Կարճ լուրեր
Տղամարդուն, ով ժամանակին ամուսնացած է եղել երգչուհի Բրիթնի Սփիրսի հետ 55 ժամով, մեղադրանք է առաջադրվել հանցավոր հետապնդման համար՝ Սեմ Ասղարիի հետ ամերիկացի աստղի հարսանիքի ժամանակ անսպասելի հայտնվելուց հետո: 40-ամյա Ջեյսոն Ալեքսանդրն իրեն մեղավոր չի ճանաչել առաջադրված մեղադրանքում, ինչպես նաև օրինախախտման և վանդալիզմի համար: Նա ձերբակալվել էր անցած շաբաթ այն բանից հետո, ենթադրաբար ներխուժել էր դարպասից ներս և տեսանյութ հեռարձակել Սփիրսի տնից:
Աղբյուր՝ bbc.com
Քանյե Ուեսթը սոցցանցերում մեղադրել է adidas-ին Yeezy շարքի համար կոշիկների իր դիզայնը կրկնօրինակելու մեջ, որը արտիստը թողարկում է սպորտային հագուստի ապրանքանիշի հետ 2013 թվականից: Խոսքը նոր Adilette 22 հողաթափերի մասին է, որոնք հայտնի Yeezy Slide-ից տարբերվում են ծալքավոր տակացուի և ռելիեֆային երկրաչափական նախշի բացակայությամբ: Մոդելը վաճառքի կհանվի հունիսի 23-ին և կարժենա 55 դոլար։
Աղբյուր՝ thesymbol.ru
Ամերիկյան Amazon կորպորացիան նախատեսում է 2022 թվականին սկսել անօդաչու սարքերի միջոցով փոքր ծանրոցների առաքումը ԱՄՆ-ում։ Այս մասին ասվում է ընկերության կայքում երկուշաբթի հրապարակված հաղորդագրության մեջ: Ընկերության հաճախորդները, ովքեր ապրում են Լոքֆորդում, կլինեն առաջիններից, ովքեր առաքում կստանան Prime Air-ից:
Աղբյուր՝ tass.ru
Դեպքը տեղի է ունեցել առավոտյան ժամը 6-ի սահմաններում։ Հռոմի քաղաքային ոստիկանության աշխատակիցները շրջափակել են միջադեպի տարածքը և արգելափակել հետիոտների շարժը Լաբիկանոյի հրապարակի մոտ՝ այրաքաղաքի Տերմինի գլխավոր երկաթուղային կայարանի շրջանում: Միջադեպի հետևանքով ոչ ոք չի տուժել: Մեծ կամ Պրենեստինյան դարպասները եղել են հին Հռոմի արևելյան դարպասներից մեկը:
Աղբյուր՝ ria.ru
Երգիչ Ջասթին Բիբերն ասել է, որ իր հավատքը Հիսուսի հանդեպ օգնել է իրեն հաղթահարել վերջին շրջանում առաջացած բազմաթիվ բժշկական խնդիրներ: Հանգստյան օրերին 28-ամյա աստղը հայտնել էր, որ դեմքի մի հատվածը կաթվածահար է եղել. նրա մոտ Ռեմսի Հանթի համախտանիշ է ախտորոշվել: «Ես գիտեմ, որ այս փոթորիկը կանցնի, բայց միևնույն ժամանակ գիտեմ, որ Հիսուսն ինձ հետ է»,- գրել է Բիբերը Instagram-ում։
Աղբյուր՝ bbc.com
Հայաստանի բասկետբոլի ֆեդերացիան տեղեկացնում է, որ ազգային հավաքականի գլխավոր մարզիչ Ռեքս Քալամյանը ներկայացրել է այն խաղացողների ցանկը, ովքեր պետք է նախապատրաստվեն հունիսի 23-26-ը Երևանում կայանալիք SADA CUP միջազգային մրցաշարին և հունիսի 28-ից հուլիսի 3-ը Մալթայում կայանալիք փոքր երկրների Եվրոպայի առաջնությանը:
Աղբյուր՝ ՀԱՕԿ
Հռոմի Ֆրանցիսկոս պապը կարծում է, որ աշխարհում երրորդ համաշխարհային պատերազմ է հայտարարված։ Այս մասին հայտնում է La Stampa թերթը: «Մի քանի տարի առաջ մտքովս անցավ ասել, որ մենք մաս-մաս երրորդ համաշխարհային պատերազմն ենք ապրում: Այսօր, կարծում եմ, երրորդ համաշխարհային պատերազմ է հայտարարված»,- ասել է Վատիկանի առաջնորդը։ Նրա խոսքով՝ պետք է մտածել, թե ինչ է կատարվում մարդկության հետ, «որը մեկ դարում վերապրել է երեք համաշխարհային պատերազմ»։
Աղբյուր՝ gazeta.ru
Ջասթին Թրյուդոն երկուշաբթի հայտնել է, որ COVID-19-ի իր թեստը դրական է եղել՝ այս տարի արդեն երկրորդ անգամ, բայց նա իրեն լավ է զգում և մեկուսացել է՝ ըստ առողջապահական ուղեցույցների: Անցյալ շաբաթ Թրյուդոն ներկա է եղել Կալիֆոռնիայում կայացած Ամերիկաների գագաթնաժողովին, որտեղ հանդիպել է ԱՄՆ նախագահ Ջո Բայդենի և այլ առաջնորդների հետ՝ քննարկելու տարածաշրջանին վերաբերող հարցեր: Նա շաբաթ օրը վերադարձել էր Օտտավա։
Աղբյուր՝ reuters.com
Կաթնաշոռը պետք չէ օգտագործել այլ սպիտակուցային սննդամթերքի հետ: Այս մասին «Մոսկվա 24»-ին ասել է դիետոլոգ Ելենա Սոլոմատինան։ Մասնագետի խոսքով՝ կաթնաշոռի հետ մեկտեղ կենդանական այլ մթերքներ՝ միս կամ ձու, ուտելը կարող է հանգեցնել մարսողական խնդիրների:
Եկուշաբթի նախազգուշացվել է արագ արձագանքման մասին, եթե Հյուսիսային Կորեան միջուկային փորձարկում կատարի, ներառյալ ԱՄՆ ռազմական «կարգավորումները», բայց նաև որպես ելք կրկին բանակցություններ են առաջարկել: Հարավկորեացի գործընկերոջ հետ հանդիպման ժամանակ պետքարտուղար Էնթոնի Բլինքենն հայտարարել է, որ ԱՄՆ-ը աշխատում է Տոկիոյի և Սեուլի իր դաշնակիցների հետ, որպեսզի «կարողանան արագ արձագանքել, եթե հյուսիսկորեացիները նման փորձարկում կատարեն»:
Աղբյուր՝ france24.com
Ամերիկացի ռեժիսոր Քվենտին Տարանտինոն ստացել է Երուսաղեմի հրեական համալսարանի պատվավոր դոկտորի կոչում: Այս մասին ասվում է հաստատության Twitter-ում։ Դոկտոր Քվենտին Տարանտինո: Լավ է հնչում, այնպես չէ՞»,- ասվում է հաղորդագրության մեջ: Համալսարանում հավելել են նաև, որ Տարանտինոյից բացի ևս 19 մարդ է ստացել պատվավոր կոչումը:
Աղբյուր՝ gazeta.ru
Ընկերությունը գնելու 44 միլիարդ դոլար արժողությամբ առաջարկի մասին ապրիլին հայտարարելուց հետո Իլոն Մասկը հինգշաբթի՝ հունիսի 16-ին, առաջին անգամ կխոսի Twitter-ի աշխատակիցների հետ: Սպասվում է, որ Tesla-ի մուլտիմիլիարդատեր ղեկավարը հանդիպմանը կպատասխանի Twitter-ի աշխատակիցների հարցերին: Մասկը նախազգուշացրել է, որ կարող է դուրս գալ գործարքից, եթե ընկերությունը չտրամադրի տվյալներ հարթակում կեղծ հաշիվների մասին:
Աղբյուր՝ bbc.com
Երեքշաբթի գիշերը ինքնաշեն պայթուցիկ սարք է գործի դրվել հայտնի հույն լրագրող Արիս Պորտոսալտեի տան մուտքի մոտ: Այս մասին հայտնել է Skai հեռուստաալիքը, որտեղ աշխատում է լրագրողը: Դեպքը տեղի է ունեցել ժամը 03:00-ի սահմաններում: Հանցագործները պայթուցիկ սարք են տեղադրել՝ չորս գազային պարկուճներով, որոնցից երեքը պայթել են: Պայթյունը վնասել է շենքի մուտքը և փոքր հրդեհ է առաջացրել, հաղորդում է հեռուստաալիքը:
Աղյուր՝ ria.ru
The Rolling Stones-ը չեղարկել է համերգը Ամստերդամում այն բանից հետո, երբ մենակատար Միք Ջագերը վարակվել է Covid-19-ով: Ջագերի վարակման մասին հայտարարվել է Instagram-ում խմբի պաշտոնական էջում: Համաձայն հայտարարության՝ համերգը կտեղափոխվի ավելի ուշ ամսաթվով, և սկզբնական տոմսերը կընդունվեն: Rolling Stones-ի ընթացիկ ամառային շրջագայությունը նվիրված էխմբի 60-ամյակին:
Աղբյուր՝ cnn.com
Ֆուտբոլի Ազգերի լիգայում ավարտվեց ևս մեկ խաղային օր: Կենտրոնական հանդիպման ժամանակ Ֆրանսիայի հավաքականը հյուրընկալել էր ԱԱ-2018-ի եզրափակչում իր մրցակից խորվաթներին ու պարտվել՝ 0:1 հաշվով: Միակ գոլը խփել է Լուկա Մոդրիչը։ Խորվաթիան պատմության մեջ առաջին անգամ հաղթեց Ֆրանսիային: Թիմերը նախկինում հանդիպել են ինը անգամ։ Վեց խաղում ֆրանսիացիները հաղթել են, երեքն ավարտվել են ոչ-ոքի:
Աղբյուր՝ sport.ru
Վրաստանն ավելի շատ է արժանի ԵՄ անդամակցության թեկնածուի կարգավիճակին, քան Ուկրաինան և Մոլդովան, հայտարարել է Վրաստանի վարչապետ Իրակլի Ղարիբաշվիլին կառավարության նիստում: Նրա խոսքերը մեջբերել է Jam News-ը: «Եթե բաց հակամարտությունը կարգավիճակ ստանալու չափանիշներից մեկն է, ապա մենք այդպես չենք ուզում, մենք պահանջում ենք վաստակած կարգավիճակը»,- ասել է նա:
Աղբյուր՝ ria.ru
Ավելի քան 50 տարվա կարիերա ունեցող դերասան Ֆիլիպ Բեյքեր Հոլի մահվան մասին երկուշաբթի Twitter-ում հայտնել է Los Angeles Times-ի սպորտային թղթակից Սեմ Ֆարմերը: Հոլը հայտնի է ռեժիսոր Փոլ Թոմաս Անդերսոնի 1999 թվականին նկարահանված «Մագնոլիա» և 1997 թվականի «Գիշերներ բուգի ոճով» ֆիլմերում խաղացած դերերով, որոնցից երկուսում էլ Հոլը արժանացել է ԱՄՆ կինոդերասանների գիլդիայի մրցանակի՝ որպես դերասանական կազմի մաս:
Աղբյուր՝ people.com
Ֆուտբոլային ասոցիացիաների միջազգային խորհուրդը հաստատել է կանոնը, որը թույլ է տալիս թիմերին մշտապես կատարել հինգ փոխարինում մեկ խաղում: Փոփոխություններն ուժի մեջ կմտնեն 2022 թվականի հուլիսի 1-ից:
Աղբյուր՝ sport-express.ru
Լրահոս
Տեսանյութեր
ՈւՂԻՂ. Տրանսպորտը թանկացնում են նախկինների մերժած հաշվարկով. Պիպոյանը փաստաթղթեր է հրապարակում
