Կարճ լուրեր
Եվրոպայի լիգայի խմբային փուլում առաջին տեղը զբաղեցրել են «Լիոնը (Ֆրանսիա), «Մոնակոն» (Ֆրանսիա), «Սպարտակը» (Ռուսաստան), «Այնտրախտը» (Գերմանիա), «Գալաթասարայը» (Թուրքիա), «Կրվենա Զվեզդան» (Սերբիա), «Բայերը» (Գերմանիա) և «Վեսթ Հեմը» (Անգլիա): Այս թիմերն միանգամից դուրս եկան 1/8 եզրափակիչ։ Խմբերում երկրորդ տեղը զբաղեցրած թիմերը փլեյ-օֆֆի համար կխաղան ՈՒԵՖԱ-ի Չեմպիոնների լիգայի երրորդ տեղը զբաղեցրած ակումբների հետ:
Աղբյուր՝ sport-express.ru
ԱՄՆ իշխանությունները նոր միջոցներ կձեռնարկեն՝ ուղղված Իրանի եկամտի աղբյուրները սահմանափակելուն, եթե մոտ ապագայում Թեհրանի միջուկային ծրագրի շուրջ դիվանագիտական փոխգործակցությունը ձախողվի։ Այս մասին հինգշաբթի օրը հայտարարել է Սպիտակ տան մամուլի խոսնակ Ջեն Պսակին։
Աղբյուր՝ tass.ru
Առնվազն 53 մարդ է զոհվել, 58-ը՝ վիրավորվել Մեքսիկայի հարավում բեռնատարի վթարի հետևանքով: Ավելի քան 100 մարդ, ովքեր ենթադրաբար Կենտրոնական Ամերիկայից հասած միգրանտներ են, Չիապաս նահանգի տարածքում խցկվել էին բեռնատարի կցասայլի մեջ:
Աղբյուր՝ bbc.com
2022թ. հունվարի 26-ին անցկացվելիք գրավոր քննությանը մասնակցելու հայտերի ընդունման գործընթացը իրականացվելու է մինչև 2021 թվականի դեկտեմբերի 27-ը ներառյալ: Քննությանը մասնակցելու համար անհրաժեշտ է ներկայացնել համապատասխան փաստաթղթերը և միաժամանակ բավարարել «Հայաստանի Հանրապետության քննչական կոմիտեի մասին» ՀՀ օրենքի 17-րդ հոդվածով սահմանված պահանջներին: Գրավոր քննությանը հաջորդելու է բանավոր փուլը:
Աղբյուր՝ Հայաստանի Հանրապետության քննչական կոմիտե
Կյանքից հեռացել է ճապոնական Nintendo ընկերության խաղային վահանակների ստեղծող Մասայուկի Ուեմուրան: Նա 78 տարեկան էր: Ինչպես հայտնում է Kyodo գործակալությունը, Ուեմուրան մահացել է դեկտեմբերի 6-ին: Մահվան պատճառների մասին ոչինչ չի հաղորդվում։
Աղբյուր՝ vesti.ru
Թուրքական կործանիչները հարվածել են «Քուրդիստանի բանվորական կուսակցության» (PKK) ենթադրյալ դիրքերին՝ վեց մարտիկների «չեզոքացնելու» (ոչնչացնելու) համար: Այս մասին կայքում տեղադրված հայտարարության մեջ հայտնում է Թուրքիայի նախարարությունը՝ հավելելով, որ տարածաշրջանում ռազմական հարձակում է ընթանում։
Աղբյուր՝ aljazeera.com
«Կաղամարի խաղ»-ի գլխավոր դերակատար Կի Հունը սերիալի երկրորդ սեզոնում կարող է ավելի մարդկային դառնալ: Այս մասին սերիալի ստեղծող Հվան Դոն Հյոկը հայտնել է Entertainment Weekly-ին տված հարցազրույցում։
Աղբյուր՝ kulturomania.ru
Հրդեհը բռնկվել է մայրաքաղաք Թունիսում Թունիսի ամենամեծ իսլամիստական կուսակցության կենտրոնակայանում: Վիրավորների թվում է նախկին վարչապետը, որը վիրավորվել է պատուհանից ցած նետվելուց: Ennahdha շարժման հայտարարության մեջ նշվում է, որ մահացել է կուսակցության ակտիվիստ, 51-ամյա Սամի Սիֆին:
Աղբյուր՝ apnews.com
Ֆրանսիայի նախագահ Էմանուել Մակրոնն անարդյունավետ է անվանել՝ Պեկինի Օլիմպիական խաղերը բոյկոտելու ԱՄՆ-ի և մի շարք այլ երկրների նախաձեռնությունը և հորդորել չքաղաքականացնել մարզական մրցաշարը։
Աղբյուր՝ tass.ru
Նոր Զելանդիան կարգելի ծխախոտի վաճառքը հաջորդ սերունդներին, որպեսզի ի վերջո դադարեցնի ծխելը: 2008 թվականից հետո ծնված ոչ մի անձ չի կարողանա իր կյանքի ընթացքում ծխախոտ կամ ծխախոտային արտադրանք գնել՝ համաձայն այն օրենքի, որը նախատեսվում է ընդունել հաջորդ տարի:
Աղբյուր՝ bbc.com
ԱՄՆ նախագահ Ջո Բայդենը հայտարարել է, որ Վաշինգտոնը կկրկնապատկի իր աջակցությունը «ամբողջ աշխարհի ժողովրդավարություններին»: Այս մասին նա ասել է ԱՄՆ-ի կողմից կազմակերպված «Հանուն ժողովրդավարության» գագաթնաժողովի բացմանը։
Աղբյուր՝ mk.ru
Ֆրանսիայի նախագահ Էմանուել Մակրոնը հայտարարել է, որ ծրագրում է ռուս և ուկրաինացի գործընկերներ Վլադիմիր Պուտինի և Վլադիմիր Զելենսկիի հետ հաջորդ շաբաթ զրուցել Դոնբասի շուրջ: Նա նշել է, որ Եվրամիությունն ու ԱՄՆ-ն առաջին հերթին ձգտում են «աջակցել Ուկրաինային նրա անվտանգության ապահովման հարցում», ապա ստեղծել բոլոր անհրաժեշտ պայմանները տարածաշրջանում խաղաղ կարգավորման համար։
Աղբյուր՝ ria.ru
93 տարեկան հասակում մահացել է իտալացի կինոռեժիսոր Լինա Վերտմյուլերը՝ առաջին կինը, ով նոմինացվել է «Օսկար»-ի «Լավագույն ռեժիսոր» անվանակարգում։ Վերտմյուլերը մահացել է հինգշաբթի առավոտյան Հռոմի իր տանը: Նա 2019 թվականին պատվավոր «Օսկար» մրցանակի է արժանացել՝ կինեմատոգրաֆիայում ունեցած ավանդի համար:
Աղբյուր՝ bbc.com
Հինգշաբթի «Լայպցիգը» վարձեց «Շալկեի» նախկին մարզիչ Դոմենիկո Տեդեսկոյին՝ փոխարինելու ամերիկացի մարզիչ Ջես Մարշին, ով հեռացավ պարտությունների շարքից հետո։ Տեդեսկոյի պայմանագիրը նախատեսված է մինչև 2022-23 մրցաշրջանի ավարտը։
Աղբյուր՝ apnews.com
Չորեքշաբթի Բուրկինա Ֆասոյի վարչապետը և կառավարությունը հրաժարական են տվել՝ ջիհադիստների հարձակումների ալիքը հաղթահարելու պաշտոնյաների անկարողության դեմ բողոքի ցույցերից հետո: Նախագահ Ռոշ Մարկ Քրիստիան Կաբորեն, ով արդեն փոխել է ռազմական ղեկավարությունը՝ անվտանգության ճգնաժամի պատճառով, ընդունել է վարչապետ Քրիստոֆ Ժոզեֆ Մարի Դաբիրի հրաժարականը:
Աղբյուր՝ france24.com
Ֆրանսիացի նախկին թենիսիստուհի Ամելի Մորեսմոն նշանակվել է Ֆրանսիայի թենիսի բաց առաջնության՝ («Ռոլան Գարոս») տնօրեն։
Աղբյուր՝ sport-express.ru
«Մուրացան» համալսարանական հիվանդանոցի շտապօգնության արտագնա բրիգադն այսօր Մեղրիից Երևան է տեղափոխել բրոնխիոլիտ ախտորոշմամբ 17 օրական երեխայի՝ ծանր, թթվածնակախյալ վիճակով: Լուրը հայտնել է ԵՊԲՀ ռեկտոր Արմեն Մուրադյանը՝ հավելելով, որ Բժշկական կենտրոն տեղափոխվելու շնորհիվ գրեթե 92-ից 96 տոկոս դեպքերում հաջողվում է փրկել բուժօգնության կարիք ունեցող փոքրիկների կյանքը:
Երևանի քաղաքապետարանը հայտարարած մրցույթը կկայանա 2022 թ. հունվարի 19-ին: Շինարարության համար սահմանված գումարը 168 մլն 614 հազար դրամ է: Այս մասին հայտնում է Երևանի քաղաքապետարանի լրատվության վարչության պետը:
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
