Կարճ լուրեր
Միացյալ Նահանգները, որը ամենաշատն է տուժել կորոնավիրուսային համավարակից, երեքշաբթի հատել է Covid-19-ից մահվան դեպքերի 800,000-ի շեմը: Մահվան դեպքերից մոտ 450,000-ը գրանցվել է 2021 թվականին:
Աղբյուր՝ france24.com
101 տարեկանում մահացել է ԿԺԴՀ հանգուցյալ հիմնադիր Կիմ Իլ Սենի եղբայրը՝ Կիմ Յոն Ջունը։ Մահվան պատճառը և ստույգ ամսաթիվը չեն հաղորդվում։ Վերջին անգամ նրան ցուցադրել են ԿԺԴՀ պետական հեռուստատեսությամբ վեց տարի առաջ։
Աղբյուր՝ korrespondent.net
Գրեմմիի դափնեկիր երգչուհի Բիլլի Այլիշը պատմել է 11 տարեկանից պոռնոգրաֆիայից իր կախվածության մասին, և թե ինչպես է դա մղձավանջներ առաջացրել և փչացրել իր կյանքը, երբ սկսել է ժամադրությունների գնալ: Այլիշը, ով շաբաթ օրը կդառնա 20 տարեկան, այս մասին խոսել է երկուշաբթի Sirius XM ռադիոյի «The Howard Stern Show»-ի եթերում իր ելույթի ժամանակ:
Աղբյուր՝ reuters.com
ՌԴ նախագահ Վլադիմիր Պուտինը կատարել է աշակերտուհի Տատյանա Տրոցենկոյի ցանկությունը, ով երազում էր Սանկտ Պետերբուրգի Մարիինյան թատրոնում դիտել «Կարապի լիճ» ներկայացումը։
Աղբյուր՝ tass.ru
Երեքշաբթի ՅՈՒՆԵՍԿՕ-ն իր ոչ նյութական մշակութային ժառանգության ցանկում ավելացրեց արաբական գեղագրությունը, որը արաբական և իսլամական աշխարհի հիմնական ավանդույթն է:
Աղբյուր՝ france24.com
Եվրահանձնաժողովը հանդես է եկել Շենգեն գոտու բարեփոխման առաջարկներով՝ հաշվի առնելով կորոնավիրուսային համավարակի դասերը, ինչպես նաև ԵՄ երկրների և Բելառուսի սահմաններին միգրացիոն ճգնաժամը։
Աղբյուր՝ ria.ru
Bored Ape Yacht Club-ը 10,000 մասից բաղկացած NFT (չփոխարինելի թոքեն) թվային արվեստի նմուշների հավաքածու է Ethereum-ի բլոկչեյնում: Շաբաթ օրը նման արվեստի գործի սեփականատերը պատահաբար վաճառել էր իր NFT-ն դրա արժեքի մի փոքր մասի դիմաց: Մաքսը, ով հանդես է գալիս maxnaut օգտանունով, հայտնել է, որ սխալը տեղի է ունեցել «կենտրոնացման վատթարացումից» հետո, երբ նա պատահաբար ցուցակագրել է NFT-ը 0,75 eth-ով (2844 դոլար) 75 eth-ի (284,495 դոլար) փոխարեն:
Աղբյուր՝ cnn.com
Հասարակության վրդովմունքն առաջացրել է «Միսս Տիեզերք» մրցույթում հեռուստահաղորդավար Սթիվ Հարվիի հանձնարարությունը, ով խնդրել է Միսս Հնդկաստան Հարնաազ Սանդհուին կենդանիների ձայներ նմանակել: Մրցույթի մյուս մասնակիցներին հարցրել են իրենց անձնական ձեռքբերումների և աշխարհընկալման մասին: Սանդհուն, ով ի վերջո հաղթեց մրցույթում, առաջադրանքում կատվի ձայն էր նմանակել, սակայն հետո նա ասել էր, որ նման փորձություն չէր սպասում, բայց իրեն այլ բան չէր մնում, քան կատարել առաջադրանքը։
Աղբյուր՝ gazeta.ru
Ժամանակակից գրող, TCK Publishing-ի միջազգային մրցույթում «Լավագույն գեղարվեստական գիրք» անվանակարգի հաղթող Հովիկ Աֆյանի նոր գրքի շնորհանդեսը կկայանա դեկտեմբերի 18-ին, ժամը 19:00 «Դարան» գրախանութում։
Աղբյուր՝ «Անտարես» հրատարակչություն
Թողարկվել է «Հսկայական տաղանդի անտանելի քաշը» կատակերգության թիզերը: Տեսանյութում նա Նիլ Պատրիկ Հարիսի հետ հանգստանում է շոգեբաղնիքում և քննարկում այն հսկայական պարտքը, որն ինքը պետք է վճարի։ Դա անելու համար դերասանը 1 մլն դոլարով գնում է իր երկրպագուի ծննդյան խնջույքին։ Ֆիլմը կինոթատրոններում հնարավոր կլինի դիտել 2022 թվականի ապրիլի 22-ից։
Աղբյուր՝ daily.afisha.ru
Գտնվել են մի քանի հարյուր դինոզավրերի հետքեր, որոնք ներկայացնում են առնվազն յոթ տեսակ: Երկրաբաններն հայտնում են, որ իրենք, ամենայն հավանականությամբ, ավելին կգտնեն: Լեհաստանի Երկրաբանական ինստիտուտը քարացած մնացորդները և ոսկորները կարագրել է որպես «գանձարան»: հայտնաբերվել են Բորկովիցեում՝ Վարշավայից 130 կմ հարավ:
Աղբյուր՝ aljazeera.com
«Միլանի» հարձակվողն արժանացել է Հռոմի պապի ընդունելությանը: Հանդիպման ընթացքում ֆուտբոլիստը պոնտիֆիկին նվիրել է իր գիրքն ու ակումբի մարզաշապիկը։ «Խաղաղություն և սեր»,- գրել է Իբրահիմովիչը Twitter-ի իր էջում՝ կից հրապարակելով պապի հետ արված նկարը:
Աղբյուր՝ gazeta.ru
Ջերմաստիճանային ռեկորդը գրանցվել է Սիբիրյան Վերխոյանսկ քաղաքում անցյալ տարվա հունիսին՝ տևական շոգի ժամանակ։
Աղբյուր՝ aljazeera.com
Բելառուսում Գոմելի դատարանը ընդդիմության առաջնորդ Սերգեյ Տիխանովսկուն դատապարտել է 18 տարվա ազատազրկման խիստ ռեժիմի գաղութում: Նա մեղավոր է ճանաչվել զանգվածային անկարգությունների, սոցիալական թշնամանք հրահրելու, ԿԸՀ-ի աշխատանքը խոչընդոտելու և հասարակական կարգը խախտող գործողություններ կազմակերպելու համար։
Աղբյուր՝ daily.afisha.ru
Վրաստանի նախկին նախագահ Միխեիլ Սաակաշվիլին, ով վերջերս դադարեցրել է հացադուլը, չի կարողանում նորմալ սնվել։ Ինչպես հայտնում է քաղաքական գործչի փաստաբան Դմիտրի Սաձագլիշվիլին, Սաակաշվիլիի օրգանիզմը սնունդը չի ընդունում։ Փաստաբանի խոսքով՝ իր պաշտպանյալը դեռ բժշկական օգնության կարիք ունի։
Աղբյուր՝ vesti.ru
Ոստիկանությունը հայտնել է, որ ևս չորս մարդ վիրավորվել է, երբ երկուշաբթի ուշ երեկոյան միգրանտներ տեղափոխող, սերբական պետհամարանիշով ավտոմեքենան Հունգարիայում մխրճվել է տան մեջ: Վարորդը տեսել էր, որ ոստիկանները ստուգում են մեքենաները Սերբիայի սահմանին մոտ գտնվող Մորահալոմ գյուղում և փորձել էր խուսափել դրանցից՝ մեծացնելով արագությունը: Դեպի Սեգեդ քաղաք ուղևորվող մեքենան այնուհետև բախվել էր տանը և շրջվել։
Աղբյուր՝ cnn.com
Marvel-ի նոր «Սարդ-մարդ։ Տունդարձի ճանապարհ չկա» ֆիլմը ԱՄՆ-ի առաջատար կինոդահլիճներում նախավաճառքի ռեկորդներ է սահմանել: Ջոն Ուոթսի ֆիլմի տոմսերի վաճառքը մեկնարկել է երկու շաբաթ առաջ: Այս պահին առաջիկա ցուցադրությունների գրեթե բոլոր տոմսերը սպառված են: Ֆիլմի պրեմիերան տեղի կունենա դեկտեմբերի 15-ին:
Աղբյուր՝ kulturomania.ru
Երկուշաբթի օրը Առողջապահության նախարար Սաջիդ Ջավիդը Sky News-ին հայտնել էր, որ հիվանդանոցում կորոնավիրուսի նոր օմիկրոն տարբերակով վարակված 10 մարդ կա: Առաջին նախարար Դոմինիկ Ռաաբն այնուհետև հայտնել էր, որ նրանք 250-ն են, սակայն ավելի ուշ BBC-ին ասել էր, որ եղել է 9 հիվանդ: Պաշտոնական հաղորդման համաձայն, իրականում, դեռևս 10 հիվանդ կա:
Աղբյուր՝ news.sky.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
