Կարճ լուրեր
Հրդեհաշիջման աշխատանքներին մասնակցել է 20 անձնակազմ և 7 տեխնիկա: Միջադեպի հետևանքով զոհեր և վիրավորներ չկան։ Հրդեհն ամբողջությամբ մարվել է։
Աղբյուր՝ vesti.ru
Բրիտանացի ճարտարապետ Ռիչարդ Ռոջերսը, որը հայտնի է աշխարհի ամենահայտնի շենքերի նախագծմամբ, այդ թվում՝ Փարիզի Պոմպիդու կենտրոնը, մահացել է 88 տարեկան հասակում: Ռոջերսը, ով փոխեց Լոնդոնի տեսանելի հորիզոնը տարբեր ստեղծագործություններով, որոնցից է «Հազարամյակի գմբեթ»-ը (Millennium Dome), մահացել է շաբաթ երեկոյան:
Աղբյուր՝ france24.com
Բելառուս փախած և քաղաքական ապաստան խնդրած լեհ զինծառայող Էմիլ Չեչկոն բելառուսական պետական հեռուստաընկերությանը տված հարցազրույցում ասել է, որ մասնակցել է Լեհաստանի անվտանգության ուժերի կողմից անօրինական միգրանտների սպանությանը և կրակել նրանց վրա։ Նա մեղադրել է Լեհաստանի անվտանգության ուժերին միգրանտների սիստեմատիկ, ինչպես նաև երկու կամավորների սպանությունների մեջ։
Աղբյուր՝ ria.ru
Հինգշաբթի Ֆիլիպիններում սկսված հզոր փոթորկի հետևանքով զոհվել է առնվազն 169 մարդ: Մոտ 195կմ/ժ արագությամբ քամիներով թայֆունի պատճառով գրեթե 300,000 մարդ է տարհանվել հարավ-արևելյան կղզիներում:
Աղբյուր՝ bbc.com
74 տարեկանում կյանքից հեռացել է ռեժիսոր Անդրեյ Մալյուկովը: Այս մասին Facebook-ում հայտնել է նրա զարմուհին՝ Նատալյա Բոնդարչուկը։ «Վերջին տարիներին նա ծանր հիվանդ էր, բայց նրա կյանքը խլեց Covid-ը»,- գրել է նա։
Աղբյուր՝ ria.ru
Իրանի առողջապահության նախարարության ներկայացուցիչը կիրակի պետական հեռուստատեսությանը հայտնել է, որ խիստ վարակիչ տարբերակը հայտնաբերվել է միջին տարիքի իրանցի տղամարդու մոտ, ով վերջերս էր վերադարձել հարևան ԱՄԷ-ից:
Աղբյուր՝ aljazeera.com
Իտալիայի երկրաֆիզիկայի և հրաբխագիտության ազգային ինստիտուտը հայտնել է, որ Իտալիայի հյուսիսում շաբաթ օրը 4,4 մագնիտուդ ուժգնությամբ երկրաշարժ է տեղի ունեցել: Ավերածությունների կամ տուժածների մասին տեղեկություններ չկան: Երկրաշարժը տեղի է ունեցել Բերգամո քաղաքից դուրս գտնվող Բոնատե Սոտտո կոմունայի մերձակայքում՝ 26 կիլոմետր խորության վրա։ Այն ուժեղ զգացվել է Միլան քաղաքում:
Աղբյուր՝ reuters.com
Փարիզի իշխանությունները չեղարկել են դեկտեմբերի 31-ին Շանզ Էլիզեում ամանորյա միջոցառումների անցկացումը: Ուրբաթ Ֆրանսիայի վարչապետ Ժան Կաստեքսը կոչ էր արել համաքաղաքացիներին խուսափել տոնական օրերին զանգվածային հավաքներից՝ կապված երկրում կորոնավիրուսի համավարակի հինգերորդ ալիքի հետ։
Աղբյուր՝ ria.ru
Կահիրեի օդանավակայանում արտերկրից ժամանած երեք մարդու մոտ հաստատվել է օմիկրոն շտամով վարակվածություն: Երկու վարակվածների մոտ հիվանդության ոչ մի ախտանիշ ի հայտ չի եկել: Երրորդ ճանապարհորդը հիվանդության նշաններ ունի, բայց այն ընթանում է թեթև՝ առանց բարդությունների:
Աղբյուր՝ korrespondent.net
Շաբաթ իշխանությունները հայտարարել են, որ առնվազն 33 մարդ է զոհվել այս տարի Ֆիլիպիններին պատուհասած ամենահզոր թայֆունի հետևանքով: Ավելի քան 300,000 մարդ լքել է իրենց տները և ծովափնյա հանգստավայրերը. «Ռայ» թայֆունը ավերել է արշիպելագի հարավային և կենտրոնական շրջանները:
Աղբյուր՝ france24.com
Երգիչ Վալերի Մելաձեն հայտարարել է, որ երբեք իրեն չի մեղադրել ալկոհոլային խմիչքի չարաշահման մեջ: Այս մասին երգիչը պատմել է «Русские перцы» հաղորդման եթերում: 56-ամյա արտիստի կարծիքով՝ այս մոտեցումն արդարացված է արվածը շտկելու անհնարինությամբ: Այնուամենայնիվ, Մելաձեն չի խուսափում ոչ սթափ վիճակում կատարած արարքների պատասխանատվությունից։
Աղբյուր՝ gazeta.ru
Ըստ Միջազգային էներգետիկ գործակալության՝ ածխային էներգիան այս տարի համաշխարհային նոր ռեկորդ կսահմանի տնտեսության վերականգնումից հետո, որը կարող է հանգեցնել ածխի համաշխարհային պահանջարկի ռեկորդային բարձր մակարդակի 2022 թվականին:
Աղբյուր՝ theguardian.com
Սննդակարգում սպիտակուցի անբավարարությունը բացասաբար է անդրադառնում կորոնավիրուսի դեմ հակամարմինների մակարդակի վրա: Այս մասին հայտնել է դիետոլոգ, իմունոլոգ Մարինա Ապլետաևան: Մասնագետի խոսքով՝ սպիտակուցների և վիտամինների պակասի դեպքում նվազում է իմունային պաշտպանությունը, այդ թվում՝ COVID-19-ի դեմ:
Աղբյուր՝ iz.ru
Tesla-ի դեմ դատական գործ է հարուցվել՝ սոցցանցերում գործադիր տնօրեն Իլոն Մասկի գրառումների, այդ թվում՝ բաժնետոմսերի վաճառքի վերաբերյալ Twitter-ում նրա հարցումների պատճառով, որոնք իջեցրել են բաժնետոմսերի գները: Ներդրող Դեյվիդ Վագները կոչ է արել ներկայացնել ներքին փաստաթղթերը՝ պարզելու, թե արդյոք Tesla-ն և Մասկը խախտել են արժեթղթերի ամերիկյան կարգավորիչի հետ համաձայնագիրը:
Աղբյուր՝ reuters.com
Ինդոնեզիայի իշխանությունները բարձրացրել են Ճավա կղզու ամենաբարձր հրաբխի վտանգի մակարդակը՝ հայտնելով, որ Սեմերու լեռը կարող է կրկին ժայթքել: Ամսվա սկզբին հանկարծակի ժայթքուման հետևանքով զոհվել էր 48 մարդ, 36-ը անհետ կորած են գյուղերում, որոնք թաղված են ցեխի շերտերի տակ:
Աղբյուր՝ apnews.com
Չինուհի Ալիմիխան Սեիտին մահացել է 135 տարեկանում: Կումուշերիկ գյուղը, որտեղ ապրել է կինը, ՉԺՀ-ում հայտնի է որպես երկարակյացների գյուղ. այստեղ շատ են 90 տարեկանից բարձր տարեցները:
Աղբյուր՝ tass.ru
Ամերիկացի Ռոբ Քլարկը YouTube-ի իր ալիքում տեսանյութ է հրապարակել, որտեղ ցույց է տվել, թե ինչպես է իր արքայական օձը պատահաբար ինքն իրեն կուլ տվել։ Նա հայնտել է, որ չգիտի, թե որքան ժամանակ է սողունը կուլ տված եղել իր պոչը, բայց ուրախ է, որ տեսանյութի նկարահանման պահին դեռ կենդանի է եղել։ Օձին փրկելու համար նա ձեռքերի ախտահանիչով օծել է նրա գլուխն ու բերանը, որից հետո սողունը կարողացել է դուրս թքել պոչի մեծ մասը։
Աղբյուր՝ gazeta.ru
Աթենքի գեոդինամիկական ինստիտուտի հաղորդմամբ՝ 5,4 մագնիտուդով և գրեթե 58 կմ խորությամբ ցնցումներ են տեղի ունեցել Գրինվիչի ժամանակով 05:16-ին, Պելոպոնեսի և Կրետե կղզու միջև ընկած ծովում: Հունական լրատվամիջոցները հայտնում են, որ երկրաշարժը զգացվել է Աթենքից մինչև Կրետե կղզի:
Աղբյուր՝ reuters.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
