Կարճ լուրեր
Մասնավորապես, ՅՈՒՆԻՍԵՖ-ը կստանա 100 մլն դոլար, որով 12,5 մլն մարդու կենսական նշանակություն ունեցող բժշկական օգնություն կտրամադրի:
Աղբյուր՝ tass.ru
Բոսթոն Սելթիքսի հռչակավոր կենտրոնական խաղացող Բիլ Ռասելի NBA-ի կարիերայի վերջին խաղում կրած մարզաշապիկը Hunt Auctions-ում ուրբաթ վաճառվել է 1,116,250 դոլարով՝ բասկետբոլի լեգենդի և քաղաքացիական իրավունքների խորհրդանիշի կողմից հավաքված հուշանվերների աճուրդում: 6 համարի մարզաշապիկը Ռասելը կրել է 1969 թվականի NBA-ի եզրափակիչ փուլի յոթերորդ և իր կարիերայի վերջին խաղում։
Աղբյուր՝ france24.com
Իտալիայում տեղի եպիսկոպոս Անտոնիո Ստալյանոն կրոնական միջոցառման ժամանակ երեխաներին բացահայտել է Սանտա Կլաուսի գոյություն չունենալու մասին ճշմարտությունը և սկանդալ առաջացրել: Ստալյանոն, խոսելով երեխաների հետ, ասել է, որ Ձմեռ պապը գոյություն չունի, իսկ Կոկա-Կոլան նրա զգեստը հորինել է գովազդի համար։ Ծնողները բողոքել են եպիսկոպոսից, իսկ կաթոլիկ եկեղեցու Սիցիլիայի թեմը ստիպված է եղել հրապարակավ ներողություն խնդրել։
Աղբյուր՝ lenta.ru
Ապատեղեկատվությունն աճող սպառնալիք է անվտանգության և ժողովրդավարության համար, Al Jazeera-ին տված հարցազրույցում ասել են Խաղաղության Նոբելյան մրցանակի դափնեկիր լրագրողները։ Ըստ Ֆիլիպինցի Մարիա Ռեսայի՝ ժողովրդավարության համար ամենամեծ վտանգը «երբ սուտը փաստ է դառնում», իսկ ռուս Դմիտրի Մուրատովն ասել է, որ հասարակությունը ներկայումս գտնվում է վտանգավոր «հետճշմարտության ժամանակաշրջանում»:
Ուրուգվայական ծագումով արգենտինացի երգչուհի և դերասանուհի Նատալյա Օրեյրոն առաջին անգամ Ռուսաստան է այցելել որպես երկրի քաղաքացի: Այս մասին նա հայտնել է «VKontakte»-ի իր էջում։ «Ես վերադարձել եմ Ռուսաստան: Եկել եմ, որպեսզի առաջին անգամ անձնագիրս օգտագործեմ»,- ասել է արտիստուհին:
Աղբյուր՝ gazeta.ru
Առնվազն երկու մարդ մահացել է Արկանզասում, հինգը ծանր վնասվածքներ են ստացել Իլինոյս նահանգում՝ Amazon-ի պահեստներից մեկի տանիքի փլուզման հետևանքով՝ ուրբաթ գիշեր Միսիսիպիի հովտում տորնադոյի և սաստիկ քամիների պատճառով։
Աղբյուր՝ nbcnews.com
Կազմակերպության ներկայացուցիչները նաև կոչ են արել ԱՄՆ նախագահ Ջո Բայդենին դադարեցնել «քաղաքական դրդապատճառներով տարիներ շարունակ իրականացվող հետապնդումը»:
Աղբյուր՝ tass.ru
Լոնդոնում Իրանի դեսպանն հայտնել է, որ բրիտանական կառավարության պաշտոնյաներն անցած շաբաթ Թեհրանում քննարկել են՝ Իրանին Մեծ Բրիտանիայի պատմական 400 միլիոն ֆունտ ստեռլինգ պարտքը վճարելու իրավական ուղիները: Մոհսեն Բախարվանդը հավելել է, որ ուղիղ քննարկումներ է ունեցել ԱԳՆ-ի հետ և նշել, որ խնդիրներն անհաղթահարելի չեն:
Աղբյուր՝ theguardian.com
Երաժիշտ Գրիգորի Լեպսը և նրա կինը՝ Աննա Շապլիկովան, ամուսնալուծվում են 20 տարվա ամուսնությունից հետո։ Այս մասին դեկտեմբերի 10-ին հայտնել է StarHit հրատարակությունը՝ հղում կատարելով դատական փաստաթղթերին։ Զույգը երեք երեխա ունի։ Թե ինչն է եղել բաժանման պատճառը, դեռևս հայտնի չէ:
Աղբյուր՝ korrespondent.net
Հինգշաբթի ԱՄՆ-ում «Հարի Փոթերի» առաջին հրատարակությունը վաճառվել է 471,000 դոլարով, ինչը, ըստ աճուրդավարների, 2-րդ դարի գեղարվեստական ստեղծագործության համաշխարհային ռեկորդային գին է: 1997 թվականին Բրիտանիայում տպագրված «Հարի Փոթերը և փիլիսոփայական քարը» կոշտ, նկարազարդ կազմով գիրքը վաճառվել է Heritage Auctions-ում:
Աղբյուր՝ reuters.com
Սվիֆթը երդվյալ ատենակալների դատարանի առջև կկանգնի՝ «Shake It Off»-ի բառերը մեկ այլ երգից գողանալու մեղադրանքով: Ամերիկացի դատավորը մերժել է Սվիֆթի հայցը՝ գործը կարճելու մասին՝ ասելով, որ երդվյալ ատենակալները գուցե ընդունեն, որ երգչուհու 2014 թվականի հիթը կրկնօրինակել է 3LW խմբի 2001 թվականի երգի «players gonna play» և «haters gonna hate» արտահայտությունները:
Աղբյուր՝ bbc.com
Մասկը վաճառել է Tesla-ի ևս 934,091 բաժնետոմս՝ մոտ 963,2 միլիոն դոլարով: Այդ մասին ասվում է ԱՄՆ Արժեթղթերի և բորսաների հանձնաժողովի (SEC) փաստաթղթերում: Նա նաև իրացրել է 2,17 մլն բաժնետոմս գնելու օպցիոններ՝ մեկ բաժնետոմսի դիմաց 6,24 դոլարով:
Աղբյուր՝ interfax.ru
Պակիստանում «Թալիբան» շարժման զինյալները հայտարարել են՝ աֆղանական թալիբների աջակցությամբ կազմակերպված մեկամսյա հրադադարի դադարեցման մասին՝ մեղադրելով կառավարությանը պայմանները խախտելու մեջ, այդ թվում՝ բանտարկյալներին ազատ արձակելու համաձայնագրի և բանակցային կոմիտեների ստեղծման:
Աղբյուր՝ cnn.com
Երուսաղեմի քրիստոնեական համայնքների առաջնորդներն ու ներկայացուցիչները ցույց են անցկացրել հին քաղաքի Յաֆֆյան դարպասների մոտ և Իսրայելի իշխանություններին կոչ արել պահպանել քաղաքի հավատացյալների համար կարևոր սրբավայրերը: Նրանք մտավախություն ունեն, որ Սուրբ Հարության տաճար տանող հայտնի «ուխտագնացության փողոցը» կփակվի:
Աղբյուր՝ ria.ru
Բուսան քաղաքը, ՄԱԿ-ի Մարդկային բնակավայրերի ծրագիրը (UN-Habitat) և Oceanix ընկերությունը համաձայնագիր են ստորագրել՝ կառուցելու աշխարհում առաջին կայուն լողացող քաղաքի նախատիպը: Բուսանի ափերի մոտ կառուցվելիք լողացող քաղաքը լինելու է «ջրհեղեղից պաշտպանված» ենթակառուցվածք, որը բարձրանում է ծովի հետ և արտադրում է իր սնունդը, էներգիան և քաղցրահամ ջուրը՝ լիովին ինտեգրված զրոյական թափոնների փակ համակարգերով:
Աղբյուր՝ cities-today.com
Նյու Յորքի քաղաքային խորհուրդը օրենսդրություն է ընդունել, որը թույլ է տալիս տեղացի բնակիչներին, ովքեր ԱՄՆ քաղաքացիություն չունեն, քվեարկել տեղական ընտրություններում: Ըստ The New York Times-ի՝ սահմանված կարգը քաղաքի ավելի քան 800 հազար բնակիչների թույլ կտա մասնակցել ընտրություններին 2023 թվականի հունվարի 9-ից։
Աղբյուր՝ gazeta.ru
«Յունիվերսալ Ստուդիոս»-ի նոր թողարկվելիք ֆիլմերը կհեռարձակվեն բացառապես Peacock հոսքային ծառայությամբ դրանց դեբյուտից 45 օր հետո և հասանելի կլինեն օգտատերերին՝ վարձակալության կամ գնման համար: Այս մասին հինգշաբթի հայտարարել է ընկերությունը: Թողարկման նոր ռազմավարությունը կսկսվի Universal-ի 2022 թվականի ֆիլմերից։
Աղբյուր՝ reuters.com
Ավստրալիան ուրբաթ բախվել է կրկնակի բնական աղետի. անտառային հրդեհներ են բռնկվել գեղատեսիլ արևմտյան ափի երկայնքով, իսկ երկրի արևելքում սաստիկ ջրհեղեղներ և հորդառատ անձրևներ են սկսվել:
Աղբյուր՝ france24.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
