Կարճ լուրեր
Նախարարն առաջնահերթ անդրադարձել է Ադրբեջանում պահվող հայ ռազմագերիների և գերիների անհապաղ ազատ արձակման հարցին և ընդգծել է Ադրբեջանի դեմ ՄԻԵԴ վճիռների կատարման կարևորությունը, որը վերաբերում է 44-օրյա պատերազմի հետևանքով գերեվարված և մինչ օրս Ադրբեջանում պահվող անձանց։ ՄԻԵԴ վճիռների կատարման բաժնի ղեկավար Պավլո Պուշկարը ներկայացրել է ՄԻԵԴ վճիռների կատարման հարցում Հայաստանի արդարադատության նախարարության դերը։
Աղբյուր՝ ՀՀ Արդարադատության նախարարություն
Դիետոլոգ Ելենա Սոլոմատինան «Մոսկվա 24»-ին հայտնել է, որ դդմի սերմերի կանոնավոր օգտագործումն օգնում է ամրապնդել իմունային համակարգը։ Մասնագետի խոսքով՝ դդմի սերմերը մեծ քանակությամբ ցինկ են պարունակում։ Այս սերմերը հեռացնում են վատ խոլեստերինն ու ավելորդ ճարպը։ Մասամբ պաշտպանում են կաթվածից և ինֆարկտից, նոսրացնում են արյունը, կանխում արյան թրոմբի առաջացումը։
Մյանմարի ռազմական խունտան մեղավոր է ճանաչել հայտնի քաղաքական գործիչ, նախկին առաջնորդ Աուն Սան Սու Չժիին տարբեր մեղադրանքներով: Դատավճռից մի քանի ժամ անց խունտայի առաջնորդը կրճատել է պատիժը։
Աղբյուր՝ dw.com
Ինդոնեզիայի Սեմերու հրաբխի ժայթքման հետևանքով զոհերի թիվը րեքշաբթի հասել է 34-ի: Այդ մասին հայտնել է աղետների ազգային գործակալությունը:
Աղբյուր՝ france24.com
Հարավային Սանարի-Սյուր-Մեր մունիցիպալիտետում երեքշաբթի՝ դեկտեմբերի 7-ին, պայթյուն է որոտացել եռահարկ շենքում: Պայթյունը տեղի է ունեցել գիշերը մոտ 03:50-ին և հանգեցրել նավահանգստային տարածքում բնակելի շենքի փլուզմանը: Չորս մարդ արդեն տեղափոխվել է առաջին բուօգնության, փլատակների տակ հնարավոր է գտնվի մինչև հինգ մարդ, սակայն զոհերի ճշգրիտ թիվը դեռ պարզվում է:
Աղբյուր՝ korrespondent.net
Նորաձևության մագնատ և արվեստի կոլեկցիոներ 46-ամյա Յուսակու Մաեզավան վերջին ամիսներին մարզվել է Մոսկվայից դուրս գտնվող տիեզերական կենտրոնում՝ նախքան դառնալը առաջին տիեզերական զբոսաշրջիկը, ով ՄՏԿ է մեկնել վերջին ավելի քան մեկ տասնամյակի ընթացքում: Մաեզավան ճամփորդելու է «Սոյուզ» տիեզերանավով, որը կգործարկվի չորեքշաբթի Ղազախստանի Բայկոնուր տիեզերակայանից: 12-օրյա ճամփորդությամբ նրան կուղեկցի իր օգնական Յոզո Հիրանոն:
Աղբյուր՝ reuters.com
Բժշկական գիտությունների դոկտոր, դիետոլոգ Միխայիլ Գինզբուրգն հայտնել է, որ ճարպակալման դեպքում պետք է չափավոր քանակի խուրմա և մանդարին օգտագործել: «Այնուամենայնիվ, և՛ խուրման, և՛ մանդարինները մեծ քանակությամբ շաքար են պարունակում։ Ճարպակալման, շաքարային դիաբետի՝ հատկապես երկրորդ տիպի, դեպքում, անցանկալի է չարաշահել մանդարինը»,- ասել է նա։
Աղբյուր՝ gazeta.ru
Մեծ Բրիտանիայում և ԱՄՆ-ում տասնյակ ռոհինջա փախստականներ դատի են տվել Facebook-ին՝ մեղադրելով սոցիալական ցանցերի հսկային իրենց դեմ ատելության խոսքի տարածումը թույլ տալու մեջ։ Նրանք պահանջում են ավելի քան 150 միլիարդ դոլարի փոխհատուցում՝ պնդելով, որ Facebook-ի հարթակները խթանում են բռնությունը հալածվող փոքրամասնության նկատմամբ:
Աղբյուր՝ bbc.com
Կուզբասի «Լիստվյաժնայա» հանքավայրում հայտնաբերվել է ևս 13 դի, ուսումնասիրվել է մոտ երկու կիլոմետր արտադրական տարածք: Արտակարգ պատահարի պատճառը, ըստ նախնական տվյալների, մեթանի պայթյունն է եղել։ Զոհվել է 51 մարդ՝ 46 հանքափոր և Արտակարգ իրավիճակների նախարարության հինգ աշխատակից: Ավելի քան 100 մարդ վիրավոր է:
Աղբյուր՝ ria.ru
«Բազեն և ձմեռային զինվորը» ֆիլմի հեղինակ Կարի Սքոգլանդը կնկարահանի «Կլեոպատրա» ֆիլմը: Բլոկբաստերում գլխավոր դերը կխաղա Գալ Գադոտը։ «Կլեոպատրայի» սցենարը գրել է «Անիծվածների կղզին» ֆիլմի հեղինակ Լաետա Կալոգրիդիսը։ Ֆիլմը պատմելու է Եգիպտոսի վերջին տիրակալի մասին՝ նախքան հռոմեացիների նվաճումը։
Աղբյուր՝ kulturomania.ru
Արմեն Մուրադյանը և Հայկուհի Մինասյանը Փարիզում պատմել են, թե ինչպես է ստեղծվել Զինվորի տունը և արձանագրեցին, որ, փաստորեն Հայաստանում, ի դեմս Զինվորի տան, արդեն ձևավորվել է այն օղակը, որ կարողացավ պատերազմից հետո օգնել վիրավոր զինվորներին վերականգնվել: Փարիզի Հաշմանդամների տունը և Զինվորի տունը երեկ նախնական համաձայնություն են ձեռք բերել փոխայցեր կազմակերպել:
Աղբյուր՝ Երևանի պետական բժշկական համալսարան
Երկուշաբթի Սեմերու հրաբուխը կրկին ակտիվացել է՝ արտանետելով մոխրի տաք ամպեր: Ինդոնեզիայի աղետների մեղմացման գործակալության փոխանցմամբ՝ 27 մարդ անհետ կորած է:
Աղբյուր՝ reuters.com
Ալժիրը որոշել է 100 մլն դոլար հատկացնել Պաղեստինի կառավարությանը։ Այս մասին երկուշաբթի օրը հայտարարել է Ալժիրի նախագահ Աբդելմաջիդ Տեբունը՝ Պաղեստինի նախագահ Մահմուդ Աբասի հետ համատեղ մամուլի ասուլիսում։ Պաղեստինի նախագահը եռօրյա այցով գտնվում է Ալժիրում։
Աղբյուր՝ tass.ru
«Բայդենի վարչակազմը որևէ դիվանագիտական կամ պաշտոնական ներկայացուցչություն չի ուղարկի Պեկին 2022-ի ձմեռային օլիմպիակա և պարալիմպիկ խաղերին՝ հաշվի առնելով ՉԺՀ-ի շարունակվող ցեղասպանությունը և մարդկության դեմ Սինցզյանում կատարված հանցագործություններն ու մարդու իրավունքների այլ խախտումները», - հայտնել է Սպիտակ տան մամուլի քարտուղար Ջեն Պսակին:
Աղբյուր՝ france24.com
Իրաքի ռազմաօդային ուժերը երկուշաբթի Բաղդադից դեպի արևմուտք հատվածում սպանել են «Իսլամական պետություն» ահաբեկչական խմբավորման վեց զինյալների։ Այս մասին հայտնում է SHAFAQ News լրատվական պորտալը՝ հղում անելով հանրապետության անվտանգության մարմինների հայտարարությանը։ Նրանց տվյալներով՝ հարձակումներն իրականացվել են Անբար նահանգի անապատային շրջաններից մեկում։
Աղբյուր՝ tass.ru
31-ամյա աստղը, ով իր ամուսնու՝ Կուկ Մարոնիի հետ սպասում է իրենց առաջնեկին, շլացրել է մինչև հատակ հասնող ոսկեգույն զգեստով՝ կիրակի գիշեր Նյու Յորքում «Մի՛ նայիր վերև» ֆիլմի պրեմիերայի ժամանակ նկարվելիս։ Լոուրենսն իր փայուն տեսքը լրացրել էր Tiffany & Co. Schlumberger ականջօղերով և վարսերն էլեգանտ ոճի սանրվածքով էին:
Աղբյուր՝ cnn.com
Գաստրիտով հիվանդ մարդկանց համար բանանի օգտագործումը անհրաժեշտ է ստամոքսի թթվայնությունը նվազեցնելու և այրոցի առաջացման վտանգը նվազեցնելու համար, սակայն աղիքային հիվանդությունների սուր փուլում ավելի լավ է հրաժարվել այս մթերքից: Այս մասին «ՌԻԱ Նովոստի»-ին պատմել է դիետոլոգ Տատյանա Ռազումովսկայան:
Եթովպիայի կառավարությունը հայտարարել է, որ Տիգրայի ապստամբներից հետ է գրավել ռազմավարական նշանակություն ունեցող Դեսի և Կոմբոլչա քաղաքները:
Աղբյուր՝ aljazeera.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
