Կարճ լուրեր
ՀԱՄԱՍ-ի երեք անդամներ սպանվել են կիրակի, երբ կրակոցներ են հնչել Լիբանանի հարավում պաղեստինցի փախստականների ճամբարում պայթյունի հետևանքով զոհված շարժման անդամի հուղարկավորության ժամանակ: Լուրը հաստատել է ՀԱՄԱՍ-ի պաշտոնական ներկայացուցիչ Ռաաֆաթ ալ-Մուրրան:
Աղբյուր՝ aljazeera.com
Մեքսիկայի կենտրոնական Գուանախուատո նահանգի Լեոն քաղաքում բեռնատար գնացքը մխրճվել է մարդատար մեքենայի մեջ: Ճանապարհատրանսպորտային պատահարի զոհ է դարձել հինգ մարդ, այդ թվում՝ չորս երեխա, կիրակի հայտնել է Televisa հեռուստաալիքը։ Ըստ ականատեսների՝ մեքենայի վարորդը երկաթուղային անցակետում փորձել է վազանց կատարել, սակայն չի հասցրել արգելված մանևրն իրականացնել:
Աղբյուր՝ tass.ru
ԱՄՆ-ի վեց նահանգների այն հատվածներում, որոնք ավերվել են հզոր տորնադոներից, զոհերի թիվը հասել է առնվազն 94-ի, ողջ մնացածների որոնումները շարունակվում են: Նախագահ Բայդենը աղետի գոտի է հայտարարել Կենտուկիում:
Աղբյուր՝ bbc.com
Իսրայելի ընդդիմության առաջնորդ, նախկին վարչապետ Բենիամին Նեթանյահուի ընտանիքից անվտանգությունը կհանվի երկուշաբթի օրվանից: Այդ մասին հայտնում է Yedioth Ahronoth պարբերականը: Ինչպես գրում է թերթը, որոշումը, որն ուժի մեջ կմտնի երկուշաբթի, ընդունվել է նախարարական հանձնաժողովի կողմից՝ չնայած Նեթանյահուի պնդումներին, որ իր ընտանիքը պարբերաբար սպառնալիքների է ենթարկվում։
Աղբյուր՝ ria.ru
Էնն Ռայսը, ով առավել հայտնի է «Հարցազրույց վամպիրի հետ» վեպով, մահացել է շաբաթ օրը՝ 80 տարեկան հասակում: Այս մասին հայտնել է նրա որդին Քրիստոֆեր Ռայսը: Նա հայտնել է, որ մայրը մահացել է ինսուլտից:
Աղբյուր՝ france24.com
Փորձերի առարկան եղել է HLA-A24 մոլեկուլը, որը կա ճապոնացիների մոտ 60%-ի և եվրոպացիների 10-20%-ի մոտ: Մասնագետները պարզել են, որ դրանում պարունակվող QYI բաղադրիչը կարող է իմունային համակարգին ազդակ հաղորդել օտար տարրի առկայության մասին, որն էլ օգնում է օրգանիզմին ավելի հեշտ ազատվել դրանից։ Բացի այդ, փորձագետները հայտնաբերել են նմանատիպ պաշտպանական մեխանիզմ այլ կորոնավիրուսային վարակների նկատմամբ։
Աղբյուր՝ ria.ru
Առնվազն երեք մարդ է զոհվել իտալական Սիցիլիա կղզում տեղի ունեցած պայթյունի հետևանքով, որի պատճառով մի քանի բնակելի շենքեր են փլուզվել։ Կիրակի իշխանությունները հայտնել են, որ երկու կին ողջ են հանվել փլատակների տակից հարավային Ռավանուզա քաղաքում՝ շաբաթ գիշեր տեղի ունեցած փլուզումից հետո: Վեց մարդ դեռևս անհետ կորած է համարվում:
Աղբյուր՝ aljazeera.com
Ծանր նավթի նոր հանքավայրը գտնվում է Նուսեյբին շրջանից 32 կիլոմետր դեպի արևելք՝ Մարդին նահանգի հարավում:
Աղբյուր՝ korrespondent.net
Քարդաշյանը իրավական փաստաթղթեր է ներկայացրել. դատավորի կողմից ստորագրվելու դեպքում նա պաշտոնապես կդառնա չամուսնացած: Ըստ էության, նա դատավորին հայց է ներկայացրել տարանջատել երեխաների խնամակալության և ունեցվածքի հարցերն ամուսնական կարգավիճակից: Քիմը նաև խնդրում է «վերականգնել» իր օրիորդական ազգանունը, այսինքն հրաժարվել Ուեսթից:
Աղբյուր՝ gazeta.ru
«Eren»-ն հաջողությամբ իրականացրել է լազերային հարվածներ կատարել 100, 300, 500 մետր հեռավորություններից: Փորձարկումների բոլոր փուլերն անցնելուց հետո անօդաչու սարքը կկիրառվի թուրքական բանակի զինվորական կազմում:
Աղբյուր՝ vesti.ru
Ավստրալիայի խորհրդարանականները վարչապետ Մորիսոնից պահանջել են միջամտել երկրի քաղաքացի Ջուլիան Ասանժի գործին այն բանից հետո, երբ ԱՄՆ-ը հաղթեց վճռորոշ բողոքարկումը՝ WikiLeaks-ի հիմնադիրին լրտեսության մեղադրանքով արտահանձնելու պայքարում: «Վարչապետը պետք է Ասանժին տուն բերի», - շաբաթ օրը Guardian Australia-ին ասել է Ավստրալիայի Կանաչների կուսակցության առաջնորդ Ադամ Բանդտը:
««Մանչեսթեր Յունայթեդը», «Մանչեսթեր Սիթին» և ՊՍԺ-ն հետաքրքրվա՞ծ են ինձնով։ Ես երջանիկ եմ «Բարսելոնայում», այս թիմում խաղալն իմ երազանքն է. Ուզում եմ «Բարսայում» խաղալ առնվազն մինչև պայմանագրի ավարտը, այսինքն՝ մինչև 2026 թվականը, իսկ հետո կտեսնենք։ Ինչի՞ մասին է խոսքը, եթե ես վերջերս եմ երկարաձգել պայմանագիրս»,- պտտվող լուրերին «Բարսելոնայի» կիսապաշտպանի պատասխանը մեջբերել է լրագրող Ֆաբրիցիո Ռոմանոն:
Աղբյուր՝ sport-express.ru
19-ամյա Զառա Ռադերֆորդը շաբաթ օրը Ռուսաստանից հասել է Սեուլ՝ առաջին ասիական կանգառը: Նա որոշել է դառնալ դառնալ ամենաերիտասարդ կինը, ով միայնակ թռչել է աշխարհով մեկ: Օգոստոսին արևմտյան Բելգիայի Կորտրիկ-Վևելգեմ օդանավակայանից սկսել է իր 51000 կմ ճանապարհորդությունը, որի ընթացքում պետք է անցնի հինգ մայրցամաք և 52 երկիր:
Աղբյուր՝ reuters.com
Ճապոնիայի կառավարության բարձրաստիճան պաշտոնյաները, ամենայն հավանականությամբ, բաց կթողնեն փետրվարին Պեկինում կայանալիք ձմեռային Օլիմպիական խաղերը՝ միանալով Միացյալ Նահանգներին դիվանագիտական բոյկոտին: Այս մասին շաբաթ հաղորդել է Yomiuri թերթը՝ վկայակոչելով բազմաթիվ աղբյուրների:
Աղբյուր՝ aljazeera.com
Մի քանի ուկրաինացի սահմանապահներ, որոնք թույլ են տվել Վրաստանի նախկին նախագահին ապօրինաբար լքել երկիրը, պատժվել են հետաքննության արդյունքում։ Հարավային շրջանային վարչության մի շարք պաշտոնյաների հեռացվել են ծառայությունից և կարգապահական տույժի ենթարկվել։
Աղբյուր՝ vesti.ru
1960-ականների The Monkees ռոք և փոփ խմբի երգիչ, կիթառահար և երգահան Մայքլ Նեսմիթը մահացել է 78 տարեկան հասակում: Նեսմիթը գրել է բազմաթիվ մեղեդիներ, ներառյալ «Listen To The Band»-ը, «Sunny Girlfriend»-ը և «Tapioca Tundra»-ը:
Աղբյուր՝ bbc.com
Չինաստանը սպառնացել է անդրազգային կազմակերպություններին փակել իրենց արտադրանքի շուկան, եթե նրանք չխզեն կապերը Լիտվայի հետ: Այս մասին հայտարարել է Բալթյան հանրապետության փոխարտգործնախարար Մանտաս Ադոմենասը։
Աղբյուր՝ eadaily.com
Այն, հավանաբար, Բյուզանդիայի կայսրը 1000 տարի առաջ նվիրել է վիկինգների առաջնորդին: «Բավական յուրահատուկ» ոսկյա զարդը, որը թվագրվում են 11-րդ դարով, նախկինում երբեք չի հանդիպել սկանդինավյան երկրներում: Ականջօղը հայտնաբերվել է Յուտլանդիայի թերակղզում գտնվող դաշտում մետաղորսիչի միջոցով: Այժմ այն ցուցադրվում է Դանիայի ազգային թանգարանում վիկինգների «Togtet» ցուցահանդեսում:
Աղբյուր՝ dailymail.co.uk
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
