Կարճ լուրեր
Իսպանացի թենիսիստ Ռաֆայել Նադալը երկուշաբթի հայտնել է, որ Covid-19-ի իր թեստը դրական է եղել, ինչը կասկածի տակ է դնում հաջորդ ամիս Ավստրալիայի բաց առաջնությունում նրա մասնակցությունը: Վնասվածքից հետո ամիսներ անց դա նրա վերադարձը պիտի լիներ:
Աղբյուր՝ france24.com
Դերասան Լեոնարդո Դի Կապրիոն «Մի նայիր վերև» ֆիլմի նկարահանման հրապարակում փրկել է իր երկու շներին, որոնք ընկել են սառած լիճը: Այս մասին 47-ամյա արտիստը պատմել է Entertainment Weekly-ի հետ «կլոր սեղանի» ժամանակ: Դեպքի մասին դերասանին հիշեցրել է ռեժիսոր Ադամ Մաքքեյը: Մյուս արտիստները պատմել են, որ Դի Կապրիոն նկարահանման ժամանակ իր հետ բերել էր Ջեք և Ջիլ անունով երկու հասկիների, որոնք շատ ակտիվ են եղել:
Աղբյուր՝ kulturomania.ru
Կառավարությունը քննադատության է ենթարկվել հասարակության և ընդդիմադիր օրենսդիրների կողմից՝ փրկարարական աշխատանքների առնչությամբ: Ավելի քան 32,000 տեղահանված Սելանգոր նահանգից երկուշաբթի օրվա դրությամբ տեղափոխվել են ժամանակավոր կացարաններ:
Աղբյուր՝ reuters.com
Դատարանը բավարարել է բալետի պարուհի Աննա Շապլիկովայի հայցը և բաժանել նրան փոփ երգիչ Գրիգորի Լեպսից: Մոսկվայի Խամովնիչեսկի դատարանի նիստին ներկա է եղել միայն Շապլիկովայի ներկայացուցիչը: Լեպսը և Շապլիկովան ունեն երկու դուստր և մեկ որդի:
Աղբյուր՝ gazeta.ru
Հաթայի նահանգի Արսուզի շրջանում երկու կամուրջ է ավերվել և մեկ նավակ է շրջվել, Սամանդաղ շրջանում տներ են անցել ջրի տակ և ավերվել: Արդեն երկու օր շարունակվող փոթորիկների և անձրևների պատճառով Դենիզ շրջանի որոշ փողոցներում էլ տներ են հեղեղվել։
Աղբյուր՝ korrespondent.net
Գերմանացի թենիսիստ Ալեքսանդր Զվերևը ճանաչվել է տարվա լավագույն մարզիկ, Այս մասին Twitter-ում հայտնել է Tennis Channel International-ը: Այս մրցաշրջանում նա ոսկի է նվաճել Տոկիոյի Օլիմպիական խաղերում, ATP 500 շարքի երկու մրցաշարերում և ATP եզրափակիչ առաջնությունում։
Աղբյուր՝ sport-express.ru
Իրանը հակաօդային պաշտպանության զորավարժություններ է անցկացրել հարավ-արևմտյան Բուշեհրում գտնվող ատոմակայանի մոտակայքում՝ երկրի միջուկային ծրագրի շուրջ շարունակվող լարվածության ֆոնին: Պետական լրատվամիջոցները հաղորդում են, որ զորավարժությունն անցկացվել է երկուշաբթի վաղ առավոտյան Բուշեհր նահանգի հարավում, ինչպես նաև Պարսից ծոցի որոշ հատվածներում:
Աղբյուր՝ aljazeera.com
Չիլիի նախագահական ընտրություններում հաղթել է ձախերի թեկնածու Գաբրիել Բորիչը։ Լարված մրցապայքարում 35-ամյա նախկին ակտիվիստը հաղթել է իր ծայրահեղ աջ մրցակից Անտոնիո Կաստին՝ ձայների ավելի քան 10 տոկոս առավելությամբ:
Աղբյուր՝ bbc.com
Ֆուտբոլի հանգուցյալ գերաստղի գույքը և իրերը, որոնց թվում են եղել ծովափնյա բնակարանը, երկու BMW մեքենաները և տունը, որը նա գնել էր իր ծնողների համար, չեն գրավել խոշոր հայտատուներին: Ավելի քան 1500 պոտենցիալ գնորդներ՝ Լատինական Ամերիկայից, Իտալիայից, Ֆրանսիայից, Անգլիայից, Ռուսաստանից և Դուբայից, գրանցվել էին մասնակցելու համար: Սակայն երեք ժամ տևած վաճառքի հասույթը կազմել է ընդամենը $26,000, իսկ ավելի քան 1,4 միլիոն դոլարի ակտիվները չեն վաճառվել:
Աղբյուր՝ voanews.com
Առնվազն վեց մարդ վիրավորվել է երկուշաբթի Իսպանիայի Ռիոխա ինքնավար համայնքի բարձրահարկ շենքում տեղի ունեցած պայթյունի հետևանքով: La Vanguardia թերթի տվյալներով՝ շենքի վերջին հարկում գտնվող բնակարանում, ամենայն հավանականությամբ, գազի պայթյուն է տեղի ունեցել։
Աղբյուր՝ tass.ru
Երկուշաբթի Իրանի ԱԳՆ պաշտոնական ներկայացուցիչ Սայիդ Խատիբզադեն հայտարարել է, որ Մեծ Բրիտանիայի իշխանությունները դեռ միջոցներ չեն ձեռնարկել՝ Իրանին չմատակարարված տանկերի պարտքը մարելու համար, դա կապելով Վիեննայում միջուկային համաձայնագրի շուրջ բանակցությունների ընթացքի հետ:
Աղբյուր՝ ria.ru
Ճապոնացի միլիարդատեր Յուսակու Մաեզավան երկուշաբթի օրը վերադարձավ Երկիր՝ ավարտելով ավարտելով լուսնի շուրջ 2023 թվականին Իլոն Մասկի SpaceX-ի հետ պլանավորված թռիչքի փորձարկումը: Նորաձևության 46-ամյա մագնատը և արվեստի կոլեկցիոները դեկտեմբերի 8-ին Ղազախստանի Բայկոնուր տիեզերակայանից թռիչքն իրականացրել էր իր օգնական Յոզո Հիրանոյի և ռուս տիեզերագնաց Ալեքսանդր Միսուրկինի հետ:
Աղբյուր՝ reuters.com
Երկու հասուն, երկու անչափահաս և մի նորածնի 220 000 տարվա մնացորդները հայտնաբերվել են Սվինդոն քաղաքի մոտակայքում: Դրանց հետ պեղվել են նաև նեանդերթալցիների կողմից օգտագործված գործիքները, որոնցով, հավանաբար, որսացել են 10 տոննայանոց գազաններին:
Աղբյուր՝ theguardian.com
«Մտավարի Արխի» հեռուստաալիքի պնդմամբ՝ Գեորգի Կալանդաձեն ձերբակալվել է՝ 2012թ.-ին Վրաստանի քաղաքացի Էլբերդ Կոբերիձեի խոշտանգումների և ապօրինի ազատազրկման քրեական գործի շրջանակներում:
Աղբյուր՝ tass.ru
Ըստ Sky Sports-ի տեղեկությունների՝ ՖԻՖԱ-ի նախագահ Ջանի Ինֆանտինոն ակնկալում է ֆուտբոլի ֆեդերացիաների աջակցությունը, որպեսզի առաջ մղի աշխարհի առաջնությունը երկու տարին մեկ անգամ անցկացնելու գաղափարը: Աղբյուրի համաձայն՝ ՈՒԵՖԱ-ն և ԿՈՆՄԵԲՈԼ-ը դեմ են այդ գաղափարին՝ համարելով, որ փոփոխությունները կնվազեցնեն հետաքրքրությունը աշխարհի առաջնության նկատմամբ:
Աղբյուր՝ sport-express.ru
Իրաքը համաձայնագրեր է ստորագրել չինական երկու ընկերությունների հետ՝ երկու տարվա ընթացքում երկրում 1000 դպրոց կառուցելու համար: Այս մասին կիրակի հայտնել է իրաքյան կառավարության ներկայացուցիչը։ Գործարքները ստորագրվել են հինգշաբթի՝ վարչապետ Մուստաֆա ալ-Կադիմիի ներկայությամբ, Power China-ի հետ՝ 679 դպրոց կառուցելու համար, Sinotech-ի հետ՝ մնացած 321-ը:
Աղբյուր՝ france24.com
53 տարեկանում մահացել է իսպանացի բարիտոն, օպերային և փոփ երգիչ Կառլոս Մարինը, ով նաև հայտնի է որպես Գինեսի ռեկորդների գրքում գրանցված Il Divo խմբի անդամ։ The Sun-ի փոխանցմամբ՝ կատարողը մահացել է Մանչեսթերում կորոնավիրուսից: Դեկտեմբերին նա վարակվել էր COVID-19-ով և հայտնվել արհեստական կոմայի մեջ։
Աղբյուր՝ gazeta.ru
Պերակը վերջին նահանգն է, որը կիրակի տուժել է ջրհեղեղներից, իսկ մյուս վեց այլ նահանգներում իրավիճակը վատթարացել է:
Աղբյուր՝ aljazeera.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
