Կարճ լուրեր
Հունաստանի առափնյա պահպանությունը հայտնել է, որ տասնյակ միգրանտներ անհետ կորել են՝ Ֆոլեգանդրոս կղզու ափերի մոտ նավի խորտակման հետևանքով: 12 մարդ, ովքեր ենթադրաբար Իրաքից են, փրկվել և տեղափոխվել են մոտակա Սանտորինի կղզի: Փրկվածներն ասացին, որ ի սկզբանե նավի վրա եղել է 32 մարդ, սակայն մեկը իշխանություններին հայտնել է, որ մոտ 50 մարդ է եղել:
Աղբյուր՝ apnews.com
Բրայան Մեյը Instagram-ի իր բաժանորդներին հայտնել է, որ վարակվել է կորոնավիրուսով։ 74-ամյա երաժիշտը տեսանյութ է հրապարակել, որտեղ երևում է կորոնավիրուսի արագ թեստի դրական արդյունքը։ Մեյը նշել է, որ արդեն ութերորդ օրն է, ինչ հիվանդ է և անընդհատ քնատություն է զգում։
Աղբյուր՝ kulturomania.ru
Փրկարարների հաղորդմամբ՝ առնվազն մեկ մարդ մահացել է, ևս 100-ը անհետ կորել են Մյանմայի հյուսիսում գտնվող նեֆրիտի հանքավայրում սողանքի հետևանքով: Մոտ 200 փրկարարներ են միացել Հպականտի տեղանքում անհայտ կորած հանքափորների որոնման աշխատանքներին:
Աղբյուր՝ aljazeera.com
Թուրքիայի նախագահ Ռեջեփ Թայիփ Էրդողանը Գերմանիայի նոր կանցլեր Օլաֆ Շոլցի հետ առաջին հեռախոսազրույցի ժամանակ նշել է Անկարայի և ԵՄ-ի միջև հարաբերությունների կառուցման անհրաժեշտությունը՝ համայնք մուտք գործելու հանրապետության հնարավորության հիմունքով: Այս մասին ասվում է երեքշաբթի Թուրքիայի նախագահի գրասենյակի տարածած հայտարարության մեջ։
Աղբյուր՝ tass.ru
Կոսովոն համաձայնել է Դանիային 300 բանտախուց վարձով տալ՝ սկանդինավյան երկրի բանտերում գերբեռնվածությունը մեղմելու համար։ Դանիան կվճարի տարեկան 15 միլիոն եվրո նախնական հնգամյա ժամանակահատվածի համար ինչպես նաև կաջակցի երկրում կանաչ էներգիայի ֆինանսավորմանը: Վարձակալված խցերը նախատեսված են ոչ ԵՄ անդամ երկրներից դատապարտված հանցագործների համար, որոնք պատժից հետո արտաքսվելու են Դանիայից:
Աղբյուր՝ bbc.com
Իսպանացի դերասանուհու խոսքով՝ ինքը թույլ է տալիս 10-ամյա Լեոնարդոյին և 8-ամյա Լունային դիտել ֆիլմեր և մուլտֆիլմեր, քանի որ հիշում է, որ մանուկ հասակում դա իրեն «անհավանական երջանկություն» էր թվում: Միևնույն ժամանակ դերասանուհին նշել է, որ թույլ չի տա երեխաներին գրանցվել սոցիալական ցանցերում, քանի դեռ նրանց 16 տարին չի լրացել: Այդ կերպ Կրուզը պաշտպանում է նրանց հոգեկան առողջությունը:
Աղբյուր՝ kulturomania.ru
Գերմանիան երեքշաբթի հայտարարեց նոր սահմանափակումների մասին, որոնք կսկսվեն Սուրբ Ծնունդից հետո՝ դանդաղեցնելու նոր օմիկրոն տարբերակի տարածումը: Սահմանափակումները ամբողջ երկրում ուժի մեջ կմտնեն դեկտեմբերի 28-ից:
Աղբյուր՝ apnews.com
«Բարսելոնան» մտադիր է հրաժարվել «Մանչեսթեր Յունայթեդի» հարձակվող Էդինսոն Կավանիի տրանսֆերից։ Կապտանռնագույնների հետաքրքրությունը ուրուգվայցու նկատմամբ արդեն լիովին սառել է, հաղորդում է RAC1-ի լրագրող Ժերար Ռոմերոն։ Պատճառը բանակցային գործընթացում առաջացած դժվարություններն են։
Աղբյուր՝ sport-express.ru
Գիտնականները երեքշաբթի հայտարարել են առնվազն 66 միլիոն տարվա, հիանալի պահպանված դինոզավրի սաղմի հայտնաբերման մասին, որը ձվից դուրս կգար ճիշտ այնպես, ինչպես հավի ճուտը: Բրածոն հայտնաբերվել է հարավային Չինաստանի Գանչժոու քաղաքում և պատկանում է անատամ թերոպոդ դինոզավրի կամ օվիրապտորոզավրի: Հհետազոտողներն պտուղն անվանել են «Baby Yingliang»:
Աղբյուր՝ france24.com
ԱՄՆ նախագահը հիվանդության ոչ մի ախտանիշ չունի, հաղորդել է Ջեն Փսակին։
Աղբյուր՝ tass.ru
Մադագասկարի ժանդարմերիայի հրամանատար, դիվիզիայի գեներալ Սերժ Ժելեն կես օր գտնվել է Հնդկական օվկիանոսում՝ կղզու երկրի ռազմաօդային ուժերի ուղղաթիռի կործանումից հետո: African Insider-ը հայտնել է, որ նա անդադար լողացել է և 12 ժամ հետո հասել ծովափնյա Մահամբո քաղաք, որտեղ Ժելեին գտել են ձկնորսները:
Աղբյուր՝ vesti.ru
5մմ x 5մմ չափերով կաշվեպատ գրքում, որը մատիտի ծայրից էլ փոքր է, զետեղված է Տերունական աղոթքը՝ հոլանդերեն, անգլերեն, ամերիկյան անգլերեն, ֆրանսերեն, գերմաներեն, իսպաներեն և շվեդերեն լեզուներով: Այն գնահատվել է 1000-ից մինչև 1500 եվրո, սակայն Բրյուսելի Arenberg Auctions աճուրդում անանուն գնորդը այն գնել է 3500 եվրոյով: Արժեքը հավելյալ ծախսերով կազմել է 4200 եվրո:
Աղբյուր՝ theguardian.com
«ՊՍԺ»-ի գլխավոր մարզիչ Մաուրիսիո Պոչետինոն խոսել է՝ վնասվածքից հետո հարձակվող Նեյմարի ապաքինման ընթացքի մասին։ Բրազիլացին կկարողանա մարզվել միայն 4-5 շաբաթից, հայտնում է L'Equipe-ը: Նեյմարը վնասվածք է ստացել Լիգա 1-ի «Սենտ-Էտյենի» դեմ խաղում (3-1):
Աղբյուր՝ sport-express.ru
Շեյխ Մուհամմադ իբն Ռաշիդ ալ‑Մաքթումին դատարանը պարտավորեցրել է վճարել իր նախկին կնոջը՝ արքայադուստր Հայային, և իրենց երկու երեխաներին ամուսնալուծության համար: Վճարը կարող է կազմել ավելի քան 500 մլն ֆունտ, ինչը բրիտանական դատարանի կողմից երբևէ սահմանված ամենաբարձր գումարն է:
Աղբյուր՝ theguardian.com
Երրորդ անընդմեջ դեկտեմբերն է, որ Մրայա Քերիի «All I Want for Christmas Is You» երգը զբաղեցնում է 1-ին տեղը ԱՄՆ Billboard Hot 100-ում: Թրեքը թողարկվել է 27 տարի առաջ։
Աղբյուր՝ daily.afisha.ru
Իրանի Իսլամական հեղափոխության պահապանների կորպուսը երեքշաբթի թևավոր հրթիռներ է արձակել երկրի հարավում անցկացվող խոշոր զորավարժությունների ժամանակ:
Աղբյուր՝ apnews.com
Տոմսկում հրդեհվել է «Լենտա» հիպերմարկետը, որտեղ երեքշաբթի կեսօրից հետո հրավառություն են փորձարկել: Հրդեհի մակերեսը կազմում է 5 հազար քառակուսի մետր. մեծ մասում տանիքը փլուզվել է։ Բոլոր հաճախորդներն ու աշխատակիցները արագ հեռացվել են հիպերմարկետից, ուստի ոչ ոք չի տուժել:
Աղբյուր՝ vesti.ru
Սան Ֆերնանդո հովտի արևմտյան հատվածի Hidden Hills փակ թաղամասում գտնվող 60 մլն դոլար արժողությամբ առանձնատունը Քրադաշյանն ամբողջությամբ զարդարել է լույսերով: Ռեալիթի շոուի 41-ամյա աստղը հսկայական տարածքը շրջապատող ծառերը լուսավորել է շողշողացող հազարավոր սպիտակ լույսերով, որոնք լրացնում են կալվածքի մոնոքրոմատիկ լույսերով ինտերիերի գունապնակը:
Աղբյուր՝ dailymail.co.uk
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
