Կարճ լուրեր
Պայթյունը տեղի է ունեցել դեկտեմբերի 13-ին Յոսու քաղաքի քիմիական գործարանում: Պայթյունի պահին գործարանում յոթ աշխատող է եղել։ Այնուհետեւ հրդեհ է բռնկվել, որը մարվել է տեղական ժամանակով 17:11-ին։
Աղբյուր՝ korrespondent.net
Դանիայի ներգաղթի ու ինտեգրացման նախկին նախարար մեղավոր է ճանաչվել ապաստան հայցող երիտասարդ զույգերին ապօրինի բաժանելու մեջ՝ իմպիչմենթի գործով դատավարության ընթացքում: Դատավորները Ստոյբերգի 2016 թվականի որոշումը անօրինական են համարել և նրան 60 օրով ազատազրկել:
Աղբյուր՝ bbc.com
Անգլիացի բնագետ Չարլզ Դարվինին պատկանած մանրադիտակը Լոնդոնում աճուրդի է հանվել 250-350 հազար ֆունտ ստեռլինգով (330-465 հազար դոլար): Այս մասին ՏԱՍՍ-ի թղթակցին երկուշաբթի հայտնել են Christie’s աճուրդի տանը, որը արժեքավոր գրքերի և ձեռագրերի աճուրդում այս լոտը կոլեկցիոներներին կառաջարկի դեկտեմբերի 15-ին, դասական արվեստի շաբաթվա շրջանակում:
Այս մասին երկուշաբթի հայտարարել է վարչապետ Բորիս Ջոնսոնը։ Երկիրը գործարկել է Covid-ի դեմ խթանիչ պատվաստման հավակնոտ ծրագիր՝ վիրուսի տարածումը դադարեցնելու համար:
Աղբյուր՝ france24.com
Սոնջու գավառում ԱՄՆ-ի հակահրթիռային պաշտպանության THAAD համակարգի տեղակայման դեմ բողոքի ակցիայի մասնակիցը ձվեր է նետել նախագահի դեմոկրատ թեկնածու Լի Ջե Մյոնի վրա։ Ցուցարարը երկու ձու է նետել Լիի վրա, երբ քաղաքական գործիչը, իր նախընտրական քարոզարշավի շրջանակներում, ուղևորվում էր դեպի մրգերի տեղական ֆերմա: Ականատեսների վկայությամբ՝ միջադեպն ավարտվել է ոստիկանների և ցուցարարի միջև ծեծկռտուքով։
Աղբյուր՝ gazeta.ru
Սիցիլիայի Ռավանուզա քաղաքում փլուզված շենքերից իտալացի փրկարարները երկուշաբթի չորս դի են դուրս բերել՝ գազի ենթադրյալ պայթյունից հետո: Նրանք հայտնել են, որ շարունակում են փլատակների տակ փնտրել երկու հոգու, որոնք դեռևս համարվում են անհետ կորած:
Աղբյուր՝ bbc.com
Ուժայիները ձերբակալել են ընդդիմադիր YouTube ալիքների երեք բլոգերների, ովքեր հարցումներ էին անցկացնում փողոցներում երկրի քաղաքական իրավիճակի մասին: Ձերբակալության պաշտոնական պատճառը հայտնի չէ։ Սակայն հաղորդվում է, որ նրանք նախկինում մարդկանց հարցրել են, թե ինչպես են վերաբերվում երկրում տիրող քաղաքական իրավիճակին։
Աղբյուր՝ korrespondent.net
Ըստ առաջիկա օրերի ժամանակացույցի՝ Աբովյանի բժշկական կենտրոնում՝ Կինոյի շենքին հարակից տարածքում, շարժական պատվաստումային կետը կաշխատի դեկտոմբերի 15-ին՝ ժամը 10:00-16:00-ն, Նաիրի բժշկական կենտրոն (Նաիրի համայնք, Ռայկոմի դիմաց) դեկտոմբերի 15-ին` ժամը 10:00-16:00-ն:
Աղբյուր՝ Հայաստանի Հանրապետության առողջապահության նախարարություն
Շրի Լանկայի իշխանությունները կիրակի ցուցադրության են դրել աշխարհի ամենամեծ բնական կապույտ շափյուղան՝ 310 կիլոգրամ քաշով, որը հայտնաբերվել է մոտ երեք ամիս առաջ թանկարժեք քարերի հանքափոսում:
Աղբյուր՝ reuters.com
Օքսիտոցինը կարող է նվազեցնել խանդը մշտական ռոմանտիկ հարաբերություններ ունեցող զույգի մոտ: Այդ մասին պարզել են Չինաստանի Գիտությունների ակադեմիայի գիտնականները: Այս մասին նրանք պատմել են Journal of Psychopharmacology ամսագրում հրապարակված հոդվածում:
Աղբյուր՝ gazeta.ru
Աբու Դաբիի թագաժառանգ շեյխ Մուհամմադ բին Զայիդ ալ-Նահյանը հյուրընկալել է Իսրայելի վարչապետ Նաֆթալի Բենեթին՝ Արաբական Միացյալ Էմիրությունների դե ֆակտո ղեկավարի և Իսրայելի առաջնորդի միջև տեղի ունեցած առաջին պաշտոնական հանդիպման ժամանակ: Բենեթն հայտնել է, որ իր այցն «նոր իրականություն» է արտացոլում տարածաշրջանի համար, և նշել, որ բանակցությունները կենտրոնում կլինեն առևտրային կապերը:
Աղբյուր՝ aljazeera.com
Դերասանը տանն է եղել, երբ հաղորդագրություն է ստացել ռեժիսոր Լանա Վաչովսկիից: ««Ի՞նչ ես մտածում «Մատրիցայի» ևս մեկ ֆիլմում նկարահանվելու մասին»։ Եվ ես պատասխանեցի. «Օ՜, հրաշալի է հնչում, բայց, ախր, ես մեռած եմ», - հայտնել է Ռիվսը: Վաչովսկին պատասխանել է. «Հաստա՞տ մեռած ես»»: Ռիվզը նշել է, որ իրեն դուր է եկել «Մատրիցա. Վերադարձ» ֆիլմի սցենարը։ Նոր «Մատրիցայի» գլխավոր թեման կլինի Նեոյի և Թրինիթի սերը։
Աղբյուր՝ kulturomania.ru
Փոխվարչապետ Տատյանա Գոլիկովան ասել է, որ COVID-19-ի դեմ արտասահմանյան պատվաստանյութերով պատվաստված ռուսները վեց ամսվա ընթացքում կկարողանան հակամարմինների թեստ հանձնել և սերտիֆիկատ ստանալ։ Նրա խոսքով՝ ռուսաստանցիները, ովքեր արտասահմանում են պատվաստվել Sputnik V պատվաստանյութով, նույնպես կկարողանան վկայագիր ստանալ՝ հակամարմինների անալիզ հանձնելով։
Աղբյուր՝ ria.ru
Ինգրիդ Ալեքսանդրան շաբաթ օրը այցելել է Բոդոյում գտնվող Նորվեգիայի թագավորական ռազմաօդային ուժերի բազա՝ շարունակելով զորավարժությունները նորվեգացի զինվորականների հետ՝ իր 18-ամյակի շեմին:
Աղբյուր՝ royalcentral.co.uk
Netflix-ի հոսքային հարթակը գործարկել է «Tudum» պորտալը՝ կուլիսային աշխատանքների մասին: Այս մասին հաղորդում է հոսքային ծառայության թվիթերյան պաշտոնական էջը: Կայքում կլինեն անոնսներ, բացառիկ հարցազրույցներ, ետնաբեմի նկարահանումներ և այլ «բոնուսային ֆունկցիաներ»:
Աղբյուր՝ kulturomania.ru
Նոր Զելանդիայի բնակչի նկատմամբ հետաքննություն է սկսվել՝ մեկ օրում կորոնավիրուսի դեմ 10 պատվաստում ստանալուց հետո, հայտնում է LADBible-ը։ Տղամարդուն պատվաստել են այլ մարդկանց փոխարեն, ովքեր նրան գումար են վճարել: Օրվա ընթացքում նա եղել է պատվաստման մի քանի կենտրոններում, որտեղ ամեն անգամ նոր անունով է ներկայացել, բայց ի վերջո խաբեությունը բացահայտվել է:
Աղբյուր՝ gazeta.ru
Կիրակի Իսպանիայի հյուսիսում ջրհեղեղի մեջ ընկած ֆուրգոնից դուրս է բերվել տղամարդու դի, ինչը երկրորդ մահն է հորդառատ անձրևների հետո, որոնց պատճառով գետերը դուրս են եկել ափերից:
Աղբյուր՝ france24.com
Աբու Դաբիի Գրան Պրիի ստյուարդները մերժեցին Mercedes-ի երկու բողոքները, որոնցում գերմանական թիմը փորձում էր վիճարկել մրցավազքի արդյունքները: Այսպիսով, արդյունքները մնացին ուժի մեջ, և «Ռեդ Բուլի» մրցարշավորդ Մաքս Ֆերստապենը պահպանեց չեմպիոնական տիտղոսը։
Աղբյուր՝ sport-express.ru
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
