Կարճ լուրեր
Իրանական Aseman ավիաընկերության ինքնաթիռը, որը Շիրազ քաղաքից թռչում էր Օմանի մայրաքաղաք Մասկատ, հարկադրված վայրէջք է կատարել՝ շարժիչի բռնկման պատճառով: Այս մասին հայտնել է IRIB պետական հեռուստատեսությունը։
Աղբյուր՝ ria.ru
Ավստրիայի դաշնային նախագահ Ալեքսանդր Վան դեր Բելենը երկուշաբթի ընդունել է նոր կանցլեր Կարլ Նեհամերի երդմնակալությունը: Արարողությունը տեղի է ունեցել երկուշաբթի՝ դեկտեմբերի 6-ին, դաշնային նախագահի նստավայրում։
Աղբյուր՝ ria.ru
Իրանը երկուշաբթի մեղադրել է Ֆրանսիային՝ Պարսից ծոցի տարածաշրջանը «ապակայունացնելու» մեջ այն բանից հետո, երբ Փարիզը Արաբական Միացյալ Էմիրությունների հետ 14 միլիարդ եվրո արժողությամբ ռեկորդային պայմանագիր ստորագրեց՝ 80 Rafale կործանիչներ մատակարարելու համար:
Աղբյուր՝ france24.com
Դերասան Ալեք Բոլդուինը ջնջել է Twitter-ի իր էջերից մեկը ABC-ին տված հարցազրույցից հետո, որտեղ նա պատմել է «Ժանգ» ֆիլմի նկարահանման հրապարակում օպերատոր Գալինա Հաթչինսի մահվան մասին։ Բոլդուինն ուներ Twitter-ի երկու հաստատված օգտահաշիվ, որոնցից մեկում նա առավել հաճախ էր գրառումներ կատարում: Դերասանը ջնջել է հենց այս հաշիվը։
Աղբյուր՝ kulturomania.ru
Ֆիլիպ Կիրկորովին մինչև 15 օր ժամկետով կալանք է սպառնում՝ ճանապարհային ոստիկանության կողմից նշանակված 90 տուգանք ժամանակին չվճարելու համար։ Դատարանը չի հայտնել, թե ինչ խախտման համար է երգիչը տուգանվել 90 անգամ։
Աղբյուր՝ tass.ru
Արաբական Միացյալ Էմիրությունների ազգային անվտանգության ավագ խորհրդականը երկուշաբթի Իրան կատարած բացառիկ այցի շրջանակում հանդիպում է անցկացրել իր իրանցի գործընկերոջ և կոշտ դիրքորաշում ունեցող նախագահ Էբրահիմ Ռաիսիի հետ՝ ի նշան երկու երկրների երկարամյա տարաձայնությունների հաղթահարմանը և համագործակցության ամրապնդմանը:
Աղբյուր՝ reuters.com
Սերբիայի ղեկավարության ներկայացուցիչների Ռուսաստան յուրաքանչյուր այցից հետո երկրի իշխանություններին սպառնում են արևմտյան պատժամիջոցներով: Այս մասին հայտարարել է Սերբիայի ՆԳ նախարար Ալեքսանդր Վուլինը, ով դեկտեմբերի 2-3-ը աշխատանքային հանդիպումներ են անցկացրել Մոսկվայում:
Աղբյուր՝ ria.ru
Մոսկվայի իշխանությունները ԶԻԼ-ում (Լիխաչյովի անվան գործարանում) Էրմիտաժի մասնաճյուղի կառուցման թույլտվություն են տվել։ Այս մասին հայտնել է «Մոսկոմստրոյինվեստ»-ի մամուլի ծառայությունը։
Աղբյուր՝ lenta.ru
Մյանմայի պաշտոնանկ արված առաջնորդ Աուն Սան Սու Չժին դատապարտվել է չորս տարվա ազատազրկման առաջին վճռով՝ մի շարք դատավճիռներից, որոնցով նա կարող է ցմահ ազատազրկվել: Նա մեղավոր է ճանաչվել այլախոհություն հրահրելու և Covid-ի կանոնները խախտելու մեղադրանքով՝ բնական աղետների մասին օրենքի համաձայն: Սու Չժիին ընդհանուր առմամբ առաջադրվել է 11 մեղադրանք: Նա հերքել է բոլոր մեղադրանքները։
Աղբյուր՝ bbc.com
«Լիվերպուլի» ղեկավարությունը կարծում է, որ ֆուտբոլիստը կօգնի թիմին ուժեղացնել կիսապաշտպանության գիծը։ Ինքը՝ իսպանացին, պատրաստ է նոր ակումբ տեղափոխվել։ 25-ամյա Ռուիսը «Նապոլիում» հանդես է գալիս 2018 թվականի ամառից։ Նրա պայմանագիրն ավարտվում է 2023 թվականին։ Transfermarkt-ը խաղացողին գնահատում է 45 միլիոն եվրո։
Աղբյուր՝ sport-express.ru
Էբրահիմ Ռաիսին խոստացել է լուծել Իրանի տնտեսական դժվարությունները և ասել, որ իր կառավարությունն աշխատում է պատժամիջոցները չեղարկելու ուղղությամբ: Այս մասին նա հայտարարել է կիրակի օրը կայացած հեռուստատեսային հարցազրույցում՝ նշանավորելով իր իշխանության առաջին 100 օրը:
Աղբյուր՝ france24.com
«WTF Մարկ Մարոնի հետ» փոդքասթի շրջանակում դերասան Բենեդիկտ Քամբերբեչը պատմել է, թե ինչպես են Աֆրիկայում ավազակները կապել իրեն կոշիկների քուղերով և մտցրել մեքենայի բեռնախցիկը: Դեպքը տեղի է ունեցել 2004 թվականին՝ «Ճանապարհորդություն դեպի աշխարհի ծայրը» մինի-սերիալի նկարահանման ժամանակ: Հարձակման պահին Քամբերբեչի հետ են եղել ևս երկու դերասաններ: Նրանց բաց են թողել՝ գումարը և բանկային քարտերը վերցնելուց հետո:
Աղբյուր՝ gazeta.ru
Օդերևութաբանական ծառայությունը նախազգուշացրել է սպասվող խիստ եղանակային պայմանների մասին: Երեքշաբթի Անգլիայում, Ուելսում և Հյուսիսային Իռլանդիայում կլինի քամու վտանգի բարձր՝ դեղին, մակարդակ իսկ հարավային և արևմտյան Շոտլանդիայում՝ ձյան դեղին մակարդակ: «Արվեն» փոթորկից մեկ շաբաթ անց հազարավոր տներ դեռևս հոսանքազրկված են:
Աղբյուր՝ theguardian.com
2022 թվականին ավելի քան 5500 տարեց, հաշմանդամություն ունեցող անձ կամ անօթևան քաղաքացի կօգտվի ԱՍՀՆ աջակցությամբ տրամադրվող խնամքի և այլ ծառայություններից։ Վերոնշյալ շահառուներին ՀՀ բոլոր մարզերում ծառայություններ կմատուցվեն 5 ուղղություններով, այդ թվում՝ տնային խնամք, ցերեկային խնամք, անօթևաններին՝ կացարանի տրամադրում:
Աղբյուր՝ ՀՀ աշխատանքի եւ սոցիալական հարցերի նախարարություն
Տեսանյութը հրապարակվել է Sony Pictures Entertainment-ի YouTube ալիքում։ Անիմացիոն ֆիլմը կթողարկվի երկու մասով: Առաջինը կցուցադրվի 2022 թվականի հոկտեմբերին։
Աղբյուր՝ kulturomania.ru
Հայաստանում կմեկնարկի «Սպուտնիկ Լայթ» պատվաստանյութի արտադրությանը։ Էկոնոմիկայի նախարարության փոխանցմամբ, արտադրողը լինելու է «ԼԻԿՎՈՐ» դեղագործական ընկերությունը։
Նոյեմբերի 29-ից դեկտեմբերի 5-ն գրանցվել է 67 հրդեհի, 2 փլուզման, 2 քարաթափման, 10 ինքնասպանության փորձի դեպք, 82 ճանապարհատրանսպորտային պատահար, ինչպես նաև՝ 130 կենցաղային կանչ: Տուժել է 114 մարդ, իսկ փրկարարական օպերատիվ գործողությունների արդյունքում փրկվել է 5 քաղաքացի: Նախորդ շաբաթվա ընթացքում ընդհանուր գրանցվել է 18 մահ: Արձանագրվել է թունավորման 13 դեպք:
Աղբյուր՝ ՀՀ ԱԻՆ
Նիստը հյուրընկալել և համակարգել է Սլովենիայի Հանրապետությունը՝ Հայաստանի Հանրապետության հետ համանախագահությամբ: Նիստի ընթացքում ԲԳՀԽ-ի աշխատանքային կառուցվածքի խմբերը և խորհրդատվական անդամները ներկայացրել են ընթացքի մեջ գտնվող աշխատանքների վերաբերյալ տեղեկատվություն, իսկ Բոլոնիայի քարտուղարությունը՝ գործընթացի ներկայիս իրավիճակը։
Աղբյուր՝ ՀՀ ԿԳՄՍՆ Հասարակայնության հետ կապերի և տեղեկատվության վարչություն
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
