառայությունում: «Shape of You» երգը հարթակի պատմության մեջ առաջին անգամ հավաքել է երեք միլիարդ լսում: Ստեղծագործությունը ներառված է «÷» ալբոմում: Ռեկորդը սահմանվել է դեկտեմբերի 22-ին։
Աղբյուր՝ kulturomania.ru
«Բարսելոնան» հետաքրքրված է «Սարագոսայի» պաշտպան Ալեխանդրո Ֆրենսիսով։ Կատալոնացիները փնտրում են խաղացողների, որոնց համար պետք չէ շատ վճարել: Ֆրենսիսը կապտառնագույնների տրանսֆերային թիրախներից մեկն է: «Բարսայի» ղեկավարությունը հետևում է ֆուտբոլիստի կարգավիճակին:
Աղբյուր՝ sport-express.ru
Հինգշաբթի ԱՄՆ ներկայացուցիչները հերքել են լուրը, թե Թուրքիայում սիրիացուն կեղծ անձնագիր տրամադրելու մեղադրանքով ձերբակալված ԱՄՆ քաղաքացին դիվանագետ է: Լուրը տարածվել էր Թուրքիայի իրավապահների կողմից չորեքշաբթի:
Աղբյուր՝ apnews.com
Դեկտեմբերի 23-ի առավոտյան Տուլայում տրամվայի անիվը դուրս է թռել շարժման ընթացքում: Այս մասին սոցցանցերում պատմել են ականատեսները: Արտակարգ իրավիճակների կայան տեղափոխված տրանսպորտային միջոցի տեղաշարժը ժամանակավորապես դադարեցվել է:
Աղբյուր՝ vesti.ru
Խմբի մենակատար Քրիս Մարտինը հայտնել է, որ Coldplay-ը կդադարեցնի երաժշտություն ձայնագրել 2025 թվականից: Մարտինն այդ մասին հայտարարել է Չորեքշաբթի օրը Radio 2-ի եթերում՝ հինգշաբթի երեկոյան նույն ալիքով Ջո Ուիլիի հետ Սուրբ ծննդյան շոուն անոնսող հոլովակում:
Աղբյուր՝ bbc.com
Ճապոնիայի Հիրոսիմա քաղաքի բնակելի թաղամասերից մեկում երկու վարազների բռնելու գործողութունների ընթացքում տուժել է վեց մարդ, այդ թվում՝ չորս ոստիկան: Իրավապահներին օգնության է հասել տեղի կենդանաբանական այգու աշխատակիցը, ով քնաբերներով տեգերի օգնությամբ անշարժացրել է կենդանիներին: Վարազներին տարել են քաղաքից հեռու գտնվող անտառ:
Աղբյուր՝ vesti.ru
Երկուշաբթի խորտակված բեռնանավում 138 մարդ է եղել, որոնցից միայն 50-ն է փրկվել: Մահացածների թվում կան հինգ երեխաներ։
Աղբյուր՝ france24.com
Չորեքշաբթի 1875 թվականի ալմանախ, երկու չնույնականացված գրքեր և կտորից, անհայտ բովանդակությամբ ծրար են հայտնաբերել «ժամանակի պարկուճի» մեջ, որը փակված է եղել Համադաշնության գեներալ Ռոբերտ Է. Լիի արձանի պատվանդանի մեջ: Գրքերից մեկին մետաղադրամ է եղել կպցրած:
Աղբյուր՝ reuters.com
Մայրաքաղաք Պնոմպենում գտնվող Վատ Պնոմ տաճարի տարածքից վերաբնակեցրել են մի քանի տասնյակ կապիկների, որոնք հարձակվել էին տաճարի այցելուների վրա: «Մարդկանց հետ հարգալից վարվող» նրանց մի քանի հարյուր ցեղակիցների թողել են սուրբ տաճարում:
Աղբյուր՝ ria.ru
Տաջիկստանի և Ղրղզստանի սահմանին նոր փոխհրաձգություն է գրանցվել: Այս մասին հայտնում է Sputnik Տաջիկստանը՝ հղում անելով Իսֆարայի քաղաքապետի մամուլի քարտուղար Զուբայդուլո Շոմադովին։ Նշվում է, որ ղրղզական կողմից կրակել են Չորկու բնակավայրի բնակչի տան վրա։ Միջադեպի հետևանքով զոհեր և վիրավորներ չկան։
Աղբյուր՝ gazeta.ru
Դերասանուհի Հոլի Բերին նկարահանվել է Caesars Sportsbook բուքմեյքերական ընկերության նոր գովազդում Կլեոպատրայի դերում: Նա Instagram-ում նկար է հրապարակել իր տպավորիչ կերպարում: Նկարահանման ժամանակ 55-ամյա աստղի զուգընկերն է եղել կատակերգու Ջեյ Բի Սմուվը:
Աղբյուր՝ korrespondent.net
Ըստ պետական լրատվամիջոցների՝ Թունիսի դատարանը հեռակա կարգով 4 տարվա ազատազրկման է դատապարտել նախկին նախագահ Մոնսեֆ Մարզուկիին՝ պետական անվտանգության նկատմամբ «ոտնձգություն» կատարելու համար: 76-ամյա Մարզուկին, ով ներկայում բնակվում է Ֆրանսիայում, նախկինում քննադատել էր նախագահ Քաիս Սայեդին և կոչ արել բողոքի ցույցեր կազմակերպել:
Աղբյուր՝ aljazeera.com
Հինգշաբթի առավոտյան առնվազն վեց մարդ է վիրավորվել՝ Թուրքիայի հարավում գտնվող աղբի վերամշակման գործարանում տեղի ունեցած պայթյունի հետևանքով։ Պայթյունը գրանցվել է Օսմանիեում գտնվող ձեռնարկությունում՝ համանուն նահանգի վարչական կենտրոնում։Տարբեր աստիճանի ծանրության վնասվածքներով աշխատողները տեղափոխվել են տեղական պետական հիվանդանոց։
Աղբյուր՝ iz.ru
Աճուրդի կազմակերպիչ Aguttes-ի խոսքով՝ աշխարհում առաջին SMS-ը վաճառվել է Փարիզում կայացած աճուրդում։ «Շնորհավոր Սուրբ ծնունդ» հաղորդագրությունը բրիտանացի ծրագրավորող Նիլ Փափուորթն ուղարկել է իր համակարգչից 1992 թվականի դեկտեմբերի 3-ին Ռիչարդ Ջարվիսին, որն այն ժամանակ բրիտանական հեռահաղորդակցության Vodafone ընկերության տնօրենն էր: Ջարվիսը հաղորդագրությունը ստացել է իր Orbitel 901 բջջային հեռախոսով:
Աղբյուր՝ cnn.com
Ղազախստանի Սենատն օրենք է ընդունել երկրում մահապատժի վերացման մասին օրենքում փոփոխություններ և լրացումներ կատարելու մասին: Փոփոխություններով առաջարկվում է մահապատիժը բացառել Քրեական օրենսգրքի բոլոր հոդվածներից, հաղորդվում է խորհրդարանի կայքում: Այսուհետ ամենախիստ պատիժը կլինի ցմահ ազատազրկումը:
Աղբյուր՝ korrespondent.net
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
