Կարճ լուրեր
ԿԺԴՀ նախկին առաջնորդ Կիմ Չեն Իրի մահվան տասնամյակի 11-օրյա սգո ընթացքում Հյուսիսային Կորեայի իշխանություններն արգելել են բնակիչներին ծիծաղել, ծննդյան տոներ նշել, մահացածներին թաղել, առևտուր անել, ծիծաղել և բարձրաձայն լաց լինել, ինչպես նաև ալկոհոլ օգտագործել:
Աղբյուր՝ korrespondent.net
Նահանգապետ Օմիդ Հոշնաուն հայտնել է, որ Հյուսիսային Իրաքում ուրբաթ ութ մարդ է զոհվել՝ Քրդստանի ինքնավար շրջանի մայրաքաղաք Արբիլում հորդառատ անձրևների հետևանքով առաջացած ջրհեղեղների պատճառով։
Աղբյուր՝ france24.com
Huawei-ը հայտարարել է HarmonyOS օպերացիոն համակարգով աշխատող «խելացի» ակնոցների թողարկման մասին: Նորույթի թիզերը հայտնվել է տեխնոլոգիական հսկայի պաշտոնական Weibo հաշվում։ Գաջեթը կկոչվի Huawei Smart Glasses։
Աղբյուր՝ ria.ru
Իրանի գլխավոր բանակցող Ալի Բաղերի Կանիի խոսքով՝ միջուկային համաձայնագրի վերականգնման շուրջ բանակցությունները կանցկացվեն ուրբաթ Վիեննայում, այնուհետև կդադարեցվեն «մի քանի օրով»։ ԱՄՆ-Իրան անուղղակի բանակցությունները՝ երկու կողմերին էլ համաձայնագրի լիարժեք պահպանմանը վերադարձնելու վերաբերյալ, յոթերորդ փուլում են:
Աղբյուր՝ reuters.com
Սանկտ Պետերբուրգի Պուշկինի թաղամասի առանձնատանը ոստիկանությունը թմրամիջոցների պլանտացիա է հայտնաբերել: Այս մասին ուրբաթ հայտնել է ՌԴ ՆԳՆ շրջանային շտաբի մամուլի ծառայությունը։ Խուզարկությամբ հայտնաբերվել և առգրավվել է հողով և կանեփի արմատներով 194 աման, ավելի քան 25 փաթեթ բուսական զանգված, 376 փաթեթ կանեփի սերմ։ Առգրավվածի ընդհանուր քաշը գերազանցել է 2 կգ-ը։
Աղբյուր՝ interfax.ru
ԱՄՆ նախկին առաջին տիկինը հինգշաբթի հայտարարել է, որ միմյանց չփոխարինող թոքենների (NFT) վաճառք է սկսել: Այն կոչվում է «Melania's Vision» («Մելանիայի տեսլականը»), որը Թրամփի կնոջ առաջին հանրային նախաձեռնությունն է՝ գրեթե մեկ տարի առաջ պաշտոնից հեռանալուց հետո:
Աղբյուր՝ cnn.com
Գերմանացի չմշկորդուհի Կլաուդիա Պեխշտեյնը 2022 թվականին Պեկինում կայանալիք Օլիմպիական խաղերի ուղեգիր է նվաճել։ Մրցումների ընթացքում մարզուհին կդառնա 50 տարեկան։
Աղբյուր՝ gazeta.ru
Դեկտեմբերի 18-ին՝ ժամը 19։00, տեղի կունենա հայ-ռուսական բարեկամական ջազ երեկո։ Բեմում կլինեն ռուս ճանաչված վիրտուոզ շեփորահար, ջազմեն Վադիմ Էյլենկրիգը և իր բենդը։ Համերգը տեղի կունենա Երևանում «Դոմ Մոսկվի» կենտրոնի 3-րդ հարկի դահլիճում։
Աղբյուր՝ Երևանում «Դոմ Մոսկվի» մոսկովյան մշակութագործարարական կենտրոն
Դերասանուհի և երգչուհի Տանիա Մենդոզան գնդակահարվել է, երբ նա սպասում էր իր 11-ամյա որդուն վերցնելուն Մորելոս նահանգի ֆուտբոլային ակադեմիայի մոտ։ Երեքշաբթի Մենդոզան այլ ծնողների հետ Կուերնավակա քաղաքի մարզահամալիրի մոտ էր, երբ մոտոցիկլետով մոտեցել էին երկու զինված տղամարդ: Նրանցից մեկը մի քանի անգամ կրակել էր կնոջ վրա և փախուստի դիմել հանցակցի հետ:
Աղբյուր՝ bbc.com
Կանադացի բժիշկ Մայքլ Նարվին, ով աշխատում է Մանիտոբայի համալսարանի գիտահետազոտական ինստիտուտում, իր TikTok օգտահաշվում խոսել է արտարգանդային հղիության արտասովոր դեպքի մասին: Բժշկի խոսքով՝ 33-ամյա կնոջ մոտ պտուղը սկսել է զարգանալ լյարդում։ Նրա խոսքով, այդ դեպքն առաջինն է իր պրակտիկայում:
Աղբյուր՝ ria.ru
Հիմնադրամի հոգաբարձուների խորհրդը բաղկացած է յոթ անդամից, որոնք ընտրվում են «Այբ»-ի կանոնադրությամբ սահմանված երեք խմբերից: Առաջիկա երկու տարում ՀԽ-ի լիազորությունները կատարելու են՝ Արամ Փախչանյանը, Արթուր Բերդը, Արտակ Հովհաննիսյանը, Դավիթ Յանը (ներկայացուցիչ՝ Տիգրան Բունարջյան), Կարեն Մուսայելյանը, Կարո Սարգսյանը, Տիգրան Հարությունյանը։
Աղբյուր՝ «Այբ» կրթական հիմնադրամ
Հանգուցյալ Աուգուստո Պինոչետի այրին կյանքից հեռացել է հինգշաբթի, հայտնել է նրա ընտանիքը: Հիրիարտը չիլիացիների բուռն քննարկումների կենտրոնում է եղել՝ 17 տարի կառավարած Պինոչետի վրա ունեցած ենթադրյալ ազդեցության համար:
Աղբյուր՝ aljazeera.com
«Նապոլիի» պաշտպան Կոստաս Մանոլասը տեղափոխվել է «Օլիմպիակոս»: Այս մասին հաղորդում է հունական ակումբի մամուլի ծառայությունը։ 30-ամյա խաղացողը թիմում կարող է հանդես գալ 2022 թվականի հունվարից։ Transfermarkt.com պորտալի տվյալներով՝ տրանսֆերի գումարը կազմել է 2 մլն եվրո։
Աղբյուր՝ sport-express.ru
Օսակա քաղաքի առևտրային թաղամասում գտնվող շենքում հրդեհ է բռնկվել, հայտնում է Օսակայի հրշեջ ծառայությունը։ Տեղական ժամանակով 10:18-ին հրշեջ ծառայությունը հաղորդում է ստացել Կիտա թաղամասում գտնվող շենքի չորրորդ հարկում բռնկված հրդեհի մասին: Ժամը 10.46-ի դրությամբ հրդեհը գրեթե մարվել է: Ընդհանուր առմամբ տուժել է 28 մարդ, 27-ի մոտ գրանցվել է սրտի և թոքերի աշխատանքի կանգ:
Աղբյուր՝ cnn.com
Լվովի մարզում՝ «Սկոլիվսկիե Բեսկիդի» ազգային պարկում, նկատվել է Կարպատյան անտառների ամենաառեղծվածային բնակիչը՝ վայրի կատուն. հայտնի է, որ կենդանին զգուշավոր է և կացարանից հեռանում է միայն գիշերը։ Արտաքնապես կենդանին նման է սովորական մոխրագույն ընտանի կատվի, սակայն իրական չափսերով այն երկու անգամ ավելի մեծ է։
Աղբյուր՝ korrespondent.net
Առցանց բռնության թիրախում հայտնվելուց հետո ինքնասպանություն գործած ռեալիթիների աստղի մայրը հայտարարել է, որ դատի է տալու շոուն արտադրող գլխավոր հեռուստաընկերությանը: Վարդագույն մազերով պրոֆեսիոնալ ըմբշամարտիկ Հանա Կիմուրան՝ Netflix-ի «Terrace House» հիթային սերիալի դերասանը, մահացել է անցյալ տարի՝ շոուի ընթացքում՝ 22 տարեկան հասակում: Կիմուրայի ինքնասպանությունից հետո շոուն դադարեցվել էր:
Աղբյուր՝ france24.com
Էրմիտաժի աշխատակիցները Ռուսաստանի վերջին կայսր Նիկոլայ II-ի քրոջ՝ Քսենյա Ալեքսանդրովնայի շրջազգեստի մեջ 118 տարվա կծած կոնֆետ են հայտնաբերել:
Աղբյուր՝ daily.afisha.ru
Որպես նախազգուշական միջոց՝ Եղիսաբեթ թագուհին չեղյալ է համարել իր ընտանիքի հետ նախասուրբծննդյան ճաշը, քանի որ COVID-19-ի դեպքերը կտրուկ աճում են Մեծ Բրիտանիայում, հայտնել է Բուքինգհեմյան պալատի աղբյուրը:
Աղբյուր՝ reuters.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
